⚡️Umumtaʼlim tashkilotlari oliy toifali oʻqituvchilarining magistraturada masofaviy oʻqish imkoniyati yaratildi

✅ Vazirlar Mahkamasining “Umumiy oʻrta taʼlim tashkilotlarining oliy malaka toifasiga ega oʻqituvchilarini pedagogika sohasida magistraturaga oʻqishga maqsadli qabul qilish tizimini joriy etish toʻgʻrisida”gi qarori qabul qilindi.

👉 Unga koʻra:

➖ umumiy oʻrta taʼlim tashkilotlarida faoliyat olib borayotgan hamda oliy malaka toifasiga ega boʻlgan oʻqituvchilarni pedagogika sohasining magistratura bosqichida masofaviy taʼlim shaklida oʻqitish tizimi joriy etiladi.

👉 Bunda:

➖ oʻqish jarayonlari ishdan ajralmagan holda, masofaviy taʼlim shaklida amalga oshiriladi;

➖ pedagoglar maqsadli magistraturani tugatgandan keyin uch yil davomida umumiy oʻrta taʼlim tashkilotida ishlab berish majburiyatini oladi;

➖ maqsadli magistraturaga qabul oliy taʼlim tashkilotlarining magistraturasiga oʻqishga qabul qilish boʻyicha belgilangan tartibga muvofiq amalga oshiriladi;

👉 2026-2027-oʻquv yilidan boshlab:

➖ Nizomiy nomidagi Oʻzbekiston milliy pedagogika universitetida oliy toifali oʻqituvchilarni maqsadli magistraturada oʻqitish tizimi yoʻlga qoʻyiladi.

❗️ Bu muhim: oliy toifali oʻqituvchilar ushbu qarorga muvofiq maqsadli magistraturaga qabul qilingan taqdirda, Vazirlar Mahkamasining 2022-yil 15-avgustdagi 447-son qarorida belgilangan toʻlov-kontrakt summasini davlat byudjeti mablagʻlari hisobidan qoplab berish shartlari ularga nisbatan tatbiq etilmaydi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

​⚡️BUGUN USTAMA TAYINLASHNING OXIRGI KUNI.

Vazirlar Mahkamasining 823-sonli qarorining 12-bandida ustama tayinlash uchun ishchi guruh har yili 1-iyulga qadar qaror qilishi kerakligi haqida yozilgan. Demak, 30-iyun qaror chiqarishning oxirgi kuni bo‘ladi.

⚠️Eslatma: Ustama tayinlash haqidagi ishchi guruh qarori asosida maktab direktorining buyrug‘i ham chiqariladi.

Ishchi guruh qaroridan namuna shu yerda.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️️STAJOR O’QITUVCHILAR KASBIY SERTIFIKATNI OLMASALAR NIMA BO’LADI?

Pedagogik kasbga birinchi marta ishga qabul qilinadigan oliy ma’lumotli talabgorlar stajor-o‘qituvchi sifatida faoliyat yuritadi va ular ishga qabul qilingan vaqtdan boshlab bir yil muddat davomida kasbiy sertifikatga ega bo‘lishi talab etiladi.

Kasbiy sertifikatlash jarayoni vazirlik tomonidan amalga oshiriladi.
Kasbiy sertifikatlash jarayoni nazorat test sinovlari orqali amalga oshiriladi.
Nazorat sinovi natijasi bo‘yicha 56 va undan yuqori ball to‘plagan talabgor nazorat sinovidan o‘tgan hisoblanadi.

Shuningdek, attestatsiya jarayonida qatnashgan va kamida 56 ball to‘plagan pedagoglar ham kasbiy sertifikatlash jarayoniga jalb etilmaydi.

Kasbiy sertifikatlash nazorat sinovida ishtirok etish uchun ro‘yxatdan o‘tib, nazorat sinovida uzrli sabablarga (vaqtincha mehnatga qobiliyatsizligi, davlat yoki jamoat vazifalarini bajarayotgan, respublika va xalqaro musobaqalarda ishtirok etganligi, vaqtincha xorijiy mamlakatda safarda bo‘lib turganligi, yaqin qarindoshi vafot etgan, vakolatli davlat organi yoki ta’lim tashkilotlari rahbarlarining ma’lumotnomasida ko‘rsatilgan asoslar) ko‘ra ishtirok etmagan talabgor nazorat sinovidan o‘tmagan hisoblanadi hamda nazorat sinovida ishtirok etish uchun qaytadan ro‘yxatdan o‘tishi talab etiladi.

