⚡️AGAR O‘QUVCHI ICHKI NAZORATGA OLINSA SINF RAHBARI QUYIDAGI ISHLARNI QILISHI KERAK.

Xalq ta’limi vazirining 2020-yil 18-dekabrdagi 308-sonli buyrug‘iga ko‘ra agar o‘quvchi ichki nazoratga olinsa, MMIBDO‘, CHQBT rahbari, sinf rahbari, psixologlarga o‘quvchi bilan ishlashda alohida vazifalar belgilangan.

Quyida sinf rahbarining vazifalarini keltirib o‘tamiz. Sinf rahbari ushbu ishlarni bajarishda alohida ish reja tuzib, direktorga tasdiqlatadi va qilingan ishlarni jamlab yig‘ma jild yuritadi.

🔹ta'lim muassasasi va undan tashqarida oʻquvchilar tomonidan ta’qiqlangan buyumlar (o'tkir tigʻli jismlar, oʻyin kartasi, turli zararli kimyoviy moddalar va pirotexnik vositalar, maxsus gaz sachratuvchi moslamalar, qimmatbaho buyumlar, ma'naviyatga va xulqqa salbiy ta'sir ko'rsatuvchi boshqa predmetlar)ni olib yurish mumkin emasligi haqida doimiy tushuntirish ishlarini olib borish;

🔹ichki ro'yxatga olingan o'quvchilarning oilaviy sharoitini o'rganish;

🔹ichki ro'yxatga olingan o'quvchilarning qiziqishlarini e'tiborga olgan holda to'garaklarga jalb qilish;

🔹ichki ro'yxatga olingan o'quvchilarning ta'lim muassasasi va sinf miqyosida o'tkaziladigan turli madaniy-ma'rifiy tadbirlarga muntazam ravishda jalb qilish;

🔹ichki ro'yxatga olingan o'quvchilarning bo'sh o'zlashtirayotgan fanlar boʻyicha faoliyatini muntazam tahlil qilib borish, fan o'qituvchisiga darslarda ushbu o'quvchini faollashtirish yuzasidan kerakli tavsiyalar berish;

🔹ichki ro'yxatga olingan o'quvchilarning darslarga to'liq o'quv qurollari bilan ishtirok etishi va davomatini, shuningdek odob-axloq qoidalariga rioya qilishini kunlik nazorat qilib borish;

🔹ichki ro'yxatga olingan o'quvchilar maktabga kelmay qolgan holatda zudlik bilan shu kunning o'zida (soat 10:00 gacha) ularning ota-onalari bilan telefon orqali bogʻlanib, vaziyatga oydinlik kiritish, ota-onasi bilan bog'lanish imkoni boʻlmaganda, ta'lim muassasasi rahbariyatini ogohlantirish;

🔹ichki ro'yxatga olingan o'quvchilarning oʻqishi va xulqida kuzatilayotgan har qanday o'zgarishlarni ularning ota-onalari va maktab rahbariyatiga ma'lum qilish.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️OMMALASHTIRISH UCHUN QUYIDAGI ISHLAR QILINISHI KERAK

Avvalo oʻqituvchi tomonidan metodik qoʻllanma yoki metodik tavsiya oʻylab topiladi. (yoziladi) Soʻng, ushbu metodik qoʻllanma yoki metodik tavsiya maktabning tegishli fan metodbirlashmasida koʻrib chiqiladi. Metodbirlashmaning tavsiyasi bilan maktabning pedagogik kengashida koʻriladi va ijobiy xulosa berilgan taqdirda (maktab miqyosida ommalashtirilsin deb qaror qabul qilingan taqdirda) ommalashtirish.uz platformasiga joylanadi.

Platformaga 1-martdan joylash boshlanadi. Demak, oʻqituvchilar hozirda metodik qoʻllanma yoki metodik tavsiyani tezroqda yozib tugatishlari va metodbirlashmada, pedagogik kengashda qaror qabul qilinishi kerak. Ma’lumot uchun ish tajribalarni ommalashtirishga favqulodda navbatdan tashqari metodbirlashma yigʻlishi va pedagogik kengash oʻtkazilishi mumkin.

Demak, eng asosiysi metodik qoʻllanma yoki metodik tavsiya yozish kerak. Uning tuzilishi quyidagicha boʻladi:
Muqova (titul), Sarlavha, Annotatsiya, Tarkib (muallif, masʼul muharrir, taqrizchilar nomma nom kiritilishi kerak), Mundarija, Kirish, Asosiy qism, Xulosa, Ilovalar (qoʻshimcha materiallar, diagrammalar, jadvallar, chizmalar, testlar, xaritalar – agar bor boʻlsa.)

