⚡️INKLYUZIV TAʼLIM BOʻYICHA PEDAGOGLARGA QUYIDAGICHA USTAMA TOʻLANADI.

🔹inklyuziv taʼlim sinfi — maktabdagi alohida taʼlim ehtiyojlari boʻlgan bolalarning boshqa (sogʻlom) bolalar bilan teng huquqli va birgalikdagi taʼlim olishlari shaklida tashkil etilgan sinf;

🔹boshlangʻich tayanch korreksion sinfi — maktabda alohida taʼlim ehtiyojlari boʻlgan bolalar uchun alohida tashkil etiladigan boshlangʻich sinf;

Inklyuziv taʼlim sinflari oʻqituvchilariga mehnatning alohida sharoitlari uchun har oyda toʻlanadigan ustama haqi sinfda alohida taʼlim ehtiyojlari boʻlgan bir nafar bola uchun tarif stavkasining 10%, ikki nafar bola uchun tarif stavkasining 20%, uch nafar bola uchun tarif stavkasining 30% miqdorida, ikki va undan ortiq inklyuziv taʼlim sinflarida toʻrt nafar va undan ortiq bola uchun taʼlim-tarbiya ishlarini amalga oshirgan fan oʻqituvchilariga tarif stavkasining 40% miqdorida belgilanadi.

Boshlangʻich tayanch korreksion sinflar oʻqituvchilari bolalar sonidan qatʼi nazar, inklyuziv sinflar yoki boshlangʻich tayanch korreksion sinflarda faoliyat yuritayotgan maxsus pedagoglarga va yordamchi xodim (assistent-oʻqituvchi)larga mehnatning alohida sharoitlari uchun har oyda toʻlanadigan ustama haqi lavozim maoshining 50% miqdorida toʻlanadi.

Asos: Vazirlar Mahkamasining 2021-yil 12-oktabrdagi 638-son qarori

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️9-SINFLARGA QIZIL SHAHODATNOMA VA 11-SINFLARGA OLTIN, KUMUSH MEDALLARINI BERISH TARTIBI QUYIDAGICHA.

9-sinflarga qizil shahodatnoma berish:

Tayanch o‘rta ta’lim to‘g‘risidagi a’lo darajali shahodatnoma — umumta’lim muassasasining 9-sinfni tugatgan, ta’lim dasturlarini davlat ta’lim standartlari talablari darajasida o‘zlashtirgan, 7-sinfdagi musiqa va tasviriy san’at fanlaridan, 8-9-sinflardagi barcha fanlardan choraklik, yillik va yakuniy davlat attestatsiya baholari a’lo hamda namunali xulqqa ega bo‘lgan bitiruvchilarga beriladi.
(Qaytaraman, choraklik, yillik va yakuniy davlat attestatsiya baholari a’lo bo‘lgan.)

⚠️Asos: Vazirlar Mahkamasining 2017-yil 15-martdagi 140-son qarori.

11-sinflarga oltin, kumush medallarini berish:

Oltin medal umumiy o‘rta ta’lim muassasalarining 9-sinfini bitirganlik to‘g‘risidagi a’lo darajali shahodatnomasi mavjud bo‘lgan, 10 va 11-sinflarida barcha fanlar bo‘yicha yakuniy nazoratlar, choraklik va yillik baholari a’lo bo‘lgan, namunali xulq-atvorli va jamoat ishlarida faollik ko‘rsatgan bitiruvchilarga beriladi.
(Qaytaraman, yakuniy nazoratlar, choraklik va yillik baholari a’lo bo‘lgan)

Kumush medal umumiy o‘rta ta’lim muassasalarining 9-sinfini bitirganlik to‘g‘risidagi a’lo darajali shahodatnomasi mavjud bo‘lgan, 10 va 11-sinflarida barcha fanlar bo‘yicha yillik baholari a’lo bo‘lgan, namunali xulq-atvorli va jamoat ishlarida faollik ko‘rsatgan bitiruvchilarga beriladi.
(Qaytaraman, yillik baholari a’lo bo‘lgan)

⚠️Asos: Vazirlar Mahkamasining 2019-yil 22-fevraldagi 154-son qarori.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️UY TA’LIMIGA DARS O‘TUVCHI PEDAGOGLARNING MAJBURIYATLARI QUYIDAGICHA

