"كل ما هو متبادل مستمرّ.❤"

عنوان جرعة العلاقات اليوم.🤺

موعدنا هالمرة الساعة سبعة.
كونو عالموعد يا أصدقاء.❤

نص ساعة.
وجرعة العلاقات تبدأ🧘‍♂️❤

بسم الله نبدأ.❤

نحو علاقات معطاءة❤

بجرعة اليوم رح خبركن سر من أسرار استمرار العلاقات.

ألا وهو "العطاء المتبادل"

وحطّلي ألف خط تحت المتبادل.🤺

واللي مانو متبادل لا ينطبق عليه هالحكي أبداً.🤺

ملاحظة:
هذا السر للعلاقات الدائمة والعميقة، أما المؤقتة لا ينطبق عليها هذا الكلام أبداً.
وَجَبَ التنبيه.🧘‍♂️

العلاقات البشرية، ولما نتعمق فيها منكتشف انها مبنية على مبدأ الأخذ والعطاء.

حتى أعمق العلاقات البشرية "الزواج، الأمومة، الأبوة"
هي اشباع لرغبات دفينة حتى ولو لم تكن مكتشفة.

فالأنثى بطبيعتها وبفطرتها ضمن العلاقة الزوجية تطلب الاهتمام، وبتلاقيها بأحسن صورة لما تشبع هالحاجة. ولما تفقدو بتتحول لكائن تاني🤺
"متل لما يصير كل وقتا شغل بالبيت وماحدا يساعدا، بيوصل صوتا لآخر الشارع😂"

الذكر قد يكون بحاجة للتقدير والثناء والاحساس بالأهمية.
يقابل بالجفاء إن لم يشبع هذه الرغبة.
"بكون شقيان كل النهار وبيرجع ماحدا بحسسو بالتقدير، بحس انو كل تعبو عالفاضي☹"

حتى اذا ارتفعنا درجة نحو علاقات أسمى كالأم والأب بالبحث والتعمق النفسي نرى أن هناك دوافع دفينة وراء هذه العلاقة، وهناك حاجات يجب أن تشبع.🧐


ملاحظة: الحاجات بأي علاقة متعددة ومتغيرة حسب الموقف ولا يمكن حصرها وخاصةً بالعلاقات المعقدة الأسرية، الزوج الأم الأب الأخ.
ماقدمته مثال للتخيّل، وقِسْ على ذلك.

طيب ليش عم خبّرك هالحكي اليوم!

هاد يا صديقي عم خبرك هالحكي لسببين.

أول سبب
انو فهم هالمبدأ وتوجيه العطاء لهالدوافع والحاجات، رح يخلي علاقاتك تزدهر وتضوي.

تاني سبب انو الانسان بطبيعتو بالعلاقات العميقة وطويلة الأمد، بيرخي بدنو وبأمّن وبينسى يقدّم عطاء فبلاقي علاقتو عم تفقد لهفتا بس مابيعرف ليش، طبعاً وبيرمي اللوم عالروتين وانو هاد الشي الطبيعي.🤷🏻‍♂️

لهالأسباب أنا حابب احكيلك هالتفاصيل، لتعرف السر وترجّع اللهفة بالعلاقات حواليك🧘‍♂️

استذكر العلاقات اللي حواليك.
شريكك، أخوك، أبوك، أمك، صديقك.

قديش حلوة لما تكون تعبان من الشغل. يجي يقلك رفيقك هات خليني ساعدك!

ولسا الاحلى لما تكون جوعان تلاقي أخوك لاففلك سندويشة.!

هالشغلات بتحس بلذتا لما تكون عنجد بحاجتا.🤷🏻‍♂️

حسيت بحلاوتا.!

يا ترا أمك قديش بتنبسط لما تكون تعبانة من شغل البيت وتجي تقلا خليني ساعدك بالجلي مثلاً.!🧘‍♂️
أو لا تطبخي شي اليوم أنا رح جيب جاهز.

"كاشباع لحاجة الاهتمام وحاجة السند والاحتواء🧐"

وأبوك قديش بينبسط لما يكون راجع عالبيت وجايب معو ولوو كيلو تفاح بس، تقلو الله يعطيك العافية ويرزقك وتضل تجيب.
"اشباع حاجة التقدير والثناء🤷🏻‍♂️"

-يتبع-

كيف ممكن تفيدك هالجرعة.!

١. فكّر بالعلاقات اللي حواليك العميقة اللي بتستحق العطاء، يعني فيها عطاء متبادل مو من طرف واحد.

٢. واسأل حالك سؤال.
يا ترا اللي حواليي شو بحاجة!

اهتمام، تقدير، تحفيز، ولا كلام حلو مثلاً!


٣. هلق ابدأ من نفسك وحاول أشبعلن هالرغبات.
ابدأ من نفسك وقدّم لمحبينك.

وتأكد انو رح يرجعلك هالاهتمام وينعكس عحياتك ولو بعد حين.🤷🏻‍♂️

انتهى.❤

اعرف كل شيء عن شيء.
و شيء من كل شيء.

"مواجهة القلق والتوتر، عبر مهارة التنفس العميق.🤺"

هاد عنوان جرعة الصحة النفسية اليوم.

الساعة سبعة منبدأ.

كونو عالموعد ياأصدقاء.❤

نص ساعة.
وجرعة الصحة النفسية تبدأ🧘‍♂️❤

بسم الله نبدأ.

لنجعل التنفس سلاحاً للاسترخاء والقوة.🧘‍♂️

هاد يا أصدقاء.

بعجقة اليوم وضغط المهام فوق راسنا.
وبتفاعل هالمسؤوليات والضغط مع جسمنا مندخل بحالة من التوتر والضغط.

لهيك كان لا بدّ من وجود سلاح لنحمي جسمنا ونكسر حلقة التوتر والضغط معو.

هالسلام هو التنفس العميق.

كلنا عنا جهاز تنفسي.
ولكن قليل اللي بيعرف فائدتو وكيف نستخدمو لصالحنا.🤺

أنا اليوم جاي علّمك وخبرك🧘‍♂️❤

بتذكر لما يتراكم التعب والضغط.
أو تكون فايت عامتحان.🤺

جسمك هون بيدخل بحالة من الهياج ناتجة عن تفعيل "الجهاز الودي" وهون القلب بيتسرع وتنفّسك بزيد وبترتفع حرارتك.🤯

فيك بهالحالة تترك جسمك هيك والنتيجة التوتر رح يفوتك بألف قصة ومصيبة.

ولكن مع مَعنْ هالشي ممنوع.
لازم نتحكم بهاد الشي.

ومانترك جسمنا للطبيعة.
لازم يكون النا ال قرار ولنخفف هالتوتر.💪

وهون بيجي دور التنفس الصحيح.
تحكّمك بالتنفس رح يقلب المعادلة.

ويحسس جسمك انو لاء الوضع تمام اهدى.

فبيهدى😂

طيب كيف التنفس الصحيح بهي الحالة.!

التنفس الصحيح هون بكون بانو بدل مانخلي التنفس سريع وعشوائي.

بالعكس ننظّم الشهيق والزفير، ونرجعو لطبيعتو، لنحسس جسمنا انو اهدى و روق الوضع تمام.🧘‍♂️

وهون بيجي دور مربع التنفس اللي بالصورة🙏