⚡️Navbatdan tashqari kasbiy sertifikatlash sinovlarida qatnashish uchun murojaatlarni yuborish davom etmoqda.

✅ Xabaringiz bor, Vazirlar Mahkamasining 2024-yil 12-fevraldagi 87-son qarori bilan umumiy oʻrta taʻlim tashkilotlarida pedagog kasbiga birinchi marta ishga qabul qilingan stajor-oʻqituvchilar hamda tegishli toifaga ega boʻlmagan pedagog kadrlar kasbiy sertifikatlash sinovlariga jalb etiladi.

➖ 2025-yil 7-iyuldan boshlab Yagona interaktiv davlat xizmatlari portali hamda davlat xizmatlari markazlari orqali navbatdan tashqari kasbiy sertifikatlash sinovlarida qatnashish uchun murojaatlar qabul qilinishini ma’lum qilamiz.

❗️Murojaatlarni yuborish 2025-yil 7-avgust (shu kuni ham)ga qadar davom etadi.

✔️ Eslatib oʻtamiz: Kasbiy sertifikatlash sinovlarida joriy yilning mart-iyun oylarida oʻtkazilgan kasbiy sertifikatlash sinovlarida yetarli ball to'play olmagan (56 dan kam) hamda ishtirok etmagan stajor-o‘qituvchilar ham hujjat topshirishlari mumkin.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️OMMALASHTIRILGAN ISHLARGA QUYIDAGI BALLAR BERILADI.

Plagiat tekshiruvida (mualliflik huquqi) qoniqarsiz chiqqan, ped kengash qarori pechatsiz tasdiqlanmagan yoki umuman yuklanmagan ishlar rad etiladi.

🔹49 ballgacha ball olgan ishlar maktab miqyosida ommalashgan hisoblanadi.

🔹50-65 ball olgan ishlar tuman miqyosida ommalashgan hisoblanadi

🔹66-80 ball olgan ishlar viloyat miqyosida ommalashgan hisoblanadi.

🔹75-80 ball bilan baholangan metodik ish respublika miqyosida ommalashtirish uchun tavsiya etiladi.

Asos: MMT vazirining 2025-yil 17-martdagi 89-sonli buyrugʻi

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Avgustning quvonch va tashvishlari
(Xazilga o‘xshagan chin )

Asablarni kushandasi
Xayajonlar, g‘azablar
Avgustdanoq ado bo‘lar
Muallimda asablar

--Bu yil qancha dars tegarkin
--Insof bersin rahbarga
--Ketmasam bas, --o‘ylar yana
Rossiyaga, safarga

Bir tomonda kredit bor,
O‘g‘il - qizning to‘ylari
Avvaldanoq g‘amga botar
O‘qituvchining o‘ylari

Nafaqaga chiqqunicha
Ish boshlagan paytidan
Ustoz ahli ishga kirar
Har yiliga qaytadan

Boshlanadi so‘roq-savol
Turli vajlar, sabablar
Vazirlikka saylangandek
Qo‘yiladi talablar

Falonchida tajriba zo‘r
Toifasi chatoqda
Pistonchida toifa zo‘r
Natijalar pastroqda

Xarakatda "zarlar","zo‘rlar"
Aloqada. "Kottalar"
Shu vaqt kuchin ko‘rsatadi
Qonun-qoida, moddalar

Ming malomat, mashaqqatda
Dars oladi muallim
Mingta shartga ko‘nib, go‘yo
Qarz oladi muallim

O‘zingizni asrang ustoz
Ordona pul, oyligi
O‘qituvchining asablari
Ma’rifatning boyligi

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️ EMAKTAB.UZ DA O’QITUVCHI QUYIDAGI FUNKSIYALARNI BAJARADI.

Xalq ta'limi vazirining 2022-yil 24-iyundagi 205-sonli buyrug’iga ko’ra pedagoglar elektron kundalik jurnalini yuritishda quyidagi funksiyalarni bajaradi.