(Buni barcha pedagoglar bilishi kerak)

o‘quvchining imkoniyatlari va tibbiy xulosani inobatga olgan holda o‘quv dasturlarining o‘zlashtirilishini ta’minlash;

o‘quvchilarning jismoniy va psixik rivojlanishini ta’minlash, atrof muhit va ijtimoiy hodisalar haqidagi tasavvurlarini kengaytirish;

o‘quvchining ma’naviy-axloqiy sifatlarini yuksaltirish hamda estetik did va his-tuyg‘ularini tarbiyalash;

o‘quvchida darsliklar, badiiy adabiyotlar va boshqa manbalar bilan mustaqil ishlash malakasini rivojlantirish;

dars mashg‘ulotlari rejasini tuzish;

dars mashg‘ulotlariga oid bo‘lgan hujjatlarni o‘z vaqtida yuritish hamda o‘quvchining o‘zlashtirishi bo‘yicha baholash daftariga qo‘yilgan baholarni sinf jurnaliga yoki o‘quvchilarning davomati va o‘zlashtirishini hisobga olish elektron tizimiga kiritib borish.

O‘qituvchilar qonunchilik hujjatlariga muvofiq boshqa huquq va majburiyatlarga ham ega bo‘lishi mumkin.

Asos: Vazirlar Mahkamasining 2021-yil 12-oktabrdagi 638-son qarori

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️YANGI O‘QUV YILIDAN DARS TAQSIMOTI QUYIDAGICHA BO‘LADI.

Adliya vazirligidan 2025-yil 28-oktyabr kuni 3271-1-raqam bilan roʻyxatdan oʻtkazilgan qo'shma qarorga ko'ra.

Dars soatlari setkasi pedagogik kengashi tomonidan ikki ish kuni ichida ko‘rib chiqilib, har yili 15-sentabrga qadar o‘qituvchilarga dars soatlari quyidagi ko‘rsatkichlarning ustuvor ketma-ketligi asosida taqsimlanadi: Bu jarayon 2026-yil 1-avgustdan amalda.

🔹oliy malaka toifasiga ega oʻqituvchilar (attestatsiyadan oʻtganligi toʻgʻrisidagi sertifikatning amal qilish muddatiga koʻra);

🔹dars beradigan fanidan pedagog xodimlarga ustama belgilashda qoʻllaniladigan milliy yoki xalqaro tan olingan sertifikatga ega oʻqituvchilar (sertifikatning belgilangan darajasi va amal qilish muddatiga koʻra);

🔹birinchi malaka toifasiga ega oʻqituvchilar (attestatsiyadan oʻtganligi toʻgʻrisidagi sertifikatning amal qilish muddatiga koʻra);

🔹ikkinchi malaka toifasiga ega oʻqituvchilar (attestatsiyadan oʻtganligi toʻgʻrisidagi sertifikatning amal qilish muddatiga koʻra);

🔹oliy maʼlumotli toifasiz oʻqituvchilar;

🔹qayta tayyorlash boʻyicha diplomga ega oʻqituvchilar (o‘qituvchida qayta tayyorlash mutaxassisligi boʻyicha mazkur bandning ikkinchi – oltinchi xatboshilarida nazarda tutilgan ko‘rsatkichlardan biri yoki bir nechtasi mavjud bo‘lganda taalluqliligiga koʻra tegishli ko‘rsatkichlar mavjud bo‘lgan oʻqituvchilar bilan teng ustuvorlikka ega bo‘ladi);

🔹oʻrindoshlik asosida ishlayotgan oliy maʼlumotli oʻqituvchilar;

🔹oliy taʼlim muassasalarining pedagogika yoʻnalishi boʻyicha uchinchi va undan yuqori kurs talabalari;

🔹oliy maʼlumotli oʻqituvchilar bilan taʼminlanguniga qadar oʻrta maxsus, professional maʼlumotga ega oʻqituvchilar (faqat boshlangʻich sinflarda dars beruvchi oʻqituvchilar uchun);

🔹oliy maʼlumotli oʻqituvchilar bilan taʼminlanguniga qadar umumtaʼlim muassasasining tegishli mutaxassisligi boʻyicha rahbar xodimlari.

🔹Boshlangʻich sinflarda oʻqitiladigan fanlar boʻyicha dars soatlarini taqsimlashda oʻqituvchilarning boshlangʻich taʼlim mutaxassisligiga egaligi yoki tegishincha ushbu fanni boshlangʻich sinflarda oʻqitish metodikasi bo‘yicha ta’lim olganligi inobatga olinadi.

🔹Umumtaʼlim muassasasining pedagogik kengashi tomonidan dars soatlari qayta taqsimlanishi mumkin.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️AQLVOYGA YANGI TESTLAR JOYLANDI.

Hurmatli boshlang‘ich taʼlim fani o‘qituvchilari. O‘quvchilaringizning o‘zlashtirish darajasini tekshirib boring. Buning uchun Aqlvoy botiga kiring, o‘quvchilaringiz guruhiga havola yuboring va ular ishlagan test natijalari sizda ko‘rinadi.

