هدفنا تحت ال 55 أو خفض 50 بالمية ...وبعد تاني حدث نقص تروية يصير تحت ال 40 وحتى لو كانت قيمة ال LDL حوالي 50 مثلا بعد اول احتشاء كمان بنبلشلو ستاتينات وياخدها طول العمر لأن هدفنا مو بس خفض الشحوم إنما استقرار اللويحات العصيدية وتقليل فرصة حدوء احتشاء جديد. والسؤال الك الآن صديقي: إذا مع الستاتين ماقدرنا نوصل للهدف شو ممكن نعطي ؟

بتخطيط القلب: المريض عنده احتشاء أمامي واسع مع احتشاء سفلي

من فترة (الله أعلم من كم سنة) وعدتكن احكي عن الاختصاص بتركيا من حيث المقاعد والرواتب والمعيشة والتعليم وباقي النواحي...هاد الجزء الأول ... الجزء التاني بكرا أو بعده رح أرفعه ان شاء الله.... إذا لسة في أشياء حابين تسألو عنها اكتبولي

https://youtu.be/w8zCm0-AvyA?si=2sJGvQymEaKgKS8n

#جونيور #داخلية #تركيا

الاختصاص في تركيا "2" ... بهالفيديو حكيت عن الرواتب والمعيشة والأسعار

شوفوه وإذا لسة في أسئلة اكتبولي... بالتوفيق

https://youtu.be/Pz5HmOy3Xnk?si=q3xb0Km8hNEGKDh-

#تركيا #داخلية #جونيور

مريض 40 سنة بدون سوابق مرضية أو دوائية معروفة راجع الإسعاف بألم مراق أيمن منذ يومين مع غثيان. يقول مرافق المريض: دكتور من ألمه فقد الوعي تماما وجبناه.

مورفي: إيجابية .. المريض واعي ومتوجه ومتجاوب

يذكر المريض قصة ألم مراق أيمن متكرر بعد الطعام منذ شهرين.
ماهي الخطوة التالية؟

#داخلية #سوالف_مقيمين #سوالف_أخصائيين #إسعاف #سنة_سادسة

جواب الحالة السابقة... مريض التهاب مرارة حصوي حاد صار عنده غشي ( syncope) ..
وتخطيطه عبارة عن حصار قلب تام... بيسموها ببعض الكتب
Cope sign
سببها منعكس تنبيه المبهم
شوية شرح بالتعليقات

#سوالف_أخصائيين #سوالف_مقيمين #داخلية #إسعاف

القاعدة الي اتفقنا عليها من زمان وبرجع ذكري حالي وذكركن فيها:
-بشكايات الألم البطني والدوار دوماً دوما خطط
-وأتوماتيكيا مجرد ماخططت رح تكشف الحصار مابهمك اسم العلامة ان شاء الله يكون إسمها علامة حسوني
-بسبب الألم يصير تنبيه مبهي ويؤدي إلى تباطؤ قلب قد يصل إلى حصار عقدة اذينية بطينية تام.
-القصة السريرية هاااااامة كيف فقد الوعي؟ اختلج؟ فلت بول؟ مين شافه؟ حدا صوره ؟
مشان ما تصير متل النكتة تبع دكتور حاسس في سكين بظهري وهو عنجد في سكين مو تشبيه

-شوف هيك مريض مستحيل ينصرف معك عالبيت على أنه التهاب معدة (لو آكل حجر مابصير معه هيك) حتى لو ألمه خف بالإسعاف.. يعني ألم وصار بعده إغماء بدها تدقيق

عزيزي جونيور:
إلى أين يمضي الاختصاص بي؟ ما الذي يصنعه فرز الكلية بنا؟ إنه يفقد الأشياء بهجتها ويقودنا نحو الكآبة...

... إنني أتعفن مللا لو لا طلاب وطالبات السنة السادسة، أعيد بها خلق الأشياء من جديد.. كل الفروز تغدو باردة وباهتة بعدما يطؤها رئيس المقيمين.. ماذا أصنع؟ أريد أن أبتكر محاضرات وألوانا جديدة، غير تلك التي يتعثر بصرنا بها كل يوم.

كل الأضابير لها بريق حزين في قلبي.

في قلب الإسعاف ثمة خطوط من البهجة أريد لألواني أن تظهرها، في غرف "التمريض" والطابق السابع بممراته الطويلة. وحتى "حذاء الحارس الي عالباب" الذي يرشح بؤسا ثمة فرح ما

أبصق في السكن وأخرج ...

مازلت أذكر:

السنة العليا تلح علي كثيراً فهل أستطيع ألا أفعل؟ كامن في إسعاف المركز، أيها اللون الأصفر (بنص عيونك بغرفة المناوب) يا أنا. أمتص من شعاع هذا الشوفاج البهيج

. لن ينتهي القبول أبداً...