1-chorak boshida ish rejalarni kundalikka joylaydi (mavzularni kunligini-kunda kiritsa ham bo’laveradi). Bayram yoki ishlanmaydigan kundagi mavzularni tig’izlatadi.

2-darsda qatnashgan o’quvchilarni kamida 30% ni baholaydi. Bunda 1 smenalik maktablar soat 9.00-21.00 gacha bo’lgan muddatda, 2 smenalik bo’lgan maktablar joriy kundan ertasi kuni soat 13:00 gacha baholashi kerakdir. O’quvchilarni o’z vaqtida baholamaslik, o’qituvchini dars o’tmaganligini bildiradi va ushbu dars uchun haq to’lanmaydi.

3-online tartibda kiritilgan baholarni 72 soat ichida o’zgartirish, qo’shimcha kiritishga ruxsat beriladi.

4-dars boshlanganda davomatni online tarzda kiritadi. Bunda faqat ikkita belgini qo’yadi. Kichkina “s” belgisi-o’quvchi sababsiz dars qoldirganda. Kichik “kq” belgisi-o’quvchi kech qolganda (baholash mumkin). Davomat bo’yicha qolgan belgilarni (s,dq, k, kq, m, ch, q, ns, tq) sinf rahbari kiritadi.

Shuningdek 205-sonli buyrug’da maktab rahbarlari va sinf rahbarining ham vazifalari ko’rsatib o’tilgan. Bu haqda avvali postlarimizda xabar bergan edik.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️DARS TAQSIMOTI QUYIDAGI TARTIBDA AMALGA OSHIRILISHI KERAK.

Umumta’lim muassasalari tomonidan o‘qituvchilarga dars soatlari quyidagi ko‘rsatkichlarning ustuvor ketma-ketligi asosida taqsimlanadi:

1-xalqaro olimpiadalar g‘oliblarini tayyorlagan o‘qituvchilar;

2-o‘qituvchi bo‘lib faoliyat yuritayotgan xalqaro olimpiadalar g‘oliblari;

3-chet tili va STEAM fanlaridan mutaxassisligi bo‘yicha xalqaro sertifikatlarga ega o‘qituvchilar (TESOL Level 5, CEFR B2, IELTS 6 va undan yuqori, shuningdek, O‘zbekiston Respublikasi Xalq ta’limi vazirligi tomonidan belgilanadigan boshqa sertifikatlar);

4-TOP-1000 universitetlar reytingiga kiradigan dunyoning yetakchi universitetlarini bitirgan o‘qituvchilar;

5-asosiy olimpiadalarning respublika bosqichi g‘oliblarini tayyorlagan o‘qituvchilar;

6-o‘qituvchi bo‘lib faoliyat yuritayotgan asosiy olimpiadalarning respublika bosqichi g‘oliblari;

7-respublika bosqichidagi ko‘rik tanlovlarda (yil o‘qituvchisi) sovrinli o‘rinlarga ega bo‘lgan o‘qituvchilar;

8-oliy malaka toifasiga ega o‘qituvchilar;

9-birinchi malaka toifasiga ega o‘qituvchilar;

10-asosiy olimpiadalarning viloyat va tuman bosqichi g‘oliblarining o‘qituvchilari;

11-ikkinchi malaka toifaga ega o‘qituvchilar;

12-pedagogik yo‘nalish bo‘yicha magistr darajasiga ega o‘qituvchilar;

13-belgilangan tartibda o‘z fanidan o‘tkazilgan nazariy va amaliy sinovlar natijasi bo‘yicha a’lo baholarga ega o‘qituvchilar;

14-oliy ma’lumotli toifasiz o‘qituvchilar;

15-qayta tayyorlash bo‘yicha diplomga ega o‘qituvchilar;

16-oliy ta’lim muassasalarining pedagogik yo‘nalish bo‘yicha bitiruvchi bosqich talabalari;

17-pedagogik yo‘nalish bo‘yicha xorijiy davlatlarning oliygohlarini bitirgan, biroq diplomi tan olinmagan o‘qituvchilar;

18-oliy ma’lumotli o‘qituvchilar bilan ta’minlanguniga qadar o‘rta maxsus, professional ma’lumotga ega o‘qituvchilar;

19-oliy ma’lumotli o‘qituvchilar bilan ta’minlanguniga qadar umumta’lim muassasasining tegishli mutaxassisligi bo‘yicha rahbar xodimlari.