Batafsil rasmda

🔹 Aqlvoy bot

   ┏━━━━━————━━━━┓
   彡 🏃‍♀BOTGA KIRISH🏃彡
   ┗━━━━————━━━━━┛

⚡️SINF RAHBARILIGI NIZOM BO’YICHA KIMLARGA BERILISHI KERAK

🔹maktabda asosiy ishchi sifatida ishlaydigan (o’rindoshlarga mumkin emas)

🔹boshqaruvchanlik qobilyatiga ega bo’lgan

🔹o’quvchilar bilan ishlash jarayonida ma’uliyat bilan yondasha oladigan

🔹boshlang’ich sinflarda sinf rahbarligi boshlang’ich sinfga biriktirilgan (ona tili, o'qish, matematikadan dars beruvchi) o’qituvchilarga yuklatiladi.

Asoslar: 👇

👩‍💻MMTV ning 2023-yil 27-iyundagi 190-sonli buyrug‘i

👩‍💻MMTVning 2025-yil 25-avgust kungi 308-sonli buyrug‘i

👩‍💻MMTVning 2025-yil 23-oktabrdagi 398-soni buyrugʻi

👩‍💻Adliya vazirligidan 2020-yil 30-iyun 3271-son bilan ro‘yhatdan o‘tkazilgan nizom.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

Aslida bor ermaklarning borar yeri sen,
Yaxshi-yomon ertaklarning borar yeri sen,
Asov otdek erkaklarning borar yeri sen,
Sen baribir muqaddassan, muqaddas ayol.

Harir, xushboy badaningda toshlar izi bor,
Ko‘kragingda egilgan ne boshlar izi bor,
Quyosh o`ti kuydirgan ne quyoshlar izi bor,
Sen baribir muqaddassan, muqaddas ayol.

8-mart bilan barcha ayollarni, opa-singillarni, onajonlarni chin qalbimizdan tabriklaymiz.🎁

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️8-MART KUNI HAQIDAGI AJOYIB FAKTLAR

8-mart kuni dunyoning qator davlatlarida bayram sifatida nishonlanadi. Jumladan, O‘zbekiston hududida ham. bu kunning tarixi haqida turli-tuman taxminlar, mishmishlar va afsonalar yuradi. o‘tmishga nazar solsak, 8-mart haqida hali biz eshitmagan ma’lumotlar talaygina ekanligiga guvoh bo‘lamiz.

1) 1914-yil boshida Xalqaro xotin-qizlar kuni birinchi marta rasmiy bayram sifatida kiritildi.

2) 1909-yilning 28-fevral kuni AQSH ilk bor Ayollar kunini nishonladi.

3) 1911-yilda Daniya, Avstriya, Shveysariya va Germaniya Ayollar kunini nishonlashni boshladi.

4) 1913-yildan e’tiboran Xalqaro ayollar kuni 8-martga ko‘chirildi.

5) Avval bu bayram 23-fevralda nishonlangan.

6) 2000-yildan boshlab dunyoning aksari davlatlarida Xalqaro ayollar kuni rasmiy bayram sifatida qabul qilindi.

7) Avstraliyada ilk bor bu bayram 1911-yilning 19-martida nishonlangan.

8) Aynan shu kuni jahonda ilk bor ayollarning norozilik namoyishlari va mitingi boshlandi.

9) 1956-yildan e’tiboran ushbu sana dam olish kuni deya tasdiqlandi.

10) Qadimgi Rimda ham bu bayram nishonlangani haqida ma’lumotlar mavjud.

11) Bu bayramni jahonning 31 ta davlati rasmiy ravishda nishonlaydi.

12) 8-mart Suriyada “Revolyutsiya kuni” sifatida nishonlanadi.

13) 1910-yil Daniyaning Kopengagen shahrida Klara Setkin ushbu kunni Xalqaro xotin-qizlar kuni sifatida nishonlashni taklif qilib chiqdi. 

14) Bu kun Armanistonda “Onalar kuni” sifatida bayram qilinadi.

15) 1914 yildan boshlabgina 8-mart  bayram sifatida rasmiy qabul qilingan.

16) Statistikaga ko‘ra, 100 nafar odamdan faqat 4 nafari ushbu bayramni restoranda nishonlashni istaydi.

17) “8-mart” degan atir faqat sobiq ittifoqda bo‘lgan.

18) Daniyaning Kopingagen shahri ushbu bayram asoschisi deya e’tirof etiladi

19) 1702 yilning 8-martida Anna Buyuk Britaniyaning qirolichasi bo‘lgan bo‘lsa, 1728 yilning shu kunida Pyotr II Rossiya imperiyasining taxtiga keldi.