وداعاً يا جونيور، "سأغادر نحو الصحة

مشان الي ماعرف شو القصة:
النص الأصلي هو رسالة فان كوخ لشقيقه ثيو قبل ما ينتحر... عدلت عليها من باب المسخرة وقت الاختصاص..كوميديا سوداء يعني.... النص الأصلي حلو إذا حدا يحب يقرأه بس حزين

مرحبا أصدقائي... محتاجكن بخدمة 🙏🏻.. فتحت فرع للقناة بالتركي يعني فيديوات طبية قصيرة ناطقة باللغة التركية.. طلبي منكن أنه تشتركو فيها (أنه تعملو subscribe) حتى تخدمني بحياتي العملية هون وطبعا أنا مستمر معكن بالقناة الأساسية ان شاء الله ...
https://youtu.be/8__92XDRqoQ?si=Oiu-wvi-jiqpt4b2

مسالخير أصدقائي... إذا حدا عنده نسخة حديثة من ال Uworld (أحدث من 2021) ممكن يشاركها معنا 🙏🏻؟

الشباب: ترا أنت لازم تدبرلنياها مو العكس

لما يكون في احتشاء بارتفاع قطعة أس تي فورا لازم يتم التداخل بالقثطرة الإسعافية أو بحالات الخثرة... لكن في بعض الحالات يكون في ارتفاع بس مو ظاهر لذلك لازم ننتبه حتى نحصله ونتداخل بسرعة

فيديو جديد 🔥

https://youtu.be/Z6XYGgVEE0k?si=ySpI29ajLrO0YZYt

#سوالف_مقيمين #داخلية #إسعاف #جونيور #قلبية

مريض 75 سنة راجع الإسعاف بشكاية ألم صدري ضاغط منذ
ساعتين. لديه ارتفاع توتر شرياني معالج بالبيريندوبريل

ملاحظة: تخطيط خطير اخذ وقتك وحاول تجاوب 🔥

#سوالف_أخصائيين #سوالف_مقيمين #إسعاف

Cardiovascular dysphagia مارة عليك من قبل ؟
عسرة بلع قلبية

#سوالف_مقيمين #داخلية #قلبية #هضمية

أي مكان بالجسم (يعني وريد أو شريان أي عضو ببساطة) يحوي أكثر نسبة دم غير مؤكسج
💙
وهي خيارات كمان:

A) البطين الأيمن
B) الشريان الرئوي
C) الوريد الرئوي
D) الشريان الإكليلي
E) الجيب الإكليلي
F) الوريد الكلوي
G) وريد الباب

عند مرضى النزف الهضمي العلوي على سبيل المثال اجاك مريض وقلك : صرلي يومين لون خروجي غامق كيف نتوجه أنه يا ترى هو حالياً عنده نزف فعال ولا نزف وتوقف ؟
من القصة والفحص بدون تحاليل وتنظير

#داخلية #هضمية #إسعاف #جونيور #سوالف_مقيمين

#سنة_سادسة #وطني هااااااام 🔥🔥🔥
1-تنجم معظم الوفيات لدى المصابين بأذيات البنكرياس عن :
A. خراجات البنكرياس
B. كيسات بنكرياس كاذبة
C. نواسير البنكراياس
D. نواسير عفج
E. أذيات الأوعية المرافقة

2-في اليرقان الانسدادي: :
A. SGPT يرتفع
B. SGOT يرتفع
C. يرتفع البليروبين غير المباشر
D. ترتفع الفوسفتاز القلوية
E. يرتفع زمن البروترومبين

3-من الاختلاطات الباكرة عند الوليد الخديج عدا :
A. متلازمة الضائقة التنفسية
B. بقاء القناة الشريانية مفتوحة
C. كسور الترقوة
D. النزف ضمن البطنيات الدماغية
E. انتان الدم

4-الخروس المسنة – تكون عرضة أكثر لما يلي عدا :
A. الإجهاض
B. اقياءات حملية معندة
C. نسبة حدوث أعلى للشذوذات الصبغية بما فيها متلازمة داون
D. المشيمة المنزاحة
E. ارتفاع معدل إجراء العملية القيصرية

الله يحميكن يارب وموفقين

ممكن يجيك سؤال بالوعائية وبكلمتين صغار:
أهم العوامل لتسلخ الأبهر: ارتفاع التوتر الشرياني
أهم العوامل لتكون أم الدم هو التدخين

للحفظ: التدخين هو بينفخخخخ يعني يسبب أم دم

بالتوفييييييييييييييق أصدقائي ❤️

#سنة_سادسة #وطني

نقص حس الاهتزاز والوضعية هي العلامات التي تظهر باكراً بنقص فيتامين ب 12 وتسبق فقر الدم .

Decreased vibratory and position sense are early signs of vitamin B12, and they can occur in the absence of frank anemia

*بالتعليقات عندي نصيحة للمقيمين ولطلاب السادسة

#إسعاف #جونيور #داخلية #عصبية #وطني #سوالف_مقيمين

طلاب السادسة الي عم يسأل عن طريقة الدراسة للوطني بهالفيديو في عدة نصائح ان شاء الله يفيدوك.... وبالنسبة للخريجين الي شافو الفيديوات إذا حدا عنده ملاحظات يتفضل يشاركنا بالتعليقات

مو ضروري تطبق كل الملاحظات بس لاااااااازم تطبق المراجعات المستمرة 🔥 أهم فقرة بطريق الوطني هي المراجعات المستمرة... مو بس للوطني بمشوارك المهني كله

https://youtu.be/FiZzBcemrSA?si=nxkGM6PXeauNZis5

#داخلية #سنة_سادسة #وطني

صديقنا جمال شاطر جدا بالبحث العلمي وبشارك أشياء مفيدة ❤️

https://t.me/ResRefcom/306