⚡️KO‘PCHILIK YO‘L QO‘YADIGAN IMLOVIY XATO

O‘zbek tilining lotin alifbosiga asoslangan imlo qoidasida o‘, g‘ harflarining yuqorisiga qo‘yiladigan belgini yuqoriga qaragan  ‘ shakli qo‘llanadi. Xuddi 6 raqamiga o‘xshash, lekin uni ko‘pchilik bosma yozuvda yozganda   ’  shunday shaklda, ya’ni 9 raqamiga o‘xshash holda yozib qo‘yadi. Misol uchun, “o’qish, g’alaba” xato, “o‘qish, g‘alaba” to‘g‘ri. 9 raqamiga o‘xshagan holda yozish imloviy jihatdan xato hisoblanadi. Bu kabi imloviy xatoliklarni hattoki davlat idoralaridagi xodimlar, shu jumladan pedagog xodimlarni ham hujjatlarida ko‘rishimiz mumkin.

Kompyuterda yozayotganda 6 raqamiga o‘xshash ‘ belgini chiqarish uchun yozilayotgan harfdan keyin bo‘sh joy “probel” tashlab turib keyin o‘sha belgi chiqadigan tugma bosilsa,  ‘ belgi ya’ni 6 raqamiga o‘xshash belgi chiqadi.

Telefonda yozganimizda bu belgi hammasida ham chiqmaydi. Klaviatura dasturi o‘rnatilgan bo‘lishi lozim. Shuningdek, krill alifbosidagi қ  ў  ғ  ҳ  harflarni yozishda ham dastur yordam beradi.

Yuqoridagi belgi ya’ni  ‘  6 raqamiga o‘xshash belgisi o‘, g‘ harflari uchun amal qiladi. 9 raqamiga o‘xshash ’ belgisi, tutuq belgisi hisoblanib, tutuq belgili so‘zlarda ishlatiladi. Misol uchun, ta’lim, san’at va boshqa shu kabi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️YANGI BAHOLASHGA O'TGAN MAKTABNING BARCHA PEDAGOG VA RAHBAR XODIMLARIGA 40% GACHA USTAMA QUYIDAGI TARTIBDA BERILADI

Rahbar va pedagog kadrlariga ustama to‘lanadigan maktablar ro‘yxatini shakllantirish quyidagi ikki bosqichda amalga oshiriladi:

🔹1-bosqichda Monitoring guruhi tomonidan baholashning yangi tartibi joriy etilgan maktablarning elektron jurnal ma’lumotlari asosida o‘quvchilarining yillik o‘rtacha baholari tahlil qilinadi hamda tegishli hududning jami maktablar soniga nisbatan eng yaxshi natija ko‘rsatgan birinchi 20 foiz maktablar saralab olinadi.

🔹2-bosqichda 1-bosqich doirasida saralab olingan maktablar Monitoring guruhi tomonidan quyidagi mezonlar asosida tahlil qilinadi:

baholashning yangi tartibi bo‘yicha targ‘ibot ishlari olib borilganligi hamda o‘quvchilar bilimi belgilangan mezonlar asosida baholanganligi;

baholash ishlarining to‘g‘ri yo‘lga qo‘yilganligi;

fan yo‘nalishlari bo‘yicha uslubiy birlashmalar BSB tahlillari olib borilganligi va o‘quvchilar tomonidan bajarilgan loyiha ishlari tahlili;

so‘rovnomalar o‘tkazilganligi va ularning tahlili.

Monitoring guruhi baholashning yangi tartibi joriy etilgan maktablar tomonidan ikkita bosqich doirasida jami to‘plangan ballardan kelib chiqib, ularning hududlar kesimidagi ro‘yxatini shakllantiradi.

Asos: Vazirlar Mahkamasining 2024-yil 6-maydagi 263-son qarori

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️O‘QUVCHILARNING SUMKALARI STANDART BO‘YICHA NECHA KILOGRAM BO‘LISHI KERAK?

Og‘ir sumkalar maktab o‘quvchilarining o‘sishi va rivojlanishiga jiddiy ta’sir qiladi

Yoshlikda uzoq vaqt og‘ir sumka ko‘tarib yurish skoliozga, umurtqa pog‘onasining egriligiga va oyoqlarning qiyshayib rivojlanishiga olib keladi.

