⚡️SINF XONALARGA O’QUV JIHOZLARINI (PARTA, STOL-STUL) JOYLASHTIRISHDA QUYIDAGI TALABLARGA RIOYA ETILISHI KERAK

Umumta’lim maktablarida maktablarni saqlanishi va o’quvchilarni o’qitilishiga qo’yiladigan sanitar epidemiologik talablar (SanPiN № 0341-16) ga muvofiq sinf xonalaridagi parta stol-stullar quyidagi tartibda joylashtirilishi kerak

2 o’rinli stollar qatoridagi masofa 60 sm dan kam bo’lmasligi kerak;

Parta qatorlari bilan tashqi devor orasidagi masofa 50—70 sm;

Parta qatorlari bilan ichki devor, to’siq, shkaf orasidagi masofa 50 sm;

Oxirgi parta bilan devor orasi 70 sm;

Doska bilan birinchi parta orasi 240 sm;

Doska bilan oxirgi parta orasidagi masofa 860 sm;

Doskani pastki tomoni bilan pol orasidagi masofa 70-90 sm bo’lishi kerak.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️OʻQITUVCHINING LAVOZIM MAJBURIYATLARI QUYIDAGICHA.

MMTV vazirining 2026-yil 19-yanvardagi 18-sonli buyrugʻiga asosan:

🔹pedagogik xodimga belgilangan ish yuklamasini, jumladan, oʻquv-tarbiya jarayoni, oʻquv-tarbiya jarayonining metodik taʼminoti va tashkiliy-pedagogik jarayonlarga oid ishlarni oʻz vaqtida bajarish;

🔹dars mashgʻulotlarini rahbariyat tomonidan tasdiqlangan dars jadvali hamda taqvim-mavzu reja asosida olib borish;

🔹taʼlim sifatini oshirish maqsadida oʻz fani boʻyicha tarqatma va koʻrgazmali materiallarni tayyorlaydi (markazlashgan holda, jumladan vazirlik tomonidan taqdim yoki tavsiya etiladigan taʼlim portallarida elektron shakldagi tarqatma va koʻrgazmali materiallar boʻlmasa) va ulardan dars jarayonida samarali foydalanish;

🔹oʻquvchilarni oʻzlashtirgan bilimlarini amaliyotda mustaqil qoʻllay olishga oʻrgatish;

🔹oʻquvchilarda oʻz fani boʻyicha bilim va koʻnikmalarni shakllantirish, dars jarayonida oʻquvchilarning odob-axloq qoidalariga rioya qilishini taʼminlash;

🔹oʻz fani boʻyicha joriy, oraliq va yakuniy nazorat ishlarini oʻtkazadi, oʻquvchilarning yozma ishlari va daftarlarini tekshirish;

🔹umumiy oʻrta taʼlimning davlat taʼlim standarti va oʻquv dasturlariga muvofiq oʻz fani boʻyicha taqvim-mavzu rejalarni tuzish;

🔹oʻz ehtiyojiga koʻra fan oʻqituvchilari tomonidan oʻtiladigan darslarni kuzatish, dars tahlili natijasida oʻzaro tajriba almashish;

🔹pedagogik kengash, metodbirlashma yigʻilishlari, oʻquv-seminar, ochiq darslar va metodik materiallar ishlab chiqishda ishtirok etish;

🔹oʻz fani boʻyicha taqvim-mavzu reja asosida oʻtilgan mavzularni, oʻquvchilarning oʻtilgan mavzularni oʻzlashtirish bahosini va davomatini dars oʻtilgan kunning oʻzida elektron jurnalga qayd etish (bunda elektron jurnal joriy etilgan maktablarda anʼanaviy jurnalga baholashga yoʻl qoʻyilmaydi hamda elektron avtomatik davomat joriy qilingan maktablarda davomatni qayd etish oʻqituvchining vazifasiga kirmaydi);