Metodik qoʻllanma yoki metodik tavsiyaga qoʻyiladigan barcha talablar bilan Maktabgacha va maktab taʼlimi vazirining 2025-yil 17-martdagi 89-sonli buyrugʻining 2-ilovasida toʻliq tanishishingiz mumkin.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Nomingizga kredit olishni cheklash mumkin

Afsuski, firibgarlar tomonidan boshqa birovning nomiga kredit rasmiylashtirish holatlari uchrab turibdi. Shu paytgacha fuqarolar kredit tarixi olishga cheklov qo‘yish imkoniyatiga ega edilar. Endi esa bunday noxush vaziyatlarning oldini olish uchun yanada kuchliroq vosita bor, deya xabar bermoqda Raqamli texnologiyalar vazirligi.

my.gov.uz portalida “Kredit bitimini tuzishga taqiq qo‘yish yoki taqiqlashni olib tashlash” xizmati ishga tushirildi.

❓Bu nima degani?

Endilikda siz nomingizga kredit rasmiylashtirilishiga osongina taqiq qo‘yishingiz mumkin. Kredit tashkilotlari esa qarz berishdan oldin, fuqaro o‘ziga kredit ajratilishiga taqiq qo‘yganmi-yo‘qmi, tekshirishga majbur. Agar taqiq aniqlansa, sizning nomingizga kredit ajratilmaydi.

Ushbu qulaylikdan foydalanish juda oddiy ekan. O‘zim ham sinab ko‘rdim, shunchaki Yagona portalga kirib, xizmat sahifasiga o‘tasiz va kredit olishga taqiqni yoqasiz. Bitta tugmani bosish bilan hal bo‘lar ekan.

Mazkur xizmatdan foydalanish bepul.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️️MAKTABLAR 12 YILLIK TAʼLIMGA O‘TADI.

Prezidentning 2026-yil 5-fevraldagi PF-19 sonli farmoniga ko‘ra, bir yillik maktabga tayyorlov guruhlarining ta’lim dasturi majburiy umumiy o‘rta ta’limning dastlabki bosqichi sifatida kiritildi.

❗️Bunda:

🔹bir yillik maktabga tayyorlov guruhlarining ta’lim dasturlari maktabgacha ta’lim tashkilotlari, umumiy o‘rta ta’lim maktablari va boshqa ijtimoiy soha obyektlarida to‘liq yoki qisqa muddatli guruhlarda amalga oshiriladi;

🔹maktabgacha va umumiy o‘rta ta’lim xizmatlarini ko‘rsatuvchi nodavlat ta’lim tashkilotlariga bir yillik maktabga tayyorlov guruhlarini tashkil etishga ruxsat beriladi;

Kelgusi yildan, ya’ni 2027/2028 o‘quv yilidan boshlab:

✅maktabga tayyorlov guruhlarida ta’lim jarayonlari oliy ma’lumotli pedagoglar, shuningdek, oliy ta’lim tashkilotlarining bitiruvchi bosqich talabalari tomonidan olib boriladi;

✅maktabga tayyorlov guruhlarida ta’lim-tarbiya olgan bolalarga bir yillik maktabga tayyorlovdan o‘tganlik to‘g‘risida davlat namunasidagi elektron sertifikat beriladi hamda ushbu ma’lumotlar umumiy o‘rta ta’lim to‘g‘risidagi shahodatnomada qayd etiladi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️️UY TA’LIMI UCHUN QANDAY HUJJATLAR YURITILADI.

O’quvchilarni uyda yakka tartibda ta’lim olishlarini tashkil qilish uchun quyidagi hujjatlar yuritiladi.

1-tibbiy hulosa
2-ota-onasining arizasi
3-pedagogik kengash qarori
4-MMTB ga maktab tomonidan so’rov xati
5-MMTB ning buyrug’i
6-maktabning buyrug’i
7-dars jadvali
8-jurnal (kundalik tizimida va daftarga qog’oz variyantda)
9-tashrif daftari (kelish-ketish)
10-o‘quvchining shaxsiy fayili.

🔹Pedagoglardan:

Ish reja, odatda ish reja o’quvchining kasallik turi va qiziqishlaridan kelib chiqib mavjud rejadan tanlab olinadi. Darsga tayyorgarlik, ko’rgazma, video, audio vositalar orqali.

🔹Psixologdan:

Suhbat daftari, turi xil psixolagik so’rovnomalar va psixolagik testlar. (Fotolavhalar tavsiya o’rnida)

🔹Rahbarlardan:

Uyda ta’lim olayotgan o’quvchining uyiga borish, shart sharoitlari bilan tanishish, darslarni nazorat qilish, tashrif daftarga imzo qo’yish.