✅Portfel vazni standartlari:
• 1-2-sinf - 1,5 kg dan ortiq emas;
• 3-4-sinf - 2 kg dan ortiq emas;
• 5-6-sinflar - 2,5 kg dan ortiq emas;
• 7-8-sinflar - 3,5 kg dan oshmasligi kerak;
• 9-11-sinflar - 4 kg dan ortiq emas.

Ota-onalarga yuborib qo‘ying

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️O'QITUVCHI TOMONIDAN QO'YILGAN BAHOGA OTA-ONALAR ARALASHISHGA HAQQI BORMI?

@Yurist_Xizmati 4401-savol:

Assalomu alaykum, o‘qituvchini o‘quvchiga qo‘ygan bahosiga, ota-ona aralashishi mumkinmi? O‘qituvchi o‘zini bu xolatda qanday ximoya qilishi kеrak?

YURIST JAVOBI:

⚠️Agar o'qituvchi yoki boshqa shaxs darsingizga halal bеrsa, yoki o'quvchilarni baholashingizga aralashsa, ular uchun ma'muriy javobgarlik bor.

Ma'muriy javogarlik to'g'risdagi kodеksning 197-5-moddasiga muvofiq ta'lim muassasasi pеdagog xodimining kasbiy faoliyatiga ta'lim oluvchilar bilimini to'g'ri va xolis baholashiga ta'sir ko'rsatish bilan ifodalangan tarzda qonunga xilof ravishda aralashish yoki ta'lim muassasasi pеdagog xodimining xizmat vazifalarini bajarishiga to'sqinlik qilish:

👉 fuqarolarga bazaviy hisoblash miqdorining 5 baravaridan 7 baravarigacha;
👉 mansabdor shaxslarga esa — 7 baravaridan 10 baravarigacha miqdorda jarima solishga sabab bo'ladi.

Bu holatda o'qituvchi ota-onaning harakatlari ustidan tuman IIBga murojaat qilish kеrak.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️UY TA’LIMI UCHUN JURNAL QUYIDAGICHA YURITILADI.

Uy ta’limida tahsil olayotgan o’quvchilarga olgan baholari haqida har bir fan bo‘yicha alohida yuritiladigan baholash daftari yuritiladi va qayd etib boriladi.

O‘quvchining baholash daftariga qo‘yilgan baholar o‘quvchi ro‘yxatda turgan maktabning sinf jurnaliga yoki o‘quvchilarning davomati va o‘zlashtirishini hisobga olish elektron tizimiga (kundalik.com ga) kiritib boriladi.

Ota-onalar tomonidan baholash daftariga o‘qituvchilar tomonidan dars mashg‘ulotlari o‘tkazilganligini tasdiqlovchi imzo qo‘yiladi.

O‘quvchi olgan baholarning sanasi va dars mashg‘ulotining mavzusi sinf jurnalidagi sana va mavzuga to‘g‘ri kelmasligi mumkin.

BAHOLASh DAFTARI quyidagi ketma-ketlikda bo’ladi

Sana➡️Mavzu nomi➡️O‘quvchiga qo‘yilgan baho➡️Uy vazifasi➡️Ota-onasining imzosi

Asos: Vazirlar Mahkamasining 2021-yil 12-oktabrdagi 638-son qarori

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️BUGUN TOIFAGA HUJJAT TOPSHIRISHNING SO'NGI KUNI.

💰To‘lov miqdori 370 ming 800 so‘m

👉Murojaatlar:

🔹Maktabgacha va maktab taʼlimi vazirligining yangilangan interfeysdagi pedagog.uzedu.uz platformasi;

🔹Yagona interaktiv davlat xizmatlari portali; orqali amalga oshiriladi.

Batafsil videoda ko‘ring.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️YANGI BAHOLASH HAQIDA QISQA TUSHINTIRISH. BSB, CHSB

Yangi baholash tartibining asosiy jihatini soda qilib tushintirishga xarakat qilamiz.

Yangi baholash ikki asosiy guruhga bo’linadi.

❗️Formativ baholash hamda Summativ baholash

Formativ baholash – oʻqituvchi va oʻquvchilar oʻrtasidagi uzluksiz fikr almashish jarayonidir. Ya’niy, kunlik qo’yiladigon baholar va u maksimal 10 ball bilan baholanadi.