Uzrli sabablarga ko‘ra nazorat sinovida ishtirok eta olmagan hamda birinchi marotaba nazorat sinovida ishtirok etib, undan o‘ta olmagan talabgor uchun navbatdan tashqari nazorat sinovi har yili yangi o‘quv yili boshlangunga qadar tashkil etiladi.

Navbatdan tashqari nazorat sinovida ishtirok etib, yetarli ball to‘play olmagan talabgor bilan tuzilgan mehnat shartnomasi mehnat qonunchiligida belgilangan tartibda bekor qilinadi.

Ish beruvchi mehnat shartnomasi bekor qilingan talabgor tugatgan oliy ta’lim tashkilotiga talabgorning kasbiy sertifikatlashdan o‘ta olmaganligi to‘g‘risida reklamatsiya yuboradi.

⚠️Diqqat! Kasbiy sertifikatlash jarayoniga talabgor o‘z muddatida jalb etilishi uchun u faoliyat ko‘rsatayotgan davlat umumiy o‘rta ta’lim tashkilotining rahbari mas’ul hisoblanadi.

Asos: Vazirlar Mahkamasining 2024-yil 12-fevraldagi 87-sonli qarori

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️MAKTABDA KIMGA USTAMA TAYINLANGANLIGI BO’YICHA MA’LUMOTLAR, MAKTABNING BARCHA XODIMLARIGA YETIB BORISHI SHART.

Vazirlar Mahkamasining 2019-yil 30-sentabrdagi 823-son qaroriga asosan ishchi guruh chiqargan qarorlar haqida maktabning har bir xodimi bilishi kerak. Bu haqida nizomning 18-bandida aynan quyidagicha yozilgan:

“Umumta’lim muassasasining hammaga ko‘rinadigan joyidagi axborotlar stendi hamda maktabning Internet jahon axborot tarmog‘idagi rasmiy veb-saytida Ishchi guruhning qarori to‘g‘risida to‘liq ma’lumotlar muntazam ravishda e’lon qilib boriladi.”

Yaʼniy, ishchi guruh qarori bilan hamma tanishishi kerakdir. Bundan tashqari, nizomda kimga ustama, kimga mukofot, kimga moddiy yordam berish haqidagi qaror pedagogik kengashda ham ko‘rilishi kerak. Bundan tashqari, yangi o‘quv yili boshlanishdan oldin ishchi guruh tomonidan 1-sonli pedkengashda kimlarga ustama tayinlanganligi haqida axborot berilishi kerak.

Agar maktablarda ishchi guruh qarorlari haqida hech kimni xabardor qilinmayotganligi holati bo‘lsa nizomning tegishli bandlari buzilgan hisoblanadi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️️MAKTAB MASLAHATCHISI LAVOZIMIGA ISHGA KIRISH UCHUN QOʻYILADIGAN MALAKA TAVSIFLAR

🔹Ma’lumot
Oliy, bakalavr diplomiga ega boʻlishi (magistratura, ilmiy darajaga egalik afzallik beradi)

🔹Mutaxassislik
Pedagogika, psixologiya yoʻnalishi (Maktabgacha va maktab ta’limi vazirligi huzuridagi oliy ta’lim muassasalari bitiruvchilari hamda “El-yurt umidi” jamg‘armasi davlat stipendiantlari gʻoliblariga mutaxassislik talab etilmaydi)

🔹Mehnat staji
Talab etilmaydi

🔹Kompyuter savodxonligi
Microsoft Office dasturi (Word, Excel, Power Point va h.k), zamonaviy axborot texnologiyalarida va internet tarmogʻida mustaqil foydalanuvchi sifatida turli ish dasturlari bilan ishlash boʻyicha yetarli koʻnikmaga ega boʻlishi

🔹Qoʻshimcha talablar
Maktabgacha va maktab taʼlimi sohasiga oid qonunchilik hamda idoraviy va ichki lokal hujjatlardan, shuningdek, taʼlim standartlaridan xabardor boʻlishi; xorijiy tillardan birining boshlangʻich bosqichini va axborot-kommunikatsiya texnologiyalaridan foydalanishni bilish.