🔹Sinf rahbaridan:

Dars mashg‘ulotlarining olib borilishini nazorat qilish, ota-onalar va o‘quvchining o‘qituvchilar bilan muntazam hamkorligini ta’minlash, o‘quvchining sog‘lig‘i holatini inobatga olib ota-onalar bilan kelishgan holda uni maktabda yoki sinfda o‘tkaziladigan ma’naviy-ma’rifiy tadbirlarga taklif etish. (Fotolavhalar tavsiya o’rnida)

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️BOSHLANG‘ICH SINF O‘QITUVCHILARI DIQQATIGA!

Respublikadagi barcha boshlang‘ich sinf o‘quvchilari mavzularni mustahkamlash va takrorlash uchun Aqlvoy botidan foyidalanmoqda.

O‘quvchilar ishlagan test natijalari uni qo‘shgan ustozda ko‘rinadi.

Bu juda ham qulay, o‘quvchilarga motivatsiya beruvchi bot.

🔹"Aqlvoy bot"

Batafsil maʼlumotni 👉videoda ko‘ring.

Testlarni o'quvchilarga ishlatib ko'ring👇
👉Test ishlash

⚡️TO‘GARAK HUJJATLARI QAY TARTIBDA YURITILISHI KERAK?

Hozirgi kunda maktablarda fan to‘garaklarni tashkil etish bo‘yicha yo‘riqnoma mavjud emas. Shuning uchun hozir biz beradigan javob faqatgina tavsiyaviy ahamiyatga ega ekanligini eslatib o‘tmoqchimiz.

O‘quvchilarni to‘garakka qabul qilishda ularni yoshlarini, qiziqishlarini hisobga olinadi. Har bir to‘garak a'zosi o‘quv yili moboynida to‘garakdan chiqib ketishi, boshqa to‘garakka a'zo bo‘lishi va xohishi bo‘yicha bir vaqtning o‘zida bir nechta to‘garakda ishtirok etish huquqiga ega.

👆To‘garak rahbari quyidagi hujjatlarni yuritishi mumkin:

🔹To‘garakning yillik taqvim rejasi (past o‘zlashtiruvchi va iqtidorli o‘quvchilar uchun)

🔹To‘garak mashg‘ulotlar jurnali

🔹O‘quvchilar ota-onasining arizasi

To‘garak ish rejasi ikki ko‘rinishda tuziladi. 1-past o‘zlashtruvchi o‘quvchilar uchun alohida. 2-iqtidorli o‘quvchilar uchun alohida. Ish reja maktab direktori tomonidan tasdiqlanishi va unga pechat bosilgan bo‘lishi kerak. Shuningdek, ish reja maktabning MMIBDO‘ va to‘garak rahbari tomonidan ham imzo qo‘yilib tasdiqlanishi kerak.

To‘garak uchun ixtiyoriy ravishda quyidagi hujjatlar yuritilishi mumkin:

Mashg‘ulotlar ishlanmasi
To‘garak tadbirlaridan lavhalar
Ko‘rgazmali qurollar.

To‘garak jurnaldagi yozuvlar aniq, tartibli va muntazam olib borilishi kerak. Jurnalga to‘garak rahbari o‘zi olib boradigan to‘garakning nomini, muasasa rahbari tomonidan tasdiqlangan to‘garak mashg‘uloti jadvalini, to‘garak rahbarining ismi va familiyasini, otasining ismi, to‘garak sardorining to‘liq ismi familiyasini yozib qo‘yishi kerak.

To‘garak ishini hisobga olish uchun jurnalda betlar ajratilgan bo‘lib, unda to‘garak a'zolari tarkibi ismi familiyasi to‘liq, mashg‘ulotlar mavzusi, to‘garak ishining bajarilgan soati va muddati jadvalga muvofiq ko‘rsatiladi.

Direktor o‘rinbosarlari fan o‘qituvchilari tomonidan olib boriladigan to‘garak hujjatlarini to‘g‘ri yuritilishini muntazam ravishda nazorat qilib boriladi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️MMIBDO' LAVOZIMIGA ISHGA KIRISH UCHUN QUYIDAGI MALAKA TALABLARI BO‘LISHI KERAK.

🔹Maʼlumot:
oliy ma’lumot, bakalavr (magistrarura, ilmiy daraja tanlovda ustunlik beradi)

🔹Mutahasislik:
pedagogik yo‘nalish

🔹Mehnat staji:
kamida 4 yildan kam bo‘lmagan  pedagogik staj

🔹Kompyuter savodxonlik:
microsoft office dasturini, AKTni bilish

🔹Qo‘shimcha talablar:
Maktabgacha va maktab taʼlimi sohasiga oid qonunchilik hamda 
idoraviy va ichki lokal hujjatlardan, shuningdek, taʼlim standartlaridan xabardor boʻlishi;

Davlat tilini bilish (rus, ingliz va boshqa chet tillarini bilish afzallik hisoblanadi). Shuningdek, Oʻzbekiston Respublikasining “Taʻlim toʻgʻrisida”gi Qonunining 28-moddasiga muvofiq qasddan sodir etilgan jinoyat uchun ilgari sudlangan shaxslar taʻlim tashkilotlarining rahbarlik lavozimlariga tayinlanishi mumkin emas.