Summativ baholash – oʻqishning maʼlum bir davrida (oʻquv dasturining boʻlim va boblari, choraklik, oʻquv yili oxirida) oʻquvchining davlat taʼlim standarti va oʻquv dasturlarida belgilangan kompetensiyalarni egallaganlik darajasini rasmiy baholash jarayoni boʻlib, test, yozma ish, ogʻzaki suhbat, loyiha ishi, taqdimot ishlari, amaliy mashgʻulot, laboratoriya ishi, ijodiy ishlar va shu kabi boshqa shakllar yordamida amalga oshiriladi. Ya’niy, summativ baholash imtihonlarda qo’yiladigan bahodir (joriy, oraliq nazorat, choraklik va hakazo) va u maksimal 90 ball bilan baholanadi. Summativ baholashning o'zi ham  ikki guruhga bo’linadi.

BSB – bob boʻyicha summativ baholash maksimall 50 ball, CHSB – chorak boʻyicha summativ baholash maksimall 40 ball

Demak, formativ baholash (10 ball), sumativ baholash (90 ball, (BSB 50 ball, CHSB 40 ball)) jami 100 ball.

Ushbu baholar chorak davomida yig’iladi va 100 ballik tizimda ballanib choraklik 2-3-4-5 baholarga konvertatsiyalanadi.

🔹86-100 ball 5 baho
🔹66-85 ball 4 baho
🔹30-65 ball 3 baho
🔹0-29 ball 2 baho

Asos: MMTV ning 2023-yil 16-avgustdagi 248-sonli buyrug‘i

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️ARINING UYASI 🐝

Nеktarning hidin sеzib,
           maktabning bog'i sari
yo'l oldi guldan sharbat 
           yig'uvchi asalari.

Gulma-gul uchib yurib,
           cho'chib tushdi u tuyqus:
Jarangladi qo'ng'iroq
           va boshlandi tanaffus.

Maktabdagi ahvolni
            ko'rib lol qoldi ari:
Vulqondеk qaynar edi
            ichkari-yu, tashqari.

Qiy-chuv, shovqin-suronning
            ko'rinmasdi adog'i,
Chopgan-u, yiqilganning
            yo'q edi son - sanog'i.

«-Arilar makonida
            o'sdim, ulg'aydim, ammo,
bunaqa ari uya
            ko'rmaganman mеn aslo.

Bul hasharotlar ekan
            ham ulkan, ham jangari.
Ma'qul bo'lar mеnimcha,
            yursam bu yеrdan nari.»

Dеdi-yu, mitti ari
            bul makonni tark etdi.
Qaytsam «falon bo'lay», dеb
            qasamyod qilib kеtdi.

Bir tanaffusga sabri
            yеtmadi hasharotning.
Joniga to'zim bеrsin,
            muallim dеgan zotning!

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Vazirlikni sudga bergan tarix fani o'qituvchilari haq bo'lib chiqdi

Attestatsiya borasidagi uzoq tortishuvlardan so‘ng, vazirlik o‘qituvchilarga ball qo‘shib beradigan bo‘ldi. Bo'lib o'tgan bir nechta sud ishida pedagoglar da’vosini asossiz deb topilib, vazirlik foydasiga qaror chiqarilgandi.

Bu orada sudga da’vo arizasi kiritgan pedagoglar jiddiy bosimlarga ham uchradi. Lekin pedagoglar haqiqatni talab qilib, ortga chekinishdan bosh tortdi.

Vazirlik o‘z xatosini tan olmagach, tarixchi-pedagog Jalol Boltayev O‘zbekiston Respublikasi Prezidenti Shavkat Mirziyoyevga rasmiy murojaat yo'lladi.

Prezidentga murojaat yo‘llanganidan keyingina vazirlik bu masala jiddiy tus olganini anglab yetdi va pedagog kadrlarning attestatsiya natijalariga tegishli o‘zgartirish kiritish to'g'risida qaror qabul qildi.

👉Batafsil

©Xalq ta‘limi Info | Ulug‘bek Po‘latov

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️BOSHLANG‘ICH SINF O‘QITUVCHILARI DIQQATIGA!

O‘quvchilaringiz bilimini nazorat qilish, mavzularni mustahkamlash  uchun ularni ushbu botga aʼzo qiling. O‘quvchilar ishlagan test natijalari, baxolari reyting ko‘rinishida sizda ko‘rinadi.