Davlat tilini bilish rus, ingliz va boshqa chet tillarini bilish ustuvorlik beradi.

Oʻzbekiston Respublikasining “Ta’lim toʻgʻrisida”gi Qonunining 28-moddasiga muvofiq qasddan sodir etilgan jinoyat uchun ilgari sudlangan shaxslar Ta’lim tashkilotlarining rahbarlik lavozimlariga tayinlanishi mumkin emas.

Shuningdek, Oʻzbekiston Respublikasining “Pedagogning maqomi toʻgʻrisida”gi Qonunining 15-moddasiga muvofiq:
qonuniy kuchga kirgan sud hukmiga muvofiq pedagogik faoliyat bilan shugʻullanish huquqidan mahrum etilgan shaxslar; qonunchilikda belgilangan tartibda sud tomonidan muomalaga layoqatsiz yoki muomala layoqati cheklangan deb topilgan shaxslar;
pedagogik faoliyatni amalga oshirishga toʻsqinlik qiladigan kasalliklari boʻlgan shaxslar;
psixiatriya yoki narkologiya muassasalarida hisobda turgan shaxslarning pedagogik faoliyat bilan shugʻullanishiga yoʻl qoʻyilmaydi.

Qasddan sodir etilgan jinoyat uchun ilgari sudlangan shaxslarni pedagogik faoliyat bilan bogʻliq lavozimlarga qabul qilish mumkin emas.

Asos: MMTV ning 2025-yil 30-sentabrdagi 368- sonli buyrug‘i

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️TEZKOR MAʼLUMOT

Hurmatli yurtdoshlar!
Xabaringiz bor, kadastr ma’lumotlar bazasini yagona tizim - UZKAD axborot dasturida birlashtirib, aholi va davlat idoralariga xizmat qiluvchi yagona tizim yaratilmoqda. Tizimlarni birlashtirish jarayonida ayrim ko‘chmas mulk obyektlari manzillari bo‘yicha “my.maktab.uz” platformasi bilan bog‘liq noaniqliklar kuzatilmoqda.

▶️ Shu kabi holatlarni bartaraf qilish maqsadida Respublika bo‘yicha tezkor shtab tashkil etildi.

🔹Farzandingizni 1-sinfga qabul jarayonida kadastr bilan bog‘liq muammolar kuzatilgan taqdirda @Dkpuz_bot telegram boti yoki 71-207-00-03, (ichki raqami 216, 211, 232), 99-849-70-02, 77-131-80-44 raqamlari orqali biz bilan bog‘lanishingiz mumkin.

Tezkor shtabning hududiy telefon raqamlari:

▫️ Andijon viloyati: 74-224-20-25,  93-810-87-57
▫️ Namangan viloyati: 69-233-27-33, 88-920-01-00
▫️ Jizzax viloyati:  72-226-75-23, 93-307-87-35
▫️ Toshkent viloyati: 71-502-02-07, 90-135-35-05
▫️ Surxondaryo viloyati:  55-451-22-19, 93-220-62-96
▫️ Qoraqalpog'iston Respublikasi:  61-224-91-02, 99-194-60-60
▫️ Sirdaryo viloyati:  67-236-50-05, 97-218-01-17
▫️ Qashqadaryo viloyati:  75-227-79-97, 98-444-70-17
▫️ Xorazm viloyati:  62-224-67-04, 87-872-92-91
▫️ Navoiy viloyati:  79-222-46-31, 94-145-60-45
▫️ Buxoro viloyati:  65-221-01-88, 93-452-15-54
▫️ Samarqand viloyati:  95-508-81-50, 97-405-02-94
▫️ Farg'ona viloyati:  73-229-02-07, 77-319-07-01

✔️ Xatolik tez fursatlarda va bepul bartaraf etilishini ma’lum qilamiz.

