مريض 34 سنة راجع العيادة لأنه بالصدفة عمل تحليل روتيني وطلع عنده الهيموغلوبين 17.5 ... كيف رح تتصرف؟

#سوالف_مقيمين #دموية #داخلية

مريض 60 سنة مشخص لديه فرط صفيحات أساسي
Essential thrombocythemia
تم إسعافه من قبل ذويه إلى عيادة متنقلة في ريف المدينة بشكاية تغيم وعي منذ ساعتين
Glucose : 130
Na: 137
K: 3.6
HGB: 10
PLT: 1,600,000 u/L
WBC: 8
اقترح أحد الأطباء تركيب أنبوب أنفي معدي وإعطاء الأسبرين لحين وصول المريض إلى أقرب مشفى
ما رأيك؟

#سوالف_مقيمين #داخلية #دموية #سوالف_أخصائيين #وطني #إسعاف #سنة_سادسة

نقص فون ويلبراند المكتسب 🩸🩸!!! فيديو جديد من سوالف مقيمين
https://youtu.be/PTblZxwGvdI?si=gbehFdIau_X85kIQ

#إسعاف #سوالف_مقيمين #سوالف_أخصائيين #داخلية #دموية

مريض ابيضاض نقوي مزمن ( CML : Chronic Myeloid Leukemia)
تطور لديه انصباب جنب... مارح طول عليك السيرة
... هذا تأثير جانبي للعلاج الي أخذه الي حتى ممكن يعمل انصباب تامور ... شو ممكن يكون أخذ؟
🎃 الجواب بأول تعليق

#سوالف_مقيمين #سوالف_أخصائيين #دموية #قلبية #داخلية #

أنت مناوب عناية قلبية وحاطط هالشيبسات والبزر وعم تحضر (The walking dead)
وفجأة بجيكن قبول صمة رئوية عند مريضة عمرها 30 سنة متزوجة وتتناول مانعات الحمل الفموية.... دوبلر الطرف السفلي يتماشى مع خثار وريدي عميق... تذكر قصة خثار وريدي عميق عند الأم.
بلشتو هيبارين يا معلم وعم تراقبو ال
APTT
بس ماعم يتطاول.... شو السبب؟

A) الهيبارين مغشوش
B) Antithrombin III deficiency

#سوالف_مقيمين #جونيور #داخلية #دموية #قلبية #إسعاف

شاب 17 سنة شخصت عنده التهاب معدة وأمعاء ... المريض مستقر وماعنده ألم ولا علامات تجفاف وتوقف الإقياء بس عنده غثيان... أنت حبيت تريحه وتخفف أعراضه وتعطيه حقنة... شو تعطيه:
A) Ondansetron 4 mg
B) Metoclopramide 10 mg

#سوالف_مقيمين #سنة_سادسة #إسعاف #جونيور #داخلية

نصيحة هاااااااامة جداااا 🔥🔥 أكتر تشخيص بخاف منه هو التهاب المعدة والأمعاء لأنه إذا ما تقيم صح بكل سهولة ممكن يخفي وراه تشخيص آخر ... قبل ما تصرف مريض على أنه التهاب معدة وأمعاء حاول تنفي هالأشياء اللعينة وتعمل تخطيط قلب:
-التهاب زائدة
-التهاب بنكرياس
-حماض كيتوني سكري
-احتشاء عضلة قلبية
-التهاب كبد
-انسداد أمعاء
-انثقاب أحشاء

والقصة القصة القصة... أخي اخذ قصة منيح... يعني أكل شي من برة البيت ؟ الي اكلو معه صار معهن شي؟ معه اسهال؟ مع أعراض تانية؟؟؟؟ حالته العامة كيف؟؟

شو هي أول أول أول خطوة تعملها لما تمسك تخطيط القلب ؟

#سوالف_مقيمين #داخلية #إسعاف #جونيور #قلبية #سنة_سادسة

قبل كلشي نتأكد أنه التخطيط هو فعلا لمريضنا ومن إعدادات التسجيل يعني 25 مم/ثانية و 10 م فولت وأنه موجات AVR كلها سلبية بعدين تبلش بموجات P وأنه جيبي ولا لا وتعرف النظم وإلى آخره.... ليش عم ركز على هالنقطة؟!! لأنه إذا كان التخطيط معمول بإعدادات مختلفة رح يطلع معك شغلات مختلفة وتشخص شغلات مختلفة تماماً. من النظم للفولتاج ولحتى قطعة ST وأزيد من الشعر بيت أنه تكون عم تراقب مريض فكل نص مثلاً عم تخططله إذا كل مرة انعمل بإعدادات شكل رح يطلع معك تخطيط مختلف وتفرق معك من السما للأرض بالتقييم !!!!!

الفيديو الي قبله حذفته لأن اجاني إشعار بسبب حقوق النشر من* شركة المسلسل

جونيور هاي هي الحالة الي قلتلك نطلب فيها شحوم ثلاثية

سوالف مقيمين 18:
https://youtu.be/iy4-2RYMo1k?si=ixOt80urdAVrNlEs

#سوالف_مقيمين #دموية #داخلية #إسعاف #جونيور #سوالف_أخصائيين

(LDL)سؤالي مو على التخطيط... سؤالي قيمة ال
الهدف عند هذا المريض صاحب التخطيط شو هي ؟؟ وإذا هو بالأساس قيمته ضمن الهدف يحتاج نعطيه ستاتينات؟