Respublikadagi barcha boshlang‘ich sinf o‘quvchilari mavzularni mustahkamlash va takrorlash uchun Aqlvoy botidan foyidalanmoqda. 

Bu juda ham qulay, o‘quvchilarga motivatsiya beruvchi bot.

🔹"Aqlvoy bot"

   ┏━━━━━————━━━━┓
   彡 🏃‍♀BOTGA KIRISH🏃彡
   ┗━━━━————━━━━━┛

⚡️9-mart (dushanba) barcha uchun dam olish kuni bo’ladi

Bu yil 8-mart – Xalqaro xotin-qizlar kuni bayrami yakshanba – dam olish kuniga to’g’ri kelmoqda. Mehnat kodeksining 208-moddasiga binoan, agar bayram kunlari dam olish kuniga to’g’ri kelib qolsa, unda dam olish kuni bayramdan keyingi ish kuniga ko’chiriladi.

Shu sababli, 2025-yil 24-dekabrdagi PF-257-sonli Prezident farmoniga ko’ra, yakshanbadagi dam olish kuni mos ravishda 9-mart — dushanbaga ko’chirildi.

Boshqacha aytganda, 9-mart, dushanba barcha uchun dam olish kuni bo’ladi.

✅❌ 7-mart, shanba — 5 kunliklarga dam, 6 kunliklarga ish;

✅✅ 8-mart, yakshanba — bayram;

✅✅ 9-mart, dushanba — barcha uchun ko’chirilgan dam olish kuni.

©Xushnudbek

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️MUDDATI 10-MARTGA QADAR UZAYTIRILDI.

📣Attestatsiyada ishtirok etish uchun murojaat yuborgan pedagoglar diqqatiga!

Attestatsiya jarayonlari uchun to'lovlarni 2026-yilning 10-martiga qadar amalga oshirishingiz mumkin.

✅ Xabaringiz bor, 2026-yilning birinchi yarmida o‘tkaziladigan pedagog kadrlar attestatsiyasi uchun murojaat yuborish 1-martga qadar davom etdi.

➖ Navbatdan tashqari (o‘z ixtiyori bilan) attestatsiyada ishtirok etish uchun ariza yuborgan pedagoglar tomonidan to‘lov qilishga ulgurmay qolish holatlari bo'lgan va bu bo‘yicha Maktabgacha va maktab ta'limi vazirligiga murojaat qilishgan.

❕O‘qituvchilarni har tomonlama qo‘llab-quvvatlash hamda ularga qulaylik yaratish maqsadida pedagoglar attestatsiyasida ishtirok etish uchun to‘lovni amalga oshirish muddati joriy yilning 10-martiga qadar uzaytirilganligini ma’lum qilamiz.

©Maktabgacha va maktab ta'limi vazirligi

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Joriy yilidan boshlab tibbiyot yo‘nalishida super-kontrakt bekor qilinishi mumkin

Bu bo‘yicha qaror loyihasi jamoatchilik muhokamasiga qo‘yildi.

Shuningdek, loyihaga ko‘ra, bakalavriat ta’lim yo‘nalishlari, rezidentura (klinik ordinatura) va magistratura mutaxassisliklari har bir o‘quv modulining akademik ko‘rsatkichlarini o‘zlashtirishda, shuningdek davlat imtihonlarida minimal o‘tish ballari shifokor mutaxassisliklari uchun 70 foiz, o‘rta tibbiy xodim mutaxassisliklari uchun 60 foiz etib belgilanishi kutilmoqda.

❓Bu nima degani?

Bu degani shifokor bo‘lishni xohlagan abituriyentlar bakalavriat bosqichida kontraktga kirish uchun test sinovlarida kamida 132,3 ballni olishi kerak. Hozirda minimal o‘tish bali barcha yo‘nalishlar kabi 30 foizni, ya’ni 56,7 ballni tashkil etadi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️️O‘QUVCHINING BAHOLAR TABELI QUYIDAGICHA YURITILADI.

O‘quvchining elektron baholar tabeli “emaktab.uz” platformasida yuritiladi.

Elektron baholar tabeliga quyidagi ma’lumotlar kiritiladi:
o‘quvchining familiyasi, ismi, sharifi;
tug‘ilgan sanasi;
ta’lim olayotgan maktabi va sinfi;
o‘quv yili va o‘quv fanlari;
chorak, yillik baholari, yakuniy nazorat bali, yakuniy bahosi;
maktab direktori va sinf rahbarining familiyasi, ismi, sharifi hamda baholar tabeli tasdiqlangan sanasi.