Yuqoridagi ko‘rsatkichlar ketma-ketlik asosida ustunlikka ega bo‘lgan o‘qituvchilarga dars soatlarining maksimal miqdorlari belgilanishi tavsiya etiladi.

Maksimal dars soati olish imkoniyatiga ega bo‘lgan o‘qituvchining yozma roziligi bilan unga ajratilishi mumkin bo‘lgan dars soatlari boshqa o‘qituvchilarga berilishi mumkin.

Umumta’lim muassasalarining o‘qituvchilariga yillik bir yarim stavkadan (yillik 2 322 soat) ortiq dars soatlari belgilanishiga yo‘l qo‘yilmaydi.

Asos: O‘zbekiston Respublikasi Xalq ta’limi vazirligi, Moliya vazirligi, Sog‘liqni saqlash vazirligining 2020-yil 20-iyundagi 8-mh, 28, 124/1-son qarori  (3271)

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️METODBIRLASHMA RAHBARINING HUJJATLARI AMALDAGI NIZOMGA KO‘RA QUYIDAGICHA.

Maktabgacha va maktab ta'limi vazirining 2024-yil 5-yanvardagi 8-sonli buyrug‘iga ko‘ra:

Metodbirlashmaning faoliyati umumta’lim maktabi direktorining o‘quv ishlari bo‘yicha direktor o‘rinbosari tomonidan nazorat qilinadi.

Metodbirlashma yig‘ilishlari har chorakda kamida bir marta o‘tkaziladi.

Metodbirlashma faoliyatiga doir quyidagi hujjatlar bo‘lishi lozim:

✅Metodbirlashmaning tasdiqlangan yillik ish rejasi;

✅Yig‘ilish bayonnomasi;

✅Yillik hisoboti.

Metodbirlashma hujjatlarining yuritilishi va saqlanishiga Metodbirlashma rahbari javobgar hisoblanadi.

Metodbirlashmaning yillik ish rejasi, yigʻilish bayonnomasi, hisoboti uch yil mobaynida saqlanadi hamda tegishli arxivga topshiriladi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

️TOʻGARAKLAR FAOLIYATI QAYTA KOʻRIB CHIQILISHI KERAK.

Pedagoglar tomonidan darsdan tashqari holatda oʻtiladigan toʻgaraklar vazirlik tomonidan qayta koʻrib chiqilishi, tartibga solinib, nizom qabul qilinishi kerak. Bunga sabab toʻgarak oʻtishda koʻplab muammolarning mavjudligi. Quyida ularni ayrimlarini keltirib oʻtamiz:

🔹1-toʻgarak mashgʻulotlarini pedagogning ish stavkasidan kelib chiqib haftasiga necha soat oʻtish aniq belgilanmaganligi. Masalan, 8 soat darsi bor oʻrindosh va asosiy pedagog xodim, yoki 28 soat darsi bor pedagog haftasiga necha soat toʻgarak oʻtishi kerak?

🔹2-toʻgarak mashgʻulotlarining aniq dasturi yoʻqligi. Ya’niy, matematikadan 5-sinfdan 11-sinfgacha dars oʻtadigan bitta pedagog (kichik maktablarda) haftasiga 1 soat iqtidorli oʻquvchilar bilan toʻgarak oʻtsa, shunda 5-sinfdagi va 11-sinfdagi iqtidorli oʻquvchilarga bitta xonada bir vaqtning oʻzida toʻgarak oʻtadimi?

🔹3-oʻquvchilar uchun toʻgarakka kirish majburiyligi. Bunda, pedagog tomonidan tashkillangan toʻgarakka hech kim kirmasa pedagogning ayibdorlik masalasi. Oʻquvchilar uchun darsdan soʻng oʻtiladigan toʻgarakka kirish majburiymi, yoki ixtiyoriy.