20) 1968 yilda Yangi Zelandiya ushbu kunni bir yilda 4 marta nishonladi

✍️Sarvar Anvar o‘g‘li

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️RASMAN, ERTAGA 10-MART SESHANBA KUNI "KELAJAK SOATI" DARSLARI BO‘LADI.

MMTVning 2026-yil 6-mart kungi 04-37-767-sonli tavsiyaviy xati.

💰Oylik bot

O‘qituvchilar uchun barcha hujjatlar shu kanalda!✅️
👇👇👇👇👇👇👇
https://t.me/uqituvchiga_hujjat

⚡️BOSHLANG‘ICH SINF O‘QITUVCHILARI USTAMA OLISHLARI UCHUN HOZIRDA QUYIDAGI ISHLARNI QILISHLARI KERAK      

Direktor jamg‘armasidan ustama tayinlashda asosiy ballni fan olimpiadalari, koʻrik tanlovlar, musobaqalar va tadbirlarda qatnashib ijobiy natija qayd etgan o‘quvchilarning ustozlariga beriladi. Ya’ni, maksimall 25 ball beriladi. Ammo, boshlang‘ich sinf o‘qituvchilarigachi? Axir ularda olimpiada yo‘q-ku, qolgan tanlovlar ham deyarli bo‘lmaydiku.

Bizga ma’lumki, MMTVning 2026-yil 30-yanvardagi 35-son buyrugʻi bilan bu yil ustama tayinlashda hisobga olinadigan olimpiadalar, tanlov va musobaqalar ro‘yxati tasdiqlandi. Biroq, ushbu buyruqda boshlang'ich sinf o'qituvchilarining tanlov va tadbirlariga izoh berilmagan.

Bunday vaziyatda to'g'ridan-to'g'ri Vazirlar Mahkamasining 2019-yil 30-sentabrdagi 823-sonli qarorida berilgan ko'rsatma bo'yicha ish tutiladi.

Ya'niy, boshlangʻich sinf oʻquvchilarining maktab miqyosidagi tanlov va boshqa tadbirlardagi ishtiroki natijalari asosida baholanadi. Ushbu tanlov va tadbirlar direktorning buyrug'i asosida o'tkaziladi.

Demak, hozirda boshlang‘ich sinf o‘qituvchilari maktab miqyosida qandaydir tanlov va boshqa tadbirlar o‘tkazishi kerak. Ushbu tanlovlarning nizomi, baholash mezoni, hakamlar hay’ati tarkibi va shu asosida direktorning buyrug‘i (buyruq adliya orqali tasdiqlanadi) bo‘lishi lozim.

Shunda ushbu tanlov va tadbirlarda qatnashgan oʻquvchilari toʻplashi mumkin boʻlgan maksimal ballning ulushi 55-70% tashkil etganda 5 ball, 71-85% tashkil etganda 10 ball, 86-100% tashkil etganda 25 ball beriladi.

Yuqori sinf o‘qituvchilariga esa, maktabda emas, balki tumanda (shaharda) o‘tkazilgan olimpiada, tanlov va musobaqalar hisobga olinadi.

Asos: Vazirlar Mahkamasining 2019-yil 30-sentabrdagi 823-sonli qarori, MMTVning 2026-yil 30-yanvardagi 35-son buyrugʻi

🔹 Aqlvoy bot 👇
   ┏━━━━━━━━━━┓
   彡 🏃‍♀️BOTGA KIRISH🏃彡
   ┗━━━━━━━━━━┛

⚡️OʻQUVCHILARNING TAʼTIL PAYTIDAGI XATTI-HARAKATLARI UCHUN OTA-ONALAR JAVOB BERADI

Barchamizga maʼlumki, ilgari oʻquvchilarning xar qanday xatti-harakatlari uchun, xoh u taʼtilda boʻlsin xoh darsdan tashqarida boʻlsin, faqat sinf rahbar, direktor yoki uning oʻrinbosarlari javobgar boʻlardi. Misol uchun oʻquvchi taʼtil vaqtida qoʻshnisi bilan mushtlashib, janjallashib qolsa ham ichki ishlar organi xodimlari oʻsha oʻquvchining sinf rahbarini chaqirtirib bezovta qilardi.

Koʻp hollarda maktab rahbariyati bilan birga sinf rahbarlari lavozim vazifalarini bajarmagan deya baholanib, ularga nisbatan hayfsan intizomiy jazo chorasi qoʻllanilar edi. Oʻquvchining ota-onasiga esa deyarli hech qanday taʼsirchan choralar koʻrilmasdi. Hozir esa bunday holatlarning oldi olingan.