❕ Shu o‘rinda, fuqarolarni ro‘yxat (propiska)ga qo‘yish, o‘chirish yoki o‘zgartirish Kadastr idoralari vakolati doirasida emasligini qayd etish lozim.

©DAVLAT KADASTRLARI PALATASI

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Ozarbayjonda 16 yoshgacha bo‘lgan bolalarga ijtimoiy tarmoqlarda akkaunt ochish taqiqlanmoqda

Qabul qilingan qonunga ko‘ra, 16 yoshga to‘lmagan shaxslarga ijtimoiy tarmoqlarda shaxsiy akkaunt yaratishga ruxsat berilmaydi. 16–18 yoshdagilar esa akkauntni faqat qonuniy vakilining roziligi bilan ochishi mumkin bo‘ladi.

📱 Shuningdek, platformalar foydalanuvchilarning yoshini tekshirish tizimini joriy etishi, 16 yoshgacha bo‘lgan bolalarga tegishli akkauntlarni cheklashi, zarur hollarda esa o‘chirishi talab etiladi.

©Xushnudbek

Avvalroq bizda ham shu masala ko‘tarilgan edi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️POLSHADA FARZANDLI BO‘LISH QANCHAGA TUSHADI?

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️MAKTAB XODIMLARINING OYLIGI QUYIDAGICHA.(2025-yil sentabr holatiga)

🔹Maktab dirеktori:
• 6 mln 201 ming 209 so'm (400 o'quvchigacha);
• 6 mln 622 ming 418 so'm (401-880 o'quvchigacha);
• 7 mln 22 ming 21 so'm (881-1600 o'quvchigacha);
• 7 mln 427 ming 724 so'm (1600dan ortiq);

🔹Dirеktor o'rinbosarlari: (MMIBDO', O'TIBDO')   
• 5 mln 551 ming 728 so'm (400 o'quvchigacha);
• 5 mln 943 ming 69 so'm (401-880 o'quvchigacha);
• 6 mln 346 ming 484 so'm  (881 -1600 o'quvchigacha);
• 6 mln 729 ming 437 so'm (1600dan ortiq);

🔹Psixologlar:
• Oliy ma'lumotli psixolog – 3 mln 356 ming 916 so'm;
• Ikkinchi toifali psixolog – 3 mln 594 ming 851 so'm;
• Birinchi toifali psixolog – 3 mln 838 ming 851 so'm;
• Oliy toifali psixolog – 4 mln 72 ming 508 so'm;

🔹O'qituvchilar:
• O'rta maxsus ma'lumotli o'qituvchi – 3 mln 468 ming 585 so'm;
• Oliy ma'lumotli o'qituvchi – 3 mln 729 ming 906 so'm;
• Ikkinchi toifali o'qituvchi – 4 mln 175 ming 834 so'm;
• Birinchi toifali o'qituvchi – 4 mln 653 ming 151 so'm;
• Oliy toifali o'qituvchi – 5 mln 142 ming 053 so'm;

🔹Kadrlar bo'yicha mеnеjеr:
1 mln 758 ming 372 so'm

🔹Kutubxona mudiri:
• O'rta maxsus ma'lumotli – 2 mln 349 ming 447 so'm;
• Oliy ma'lumotli – 2 mln 563 ming 442 so'm

Oylik hisoblash bo‘yicha Moliyachi bot 🫡hizmatingizda!

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️METODBIRLASHMA RAHBARLARI USTAMA OLISH UCHUN NECHA BALL TO‘PLASHI KERAK?

Vazirlar Mahkamasining 823-sonli nizomi 26-bandida metodbirlashma rahbariga har oylik 10% ustama berish mumkinligi haqida ma’lumot berilgan. Biroq, metodbirlashma rahbarining faoliyatini baholash mezoni va necha ball to‘plashi kerakligi yozilmagan.

Xalq ta’limi vazirligining 2021-yil 11-iyundagi  02-02/1-1703 -sonli xatida metodbirlashma rahbariga ustama belgilash uchun baholash mezoni va talab etiladigan hujjatlar ro‘yxati keltirilgan.