Elektron baholar tabeliga kiritilgan ma’lumotlar va baholarning haqqoniyligi uchun maktab direktori javobgar hisoblanadi.

Elektron baholar tabeli “emaktab.uz” platformasi orqali maktab direktori tomonidan har o‘quv yili yakunida shakllantiriladi va yuklab olinib elektron shaklda kompyuterda saqlanadi.
Zaruratga ko‘ra, o‘quvchi boshqa maktabga ko‘chirilganda ota-onasi yoki ularning o‘rnini bosuvchi shaxslarning arizasiga binoan elektron baholar tabeli o‘quv yili davomida ham shakllantirish mumkin.

Elektron baholar tabeli 2024-2025-o‘quv yiliga qadar qog‘oz shaklida yuritilgan o‘quvchilarning baholar tabeliga tikib boriladi.

⚠️Baholar tabelini avvalgiday qog'oz shaklida yuritish mumkin emas. Emaktab platformasi "Hisobotlar" bo'limidan "Elektron tabel" bo'limiga kirilib kerakli sinf va o'quvchini tanlanadi.

Diqqat! Elektron tabel maktab adminlari tomonidan chop qilinganda QR kodi bilan yuklab olinadi. Boshqa pedagoglarga tabelni o‘zi ko‘rinadi.

Asos:  MMTV ning 2024-yil 17-maydagi 163-sonli  buyrug‘i.

Manba: O‘qituvchiga hujjat kanali

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️DARSGA HALAQIT BERIB, DARSNI BUZADIGAN O‘QUVCHILARGA QANDAY CHORA KO‘RISH MUMKIN?

Assalomu alaykum. O‘quvchi darsda xulqi yomon. Dars jarayonini buzadi. Boshqa o‘quvchi va o‘qituvchi bilan janjallashadi. Shu xodisaga qanday qonun doirasida chora ko‘rish mumkin

YURIST JAVOBI:

O'quvchiga nisbatan biror ta'sir chorasi qo'llanilmaydi, aksincha bunday vaziyatda uning ota-onasiga nisbatan ma'muriy javobgarlik chorasi qo'llaniladi.

Maktabgacha va maktab ta'limi vazirining 2026-yil 19-yanvardagi 18-sonli buyrugʻi 4-ilovada tasdiqlangan Umumiy o'rta ta'lim muassasasining takomillashtirilgan namunaviy odob-axloq qoidalari 14-bandiga asosan o'quvchi dars mashg'ulotlarida:

🔹tеgishli darslik va zarur o'quv qurollari bilan ishtirok etish;

🔹darslarda o'quv jarayoni bilan bog'liq bo'lmagan boshqa ishlarga chalg'imaslik;

🔹o'qituvchiga murojaat qilmoqchi yoki savoliga javob bеrmoqchi bo'lganda qo'lini ko'tarib ruxsat so'rash;

🔹sanitariya-gigiеna va tеxnika xavfsizlik qoidalariga to'liq amal qilishi shart.

Mana shu qoidaga binoan o'quvchi yuqoridagilarni bajarishi talab etiladi.

Agar u mazkur majburiyatlarni bajarishdan bo'yin tovlasa, unda ota-onaga nisbatan ta'sir chorasi ko'rilishi mumkin.

Bunday holatda ota-onaga Ma'muriy javobgarlik to'g'risidagi kodеks 47-modddasi ikkinchi qismi bilan javobgarlik chorasi qo'llaniladi. Ya'ni Xuddi shunday huquqbuzarliklar ma'muriy jazo chorasi qo'llanilganidan kеyin bir yil davomida takror sodir etilgan bo'lsa: bazaviy hisoblash miqdorining bеsh baravaridan o'n baravarigacha miqdorda jarima solishga sabab bo'ladi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️O'QUVCHILAR IJARAGA BЕRILGAN DARSLIKLARNI YO'QOTIB QO'YSA YЕTKAZILGAN ZARAR QANDAY QOPLANADI?

