اكتبولنا شي إسم دوا يسبب تطاول INR...وأنا أكيد هون مو طالب منك شي يخص المميعات

أصدقائي السؤال عن دوا بحد ذاته يسبب تطاول INR لكن لازم ننتبه أنه عند مريض لا لا يخضع للعلاج بالوارفارين... الأدوية الي ذكرتوها كلها صح لكن في حال العلاج بالوارفارين بسياق التداخل الدوائي

مريض 80 سنة تم قبوله بالمستشفى بسبب نزف هضمي... ماهي الأدوية التي من الممكن أن تسبب نزف هضمي؟ (ممكن تشوفهن بكيس الدوا وماتعير أهمية)
* اذكرلي أدوية غير مثبطات الصفيحات ومانعات التخثر واللاستيروئيدات..... السؤال شوية محروف بصراحة لهيك رح اذكر الجواب فورا بأول تعليق

#سوالف_مقيمين #اسعاف #باطنة #هضمية

جواب هذا السؤال مع حالة سريرية...
https://youtu.be/uXIbUCAWHAk?si=8AKY_Oz4_thmZqQ0

بما انكن تحبو الشغلات النادرة والأسئلة الفستوقية /سؤال ثقافي بس بهمك إذا كنت مقيم تخدير أو ممكن يبيض وجهك بفرز العناية/... خود هي: مريض بالعناية المشددة منبب.... فجأة اجيتو الصبح لقيتو لون البول أخضر شو ممكن يكون السبب؟
#سوالف_مقيمين #داخلية #باطنة

البروبو فوووووول يسبب لون البول الأخضر "الفول الأخضر" propofol-induced green urine

طبعاً في أسباب تانية متل pseudomans urinary tract infection

مريضة 50 سنة... سكري نمط 2... خضاب غلوكوزي 13... ألم خاصرة يمنى، ترفع حروري، سوء حالة عامة... الاستقصاء التالي والتشخيص المحتمل؟

CT scan...Emphysematous pyelonephritis....
DKA أقل احتمالية
كونه سكري نمط 2 بس طبعاً كلشي وارد وبصراحة هيك مريض بسوء حالة عامة لازم لازم تنطلب غازات الدم.. حبيت نعرف من الصورة وعيوننا تتعود كونها مو شي مألوف ... طبعاً العلاج بالدرجة الأولى بالصادات وقد نلجأ لاستئصال الكلية متل ماكان يمارس سابقا...شكرا لكم جميعاً ❤️

ممكن تقلي اي الصورة مبينة كأنه غاز عادي ضمن الكولون ومو حول الكلية.. رح قلك حبي شفتلي الغاز تحت الحجاب الحاجز ؟؟؟؟؟ حاول تعطي الصورة وقتها بالقراءة

صديقي أنت سامع بشي إسمه Atypical HUS ? وتدبيره متل ال HUS العادي ولا بيفرق ؟

HUS: Hemolytic uremic syndrome

مريضة بعمر 24 سنة شخص لديها صمة رئوية بمستوى الفص السفلي الأيمن. قصة عائلية إيجابية عند الأم قبل 25 سنة (يعني الأم قبل 25 سنة صار معها صمة). تم البدء بتسريب الهيبارين. العلامات الحيوية للمريضة مستقرة. لكن على رغم من زيادة جرعة الهيبارين بقي زمن الثرومبوبلاستين aPTT ضمن الطبيعي.. ماهو التشخيص الأرجح؟

للأمانة الصورة مو صورة صبية بعمر ال24 بس يللللة مشوها بتضلها صبية

سنتك العليا لما يقلك ان لزمك شي دقلي... رنة وحدة بكون عندك

تكملة خافضات السكر الفموية ... الفيديو رقم 14.. https://youtu.be/8nCRUgxccqI?si=1ncnF_ctdT-yaSIH

#وطني #سادسة #امتحان_وطني #داخلية #باطنة

كنت لما أسمع أنه ال TTP تسبب Acute kidney injury كنت أتخيل يرتفع الكرياتنين لقيمة معتبرة أنه مثلا 3-4 وما كان أبدا يخطرلي أنه تسبب ارتفاع بسيط .. وبالعكس لما تكون القيمة أقل من 2 تدعم التشخيص.

#سوالف_مقيمين

ألف مبرووووك اصدقائي خلاصكن من الوطني والمرحلة الجامعية... بالتوفييييييييييييييق بالمراحل القادمة...رح تقلي الصورة مالها أي ربط... رح قلك هاي مشان الناس الي كانت شبعانة شحططة وبهدلة بالكلية وكرهانة كلشي وتسب كلشي فيها وبالأخير بيقولو اشتقناااا

شرح سريع جدا عن صورة صدر بسيطة لمريضة ممكن بسهولة تغفل عننا
https://youtu.be/3S5sVX_86Cc?si=JJgI-Rt4SjES0TjG

#سوالف_مقيمين #امتحان_وطني #سادسة #داخلية #أشعة

حالة سريرية:
مريضة ارتفاع توتر شرياني وسكري نمط 2 تبلغ من العمر 48 سنة راجعت العيادة بسبب ارتفاع انزيمات الكبد. تنفي وجود أية أعراض.
BMI: 31... الفحص السريري طبيعي
الأدوية: متفورمين، ليسينوبريل

ALT: 85... AST: 74... ALP: 96
Anti smooth muscle antibody positive (1:20 titre)

ايكو البطن يظهر ضخامة كبدية مع فرط صدوية.
HbSAg, HCV antibody, IgG, iron saturation طبيعية

ماهو التشخيص الأرجح؟
A) primary sclerosing cholangitis
B) autoimmune hepatitis
C) anti mitochondrial antibody negative primary biliary cholangitis
D) nonalcoholic fatty liver disease

#سوالف_مقيمين #امتحان_وطني #داخلية

الجواب هو D...التفسير ان شاء الله رح ينزل بفيديو المسا 🔥.. شفتو كيف التلميح أحياناً بيخدع

جواب الحالة السابقة مع التفسير وشرح فكرة الأضداد 1:40، 1:80، 1:160

https://youtu.be/_XYEjYJ6ewM?si=sK_Loxbibj6Qi3UJ

#سوالف_مقيمين #داخلية #باطنة #سادسة #امتحان_وطني #وطني #هضمية

جرب قول Acute renal failure قدام طبيب كلية وشوف:

أو وظائف كبد قدام طبيب هضمية ..
اكتبلونا إذا بتعرفو متل هالقصص