Asos: MMT Vazirligining 2025-yil 16-may kungi 159- sonli buyrug‘i.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️HOZIRGI O’QUVCHILAR “ALFA” AVLOD VAKILLARI EKANLIGINI BILARMIDINGIZ?

Hozirgi Alfa avlod (Generation Alpha) — bu taxminan 2010-yildan 2024-yilgacha tug‘ilgan bolalarni o‘z ichiga olgan demografik guruhdir.

✅Ushbu avlodning ijobiy xususiyatlari:

🔹Ular planshet, smartfon va sun'iy intellekt (AI) bilan birga o‘sib kelayotgan birinchi avloddir. iPad va Instagram paydo bo‘lgan yilda (2010) tug‘ila boshlagani uchun ularni ko‘pincha "ekran avlodi" (screenagers) deb ham atashadi.

🔹Alfa vakillari asosan “Y” avlodi (milleniallar)ning farzandlari bo‘lib, ularning dunyoqarashi ota-onalarining texnologiyaga ochiqligi va ta'limga bo‘lgan yondashuvi asosida shakllanmoqda.

🔹Ular tarixda eng bilimli avlod bo‘lishi kutilmoqda (90% o‘rta maktabni bitirishi taxmin qilinadi). Shuningdek, ular video va vizual kontentni matndan ko‘ra ko‘proq afzal ko‘rishadi.

🔹Oldingi avlodlardan farqli o‘laroq, ular ijtimoiy tarmoqlarda o‘z fikrini ochiq baham ko‘rishdan ko‘ra ko‘proq "kuzatuvchi" (scroll & browse) rolida bo‘lishni va shaxsiy daxlsizlikni afzal ko‘rishadi.

🔹Ba'zi tadqiqotlar ularning vegetarianlikka moyilligi va ekologik masalalarga ko‘proq e'tibor berishini ta'kidlaydi.

❗️Ushbu avlodning salbiy tomonlari:

🔸Alfa avlodi tug‘ilganidanoq planshet va smartfonlar qurshovida qoldi. Ko‘pgina ota-onalar texnologiyadan "bolani tinchlantirish vositasi" sifatida foydalanishdi. Bu esa quyidagi muammolarga olib kelmoqda:

🔸Diqqatning o‘ta qisqaligi: TikTok va YouTube, Instagram Shorts kabi formatlar bolalarda uzoq vaqt bir narsaga diqqatni jamlash qobiliyatini pasaytirmoqda.

🔸Nutq rivojlanishining kechikishi: Jonli muloqot o‘rnini ekran egallashi natijasida nutq va til ko‘nikmalarining shakllanishi sekinlashmoqda.

🔸Texnologiya rivojlanganiga qaramay, Alfa avlodi orasida an’anaviy o‘qish va savodxonlik ko‘rsatkichlari pasayib bormoqda. Masalan, 2024-yilgi ma'lumotlarga ko‘ra, AQShda 4-sinf o‘quvchilarining atigi 30 foizi o‘qish bo‘yicha yuqori malakaga ega, bu esa 2022-yildagiga nisbatan ham pastdir. Bolalar vizual ma’lumotni (video) oson qabul qilishgani sababli, murakkab matnlarni tahlil qilishga qiynalmoqdalar.

🔸Ushbu avlod vakillari "hamma narsa onlayn" dunyoda yashagani uchun haqiqiy hayotdagi muloqot qobiliyatlarini yo‘qotmoqda:

🔸Jonli muloqotda ko‘z bilan aloqa qilish, hissiyotlarni tushunish va guruhda ishlashda qiyinchiliklar kuzatilmoqda.
Ijtimoiy tarmoqlardagi "mukammal hayot"ga o‘zini solishtirish va kiber-bulling (onlayn bezorilik) tufayli ushbu avlodda xavotir va depressiya darajasi avvalgi avlodlarga qaraganda yuqori.

🔸Ekran oldida soatlab o‘tirish jismoniy salomatlikka ham salbiy ta’sir ko‘rsatmoqda. Semizlik, ko‘rish qobiliyati:

🔸Alfa avlodi tanqidiy fikrlashdan ko‘ra, AI va ijtimoiy tarmoq algoritmlari tomonidan tavsiya etilgan kontentga ko‘proq ishonadi. Bu esa ularni noto‘g‘ri ma’lumotlar (feyk) va manipulyatsiya qurboniga aylanish xavfini tug‘diradi.