🔹4-toʻgarak hujjatlarining aniq belgilanmaganligi.

🔹5-toʻgarak oʻtishda katta va kichik maktablar, hamda ikki smenali maktablar imkoniyati hisobga olinishi.

Ushbu savollarga javob beradigan bitta nizom qabul qilinishi kerak. Bizga pedagoglar tomonidan toʻgaraklar masalasida koʻplab savollar keladi. Unga javob berish uchun aniq nizom yoʻqligi qiyinchilik tugʻdiradi. Maktablarda tekshiruv oʻtkazilganda ham toʻgaraklar masalasi bahsli boʻladi.

Biz ko’p izlanib yuqoridagi savollarga nizom asosida javob topishga urindik, lekin topa olmadik. Agar sizda ushbu savollarga nizom asosida javob bo’lsa izohlarda yozib qoldiring.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️ILG‘OR PEDAGOG VA O‘QUVCHILARGA DAM OLISH MASKANLARIGA BEPUL YO‘LLANMA BERISH TARTIBI TASDIQLANDI.

Vazirlar Mahkamasining 2025-yil 29-iyul kungi 474-sonli qarori tasdiqlandi.

Unga koʻra, vazirlik tizimidagi dam olish maskanlariga vazirlik tizimi xodimlari, jumladan, pedagog kadrlar hamda davlat umumiy oʻrta taʼlim tashkilotlarining (7-14 yosh) iqtidorli oʻquvchilarini qabul qilish tartibi belgilandi.

🏖Dam olish maskanlarida:

🔹vazirlik tizimi xodimlari hamda ilgʻor pedagoglar uchun — sentabr-may oylarida;

🔹iqtidorli oʻquvchilar uchun — iyun-avgust oylarida 12 kunlik dam olish kunlari belgilanadi.

Yoʻllanmalar saralash mezonlari asosida taqsimlanadi hamda eng yuqori natijalarga erishgan vazirlik tizimi xodimlari, pedagog kadrlar hamda iqtidorli oʻquvchilarga ketma-ketlik asosida bepul yo’llanma beriladi.

Maskanlarda dam oluvchi ilgʻor pedagoglar quyidagi mezonlar asosida tanlab olinadi👇

🔹xalqaro olimpiadalar gʻoliblarini tayyorlagan oʻqituvchilar

🔹oʻqituvchi boʻlib faoliyat yuritayotgan xalqaro olimpiadalar gʻoliblari

🔹xorijiy til va STEAM fanlaridan mutaxassisligi boʻyicha xalqaro sertifikatlarga ega oʻqituvchilar (TESOL Level 5, SEFR B2, IELTS 6 va undan yuqori, shuningdek, vazirlik tomonidan belgilanadigan boshqa sertifikatlar)

🔹asosiy olimpiadalarning respublika bosqichi gʻoliblarini tayyorlagan oʻqituvchilar

🔹respublika bosqichidagi koʻrik-tanlovlarda faxrli oʻrinlarga ega boʻlgan oʻqituvchilar

🔹oliy va birinchi malaka toifasiga ega boshlangʻich sinf oʻqituvchilari, maktabgacha taʼlim tashkilotlari pedagoglari

🔹asosiy olimpiadalarning viloyat bosqichi gʻoliblarini tayyorlagan oʻqituvchilar.

Maskanlarda dam oluvchi iqtidorli oʻquvchilar (7-14 yosh) quyidagi mezonlar asosida tanlab olinadi:

➖ asosiy olimpiadaning uchinchi va toʻrtinchi bosqichlarida fanlar kesimida 1-, 2-, 3-oʻrinlarni egallagan oʻquvchilar;
➖ mintaqaviy xalqaro olimpiadalar gʻoliblari;
➖ nufuzli xalqaro olimpiadalarda ishtirok etgan oʻquvchilar;
➖ xalqaro tanlov, festival va musobaqa gʻoliblari;
➖ respublika darajasidagi tashkilotlar tomonidan tashkil etilgan turli koʻrik-tanlovlar va musobaqalarning respublika bosqichi gʻoliblari.