MMT Vazirligining 2023-yil 27-iyundagi 190-sonli buyrug‘i bilan tasdiqlangan, sinf rahbari toʻgʻrisidagi nizomga muvofiq taʼlim muassasasidan tashqarida darsdan keyingi va taʼtil paytidagi oʻquvchilarning xatti-harakatlari uchun amaldagi qonunchilik hujjatlariga muvofiq ota-onalar javob beradi.

Sinf rahbarlari esa javobgarlikka tortilmaydi. Demak bunday holallarda nafaqat sinf rahbariga balki direktor oʻrinbosarlariga nisbatan ham intizomiy jazo choralari qoʻllanilmaydi.

Shuni ham unutmaslik kerakki, Oʻzbekiston Respublikasi Oila kodeksining 73-moddasida ota-onalar farzandlarini tarbiyalashga masʼul ekanligi bayon etilgan. Ular farzandlarining salomatligi, aqliy, jismoniy, maʼnaviy va axloqiy rivojlanishi uchun gʻamxoʻrlik qilishlari shart.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️PEDAGOG XODIMLAR ATTESTATSIYA NATIJALARIGA KO‘RA QUYIDAGI BALLARNI TO‘PLASHI KERAK

🔤oliy toifa uchun  80 ball va undan yuqori

1️⃣birinchi toifa uchun 70 ball va undan yuqori

2️⃣ikkinchi toifa uchun 60 ball va undan yuqori

🔤mutaxassis toifa uchun 55 balldan 59 ballgacha

⚠️55 balldan kam ko‘rsatkichga ega bo‘lsa, attestatsiyadan o‘tmagan, mutaxassis (oliy ma’lumotli o‘qituvchi) lavozimiga muvofiq emas deb hisoblanadi. Navbatdan tashqari attestatsiyaga jalb etilgan pedagog kadrlar bundan mustasno.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️️BSB va CHSB JAVOBLARI TARQAB KETMOQDA

Maʼlumki, 2025-2026 o‘quv yilidan boshlab ko‘plab maktablarda yangi baholash tartibi joriy etildi.

Ushbu mezonga asoslangan baholash tartibi avvalgi solishtirma baholash tartibidan ko‘p jihatdan afzalligi barchaga ma’lum. O‘quvchi aʼlo natija ko‘rsatishi uchun BSB dan 50 ball va CHSB dan 40 ball olishi kerak. Darsda faol qatnashgani uchun 10 ball beriladi va jami to‘plagan bali 100 ballni tashkil qiladi.

Bunda BSB va CHSB bob bo‘yicha va chorak bo‘yicha ulardan nazorat ishi olinadi degani. Yaʼni, o‘quvchi o‘sha nazorat ishlarida aʼlo natija qayd etsa, uning bahosi 5 yoki, 4 chiqaveradi. Darsdagi faolligiga 10 ball berilgani uchun bu deyarli ahamiyatsiz bo‘lib qoladi.

Taqdimotlarda ushbu jarayon sportchilarga qiyoslangan. Misol uchun kunlik sport mashg‘ulotlarda (trinovkada) sportchi qanday shug‘ullanishi muhim emas, muhimi musobaqada g‘alaba qozonish deb qaralgan. Bu nazariy jihatdan to‘g‘ri, albatta.

☝️Ammo, lekin, biroq...

Nazorat ishi (BSB, CHSB) javoblari tarqab ketmoqda. Natijada avval arang 3 bahoga o‘qigan o‘quvchilar endilikda 5 bahoga choraklikni yopmoqda. CHSB da 40 balldan 40 ball olganini ko‘rgan pedagoglar nima qilishni bilmay qolmoqda.

Javoblar tarqashda davom etaversa, ushbu tartib qanchalik samara berishi so‘roq ostida qoladi. Buni oldini olish uchun vazirlik qandaydir chora ko‘rishi zarur. O‘tgan chorakda ayrim fanlardan CHSB lar online olindi. Bunda CHSB lar ertalab soat 8:00 dan ochildi va o‘quvchilar kompyuterda nazorat ishlarini online topshirdilar. Lekin, bu faqatgina 2 ta fandan bo‘ldi, xolos. Qolaversa nazorat ishlarini online olish uchun texnik imkoniyatlar ham barcha maktablarda bir xil emas. (Internet, elektr va bosh)

Shularni inobatga olib masʼullar bu masalaga kerakli yechim topishlari zarur. Aks holda yangi baholash tartibi salbiy natija berishi mumkin.

Shunga o‘xshash holat avval ham kuzatilgan. 9-11-sinf bitiruvchilarining yakuniy attestatsiya imtihonlarining javoblari tarqalgan va biz bu haqida yozgan edik.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️SINF JURNALIGA DAVOMAT BELGILARI QUYIDAGICHA KIRITILISHI SHART

Xalq ta’limi vazirining (hozirgi Maktabgacha va maktab ta'limi vazirligi) 2О22-уil 24-iyundagi 205-son buyrug‘iga asosan davomat belgilari quyidagicha qayd etiladi.