Ushbu xatda metodbirlashma rahbari  0-60 ball to‘plagan taqdirda  0% ustama, 61-100 ball to‘plagan taqdirda 10% ustama belgilash mumkinligi qayd etilgan.

Lekin, hozirda metodbirlashma rahbarlarini faoliyatini MMTV ning 2023-yil 22-avgust kungi 02-02/1-1347-sonli xati asosida baholaymiz. Ushbu xatda metodbirlashma rahbarining faoliyati bo‘yicha nechchi ball to‘plagan taqdirda ustama belgilash mumkinligi qayd etilmagan.

⚠️Diqqat! Biz berayotgan ma’lumot tavsiyaviy ahamiyatga ega. Xalq ta’limi vazirligining 2021-yil 11-iyundagi  02-02/1-1703 -sonli xatiga asosan
metodbirlashma rahbari 0-60 ball to‘plagan taqdirda 0%, 61-100 ball to‘plagan taqdirda 10% ustama berish mumkin deb hisoblaymiz.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Hindistonlik kino ustalaridan o‘qituvchilar haqidagi filmdan parcha, ko‘rib o‘zimizdagi o‘qituvchilar haqida o‘yladim, o‘xshash tomonlarimiz bor ekan.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️OʻQITUVCHINING LAVOZIM MAJBURIYATLARI YANGI TAXRIRDA

MMTV vazirining 2026-yil 19-yanvardagi 18-sonli buyrugʻiga asosan:

🔹pedagogik xodimga belgilangan ish yuklamasini, jumladan, oʻquv-tarbiya jarayoni, oʻquv-tarbiya jarayonining metodik taʼminoti va tashkiliy-pedagogik jarayonlarga oid ishlarni oʻz vaqtida bajarish;

🔹dars mashgʻulotlarini rahbariyat tomonidan tasdiqlangan dars jadvali hamda taqvim-mavzu reja asosida olib borish;

🔹taʼlim sifatini oshirish maqsadida oʻz fani boʻyicha tarqatma va koʻrgazmali materiallarni tayyorlaydi (markazlashgan holda, jumladan vazirlik tomonidan taqdim yoki tavsiya etiladigan taʼlim portallarida elektron shakldagi tarqatma va koʻrgazmali materiallar boʻlmasa) va ulardan dars jarayonida samarali foydalanish;

🔹oʻquvchilarni oʻzlashtirgan bilimlarini amaliyotda mustaqil qoʻllay olishga oʻrgatish;

🔹oʻquvchilarda oʻz fani boʻyicha bilim va koʻnikmalarni shakllantirish, dars jarayonida oʻquvchilarning odob-axloq qoidalariga rioya qilishini taʼminlash;

🔹oʻz fani boʻyicha joriy, oraliq va yakuniy nazorat ishlarini oʻtkazadi, oʻquvchilarning yozma ishlari va daftarlarini tekshirish;

🔹umumiy oʻrta taʼlimning davlat taʼlim standarti va oʻquv dasturlariga muvofiq oʻz fani boʻyicha taqvim-mavzu rejalarni tuzish;

🔹oʻz ehtiyojiga koʻra fan oʻqituvchilari tomonidan oʻtiladigan darslarni kuzatish, dars tahlili natijasida oʻzaro tajriba almashish;

🔹pedagogik kengash, metodbirlashma yigʻilishlari, oʻquv-seminar, ochiq darslar va metodik materiallar ishlab chiqishda ishtirok etish;

🔹oʻz fani boʻyicha taqvim-mavzu reja asosida oʻtilgan mavzularni, oʻquvchilarning oʻtilgan mavzularni oʻzlashtirish bahosini va davomatini dars oʻtilgan kunning oʻzida elektron jurnalga qayd etish (bunda elektron jurnal joriy etilgan maktablarda anʼanaviy jurnalga baholashga yoʻl qoʻyilmaydi hamda elektron avtomatik davomat joriy qilingan maktablarda davomatni qayd etish oʻqituvchining vazifasiga kirmaydi);

