مع بداية العام الجديد حابب ركز على مهارة القراءة:

- كم كتاب قرأت هالسنة؟
- مهارة هاااااامة جدااا نصحية أخ خليها جزء من روتينك اليومي..قراءة كتب مختلفة حتى لو روايات أو شي يستهويك.. عن الوقت. العاطفة .تطوير الذات .لغة الجسد.سلوك النفس البشرية...طرق التفكير.
- توسع مداركك بشكل رهيب وحتى على المستوى النفسي تحس بالسعادة.. سعادة الإنجاز.

- حتى بدراستك اقرأ وافهم كل البحث وتخيل وبعديييين تبدأ مرحلة الحفظ..هالشي يعطيك طريقة تفكير وهو أساس المعرفة أهم من تذكر معلومة مجردة.

- بجامعة حلب في مبادرة لطيفة للقراءة اسمها "فيتامين" ..وبرأيي تسمية موفقة ومناسبة جدا... لكن سؤالي بباقي الجامعات في هيك شي؟ إذا مافي خلي يكون 😁

- وكما أقول دائما مارح تحس بعظمة القرآن الكريم وتفهم معناه إذا ما قرأت كتب ثانية... ممكن تقلي أنه قرأت كتاب تفسير.. برأيي الشخصي لا يكفي بالعكس حجمت وحددت معاني هائلة بتفسير كان كافي بهذاك الزمان بس مع المعرفة الحالية لا يكفي... ولو التفسير ثابت كان النبي عليه الصلاة والسلام فسره وانتهى بل الموضوع مفتوح لإعمال العقل.

- بانتظار أسمع اقتراحاتكن بالتعليقات لكتب نقراها هالسنة

كل عام وأنتو بألف خير ❤️

مريض 35 سنة.. راجع العيادة بشكاية تعب عام ووهن ونقص وزن..ويذكر نقص شهية واسهال في بعض الأحيان.

لا سوابق مرضية، دوائية أو جراحية.
القصة العائلية: قصور درق (لدى الأخت)
الفحص السريري: طبيعي
التحاليل:
HGB: 12.5
WBC: 3500
Na: 130
K: 5.5
TSH: 2.5 ( طبيعي.. كنت مفكره رح يجي مرتفع مو بلة 🤭)

ماهي الخطوة التالية؟

#سوالف_مقيمين #إسعاف #داخلية

الجواب: https://youtu.be/A2yCQHfsN2A?si=r0S6ZW2RJqquak-l

شكرا لكم جميعاً ❤️

مريض 70 سنة ... راجع بشكاية إسهالات وشخص لديه أذية كلوية حادة AKI... وبسبب الحماض الاستقلابي الشديد metabolic acidosis خضع لجلستي ديال... بعد 10 أيام من المتابعة تراجعت أرقام الكلية وعادت كمية الإدرار والشوارد للطبيعي... تم سحب القثطرة الوداجية تحضيرا لتخريج المريض لكن لوحظ انتباج غير مؤلم كما في الصورة... ماهو الإجراء التالي؟

كانت عرفان رح تسألني شو هدول... حبيبي هاي أثر القطبة الي نثبت فيها القثطرة مو لدغة حية 🐍

جواب السؤال السابق: هو نعمل إيكو دوبلر للوريد الوداجي لنفي الخثار وإيكو بالبروب السطحي حتى نشوف طبيعة هالتشكل الي ممكن هيماتوم... مريضنا هاد عنده خثار وريد وداجي وبلشنا low molecular weight heparin: clexan ... شكراااا لكم جميعاً ❤️

للي ماشاف السؤال: هاد مريض قصور كلية حاد خضع لجلستي ديال إسعافي وسحبنا القثطرة المركزية CV line بعد ما تحسن وضعه وماعاد في حاجة للغسيل وهيك شفنا

مريض الجناح متله متل أي مريض ممكن يصير معه MI , stroke, pulmoner emboli

مريض الجناح دوماً بخوف لأن أحياناً لما يذكر شكاية أحياناً تمر بسرعة بسبب ضغط العمل أو لكون المريض شافوه جماعة الفرز الصباحي فمابيخطرلنا نرتكس... أنه مريض ذات رئة وصار معه صداع... اي عادي وين المشكلة ..هو فعلا عادي بس مو كل صداع صداع عادي

نصيحة بقدر ماهي بديهية وتافهة ...هي مهمة جداااا... أخي بكل بساطة مريض اجاك بشكاية معينة...رح تسأله أسئلة متعلقة بالشكاية وتطلب استقصاء أولي متعلق بهالشكاية.... كتير سهلة صح؟ رح تعطيك كتيير معلومات تشخص وتعالج فيها....