⚠️Xulosa qilib aytganda, Alfa avlodi "eng aqlli" bo‘lishi mumkin, ammo ular bir vaqtning o‘zida eng yolg‘iz, diqqati tarqoq va hissiy jihatdan eng zaif avlod bo‘lish xavfi ostida turibdi. Ularning yutug‘i faqatgina gadjetlarni yaxshi bilishida emas, balki raqamli dunyo bilan real hayot o‘rtasidagi muvozanatni topa olishida bo‘ladi.

Ma’lumot uchun Zet avlod (Generation Z yoki "Zoomers") vakillari taxminan 1997-yildan 2012-yilgacha bo‘lgan davrda tug‘ilganlar. 2025-yildan boshlab tug‘iladigan bolalar esa allaqachon keyingi — Beta avlod deb atalishi kutilmoqda.

🔥Endi, Alfa avlod vakillarini bilimlarini sinab ko’ramiz. Buning uchun Aqlvoy botga kirib testlarni ishlatib ko’ring.

🔹 Aqlvoy botga kirish👈

⚡️DARS ETAPLARI QUYIDAGICHA

An’anaviy dars o’tish jarayonlari 6 ta bosqichda amalga oshiriladi. Pedagoglar ushbu dars etaplariga rioya qilishlari kerakdir.

🔹Darsning tashkil qilish jarayoni (tashkiliy qism)
🔹O’tilgan va uyga berilgan mavzuni so’rash va takrorlash jarayoni
🔹Yangi mavzu mazmunini  tushuntirsh jarayoni
🔹Yangi mavzuni  mustahkamlash amaliy va  mustaqil ishlar bajarish jarayoni
🔹Darsni yakunlash  va baholash jarayoni
🔹Uyga vazifa berish jarayoni

⚠️Darslarni tahlil qilishda ushbu etaplarga rioya qilishlari hisobga olinadi. Uztozlarga yetkazib qo'yamiz!

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️MAKTAB MASLAHATCHISI LAVOZIMIGA SUHBAT O‘TKAZILADI.

Joriy yilning 12-fevral kunidan boshlab “Kelajak” markazlarining umumiy o‘rta taʻlim maktablaridagi maktab maslahatchisi lavozimi uchun suhbat jarayonlari o‘tkaziladi.

Hurmatli talabgorlar tanlov.uzedu.uz platformasi orqali shaxsiy kabinetingizdan suhbat jarayonlarining kuni va vaqti bilan tanishishingiz mumkin.

📌Suhbat jarayonlari o‘tkaziladigan joy manzillari havola ro‘yxatda

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️SINF JURNALIGA DAVOMAT BELGILARI QUYIDAGICHA KIRITILISHI SHART

Xalq ta’limi vazirining (hozirgi Maktabgacha va maktab ta'limi vazirligi) 2О22-уil 24-iyundagi 205-son buyrug‘iga asosan davomat belgilari quyidagicha qayd etiladi.

❗️Fan o‘qituvchilari tomonidan faqat kichik xarflarda qayd etiladi:👇

s — hech qanday sababsiz dars qoldirganini ko‘rsatish uchun;
kq — darsga kechikishni ko‘rsatish uchun.(baxolash mumkin).

❗️Faqat sinf rahbari faqat kichik xarflarda qayd etadi: 👇

s — hech qanday sababsiz dars qoldirganligini ko‘rsatish uchun;
dq — sababli dars qoldirganligini ko‘rsatish uchun;
k — kasallik sababli dars qoldirganligini ko‘rsatish uchun;
kq — darsga kechikib kerganligini ko‘rsatish uchun;
m — surunkali dars qoldirayotganligini ko‘rsatish uchun;
ch — respublikadan tashqariga ruxsatsiz chiqib ketganligini ko‘rsatish uchun;
q — ta’lim olishga ota-onasi qarshilik qilayotganligini ko‘rsatish uchun;
ns — ota-ona nazoratsizligi sababli darsga kelmaydiganligini ko‘rsatish uchun;
tq — turmushga chiqqanligi tufayli darsga kelmaydiganligini ko‘rsatish uchun qo‘yish belgilanadi.

⚠️ESLATMA:
Fan o'qituvchilari darsda qatnashgan o'quvchilarning 30% ni baholashi va "Dars o'tildi" qaydiga belgi qo'yishi zarur.