🔹oʻquvchilarning qobiliyat va isteʼdodlarini rivojlantirishni nazarda tutgan holda, fanlarni oʻzlashtirishda qiynalayotgan va iqtidorli oʻquvchilar bilan ishlash maqsadida oʻz fani boʻyicha toʻgarak mashgʻulotlarini tashkil etish;

🔹oʻquvchilarni oʻz fani boʻyicha fanlar olimpiadalari, turli tanlovlar va musobaqalarga tayyorlash;

🔹oʻz fani boʻyicha belgilangan metodik kunda oʻzining kasbiy mahoratini oshirish maqsadida oʻz ustida mustaqil ishlash, ilgʻor taʼlim metodlarini oʻrganish va doimiy ravishda malakasini oshirib borish choralarini koʻrish;

🔹oʻziga biriktirilgan sinf xonalari, laboratoriya xonalaridagi qurilmalar, texnik vositalar, boshqa moddiy boyliklarning saqlanishini va ulardan oʻquv-metodik maqsadlarda samarali foydalanishni taʼminlash;

🔹taʼlim muassasasi rahbari bilan tuzilgan mehnat shartnomasi shartlariga amal qilish;

🔹oʻquvchilar huquqlariga va bolalarni muhofaza qilishga oid qonunchilik talablariga rioya qilish;

🔹taʼlim-tarbiya jarayoni ishtirokchilarining shaʼni, qadr-qimmati va ishchanlik obroʻsini hurmat qilish;

🔹taʼlim muassasa obroʻsi va shaʼniga putur yetkazishi mumkin boʻlgan maʼlumotlarni tarqatmaslik hamda davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

🔹taʼlim muassasasi ustavi, kasbiy odob-axloq qoidalari, sanitariya-gigiyena, ichki mehnat tartibi, mehnatni muhofaza qilish, texnika va yongʻin xavfsizligi qoidalari talablariga rioya qilish;

🔹foydalanish uchun oʻziga topshirilgan mebel, xona jihozlari, tashkiliy va maishiy texnikadan oqilona foydalanilishi va but saqlanishini hamda oʻzi ish olib boradigan xonada yongʻin xavfsizligi talablariga rioya qilinishini taʼminlash;

🔹bolalarga nisbatan zoʻravonlik sodir etmaslik, zoʻravonlikka uchragan bolalar toʻgʻrisida ish beruvchisi, “Inson” ijtimoiy xizmatlar markazlari va ichki ishlar organlarini xabardor qilish;

🔹qonun hujjatlariga muvofiq boshqa funksiyalarni ham amalga oshirishi mumkin

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️O'QITUVCHI BO'LIB ISHLASH UCHUN QUYIDAGI MALAKA TAVSIFLARI BO'LISHI SHART

🔹Maʼlumot
Oliy, bakalavr diplomiga ega boʻlishi, bunda xorijiy til yoʻnalishlari boʻyicha mutaxassislar kamida B2 darajadagi milliy yoki unga tenglashtirilgan mos darajadagi xalqaro sertifikatga ega boʻlishlari shart (magistratura, ilmiy darajaga egalik afzallik beradi).
 
🔹Mutaxassislik
a) boshlangʻich sinf oʻqituvchisi uchun — boshlangʻich taʼlim ixtisosligi boʻyicha kamida oʻrta maxsus pedagogik maʼlumot yoki kamida bakalavr darajasidagi oliy maʼlumot va boshlangʻich taʼlim ixtisosligi boʻyicha dars berish huquqi bilan kasbiy qayta tayyorlov kursini tugatganligi;

b) fan oʻqituvchisi uchun — fan yoʻnalishiga toʻgʻri keluvchi kamida bakalavr darajasidagi oliy pedagogik maʼlumot yoki kamida bakalavr darajasidagi oliy maʼlumot va fan yoʻnalishiga toʻgʻri keluvchi dars berish huquqi bilan kasbiy qayta tayyorlov kursini tugatganligi yoxud fan yoʻnalishiga (xususiyatiga) toʻgʻri keluvchi kamida bakalavr darajasidagi oliy maʼlumot va pedagogik faoliyat yuritish huquqi bilan qayta tayyorlov kursini tugatganligi;

v) ayrim fanlar chuqur oʻrganiladigan ixtisoslashtirilgan maktablar hamda maktab-internatlarning ixtisoslashtirilgan fan oʻqituvchisi uchun – kamida birinchi malaka toifasiga ega boʻlishi; Mutaxassislik (oliy pedagogik maʼlumotga egalik afzallik beradi)
  