“Umumta'lim maktablarini darsliklar va o'quv-mеtodik qo'llanmalar bilan ta'minlash tartibi to'g'risidagi nizom”ga muvofiq darsliklar yoki o'quv-mеtodik qo'llanmalardan foydalanish usulidan qat'i nazar, ular yo'qolgan yoki foydalanishga yaroqsiz holatga kеlib qolgan taqdirda, o'quvchining ota-onasi yoki ularning o'rnini bosuvchi shaxslar yoxud homiylar yoki o'qituvchilar zararni huddi shunday darslik yoki o'quv-mеtodik qo'llanmalar bilan qoplaydi yoxud uning birlamchi hujjatlarda (hisob-fakturada, yuk xatida) ko'rsatilgan qiymatini  to'lashi shart.

O'quvchilarning ota-onasi yoki ularning o'rnini bosuvchi shaxslar yoxud homiylar yoki o'qituvchilar zararni quyidagi miqdorlarda to'laydi:

🔹1 sinf o'quvchilarining har bir darslik yoki o'quv-mеtodik qo'llanmalari uchun — uning bir baravari miqdorida;

🔹2 - 4 sinf o'quvchilarining har bir darslik yoki o'quv-mеtodik qo'llanmalari uchun — uning ikki baravari miqdorida;

🔹5 - 11 sinf o'quvchilarining har bir darslik yoki o'quv-mеtodik qo'llanmalari uchun — uning to'rt baravari miqdorida.

Umumta'lim maktabi kutubxona jamg'armasidagi darsliklar va o'quv-mеtodik qo'llanmalar hisobining yuritilishi, ulardan foydalanilishi, ularning saqlanishi, ular bo'yicha to'lov hujjatlarining mavjudligi va harakati, shuningdеk o'quvchilar orasida darsliklarni avaylab-asrash tuyg'usini rivojlantirishga yo'naltirilgan tarbiyaviy ishlar umumta'lim maktablarining kutubxonachilari tomonidan olib boriladi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️MAKTABDA OʻQUVCHI TELEFON ISHLATSA NIMA QILISH KERAK?

Amaldagi tartiga ko’ra o’quvchi dars jarayonida yoki maktab hududida mobil telefondan foydalanish qoidalariga rioya etilishini barcha pedagoglar, jumladan sinf rahbarlari shaxsan nazorat qiladi.

Oʻqituvchi tomonidan ogohlantirilishiga qaramay dars jarayonida telefondan foydalanish holatlari davom etganda fan o‘qituvchisi, sinf rahbari, direktor o‘rinbosari, psixolog (inspektor-psixolog) ishtirokida oʻquvchining telefoni (smartfon, planshet va boshqa qurilmalar) olib qoʻyiladi va holat yuzasidan maktab direktori hamda oʻquvchining ota-onasi yoki boshqa qonuniy vakillari ogohlantiriladi. Maktabning “Oila-mahalla-ta’lim muassasasi” hamkorligi Jamoat kengashi va kuzatuv kengashi a’zolari ishtirokida holat muhokama etilib, tegishli tushuntirishlar olib borilganidan soʻng mobil aloqa vositalari oʻquvchining ota-onasi yoki boshqa qonuniy vakillariga qaytarib beriladi.

Shunday holat oʻquv yili davomida bir o‘quvchi tomonidan ikki va undan ortiq marotaba takrorlanganda oʻquvchining ota-onasi yoki boshqa qonuniy vakillari Oʻzbekiston Respublikasining Maʼmuriy javobgarlik toʻgʻrisidagi kodeksining tegishli moddasi asosida maʼmuriy javobgarlikka tortiladi, oʻquvchi ichki ishlar organlarining profilaktik roʻyxatiga olinadi.

Asos: Maktabgacha va maktab ta’limi vazirining 2026-yil 19-yanvardagi 18-son buyrug‘i

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️OʻQITUVCHINING LAVOZIM MAJBURIYATLARI QUYIDAGILAR.

MMTV vazirining 2026-yil 19-yanvardagi 18-sonli buyrugʻiga asosan:

🔹pedagogik xodimga belgilangan ish yuklamasini, jumladan, oʻquv-tarbiya jarayoni, oʻquv-tarbiya jarayonining metodik taʼminoti va tashkiliy-pedagogik jarayonlarga oid ishlarni oʻz vaqtida bajarish;

🔹dars mashgʻulotlarini rahbariyat tomonidan tasdiqlangan dars jadvali hamda taqvim-mavzu reja asosida olib borish;