❗️Fan o‘qituvchilari tomonidan faqat kichik xarflarda qayd etiladi:👇

s — hech qanday sababsiz dars qoldirganini ko‘rsatish uchun;
kq — darsga kechikishni ko‘rsatish uchun.(baxolash mumkin).

❗️Faqat sinf rahbari faqat kichik xarflarda qayd etadi: 👇

s — hech qanday sababsiz dars qoldirganligini ko‘rsatish uchun;
dq — sababli dars qoldirganligini ko‘rsatish uchun;
k — kasallik sababli dars qoldirganligini ko‘rsatish uchun;
kq — darsga kechikib kerganligini ko‘rsatish uchun;
m — surunkali dars qoldirayotganligini ko‘rsatish uchun;
ch — respublikadan tashqariga ruxsatsiz chiqib ketganligini ko‘rsatish uchun;
q — ta’lim olishga ota-onasi qarshilik qilayotganligini ko‘rsatish uchun;
ns — ota-ona nazoratsizligi sababli darsga kelmaydiganligini ko‘rsatish uchun;
tq — turmushga chiqqanligi tufayli darsga kelmaydiganligini ko‘rsatish uchun qo‘yish belgilanadi.

⚠️ESLATMA:
Fan o'qituvchilari darsda qatnashgan o'quvchilarning 30% ni baholashi va "Dars o'tildi" qaydiga belgi qo'yishi zarur.

O‘quvchilar o‘z vaqtida (1 smenali maktablar uchun 9.00 dan 21.00 gacha, 2 smenali maktablar uchun joriy kundan ertasi kuni 13.00 gacha) baholanmasligi, belgining qo‘yilmasligi o‘qituvchini dars o‘tmaganligini bildiradi va ushbu dars uchun haq to‘lanmaydi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️AGAR O‘QUVCHI ICHKI NAZORATGA OLINSA SINF RAHBARI QUYIDAGI ISHLARNI QILISHI KERAK.

Xalq ta’limi vazirining 2020-yil 18-dekabrdagi 308-sonli buyrug‘iga ko‘ra agar o‘quvchi ichki nazoratga olinsa, MMIBDO‘, CHQBT rahbari, sinf rahbari, psixologlarga o‘quvchi bilan ishlashda alohida vazifalar belgilangan.

Quyida sinf rahbarining vazifalarini keltirib o‘tamiz. Sinf rahbari ushbu ishlarni bajarishda alohida ish reja tuzib, direktorga tasdiqlatadi va qilingan ishlarni jamlab yig‘ma jild yuritadi.

🔹ta'lim muassasasi va undan tashqarida oʻquvchilar tomonidan ta’qiqlangan buyumlar (o'tkir tigʻli jismlar, oʻyin kartasi, turli zararli kimyoviy moddalar va pirotexnik vositalar, maxsus gaz sachratuvchi moslamalar, qimmatbaho buyumlar, ma'naviyatga va xulqqa salbiy ta'sir ko'rsatuvchi boshqa predmetlar)ni olib yurish mumkin emasligi haqida doimiy tushuntirish ishlarini olib borish;

🔹ichki ro'yxatga olingan o'quvchilarning oilaviy sharoitini o'rganish;

🔹ichki ro'yxatga olingan o'quvchilarning qiziqishlarini e'tiborga olgan holda to'garaklarga jalb qilish;

🔹ichki ro'yxatga olingan o'quvchilarning ta'lim muassasasi va sinf miqyosida o'tkaziladigan turli madaniy-ma'rifiy tadbirlarga muntazam ravishda jalb qilish;

🔹ichki ro'yxatga olingan o'quvchilarning bo'sh o'zlashtirayotgan fanlar boʻyicha faoliyatini muntazam tahlil qilib borish, fan o'qituvchisiga darslarda ushbu o'quvchini faollashtirish yuzasidan kerakli tavsiyalar berish;

🔹ichki ro'yxatga olingan o'quvchilarning darslarga to'liq o'quv qurollari bilan ishtirok etishi va davomatini, shuningdek odob-axloq qoidalariga rioya qilishini kunlik nazorat qilib borish;

🔹ichki ro'yxatga olingan o'quvchilar maktabga kelmay qolgan holatda zudlik bilan shu kunning o'zida (soat 10:00 gacha) ularning ota-onalari bilan telefon orqali bogʻlanib, vaziyatga oydinlik kiritish, ota-onasi bilan bog'lanish imkoni boʻlmaganda, ta'lim muassasasi rahbariyatini ogohlantirish;

🔹ichki ro'yxatga olingan o'quvchilarning oʻqishi va xulqida kuzatilayotgan har qanday o'zgarishlarni ularning ota-onalari va maktab rahbariyatiga ma'lum qilish.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Farzandingizning ta’limida qanday yordam berish mumkin?