⚠️Dam olish maskanlarida maʼnaviy-maʼrifiy, koʻngilochar, sogʻlomlashtirish, sport, oʻquv va ilmiy-tadqiqot yoʻnalishlarida; iqtidorli oʻquvchilarning turizm, sport, texnika, kitobxonlik, madaniyat va sanʼat yoʻnalishlaridagi qobiliyatlarini rivojlantirish maqsadida turli xil tadbirlar tashkil etiladi.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️AYRIM PEDAGOGLARGA ISH BERISHDA QO’SHIMCHA TALABLAR BELGILANDI.

Maktabgacha va maktab taʻlimi vazirining 2025-yil 16-may kungi 159-sonli buyrug‘i bilan “Umumiy oʻrta taʻlim maktabi xodimlarining asosiy lavozimlarining malaka tavsiflari” yangitdan tasdiqlandi. Ushbu buyruqning 12-ilovasida ayrim pedagog xodimlarga nisbatan quyidagi tartib belgilandi.

🔹2025-2026-oʻquv yilidan boshlab xorijiy tillar yoʻnalishlari boʻyicha mutaxassislar kamida B2 darajadagi yoki xalqaro tan olingan sertifikatlarga ega boʻlishi shart.

🔹Musiqa madaniyati fani oʻqituvchisi kamida bitta musiqa cholgʻu asbobini chalish koʻnikmasiga ega boʻlishi zarur.

🔹Jismoniy tarbiya fani oʻqituvchisi yoshiga nisbatan Sport vazirligi tomonidan belgilangan jismoniy tayyorgarlik va sport sinovlarini bajara olish koʻnikmasiga ega boʻlishi talab etiladi.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Menejerlik o‘quv kursining yakuniy test savollari qanday tuzilgan?

Testda yuqori ball olish uchun nima qilish lozim?

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️1-SONLI PEDKENGASHDA KIMLARGA USTAMA TAYINLANGANLIGI HAQIDA MA’LUMOTLAR E’LON QILINISHI SHART.

Maktabingizda kimlar ustama olganligi haqida bilasizmi? Ko‘pchilikning aytishicha o‘qituvchilar bu haqda to‘liq bilishmas ekan. Aslida bu haqda maktabning barcha xodimlari bilishi kerak.

Vazirlar Mahkamasining 2019-yil 30-sentabrdagi 823-son qarori 1-ilovasi 12-bandida yangi o‘quv yili boshlanguniga qadar maktabning pedagogik kengashi majlisida direktor jamg‘armasi hisobidan tegishli pedagog, psixolog va kutubxona xodimlariga ustama belgilash to‘g‘risidagi qarori yuzasidan axborot berilishi yozilgan.

Bundan tashqari maktabda kimlarga ustama berilganligi bo‘yicha nizomning 18-bandida quyidagicha yozilgan: “Umumta’lim muassasasining hammaga ko‘rinadigan joyidagi axborotlar stendi hamda maktabning Internet jahon axborot tarmog‘idagi rasmiy veb-saytida Ishchi guruhning qarori to‘g‘risida to‘liq ma’lumotlar muntazam ravishda e’lon qilib boriladi.”

Shunday ekan avgustda bo‘ladigan pedagogik kengashda kimlarga ustama tayinlanganligi haqida ma’lumotlar pedagogik jamoaga yetkazilishi kerak. Qolaversa, maktabning e’lonlar doskasida ham bu haqida ma’lumotlar ilingan bo‘lishi kerak.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️UY TAʼLIMI UCHUN TAYANCH O‘QUV REJASI TASDIQLANDI.

MMTV ning 2025-yil 30-iyul kungi 261-sonli buyrug‘i

💰Moliyachi bot

O‘qituvchilar uchun barcha hujjatlar shu kanalda!✅️
👇👇👇👇👇👇
https://t.me/uqituvchiga_hujjat

⚡️Bugun kasbiy sertifikatlash sinovlarida qatnashish uchun murojaat yuborishning oxirgi kuni

Xabaringiz bor, Vazirlar Mahkamasining 2024-yil 12-fevraldagi 87-son qarori bilan umumiy oʻrta taʻlim tashkilotlarida pedagog kasbiga birinchi marta ishga qabul qilingan stajor-oʻqituvchilar hamda tegishli toifaga ega boʻlmagan pedagog kadrlar kasbiy sertifikatlash sinovlariga jalb etiladi.

