سنة سادسة ارخي حالك....

1- الصورة هي تعبير عن وهم صعوبة الوطني وهو مو هيك ابدااا وبالذات إذا دارس معنا... طبعا إذا أنت عم تسمعني بسرعة ×25 أكيد طاير نص الحكي ماعم تسمعه بس يلة أحسن من بلا

2- ارخي حالك يعني ارخي أعصابك لا تتوتر

بالتوفييييييييييييييق ❤️

سنة ثالثة... أدوية

المينوكسيديل بالأساس كان علاج شو (غير موضوع الشعر طبعا) ؟ وشو آلية تأثيره؟

#أدوية #سنة_ثالثة

الفرعيين بهداك القسم جايين يردوا على استشارة:

*يا زلمة تحسهن عم ينظروا النا كأنه نحن حشرات....لا وفي عندك هاد السؤال تبع مين الي رفع الاستشارة؟؟ بدهن يشوفو شكلو ... كأنهن جايين يتفو عليه مو يجاوبوه

بتبقى تاكل وبتعيط من فرط اللذة...

سؤال لشباب الإسعاف... لما تعمل طبقي للرأس Head CT بتروح تشوف الصورة على الكومبيوتر؟ ولا خلص تكتفي أنه المرافق يصورلك الشاشة فيديو ببطء بدقة ممتازة ؟

الجواب: تروح تشوفها ولا تكتفي أبداااااااااااا بالفيديو لأن ببساطة مارح يغيرو النوافذ ... رح يصورلك نافذة وحدة ويجي وإذا أنت عم تدور على احتشاء دماغي ممكن ما تشوفه !!!!!!! لأن في شي إسمه stroke window

في صورة بالتعليقات

#اسعاف #أشعة

لما يكون الفرز بدون سنوات عليا... بس جونيورية وأخصائي... ✍🏻

بزل ال CSF لمريض واسطة 🔫

سؤال... بعد فترة من هجمة التهاب بنكرياس راجع مريض بألم بطني ونقص صفيحات وإقياء دم وضخامة طحالية... شو ممكن يكون السبب؟

الصورة من صفحة تجديد الخطاب الشعري ❤️

مرافق المريض...

مناوب العناية القلبية بمشفى الباسل.... المكان الي تشوف منه الرايح والجاي وتنزل ستوريات.... ✍🏻

سؤال هام للجونيور: اتصلت فيك ممرضة الديال وقالتلك أنه هي المريضة صار عندها عرواءات ( chills) وبالفعل رحت ولقيت المريضة عم ترجف... شو أول شي لازم يخطرلك؟

الجواب بفيديو ينزل المسا ان شاء الله 🔥

#اسعاف #كلية #جونيور

جواب السؤال السابق هو : انتان القثطرة catheter infection ...
أصدقائي الشكاية هي عرواءات chills بتوجهني للشي الانتاني وبالذات لما تصير أثناء الجلسة.... اضطرابات الشوارد شائعة صح بس ترا شكاية المريضة تتماشى مع شي انتاني وليس حركة عضلية

لكن هون في سؤالين حلوين 🤗....
1- القثطرة نتركها ولا نشيلها ؟
2- القثطرة الوداجية المؤقتة (temporary jugular) ايمت لازم تتغير؟ طيب الفخذية femoral ؟

أجوبة كل الأسئلة مذكورة بالفيديو...

سنة سادسة... هاد فيديو التطور الروحي الحركي للأطفال... ان شاء الله يكون مفيد للامتحان

https://youtu.be/gg4MgMfPm_4

وتشرب من فنجانك وأشرب من عينيك.. ✍🏻

جونيور: اجاك مريض 70 سنة بشكاية تعب عام...

HGB: 7
MCV: 106
WBC: 2200
PLT: 90,000

طلبت Folate, B12 طلعو طبيعيات.... شو ممكن يكون السبب؟
يا أخي وكمان هرمونات الدرق طبيعية وما بيشرب كحول .


بعدين إذا كان زنغين لدرجة يشرب كحول طبعا مارح يجي لعندك بس يلة معلش..

#اسعاف #باطنة #دموية

من يجيكن على الإسعاف أخصائي من غير قسم مشان حدا من طرفه وجايين معه كل حاشيته...

لما تحكيله شغله بقلك "اي بعرف بعرف بعرف بعرف بعرف..... أنا أخصائيكن كان معي بنفس بالدفعة"

لما يكون كلشي مثالي حتى تزبط أمورك 👩‍❤️‍👨 وواقفة على حركة صغيرة تبدل مناوبتك فيها حتى تقدر تطلع.... الزميلة الي بدك تبدل معها 👇🏻:


أنا: مستعد شيل الإسعاف تبع يوم العطلة عنك
شو رأيك ؟
هي: ما ما ما بدي مابدي..اتركني أنا هيك مرتاحة
والله العظيم تحسها عم تتلذذ وهي ماعندها أي شي يمنعها
تبدل... سديتي نفسي الله يسد نفسك

* لو بس تعرف الكراش الشكيلات الي عم يتعامل معها المقيم وكيف عم تعل قلبو بس حتى تصرله فرصة يشوفها

سؤال للهلال:

- هو ليش حقن الأدرينالين بالصدمة التأقية anphylaxsis يتم بالوجه الخارجي للعضلة الفخذية؟


*وهون لما نذكر هلال يجوز قصدي الهلال السعودي... أو صبية إسمها هلال ...مو شرط أنتو يا أخي... مجهزلهن شوية بوستات بس هاد بس مشان تطن أدانيهن


#اسعاف #جونيور #باطنة

هالصورة عنا بالمشفى قبل شوية... تقدم للزواج... ✍🏻

*الشب هو المريض على فكرة... والحمد لله ما دخلت عليهن بوقت مو مناسب 😅

فيديو جديد... Residency Tricks 4 🔥...

ممكن يتلخص بكلمتين ... سامع لما بالمزح يقولوا "البول صار عنده يضرب عالمخ"

https://youtu.be/9p18otorBGY?si=2tu4QO_vlsVZVJFH

صديقي طالب السادسة... لا تشتت نفسك بالوقت المتبقي بكثرة المصادر وتتوتر لما تسمع تعليقات الطلاب 🦉الي مخلصة وجهين وتقلك نسيانة... الوقت المتبقي جيد ركز فيه على الي درسته وحل أسئلة حل حل حل..... وهنا رح ينط شب حذق 🦉 ويقلي بنوك الأسئلة تغيرت

جوابي 📿 هو صح الأسئلة مارح تجي نسخ لصق بس الفقرات والمواضيع الهامة تبقى هامة "منين رح يجيبو مواضيع من الصين؟!" ... لما تحل أسئلة رح تتثبت المعلومات بذاكرتك وتصير تعرف تفكر... هذا هو المطلوب تصير تعرف تفكر وتنفي الخيارات الخطأ..

* وكرأيي شخصي للمزنوقين 🐕...الوسواس تبع خليني أمر على كل الفقرات بشكل سطحي بلكي أصير اعرف أحل ترا مو فعال... قوي قلبك ونقي كم فقرة هامة ادرسها منيح واحذف الباقي...

* ساعة المراجعة تبع كل يوم الصبح الي قلتلك عليها جربتها ولا لا؟

بالتوفييييييييييييييق ❤️