🔹taʼlim sifatini oshirish maqsadida oʻz fani boʻyicha tarqatma va koʻrgazmali materiallarni tayyorlaydi (markazlashgan holda, jumladan vazirlik tomonidan taqdim yoki tavsiya etiladigan taʼlim portallarida elektron shakldagi tarqatma va koʻrgazmali materiallar boʻlmasa) va ulardan dars jarayonida samarali foydalanish;

🔹oʻquvchilarni oʻzlashtirgan bilimlarini amaliyotda mustaqil qoʻllay olishga oʻrgatish;

🔹oʻquvchilarda oʻz fani boʻyicha bilim va koʻnikmalarni shakllantirish, dars jarayonida oʻquvchilarning odob-axloq qoidalariga rioya qilishini taʼminlash;

🔹oʻz fani boʻyicha joriy, oraliq va yakuniy nazorat ishlarini oʻtkazadi, oʻquvchilarning yozma ishlari va daftarlarini tekshirish;

🔹umumiy oʻrta taʼlimning davlat taʼlim standarti va oʻquv dasturlariga muvofiq oʻz fani boʻyicha taqvim-mavzu rejalarni tuzish;

🔹oʻz ehtiyojiga koʻra fan oʻqituvchilari tomonidan oʻtiladigan darslarni kuzatish, dars tahlili natijasida oʻzaro tajriba almashish;

🔹pedagogik kengash, metodbirlashma yigʻilishlari, oʻquv-seminar, ochiq darslar va metodik materiallar ishlab chiqishda ishtirok etish;

🔹oʻz fani boʻyicha taqvim-mavzu reja asosida oʻtilgan mavzularni, oʻquvchilarning oʻtilgan mavzularni oʻzlashtirish bahosini va davomatini dars oʻtilgan kunning oʻzida elektron jurnalga qayd etish (bunda elektron jurnal joriy etilgan maktablarda anʼanaviy jurnalga baholashga yoʻl qoʻyilmaydi hamda elektron avtomatik davomat joriy qilingan maktablarda davomatni qayd etish oʻqituvchining vazifasiga kirmaydi);

🔹oʻquvchilarning qobiliyat va isteʼdodlarini rivojlantirishni nazarda tutgan holda, fanlarni oʻzlashtirishda qiynalayotgan va iqtidorli oʻquvchilar bilan ishlash maqsadida oʻz fani boʻyicha toʻgarak mashgʻulotlarini tashkil etish;

🔹oʻquvchilarni oʻz fani boʻyicha fanlar olimpiadalari, turli tanlovlar va musobaqalarga tayyorlash;

🔹oʻz fani boʻyicha belgilangan metodik kunda oʻzining kasbiy mahoratini oshirish maqsadida oʻz ustida mustaqil ishlash, ilgʻor taʼlim metodlarini oʻrganish va doimiy ravishda malakasini oshirib borish choralarini koʻrish;

🔹oʻziga biriktirilgan sinf xonalari, laboratoriya xonalaridagi qurilmalar, texnik vositalar, boshqa moddiy boyliklarning saqlanishini va ulardan oʻquv-metodik maqsadlarda samarali foydalanishni taʼminlash;

🔹taʼlim muassasasi rahbari bilan tuzilgan mehnat shartnomasi shartlariga amal qilish;

🔹oʻquvchilar huquqlariga va bolalarni muhofaza qilishga oid qonunchilik talablariga rioya qilish;

🔹taʼlim-tarbiya jarayoni ishtirokchilarining shaʼni, qadr-qimmati va ishchanlik obroʻsini hurmat qilish;

🔹taʼlim muassasa obroʻsi va shaʼniga putur yetkazishi mumkin boʻlgan maʼlumotlarni tarqatmaslik hamda davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

🔹taʼlim muassasasi ustavi, kasbiy odob-axloq qoidalari, sanitariya-gigiyena, ichki mehnat tartibi, mehnatni muhofaza qilish, texnika va yongʻin xavfsizligi qoidalari talablariga rioya qilish;

🔹foydalanish uchun oʻziga topshirilgan mebel, xona jihozlari, tashkiliy va maishiy texnikadan oqilona foydalanilishi va but saqlanishini hamda oʻzi ish olib boradigan xonada yongʻin xavfsizligi talablariga rioya qilinishini taʼminlash;

🔹bolalarga nisbatan zoʻravonlik sodir etmaslik, zoʻravonlikka uchragan bolalar toʻgʻrisida ish beruvchisi, “Inson” ijtimoiy xizmatlar markazlari va ichki ishlar organlarini xabardor qilish;

🔹qonun hujjatlariga muvofiq boshqa funksiyalarni ham amalga oshirishi mumkin

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️INKLYUZIV TAʼLIM BOʻYICHA PEDAGOGLARGA QUYIDAGICHA USTAMA TOʻLANADI.