➖ 2025-yil 7-iyul kuni Yagona interaktiv davlat xizmatlari portali hamda davlat xizmatlari markazlari orqali navbatdan tashqari kasbiy sertifikatlash sinovlarida qatnashish uchun murojaatlar qabul qilinish boshlagan edi.

❗️Murojaatlarni yuborish 2025-yil 7-avgust (shu kuni ham)ga qadar davom etadi.

✔️ Eslatib oʻtamiz: Kasbiy sertifikatlash sinovlarida joriy yilning mart-iyun oylarida oʻtkazilgan kasbiy sertifikatlash sinovlarida yetarli ball to'play olmagan (56 dan kam) hamda ishtirok etmagan stajor-o‘qituvchilar ham hujjat topshirishlari mumkin.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Yaponiyada o'qituvchi dam olish kuni qo'shimcha ishlagani uchun ishdan bo'shatildi

Yaponlarda o'qituvchilar eng oliy kasb egalari sifatida ko'riladi, oyliklari baland va ta'limdan boshqa ishlarga chalg'ishi mumkin emas.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Ertaga Oliy ta’lim muassasalari va ta’lim yo‘nalishlarini tanlash bosqichi yakunlanadi

Abituriyentlar 8-avgustga qadar oliy ta’lim muassasalari va ta’lim yo‘nalishlarini tanlashlari lozim.

✅Buning uchun my.uzbmb.uz platformasining “Oliy va professional ta’lim muassasalariga qabul” bo‘limiga kirib, “Xizmatdan foydalanish” tugmasi bosiladi va “OTM tanlash” bo‘limiga o‘tiladi.

➡️Dastlab abituriyent “Tanlov ustuvorligi” va “Maqsadli qabul” bo‘yicha o‘z tanlovini amalga oshiradi.

🔗Shundan so‘ng abituriyent test topshirgan fanlar majmuasi va ta’lim tiliga mos  bo‘lgan beshtagacha oliy ta’lim muassasasi va ta’lim yo‘nalishini ta’lim shakli bilan birga tanlaydi.

🎓 Ta’lim yo‘nalishlarini tanlab, “Saqlash” tugmasi bosilgandan so‘ng ma’lumotlarni tasdiqlash uchun abituriyentning telefon raqamiga SMS xabar yuboriladi. SMS xabardagi kodni dasturga kiritish orqali ma’lumotlar tasdiqlanadi.

🚪 Ma’lumotlar tasdiqlanganidan so‘ng, “Abituriyent qayd varaqasi” shakllanadi. Qayd varaqada abituriyent tanlagan tanlov ustuvorligi, ta’lim shakllari, oliy ta’lim muassasalari va ta’lim yo‘nalishlari aks etgan bo‘ladi. Yuklab olish tugmasi orqali abituriyent qayd varaqasini yuklab olishi mumkin.

❗️Abituriyentlar ta’lim yo‘nalishlarini tanlash muddati yakunlangunga qadar o‘z ma’lumotlarini o‘zgartirishlari va qayd varaqasini qayta yuklab olishlari mumkin.

📆Abituriyentlarning talabalikka tavsiya etilgan yoki etilmagani to‘g‘risidagi yakuniy tanlov natijalari ta’lim yo‘nalishlarini tanlash to‘liq yakunlangandan so‘ng bir hafta muddatda e’lon qilinadi.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️AMALDAGI NIZOMGA KOʻRA MMIB DIREKTOR OʻRINBOSARLARINING HUJJATLARI ANIQ BELGILAB BERILGAN.