Farzandingizning o‘qish jarayonini qo‘llab-quvvatlash – uning muvaffaqiyatli ta’lim olishida muhim rol o‘ynaydi. Quyidagi maslahatlar orqali siz bolangizning bilim olishiga samarali yordam bera olasiz.

🔹O‘quv muhitini yaratish
Farzandingiz uchun tinch, yorug‘ va qulay o‘qish burchagini tashkil qiling. Kitoblar, daftarlar va boshqa o‘quv qurollari har doim qo‘l ostida bo‘lishi kerak.

🔹O‘quv jadvalini tuzish
Farzandingiz bilan birga dars qilish va mustaqil o‘rganish uchun aniq jadval tuzing. Bu vaqtni rejalashtirish va o‘z vazifalarini bajarishda unga yordam beradi.

🔹O‘qishga bo‘lgan qiziqishni oshirish
Bolangizni yangi narsalarni bilishga undang. Ilmiy tajribalar qilish, qiziqarli kitoblar o‘qish yoki ta’limiy videolarni birga ko‘rish orqali uning qiziqishini oshirish mumkin.

🔹Uy vazifalariga yordam berish
Uy vazifasini bajarishda yo‘l-yo‘riq ko‘rsating, lekin uning o‘rniga ishlamang. Savollar orqali yo‘naltiring va to‘g‘ri javoblarni o‘zi topishga rag‘batlantiring.

🔹Rag‘batlantirish va motivatsiya
Farzandingizning muvaffaqiyatlarini doimo e’tirof eting va uni rag‘batlantiring. Bu uning o‘qishga bo‘lgan ishtiyoqini oshiradi.

🔹O‘qituvchilar bilan aloqada bo‘lish
Maktab yoki maktabdan tashqari ta’lim muassasalari bilan doimiy aloqada bo‘ling. O‘qituvchilarning tavsiyalarini inobatga olib, farzandingizning ta’lim jarayoniga faol qo‘shiling.

🔹Texnologiyalardan samarali foydalanish
Zamonaviy ta’lim platformalari va ilovalardan foydalanishga e’tibor qarating. Onlayn kurslar, interfaol darslar va ta’limiy o‘yinlar farzandingizning bilimini mustahkamlashga yordam beradi.

🔹O‘rnak bo‘lish
Farzandingiz sizning harakatlaringizdan ilhomlanadi. Agar siz kitob o‘qisangiz, doimiy o‘rganishga harakat qilsangiz, u ham shunday bo‘lishga intiladi.

🔹Sabrli bo‘lish
Har bir bolaning o‘ziga xos o‘qish sur’ati bor. Agar u biror narsani darrov tushunmasa, sabr bilan tushuntiring va rag‘batlantiring.
Farzandingizning ta’lim jarayonida faol ishtirok etib, unga to‘g‘ri yo‘nalish bersangiz, u yanada muvaffaqiyatli bo‘lishiga yordam bera olasiz. Sizning qo‘llab-quvvatlashingiz uning kelajagi uchun katta ahamiyatga ega!

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️KUNDALIK COMDA (emaktab) SINF RAHBARINING VAZIFALARI QUYIDAGICHA

1⃣ota-ona (o'quvchining qonuniy vakili) uchun Platformada рrоfil yaratib,
vaqtinchalik Login vа Parolni tarqatish;

2⃣ota-onalar va o'qituvchilar uchun unutilgan Login vа Parolni tiklash tartibi hamda o'quvchi vа ota-ona (o'quvchining qonuniy vakili)ning shaxsiy ma'lumotlarini uzatish uchun javobgar bо'lish;

3⃣ota-ona (o'quvchining qonuniy vakili)ning Platformadagi faolligini doimiy ravishda kuzatib borish, zarurat tug'ilganda ularga aloqaga chiqib profilaktik suhbat olib borish. Profilaktik suhbat o'z ijobiy natijasini bermagan taqdirda maktab direktoriga mа'lumot kiritish;

4⃣sababli (kasalligi, oilaviy sharoitidan kelib chiqqan holda) dars qoldirgan o'quvchilarni sinf jurnalida maxsus belgilar (s, dq, k, kq, m, ch, q, ns, tq) bilan belgilab chiqish;

5⃣o'quvchi sababsiz 3 soat dars qoldirsa kerakli hujjatlar to'plamini yig'ib, muassasa rahbariga taqdim etish;

6⃣umumiy o'rta ta'lim muassasalari faoliyatida avtomatlashtirilgan axborot tizim bilan ishlash va arxivlashtirish tartibi haqidagi nizomga muvofiq belgilangan
vazifalar bajarilishini ta'minlaydi.