🔹inklyuziv taʼlim sinfi — maktabdagi alohida taʼlim ehtiyojlari boʻlgan bolalarning boshqa (sogʻlom) bolalar bilan teng huquqli va birgalikdagi taʼlim olishlari shaklida tashkil etilgan sinf;

🔹boshlangʻich tayanch korreksion sinfi — maktabda alohida taʼlim ehtiyojlari boʻlgan bolalar uchun alohida tashkil etiladigan boshlangʻich sinf;

Inklyuziv taʼlim sinflari oʻqituvchilariga mehnatning alohida sharoitlari uchun har oyda toʻlanadigan ustama haqi sinfda alohida taʼlim ehtiyojlari boʻlgan bir nafar bola uchun tarif stavkasining 10%, ikki nafar bola uchun tarif stavkasining 20%, uch nafar bola uchun tarif stavkasining 30% miqdorida, ikki va undan ortiq inklyuziv taʼlim sinflarida toʻrt nafar va undan ortiq bola uchun taʼlim-tarbiya ishlarini amalga oshirgan fan oʻqituvchilariga tarif stavkasining 40% miqdorida belgilanadi.

Boshlangʻich tayanch korreksion sinflar oʻqituvchilari bolalar sonidan qatʼi nazar, inklyuziv sinflar yoki boshlangʻich tayanch korreksion sinflarda faoliyat yuritayotgan maxsus pedagoglarga va yordamchi xodim (assistent-oʻqituvchi)larga mehnatning alohida sharoitlari uchun har oyda toʻlanadigan ustama haqi lavozim maoshining 50% miqdorida toʻlanadi.

Asos: Vazirlar Mahkamasining 2021-yil 12-oktabrdagi 638-son qarori

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️9-SINFLARGA QIZIL SHAHODATNOMA VA 11-SINFLARGA OLTIN, KUMUSH MEDALLARINI BERISH TARTIBI QUYIDAGICHA.

9-sinflarga qizil shahodatnoma berish:

Tayanch o‘rta ta’lim to‘g‘risidagi a’lo darajali shahodatnoma — umumta’lim muassasasining 9-sinfni tugatgan, ta’lim dasturlarini davlat ta’lim standartlari talablari darajasida o‘zlashtirgan, 7-sinfdagi musiqa va tasviriy san’at fanlaridan, 8-9-sinflardagi barcha fanlardan choraklik, yillik va yakuniy davlat attestatsiya baholari a’lo hamda namunali xulqqa ega bo‘lgan bitiruvchilarga beriladi.
(Qaytaraman, choraklik, yillik va yakuniy davlat attestatsiya baholari a’lo bo‘lgan.)

⚠️Asos: Vazirlar Mahkamasining 2017-yil 15-martdagi 140-son qarori.

11-sinflarga oltin, kumush medallarini berish:

Oltin medal umumiy o‘rta ta’lim muassasalarining 9-sinfini bitirganlik to‘g‘risidagi a’lo darajali shahodatnomasi mavjud bo‘lgan, 10 va 11-sinflarida barcha fanlar bo‘yicha yakuniy nazoratlar, choraklik va yillik baholari a’lo bo‘lgan, namunali xulq-atvorli va jamoat ishlarida faollik ko‘rsatgan bitiruvchilarga beriladi.
(Qaytaraman, yakuniy nazoratlar, choraklik va yillik baholari a’lo bo‘lgan)

Kumush medal umumiy o‘rta ta’lim muassasalarining 9-sinfini bitirganlik to‘g‘risidagi a’lo darajali shahodatnomasi mavjud bo‘lgan, 10 va 11-sinflarida barcha fanlar bo‘yicha yillik baholari a’lo bo‘lgan, namunali xulq-atvorli va jamoat ishlarida faollik ko‘rsatgan bitiruvchilarga beriladi.
(Qaytaraman, yillik baholari a’lo bo‘lgan)

⚠️Asos: Vazirlar Mahkamasining 2019-yil 22-fevraldagi 154-son qarori.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e