Maktabgacha va maktab taʼlimi vazirining 2024-yil 23-avgust kungi 273-sonli buyrug‘iga asosan MMIBDO‘ tomonidan quyidagi hujjatlar yuritiladi:

🔹yillik ish reja va ijrosi yuzasidan hujjatlar toʻplami (yuqori tashkilotlar rejasi, muhim tashabbuslar va taʼlim muassasasi umumiy rejasiga muvofiq ishlab chiqilgan /tasdiqlangan/ ish rejasi, undagi tadbirlarning bajarilishi yuzasidan tegishli hujjatlar);

🔹voyaga yetmaganlar oʻrtasida nazoratsizlik va huquqbuzarliklarning
profilaktikasiga doir hujjatlar toʻplami (Bolalar masalalari boʻyicha milliy komissiyasi bilan ishlash hujjatlari, ichki ishlarning profilaktik hisobida turuvchi oʻquvchilar yigʻma jildlari, yoʻl harakati va yongʻin xavfsizligi yoʻnalishiga oid yuqori tashkilotlarning hamkorlik rejasiga muvofiq ishlab chiqilgan tasdiqlangan/ taʼlim muassasasining tadbirlar rejasi, undagi tadbirlarning bajarilishi yuzasidan tegishli hujjatlar);

🔹“Oila-mahalla-taʼlim muassasasi” hamkorligi Jamoat kengashi
faoliyatiga doir hujjatlar toʻplami (yuqori tashkilotlarning hamkorlik rejasiga muvofiq ishlab chiqilgan /tasdiqlangan/ taʼlim muassasasining tadbirlar rejasi, undagi tadbirlarning bajarilish yuzasidan tegishli hujjatlar);

🔹oʻquvchilar davomati va boʻsh vaqtlarini mazmunli oʻtkazishga doir hujjatlar toʻplami (direktor oʻrinbosari tomonidan muntazam va surunkali dars qoldiruvchi oʻquvchilar va noqobil oila farzandlari bilan olib boriladigan namunaviy tadbirlar rejasi, undagi tadbirlarning ijrosi yuzasidan hamda oʻquvchilarning boʻsh
vaqtlarini mazmunli tashkil etish, toʻgaraklar faoliyati va taʼtil kunlariga doir
hujjatlar)

💰10% oshgan holda hisoblovchi oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️DARS JADVALINI TUZIShDA FANLARNING QIYINLIK DARAJASI QUYIDAGIChA

11. Matematika va informatika

10. Ona tili va adabiyot, xorijiy tillar (rus, ingliz, fransuz, nemis tillari)

9. Fizika, kimyo, astronomiya

8. Tarix, huquq, iqtisodiy bilim asoslari

7. Tabiiy fanlar, geografiya, biologiya

6. Tarbiya va maʼnaviyat asoslari

5. Jismoniy tarbiya

4. Texnalogiya

3. Chizmachilik

2. Tasviriy sanʼat

1. Musiqa

Dars jadvalini tuzishda ushbu fanlarning qiyinlik darajasini hisobga olish tavsiya etiladi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️KUZGI ATTESTATSIYAGA RO‘YXATDAN O‘TISH 1-AVGUSTDAN BOSHLANADI.

📆2025-yil 1-avgust kuni — Maktabgacha va maktab ta’limi vazirligi tomonidan joriy yilning avgust-dekabr oylarida oʻtkaziladigan malaka test sinovlarida ishtirok etish uchun roʻyxatdan oʻtish va murojaat yuborish boshlanadi.

Murojaatlar 2025-yil 1-oktabr (shu kuni ham)ga qadar:

➖ Maktabgacha va maktab taʼlimi vazirligining pedkadr.uzedu.uz platformasi;

➖ Yagona interaktiv davlat xizmatlari portali;

➖ Davlat xizmatlari markazlari orqali qabul qilinadi.

Eslatib oʻtamiz: joriy yil avgust-dekabr oylarida oʻtkaziladigan malaka toifa sinovlari ayni vaqtda Vazir jamgʻarmasidan har oylik ustama olish uchun hamda "Yil oʻqituvchisi" tanlovining birinchi bosqich saralash sinovi ham hisoblanadi.