Asos: Xalq ta’limi vazirining 2022-yil 24-iyun kungi 205-sonli buyrug‘i.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️PEDAGOGLAR ATTESTATSIYADA MUTAHASISLIK FANIDAN 32 TA VA UNDAN YUQORI TESTNI TO'G'RI ISHLASA VAZIR JAMG‘ARMASIDAN USTAMA OLISHGA DAVOGARLIK QILADI.

Vazirlar Mahkamasining 2025-yil 28-fevraldagi 130-sonli qaroriga asosan

Vazir jamg’armasidan ustama olishga belgilangan kvota doirasida pedagog kadrlar attestatsiyasining birinchi bosqichi — pedagogning mutaxassislik fani va kasb standarti bo‘yicha bilim darajasini aniqlash natijalariga ko‘ra umumiy ballning kamida 80 foizini qo‘lga kiritgan fan o‘qituvchilari nomzod bo’la oladi.

Bunda kvota belgilangan yildan avvalgi yilning yanvar — iyun va sentabr — dekabr oylarida bo‘lib o‘tgan  pedagog kadrlarini attestatsiyadan o‘tkazishning birinchi bosqichi — pedagogning mutaxassislik fani va kasb standarti bo‘yicha bilim darajasini aniqlash natijalari har yili 1-martga qadar tahlil qilinadi va nomzodlar ro‘yxati shakllantiriladi hamda 2-bosqichga o‘tkaziladi.

Bu shuni anglatadiki, o’qituvchi attestatsiya testiga kirib mutaxassislik fani bo’yicha kamida 32 ta testni to’g’ri ishlasa, vazir ustamasiga nomzod bo’la oladi.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️DARS ETAPLARI QUYIDAGICHA

An’anaviy dars o’tish jarayonlari 6 ta bosqichda amalga oshiriladi. Pedagoglar ushbu dars etaplariga rioya qilishlari kerakdir.

🔹Darsning tashkil qilish jarayoni (tashkiliy qism)
🔹O’tilgan va uyga berilgan mavzuni so’rash va takrorlash jarayoni
🔹Yangi mavzu mazmunini  tushuntirsh jarayoni
🔹Yangi mavzuni  mustahkamlash amaliy va  mustaqil ishlar bajarish jarayoni
🔹Darsni yakunlash  va baholash jarayoni
🔹Uyga vazifa berish jarayoni

⚠️Darslarni tahlil qilishda ushbu etaplarga rioya qilishlari hisobga olinadi. Uztozlarga yetkazib qo'yamiz!

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️ EMAKTAB.UZ DA O’QITUVCHI QUYIDAGI FUNKSIYALARNI BAJARADI.

Xalq ta'limi vazirining 2022-yil 24-iyundagi 205-sonli buyrug’iga ko’ra pedagoglar elektron kundalik jurnalini yuritishda quyidagi funksiyalarni bajaradi.

🔹Chorak boshida ish rejalarni kundalikka joylaydi (mavzularni kunligini-kunda kiritsa ham bo’laveradi). Bayram yoki ishlanmaydigan kundagi mavzularni tig’izlatadi.

🔹Darsda qatnashgan o’quvchilarni kamida 30% ni baholaydi. Bunda 1 smenalik maktablar soat 9.00-21.00 gacha bo’lgan muddatda, 2 smenalik bo’lgan maktablar joriy kundan ertasi kuni soat 13:00 gacha baholashi kerakdir. O’quvchilarni o’z vaqtida baholamaslik, o’qituvchini dars o’tmaganligini bildiradi va ushbu dars uchun haq to’lanmaydi.

🔹Online tartibda kiritilgan baholarni 72 soat ichida o’zgartirish, qo’shimcha kiritishga ruxsat beriladi.

🔹Dars boshlanganda davomatni online tarzda kiritadi. Bunda faqat ikkita belgini qo’yadi. Kichkina “s” belgisi-o’quvchi sababsiz dars qoldirganda. Kichik “kq” belgisi-o’quvchi kech qolganda (baholash mumkin). Davomat bo’yicha qolgan belgilarni (s,dq, k, kq, m, ch, q, ns, tq) sinf rahbari kiritadi.

Shuningdek 205-sonli buyrug’da maktab rahbarlari va sinf rahbarining ham vazifalari ko’rsatib o’tilgan. Bu haqda avvali postlarimizda xabar bergan edik.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e