O‘quvchilar o‘z vaqtida (1 smenali maktablar uchun 9.00 dan 21.00 gacha, 2 smenali maktablar uchun joriy kundan ertasi kuni 13.00 gacha) baholanmasligi, belgining qo‘yilmasligi o‘qituvchini dars o‘tmaganligini bildiradi va ushbu dars uchun haq to‘lanmaydi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Milliy sertifikat imtihoni natijalari e’lon qilinmoqda

2026-yil 17-18-yanvar kunlari Biologiya, Fizika va Tarix fanlaridan bo‘lib o‘tgan milliy sertifikat imtihoni natijalari e’lon qilinmoqda.

Talabgorlar o‘z natijalarini my.gov.uz saytining “Mening arizalarim” bo‘limi orqali bilishlari va sertifikatni elektron tarzda yuklab olishlari mumkin.

Test natijalari xalqaro metodika – Rash modeli asosida hisoblangan bo‘lib, talabgorlarga to‘plagan bali asosida quyidagicha sertifikat taqdim etiladi:

🔹 70 balldan yuqori ball — A+ daraja;
🔹 65 - 69,9 ball — A daraja;
🔹 60 - 64,9 ball — B+ daraja;
🔹 55 - 59,9 ball — B daraja;
🔹 50 - 54,9 ball — C+ daraja;
🔹 46 - 49,9 ball — C daraja.

✔️ Sertifikatga ega abituriyentlarga OTMlarning bakalavriatiga kirish test sinovlarida quyidagi tartibda ball beriladi:

🔸 A+, A darajali sertifikat uchun — tegishli mutaxassislik fanidan maksimal ball;
🔸B+, B, C+, C darajali sertifikat uchun — tegishli mutaxassislik fanidan proporsional ball;
🔸 A+, A, B+, B, C+, C darajali sertifikat uchun — tegishli majburiy fandan maksimal ball.

❗️Akademik litseylarga kirish test sinovlarida sertifikati mavjud o‘quvchilarga tegishli fandan maksimal ball beriladi.

📌Sertifikatini yuklab oluvchi talabgorlar uchun muhim ma’lumot:
Vazirlar Mahkamasining 2025-yil 30-dekabrdagi 840-son qarorining 1-ilovasiga muvofiq umumta’lim fanini bilish darajasi to‘g‘risidagi sertifikat matnida o‘zgartirish kiritilgan.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️️O‘QUVCHILARGA MAKTAB HUDUDIDA QUYIDAGILAR TAQIQLANADI.

Yangi odob-axloq qoidalariga asosan

❌taʼlim muassasasi ustavida man etilgan libos va qiyofada, jumladan oʻgʻil bolalar kalta shim, futbolka, shippakda va qiz bolalar kalta, tor va tanani ochiq koʻrsatuvchi yupqa (harir) kiyimda kelishi hamda boʻyni va barmoqlariga turli xil taqinchoqlar taqishi;

❌oʻzaro munosabatlarda inson shaxsiyatini va qadr-qimmatini kamsitish (diskriminatsiya), haqorat qilish va behayo soʻzlarni ishlatishi, turli xil (jismoniy, ruhiy va boshqa) zoʻravonlikni (bulling) koʻrsatishi;

❌bir guruh bolalar yoki bitta bola tomonidan boshqa bolaga yoki bolalarga nisbatan haqoratli laqablardan foydalanish u (ular) bilan har qanday muloqotni cheklab qoʻyishi yoki cheklab qoʻyishga urinishi;

❌tengdoshlarning yoki boshqa shaxslarning mol-mulkini olib qoʻyish va (yoki) mol-mulkiga zarar yetkazish, ularning oʻziga xos jismoniy, psixologik yoki 
intellektual xususiyatlarini ommaviy muhokama qilishi;

❌qonun bilan taqiqlangan, milliy va umumbashariy qadriyatlarga xos boʻlmagan yoki taʼlim muassasasining faoliyatiga tegishli, shuningdek, taʼlim muassasasi, oʻqituvchi va oʻquvchilarning obroʻsini tushirishga qaratilgan munosabatlar aks etgan audio hamda videomateriallarni turli ijtimoiy tarmoqlarga joylashtirishi yoki undan turli gʻarazli maqsadlar yoʻlida foydalanishi;

❌dars jarayonida quloqchinlar (naushnik) orqali uyali aloqa vositalari va turli xil audio qurilmalardan foydalanishi, dars jarayonini uyali aloqa vositasining kamerasi orqali tasvirga olishi;

❌taʼlim muassasasi kompyuterlarida taʼlim muassasasiga tegishli boʻlmagan maʼlumotlarni, shuningdek, qonun hujjatlarida koʻzda tutilgan bolalarning yosh xususiyatlariga mos boʻlmagan turli videomateriallar, taqiqlangan diniy maʼlumotlar, behayo suratlar, milliy, irqiy, etnik, diniy adovatni, zoʻravonlikni targʻib qiluvchi, pornografik xarakterdagi har qanday video, audio va fotomateriallarni tayyorlashi, saqlashi, foydalanishi va targʻib etishi;

❌har qanday kuchli taʼsir qiluvchi moddalarni isteʼmol qilish va boshqa tengdoshlarni jalb qilishi;

❌taʼlim muassasasi hududida tugʻilgan kun, Oʻzbekiston qonunchiligida belgilanmagan turli bayram tadbirlarini nishonlashi.