©Maktabgacha va maktab ta'limi vazirligi

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️YANGI TAYANCH O‘QUV REJASI.

2025-2026 O‘QUV YILI UCHUN

MMTV ning 2025-yil 10-aprel kungi 121-sonli buyrug‘i.

💰Moliyachi bot

O‘qituvchilar uchun barcha hujjatlar shu kanalda!✅️
👇👇👇👇👇👇👇
https://t.me/uqituvchiga_hujjat

️KUNDALIK COMDA MAKTAB RAHBARLARINING VAZIFALARI ANIQ BELGILAB BERILGAN

Xalq ta’limi vazirining 2О22-уil 24-iyun 205-son buyrug‘iga ko‘ra maktab rаhbаryatining vazifalari quyidagicha etib belgilandi.

👉DIREKTORning vazifalari:

O'zbekiston Respublikasining "Shaxsiy ma'lumotlar to'g'risida" 2019-уil 2-iyuldagi O'RQ-547-son Qonuni talablariga rioya etish;

elektron jurnalni o'z vaqtida yuritish;

elektron jurnalga kiritilgan ma'lumotlarga o'zgartirish kiritilishining oldini olish;

elektron jurnalni yuritishda, fan o'qituvchilari tomonidan yo'l qo'yilgan, inson omiliga bog'liq xatolarga o'zgartirish kiritish maqsadida tuman (shahar) xalq ta'limi bo'limiga rasmiy xat bilan murojaat qilish;

maktab psixologi lavozimidagi xodimni Platformadagi sinflarga a'zo bo'lganini vа "Psixolog" guruhlarini tuzib, o'quvchilar hamda ota-ona (о'quvchining qonuniy vakili) bilan doimiy muloqotda bо'lishini muvofiqlashtirish;

O'zbekiston Respublikasi Xalq ta'limi vazirining 2021-yil 6-sentabrdagi 284-sonli buyrug'i bilan tasdiqlangan "Umumiy о'rtа ta'lim muassasalari faoliyatida avtomatlashtirilgan axborot tizimi bilan ishlash va arxivlash tartibi haqida nizom" talablariga muvofiq hujjatlarni arxivlashtirishni umumta'lim muassasasining o'zida tashkillashtirishni amalga oshiradi.

👉O‘IBDO‘ning vazifalari:

elektron jurnal yagona tizimida muassasaning tizimdagi bosh administrator faoliyatini olib borish;

fan o'qituvchilari tomonidan baholash mezoniga doir o'quvchilarni baholash jarayoni faqat dars o'tilgan sananing o'zida olib borilishini nazorat qilish;

o'qituvchilar tomonidan hаr bir o'zgartirilgan baholarning sababi vа omillarini aniqlagan holda tegishli hujjatlar to'plamini yig'ib muassasa rahbariga taqdim etish;

elektron jurnalni o'z vaqtida vа to'g'ri yuritilishi bo'yicha o'tkazilgan tekshiruvlarda aniqlangan kamchiliklar yuzasidan izoh уozib qoldirish;

fan o'qituvchilari tomonidan dars rejasiga asosan tegishli mavzu yuzasidan "Darsni ishlab chiqish rejasi"ni tizimga yuklatilganligini nazorat qilishni amalga oshiradi.

👉MMIBDO‘ning vazifalari:

fan o'qituvchilari tomonidan olib borilayotgan o'quvchilar davomatini monitoring qilib, kun davomida statistik mа'lumоt to'plab, maktab direktoriga taqdim etilishi;

maktab hayotiga doir tadbirlarni "yangiliklar sahifasi" vа "tadbirlar" bо'limida yoritib borilishi;

5 ta muhim tashabbus doirasida umumta'lim muassasalarida tashkil etilgan to'garaklar, seksiyalar vа klublarda o'quvchilarning qamrovini tahlil qilish bilan birgalikda kiritilayotgan ma'lumotlarni monitoring qilib, choraklik hisobot olib borilishini ta'minlaydi.

💰10% oshgan holda hisoblovchi oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e