#سوالف_مقيمين #داخلية #قلبية #جونيور #سنة_سادسة

هدفنا تحت ال 55 أو خفض 50 بالمية ...وبعد تاني حدث نقص تروية يصير تحت ال 40 وحتى لو كانت قيمة ال LDL حوالي 50 مثلا بعد اول احتشاء كمان بنبلشلو ستاتينات وياخدها طول العمر لأن هدفنا مو بس خفض الشحوم إنما استقرار اللويحات العصيدية وتقليل فرصة حدوء احتشاء جديد. والسؤال الك الآن صديقي: إذا مع الستاتين ماقدرنا نوصل للهدف شو ممكن نعطي ؟

بتخطيط القلب: المريض عنده احتشاء أمامي واسع مع احتشاء سفلي

من فترة (الله أعلم من كم سنة) وعدتكن احكي عن الاختصاص بتركيا من حيث المقاعد والرواتب والمعيشة والتعليم وباقي النواحي...هاد الجزء الأول ... الجزء التاني بكرا أو بعده رح أرفعه ان شاء الله.... إذا لسة في أشياء حابين تسألو عنها اكتبولي

https://youtu.be/w8zCm0-AvyA?si=2sJGvQymEaKgKS8n

#جونيور #داخلية #تركيا

الاختصاص في تركيا "2" ... بهالفيديو حكيت عن الرواتب والمعيشة والأسعار

شوفوه وإذا لسة في أسئلة اكتبولي... بالتوفيق

https://youtu.be/Pz5HmOy3Xnk?si=q3xb0Km8hNEGKDh-

#تركيا #داخلية #جونيور

مريض 40 سنة بدون سوابق مرضية أو دوائية معروفة راجع الإسعاف بألم مراق أيمن منذ يومين مع غثيان. يقول مرافق المريض: دكتور من ألمه فقد الوعي تماما وجبناه.

مورفي: إيجابية .. المريض واعي ومتوجه ومتجاوب

يذكر المريض قصة ألم مراق أيمن متكرر بعد الطعام منذ شهرين.
ماهي الخطوة التالية؟

#داخلية #سوالف_مقيمين #سوالف_أخصائيين #إسعاف #سنة_سادسة

جواب الحالة السابقة... مريض التهاب مرارة حصوي حاد صار عنده غشي ( syncope) ..
وتخطيطه عبارة عن حصار قلب تام... بيسموها ببعض الكتب
Cope sign
سببها منعكس تنبيه المبهم
شوية شرح بالتعليقات

#سوالف_أخصائيين #سوالف_مقيمين #داخلية #إسعاف

القاعدة الي اتفقنا عليها من زمان وبرجع ذكري حالي وذكركن فيها:
-بشكايات الألم البطني والدوار دوماً دوما خطط
-وأتوماتيكيا مجرد ماخططت رح تكشف الحصار مابهمك اسم العلامة ان شاء الله يكون إسمها علامة حسوني
-بسبب الألم يصير تنبيه مبهي ويؤدي إلى تباطؤ قلب قد يصل إلى حصار عقدة اذينية بطينية تام.
-القصة السريرية هاااااامة كيف فقد الوعي؟ اختلج؟ فلت بول؟ مين شافه؟ حدا صوره ؟
مشان ما تصير متل النكتة تبع دكتور حاسس في سكين بظهري وهو عنجد في سكين مو تشبيه

-شوف هيك مريض مستحيل ينصرف معك عالبيت على أنه التهاب معدة (لو آكل حجر مابصير معه هيك) حتى لو ألمه خف بالإسعاف.. يعني ألم وصار بعده إغماء بدها تدقيق

عزيزي جونيور:
إلى أين يمضي الاختصاص بي؟ ما الذي يصنعه فرز الكلية بنا؟ إنه يفقد الأشياء بهجتها ويقودنا نحو الكآبة...

... إنني أتعفن مللا لو لا طلاب وطالبات السنة السادسة، أعيد بها خلق الأشياء من جديد.. كل الفروز تغدو باردة وباهتة بعدما يطؤها رئيس المقيمين.. ماذا أصنع؟ أريد أن أبتكر محاضرات وألوانا جديدة، غير تلك التي يتعثر بصرنا بها كل يوم.

كل الأضابير لها بريق حزين في قلبي.

في قلب الإسعاف ثمة خطوط من البهجة أريد لألواني أن تظهرها، في غرف "التمريض" والطابق السابع بممراته الطويلة. وحتى "حذاء الحارس الي عالباب" الذي يرشح بؤسا ثمة فرح ما

أبصق في السكن وأخرج ...

مازلت أذكر:

السنة العليا تلح علي كثيراً فهل أستطيع ألا أفعل؟ كامن في إسعاف المركز، أيها اللون الأصفر (بنص عيونك بغرفة المناوب) يا أنا. أمتص من شعاع هذا الشوفاج البهيج

. لن ينتهي القبول أبداً...

وداعاً يا جونيور، "سأغادر نحو الصحة

مشان الي ماعرف شو القصة:
النص الأصلي هو رسالة فان كوخ لشقيقه ثيو قبل ما ينتحر... عدلت عليها من باب المسخرة وقت الاختصاص..كوميديا سوداء يعني.... النص الأصلي حلو إذا حدا يحب يقرأه بس حزين

مرحبا أصدقائي... محتاجكن بخدمة 🙏🏻.. فتحت فرع للقناة بالتركي يعني فيديوات طبية قصيرة ناطقة باللغة التركية.. طلبي منكن أنه تشتركو فيها (أنه تعملو subscribe) حتى تخدمني بحياتي العملية هون وطبعا أنا مستمر معكن بالقناة الأساسية ان شاء الله ...
https://youtu.be/8__92XDRqoQ?si=Oiu-wvi-jiqpt4b2