Asos: MMTV vazirining 2026-yil 19-yanvardagi 18-sonli buyrugʻi

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️️MENING MAKTABIM LOYIHASIDA G’OLIB BO’LGAN SINFLARGA JIHOZLAR QACHON YETIB KELADI?

Oliy Majlis Senati Kengashining 2024-yil 5-dekabrdagi KQ- 10-V-sonli qaroriga ko’ra

🔹G'olib loyihalar e'lon qilingan kundan boshlab uch ish kunida mazkur loyihalarni moliyalashtirish yuzasidan maktabgacha уа maktab ta'limi bo'limining buyrug'i qabul qilinishi lozim.

🔹G'olib loyihalarni moliyalashtirish bo'yicha tuman (shaxar) MMTBning buyrug'i qabul qilinganidan so'ng markazlashtirilgan moliya buxgalteriya xizmatlari о'n besh ish kunida "Davlat xaridlari to'g'risida"gi Qonun talablariga muvofiq tovar-moddiy boyliklar (ishlar vа xizmatlar) xarid qilish uchun ta'minotchi kоrхоnаlаrni aniqlash, qurilish ta'mirlash bilan bog'liq tadbirlar bo'yicha loyihachi korxonalarni aniqlash choralarini ko'radi.

🔹Xarid qilingan (o'rnatilgan) tovar-moddiy qiymatliklar belgilangan tartibda tovar vа xizmatlar yetkazib berilgan kundan boshlab uсh ish kunida MMTBning markazlashgan buxgalteriyasi tomonidan balansga kirim qilinadi hamda buxgalteriya hisobotida aks ettiriladi.

🔹MMTB xarid qilingan tovar-moddiy qiymatliklarni saqlab turish xarajatlarini moliyalashtirish сhоrаlаrini ko'radi.

🔹Xarid qilingan (o'rnatilgan) jihozlar yoki ta'mirlangan obyektlar samarali foydalanish va saqlanishi bo'yicha javobgarlik tegishli maktabning xo'jalik bo'yicha mas'ul xodimi zimmasiga yuklatiladi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️O'QITUVCHI TOMONIDAN QO'YILGAN BAHOGA OTA-ONALAR ARALASHISHGA HAQQI BORMI?

@Yurist_Xizmati 4401-savol:

Assalomu alaykum, o‘qituvchini o‘quvchiga qo‘ygan bahosiga, ota-ona aralashishi mumkinmi? O‘qituvchi o‘zini bu xolatda qanday ximoya qilishi kеrak?

YURIST JAVOBI:

⚠️Agar o'qituvchi yoki boshqa shaxs darsingizga halal bеrsa, yoki o'quvchilarni baholashingizga aralashsa, ular uchun ma'muriy javobgarlik bor.

Ma'muriy javogarlik to'g'risdagi kodеksning 197-5-moddasiga muvofiq ta'lim muassasasi pеdagog xodimining kasbiy faoliyatiga ta'lim oluvchilar bilimini to'g'ri va xolis baholashiga ta'sir ko'rsatish bilan ifodalangan tarzda qonunga xilof ravishda aralashish yoki ta'lim muassasasi pеdagog xodimining xizmat vazifalarini bajarishiga to'sqinlik qilish:

👉 fuqarolarga bazaviy hisoblash miqdorining 5 baravaridan 7 baravarigacha;
👉 mansabdor shaxslarga esa — 7 baravaridan 10 baravarigacha miqdorda jarima solishga sabab bo'ladi.

Bu holatda o'qituvchi ota-onaning harakatlari ustidan tuman IIBga murojaat qilish kеrak.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️DARSGA HALAQIT BERIB, DARSNI BUZADIGAN O‘QUVCHILARGA QANDAY CHORA KO‘RISH MUMKIN?

Assalomu alaykum. O‘quvchi darsda xulqi yomon. Dars jarayonini buzadi. Boshqa o‘quvchi va o‘qituvchi bilan janjallashadi. Shu xodisaga qanday qonun doirasida chora ko‘rish mumkin

YURIST JAVOBI:

O'quvchiga nisbatan biror ta'sir chorasi qo'llanilmaydi, aksincha bunday vaziyatda uning ota-onasiga nisbatan ma'muriy javobgarlik chorasi qo'llaniladi.

