رح حاول أختصر... نحن كأطباء مقيمين وطلاب طب محتاجين شغلتين علم وماديات.... فتحت قناتي من 4 سنوات وأنا ببالي هالشغلتين... اليوم بدي أحكي ع الشق المادي ... بدي كون واقعي وما بدي قلك سافر وبلدنا كئيبة وهالكلام الفارغ... أنا أريد أقترح حلول عملية... من المعروف أنه قنوات اليوتيوب الها عائدات وكانت نيتي تكون النا نحن مع بعض ندعم بعض بدون منية حدا ولا تدخل حدا... وتكون مصدر دخل على الأقل تغنينا أنه نشتغل شغلة تانية بعيدة عن مجالنا تستهلك وقتنا وجهدنا

يعني بحيث تصير كفرص عمل جزئية ... أنه على سبيل المثال لما أجي أصور سلسلة معينة يكون في عدد معين من الطلاب كل واحد مكلف بالبحث عن معلومة وتدقيقها وبالمقابل ياخذ أجر

هلا بصراحة الفكرة ببالي و صرلي كذا سنة
ساكت عليها 😂 لحد ما تتحقق بس لما حسيت صعب تتطبق بدون ما أحكي معكن ونشتغل سوا قررت أخبركن

هلا كيف ممكن نبلش ممكن أشرح هالشي بفيديو قصير بس باختصار .... بما أنه أغلب مشاهداتنا من سوريا فما عليها أرباح وما بالك إذا كانت أوفلاين... الحل هو طبعا كاسر بروكسي ونستغل الكهربا والنت قدر الإمكان.... ما بعرف لأي درجة المشروع قابل للتحقيق بس برأيي يستحق المحاولة والقصة بيناتنا ونستغل الموارد الي بين ايدينا وطبعا فرق العملة كمان

حكيت كتير بس قلبي محروق علينا .. بغار عليك لما بشوفك بلا حيلة .. لهيك هدفي شي بعيدا عن المحسوبيات والواسطات القذرة ..للناس العاديين بعيدا عن شعارات متل الطريق إلى ألمانيا وأمريكا ونحن دخلة بيروت لحالها عنا بدها تصميد وتجميع مبالغ أشهر طويلة اذا مو سنين... هدفي "كيف تختص بسوريا" يجوز يكون سباحة عكس التيار بس مارح أرضى نكون انهزاميين وما نحاول نعمل شي وبالذات القصة أساسها عمل جماعي على الإنترنت...

سنة سادسة ارخي حالك....

1- الصورة هي تعبير عن وهم صعوبة الوطني وهو مو هيك ابدااا وبالذات إذا دارس معنا... طبعا إذا أنت عم تسمعني بسرعة ×25 أكيد طاير نص الحكي ماعم تسمعه بس يلة أحسن من بلا

2- ارخي حالك يعني ارخي أعصابك لا تتوتر

بالتوفييييييييييييييق ❤️

سنة ثالثة... أدوية

المينوكسيديل بالأساس كان علاج شو (غير موضوع الشعر طبعا) ؟ وشو آلية تأثيره؟

#أدوية #سنة_ثالثة

الفرعيين بهداك القسم جايين يردوا على استشارة:

*يا زلمة تحسهن عم ينظروا النا كأنه نحن حشرات....لا وفي عندك هاد السؤال تبع مين الي رفع الاستشارة؟؟ بدهن يشوفو شكلو ... كأنهن جايين يتفو عليه مو يجاوبوه

بتبقى تاكل وبتعيط من فرط اللذة...

سؤال لشباب الإسعاف... لما تعمل طبقي للرأس Head CT بتروح تشوف الصورة على الكومبيوتر؟ ولا خلص تكتفي أنه المرافق يصورلك الشاشة فيديو ببطء بدقة ممتازة ؟

الجواب: تروح تشوفها ولا تكتفي أبداااااااااااا بالفيديو لأن ببساطة مارح يغيرو النوافذ ... رح يصورلك نافذة وحدة ويجي وإذا أنت عم تدور على احتشاء دماغي ممكن ما تشوفه !!!!!!! لأن في شي إسمه stroke window

في صورة بالتعليقات

#اسعاف #أشعة

لما يكون الفرز بدون سنوات عليا... بس جونيورية وأخصائي... ✍🏻

بزل ال CSF لمريض واسطة 🔫

سؤال... بعد فترة من هجمة التهاب بنكرياس راجع مريض بألم بطني ونقص صفيحات وإقياء دم وضخامة طحالية... شو ممكن يكون السبب؟

الصورة من صفحة تجديد الخطاب الشعري ❤️

مرافق المريض...

مناوب العناية القلبية بمشفى الباسل.... المكان الي تشوف منه الرايح والجاي وتنزل ستوريات.... ✍🏻

سؤال هام للجونيور: اتصلت فيك ممرضة الديال وقالتلك أنه هي المريضة صار عندها عرواءات ( chills) وبالفعل رحت ولقيت المريضة عم ترجف... شو أول شي لازم يخطرلك؟

الجواب بفيديو ينزل المسا ان شاء الله 🔥

#اسعاف #كلية #جونيور

جواب السؤال السابق هو : انتان القثطرة catheter infection ...
أصدقائي الشكاية هي عرواءات chills بتوجهني للشي الانتاني وبالذات لما تصير أثناء الجلسة.... اضطرابات الشوارد شائعة صح بس ترا شكاية المريضة تتماشى مع شي انتاني وليس حركة عضلية

لكن هون في سؤالين حلوين 🤗....
1- القثطرة نتركها ولا نشيلها ؟
2- القثطرة الوداجية المؤقتة (temporary jugular) ايمت لازم تتغير؟ طيب الفخذية femoral ؟

أجوبة كل الأسئلة مذكورة بالفيديو...

سنة سادسة... هاد فيديو التطور الروحي الحركي للأطفال... ان شاء الله يكون مفيد للامتحان

https://youtu.be/gg4MgMfPm_4

وتشرب من فنجانك وأشرب من عينيك.. ✍🏻

جونيور: اجاك مريض 70 سنة بشكاية تعب عام...

HGB: 7
MCV: 106
WBC: 2200
PLT: 90,000

طلبت Folate, B12 طلعو طبيعيات.... شو ممكن يكون السبب؟
يا أخي وكمان هرمونات الدرق طبيعية وما بيشرب كحول .


بعدين إذا كان زنغين لدرجة يشرب كحول طبعا مارح يجي لعندك بس يلة معلش..

#اسعاف #باطنة #دموية

من يجيكن على الإسعاف أخصائي من غير قسم مشان حدا من طرفه وجايين معه كل حاشيته...

لما تحكيله شغله بقلك "اي بعرف بعرف بعرف بعرف بعرف..... أنا أخصائيكن كان معي بنفس بالدفعة"