صداع ...CT
زلة تنفسية أو سعال ...CXR
ألم صدري أو خفقان...ECG

هاد مريض عندنا هلا بالجناح

مناوبة سعيدة ❤️

كلمتين صغار عن السكري DM:

- نحن ليش نخفض السكر؟ حتى نقلل من اختلاطات الأوعية الدقيقة microvascular complications

- طيب شو هي القيمة الهدف؟ نحن طبعا نراقب استجابة مرضى السكري للعلاج عن طريق معايرة الخضاب الغلوكوزي HbA1C

- الهدف: ننزله لتحت ال 7... لكن عند كبار السن نقبل لل 8 أو حتى 8.5

- حتى نحقق هذا الانخفاض نعطي خافضات السكر ونقيس سكر المريض ونتابعه.... السكر الصيامي تحت ال 130.... بعد الوجبات post prandial تحت ال 180... هذا رح يؤدي لخفض قيمة الخضاب الغلوكوزي تحت ال 7 الي هو هدفنا حيث وجد أنه بهاي القيمة وتحت رح تنخفض نسبة حدوث اعتلال الأوعية الدقيقة بشكل كبيييييييييير

وهون لازم أنوه على فكرة القيم.... لا تضغط وتجلد مريضك وتزيد الأدوية ومشاركتها بسرعة حتى توصل للقيم الهدف لأن هالشي ممكن يخليه ينفر وما يلتزم بسبب غلاء الأدوية وصعوبة تأمينها أو صعوبة الالتزام بأكثر من دوا

شباب النشر والأبحاث ... تجو نكتب شي مماثل؟
مقالة نشرت قبل 4 أيام... رح لخصلك روح الموضوع :
هون عم يحكو عن تأثير " هجمة 7 تشرين الأول" على الصحة النفسية للمواطنين الإسرا#$يين (العرب واليهود).
رأيي بالمقال: مكتوب بصياغة موضوعية وبطريقة علمية تظهرلك الضحايا هنن مواطنين من مختلف الأعراق (حتى تكون مقنعة) وأنه الهجمة هي اعتداء إره$&,بي وأنه لازم يكون في دعم للصحة النفسية للضحايا وذويهم.

- شوف كيف حتى بالأدب الطبي عم يحاولوا يزرعو الفكرة.

- رح تقلي ليش ماعم يشوفو صور الدم؟!!!! بعرف بس هاد مو موضوعنا. عم نبهك أنه اللوبي تبعهن عم يستعمل كل الوسائل لرسم صورة مخالفة للواقع

- على مستوى النشر ..حركات العصابات والسرقة بلاها الله يرضى عليكن

- خلونا نشتغل شي لنفيد مجتمعاتنا ❤️ سلام

رابط المقال إذا حدا عنده رأي تاني:
PTSD, depression, and anxiety after the October 7, 2023 attack in Israel: a nationwide prospective study

يستعمل الدواء (أكاربوز) وهو من خافضات السكر لعلاج نقص السكر !!!!!

- طبعا مو اي نقص سكر... نقص السكر التالي للطعام لأنه يقلل تحريض إفراز الإنسولين
By reducing the early hyperglycemic stimulus to insulin secretion, and in the treatment of reactive hypoglycemia.

كنت عم جرب أسلوب لفت الانتباه بكتابة العنوان

أنا وشباب التمريض بالإسعاف عم نجهز إبرة لمرضى الشد العصبي 😉... ✍🏻

الشباب بتركيا عملو موقع للمقاطعة بحيث بسهولة تكتب اسم المنتج وإذا كان من المنتجات المشمولة بالمقاطعة بيطلع جنبها زر "رؤية البديل" حتى تظهر الماركات التانية من نفس المنتج.
العنوان برأس الصفحة" إذا لم تأخذ لن تموت، إذا أخذت يموتون (يقصد أطفال غ--ز---ة)

في كتير منتجات نزلت أسعارها بشكل كبير وصاروا يعملو عروض وتخفيضات ويكتبو هالفرع هو ضمن تركيا فقط

Uygun : مناسب
Boykotlu : مقاطع

رابط الموقع: https://boykotyolu.com.tr