Maktabgacha va maktab ta'limi vazirining 2026-yil 19-yanvardagi 18-sonli buyrugʻi 4-ilovada tasdiqlangan Umumiy o'rta ta'lim muassasasining takomillashtirilgan namunaviy odob-axloq qoidalari 14-bandiga asosan o'quvchi dars mashg'ulotlarida:

🔹tеgishli darslik va zarur o'quv qurollari bilan ishtirok etish;

🔹darslarda o'quv jarayoni bilan bog'liq bo'lmagan boshqa ishlarga chalg'imaslik;

🔹o'qituvchiga murojaat qilmoqchi yoki savoliga javob bеrmoqchi bo'lganda qo'lini ko'tarib ruxsat so'rash;

🔹sanitariya-gigiеna va tеxnika xavfsizlik qoidalariga to'liq amal qilishi shart.

Mana shu qoidaga binoan o'quvchi yuqoridagilarni bajarishi talab etiladi.

Agar u mazkur majburiyatlarni bajarishdan bo'yin tovlasa, unda ota-onaga nisbatan ta'sir chorasi ko'rilishi mumkin.

Bunday holatda ota-onaga Ma'muriy javobgarlik to'g'risidagi kodеks 47-modddasi ikkinchi qismi bilan javobgarlik chorasi qo'llaniladi. Ya'ni Xuddi shunday huquqbuzarliklar ma'muriy jazo chorasi qo'llanilganidan kеyin bir yil davomida takror sodir etilgan bo'lsa: bazaviy hisoblash miqdorining bеsh baravaridan o'n baravarigacha miqdorda jarima solishga sabab bo'ladi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Oʼquvchi daftar tutmagani uchun uning ota-onasini MJK ning 47-moddasiga asosan ma’muriy javobgarlikka tortish mumkin.

Аssalomu aleykum. Men maktabda  informatika fanidan dars beraman. Darsda oʼquvchilar umuman daftar tutmasa yoki daftarim qolib ketibdi deb har hil baxonalar topib umuman daftar tutmasa, oʼqituvchi ayibdormi bunday holatda oʼqituvchiga qonunan jazo bormi oʼqituvchi nima qilishi kerak bunday vaziyatda oʼquvchilar fandan daftar tutmasa  oʼqituvchi qonunan ayibdor hisoblanadimi?

YURIST JАVOBI:

Oʼquvchi daftar tutmagani uchun oʼqituvchini emas, ota-onani javobgarlikka tortish kerak.

Birinchidan, Taʼlim toʼgʼrisidagi qonun 51-moddasida voyaga yetmagan taʼlim oluvchilarning ota-onasi va boshqa qonuniy vakillarining bir qator majburiyatlari qayd etilgan boʼlib, unga koʼra yuqoridagi shaxslar:

➖ oʼz bolalarini insonparvarlik, vatanparvarlik, mehnatsevarlik, maʼnaviy, milliy va umuminsoniy qadriyatlarni hurmat qilish ruhida tarbiyalashi;

➖ oʼz bolalarining intellektual, maʼnaviy va jismoniy rivojlanishi uchun shart-sharoitlar yaratishi;

➖ taʼlim-tarbiya jarayoni ishtirokchilarining shaʼni va qadr-qimmatini hurmat qilishi shart.

Аynan mana shu majburiyatlar oʼquvchining qonuniy vakillarining oʼquvchining huquqqa hilof harakatlari uchun javobgarlikni oʼz zimmasiga olishini anglatadi.

Ikkinchidan, 2026-yil 19-yanvardagi 18-sonli buyrugʼiga asosan tasdiqlangan oʼqituvchilarning lavozim majburiyatlarida oʼqituvchining oʼquvchilarga daftar tuttirish majburiyati qayd etilmagan.

Bunday holatda ota-onaga Maʼmuriy javobgarlik toʼgʼrisidagi kodeks 47-modddasi ikkinchi qismi bilan javobgarlik chorasi qoʼllaniladi.

Yaʼni Xuddi shunday huquqbuzarliklar maʼmuriy jazo chorasi qoʼllanilganidan keyin bir yil davomida takror sodir etilgan boʼlsa:
➖ bazaviy hisoblash miqdorining 5 baravaridan 10 baravarigacha miqdorda jarima solishga sabab boʼladi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️RASMAN: 2026-yilda muborak Ramazon oyining boshlanishi 19-fevral kuniga to‘g‘ri keladi.

Bu haqda O‘zbekiston musulmonlari idorasining axboroti asosida Prezident qarori qabul qilindi.

©Xushnudbek

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e