🔹Mehnat staji talab etilmaydi
 
🔹Kompyuter savodxonligi
 
🔹Qoʻshimcha talablar
Maktabgacha va maktab taʼlimi sohasiga oid qonunchilik hamda idoraviy va ichki lokal hujjatlardan, shuningdek, taʼlim standartlaridan xabardor boʻlishi; Davlat tilini bilish (rus, ingliz va boshqa chet tillarini bilish afzallik hisoblanadi).

Musiqa madaniyati fani oʻqituvchisi kamida bitta musiqa cholgʻu asbobini chalish koʻnikmasiga ega boʻlishi zarur. Jismoniy tarbiya fani oʻqituvchisi yoshiga nisbatan Sport vazirligi tomonidan belgilangan jismoniy tayyorgarlik va sport sinovlarini bajara olish koʻnikmasiga ega boʻlishi talab etiladi.

Shuningdek, Oʻzbekiston Respublikasining “Pedagogning maqomi toʻgʻrisida”gi Qonunining 15-moddasiga muvofiq: qonuniy kuchga kirgan sud hukmiga muvofiq pedagogik faoliyat bilan shugʻullanish huquqidan mahrum etilgan shaxslar; qonunchilikda belgilangan tartibda sud tomonidan muomalaga layoqatsiz yoki muomala layoqati cheklangan deb topilgan shaxslar; pedagogik faoliyatni amalga oshirishga toʻsqinlik qiladigan kasalliklari boʻlgan shaxslar; psixiatriya yoki narkologiya muassasalarida hisobda turgan shaxslarning pedagogik faoliyat bilan shugʻullanishiga yoʻl qoʻyilmaydi. Qasddan sodir etilgan jinoyat uchun ilgari sudlangan shaxslarni pedagogik faoliyat bilan bogʻliq lavozimlarga qabul qilish mumkin emas.

Asos: MMTV ning 2026-yil 13-yanvardagi 9-sonli buyrug‘i

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️ABITURYENTLARGA RUXSATNOMALAR BERISH BOSHLANDI.

🔹Ruxsatnomani my.uzbmb.uz saytidagi shaxsiy kabinetdan yuklab olish mumkin. 6-Fanlar majmuasi degan sahifaning yuqorisida "ABITURIYENT RUXSATNOMASI" degan yozuv paydo bo‘lgan.

🔹Yoki shaxsiy kabinetga kirmasdan, shunchaki my.uzbmb.uz/allow/bachelor-allow sahifasi orqali pasport seriyasi va raqami hamda JShShIR raqamini kiritgan holda olishlari mumkin.

📋 Abituriyentlar test sinoviga pasport (ID-karta) va abituriyent ruxsatnomasi bilan belgilangan vaqtdan kechikmagan holda kelishlari lozim.

⚠️Pasport nusxasi yoki boshqa hujjatlar bilan kelgan, shuningdek, kechikib kelgan abituriyentlar test sinovlariga kiritilmaydi!

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️“Tashabbusli byudjet”ning 2026-yildagi 2-mavsumi 15-iyuldan boshlanadi

Bunda:

📆15-iyuldan 3-avgustgacha loyihalarni kiritish;

📆4–18-avgust kunlari loyihalarni saralash;

📆19–21-avgust kunlari targ‘ibot bosqichi;

📆22–31-avgust kunlari ovoz berish bosqichi;

📆1–10-sentyabr kunlari qo‘shimcha g‘oliblarni e’lon qilish bosqichi o‘tkaziladi.

⚠️Ma’lumot uchun, an’anaviy ovoz berish bosqichi yakunlariga ko‘ra g‘olib loyihalar 1-sentyabr — Mustaqillikning 35 yilligi bayrami kuni e’lon qilinadi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️RAHBAR VA XODIMLAR UCHUN OYNA

Sizning tashkilotingiz oldinga ketyabtimi yoki orqaga? Ushbu animatsiyadan tegishli hulosa chiqaring va o'z vaqtida to‘g‘rillang!

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️250 ga yaqin jigar koʻchirib oʻtkazish operatsiyasini amalga oshirgan oʻzbekistonlik jarroh Jasur Sobirov.

​Jamiyatimizda shu kabi olim insonlarning obroʻsini koʻtarishimiz, ularni hurmat qilishimiz va yosh avlodga oʻrnak qilib koʻrsatishimiz kerak.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️KUNDALIK COMDA MAKTAB RAHBARLARINING VAZIFALARI ANIQ BELGILAB BERILGAN

Xalq ta’limi vazirining 2О22-уil 24-iyun 205-son buyrug‘iga ko‘ra maktab rаhbаryatining vazifalari quyidagicha etib belgilandi.

👉DIREKTORning vazifalari:

O'zbekiston Respublikasining "Shaxsiy ma'lumotlar to'g'risida" 2019-уil 2-iyuldagi O'RQ-547-son Qonuni talablariga rioya etish;

elektron jurnalni o'z vaqtida yuritish;

elektron jurnalga kiritilgan ma'lumotlarga o'zgartirish kiritilishining oldini olish;

elektron jurnalni yuritishda, fan o'qituvchilari tomonidan yo'l qo'yilgan, inson omiliga bog'liq xatolarga o'zgartirish kiritish maqsadida tuman (shahar) xalq ta'limi bo'limiga rasmiy xat bilan murojaat qilish;

maktab psixologi lavozimidagi xodimni Platformadagi sinflarga a'zo bo'lganini vа "Psixolog" guruhlarini tuzib, o'quvchilar hamda ota-ona (о'quvchining qonuniy vakili) bilan doimiy muloqotda bо'lishini muvofiqlashtirish;

O'zbekiston Respublikasi Xalq ta'limi vazirining 2021-yil 6-sentabrdagi 284-sonli buyrug'i bilan tasdiqlangan "Umumiy о'rtа ta'lim muassasalari faoliyatida avtomatlashtirilgan axborot tizimi bilan ishlash va arxivlash tartibi haqida nizom" talablariga muvofiq hujjatlarni arxivlashtirishni umumta'lim muassasasining o'zida tashkillashtirishni amalga oshiradi.

👉O‘IBDO‘ning vazifalari:

elektron jurnal yagona tizimida muassasaning tizimdagi bosh administrator faoliyatini olib borish;

fan o'qituvchilari tomonidan baholash mezoniga doir o'quvchilarni baholash jarayoni faqat dars o'tilgan sananing o'zida olib borilishini nazorat qilish;

o'qituvchilar tomonidan hаr bir o'zgartirilgan baholarning sababi vа omillarini aniqlagan holda tegishli hujjatlar to'plamini yig'ib muassasa rahbariga taqdim etish;

elektron jurnalni o'z vaqtida vа to'g'ri yuritilishi bo'yicha o'tkazilgan tekshiruvlarda aniqlangan kamchiliklar yuzasidan izoh уozib qoldirish;

fan o'qituvchilari tomonidan dars rejasiga asosan tegishli mavzu yuzasidan "Darsni ishlab chiqish rejasi"ni tizimga yuklatilganligini nazorat qilishni amalga oshiradi.

👉MMIBDO‘ning vazifalari:

fan o'qituvchilari tomonidan olib borilayotgan o'quvchilar davomatini monitoring qilib, kun davomida statistik mа'lumоt to'plab, maktab direktoriga taqdim etilishi;

maktab hayotiga doir tadbirlarni "yangiliklar sahifasi" vа "tadbirlar" bо'limida yoritib borilishi;

5 ta muhim tashabbus doirasida umumta'lim muassasalarida tashkil etilgan to'garaklar, seksiyalar vа klublarda o'quvchilarning qamrovini tahlil qilish bilan birgalikda kiritilayotgan ma'lumotlarni monitoring qilib, choraklik hisobot olib borilishini ta'minlaydi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️XITOY BOG‘CHALARIDA BOLALAR QANDAY TARBIYALANADI?

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e