🔹oʻquvchilarning qobiliyat va isteʼdodlarini rivojlantirishni nazarda tutgan holda, fanlarni oʻzlashtirishda qiynalayotgan va iqtidorli oʻquvchilar bilan ishlash maqsadida oʻz fani boʻyicha toʻgarak mashgʻulotlarini tashkil etish;

🔹oʻquvchilarni oʻz fani boʻyicha fanlar olimpiadalari, turli tanlovlar va musobaqalarga tayyorlash;

🔹oʻz fani boʻyicha belgilangan metodik kunda oʻzining kasbiy mahoratini oshirish maqsadida oʻz ustida mustaqil ishlash, ilgʻor taʼlim metodlarini oʻrganish va doimiy ravishda malakasini oshirib borish choralarini koʻrish;

🔹oʻziga biriktirilgan sinf xonalari, laboratoriya xonalaridagi qurilmalar, texnik vositalar, boshqa moddiy boyliklarning saqlanishini va ulardan oʻquv-metodik maqsadlarda samarali foydalanishni taʼminlash;

🔹taʼlim muassasasi rahbari bilan tuzilgan mehnat shartnomasi shartlariga amal qilish;

🔹oʻquvchilar huquqlariga va bolalarni muhofaza qilishga oid qonunchilik talablariga rioya qilish;

🔹taʼlim-tarbiya jarayoni ishtirokchilarining shaʼni, qadr-qimmati va ishchanlik obroʻsini hurmat qilish;

🔹taʼlim muassasa obroʻsi va shaʼniga putur yetkazishi mumkin boʻlgan maʼlumotlarni tarqatmaslik hamda davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

🔹taʼlim muassasasi ustavi, kasbiy odob-axloq qoidalari, sanitariya-gigiyena, ichki mehnat tartibi, mehnatni muhofaza qilish, texnika va yongʻin xavfsizligi qoidalari talablariga rioya qilish;

🔹foydalanish uchun oʻziga topshirilgan mebel, xona jihozlari, tashkiliy va maishiy texnikadan oqilona foydalanilishi va but saqlanishini hamda oʻzi ish olib boradigan xonada yongʻin xavfsizligi talablariga rioya qilinishini taʼminlash;

🔹bolalarga nisbatan zoʻravonlik sodir etmaslik, zoʻravonlikka uchragan bolalar toʻgʻrisida ish beruvchisi, “Inson” ijtimoiy xizmatlar markazlari va ichki ishlar organlarini xabardor qilish;

🔹qonun hujjatlariga muvofiq boshqa funksiyalarni ham amalga oshirishi mumkin

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️KUNDALIK COMDA (emaktab) SINF RAHBARINING VAZIFALARI QUYIDAGICHA

1⃣ota-ona (o'quvchining qonuniy vakili) uchun Platformada рrоfil yaratib,
vaqtinchalik Login vа Parolni tarqatish;

2⃣ota-onalar va o'qituvchilar uchun unutilgan Login vа Parolni tiklash tartibi hamda o'quvchi vа ota-ona (o'quvchining qonuniy vakili)ning shaxsiy ma'lumotlarini uzatish uchun javobgar bо'lish;

3⃣ota-ona (o'quvchining qonuniy vakili)ning Platformadagi faolligini doimiy ravishda kuzatib borish, zarurat tug'ilganda ularga aloqaga chiqib profilaktik suhbat olib borish. Profilaktik suhbat o'z ijobiy natijasini bermagan taqdirda maktab direktoriga mа'lumot kiritish;

4⃣sababli (kasalligi, oilaviy sharoitidan kelib chiqqan holda) dars qoldirgan o'quvchilarni sinf jurnalida maxsus belgilar (s, dq, k, kq, m, ch, q, ns, tq) bilan belgilab chiqish;

5⃣o'quvchi sababsiz 3 soat dars qoldirsa kerakli hujjatlar to'plamini yig'ib, muassasa rahbariga taqdim etish;

6⃣umumiy o'rta ta'lim muassasalari faoliyatida avtomatlashtirilgan axborot tizim bilan ishlash va arxivlashtirish tartibi haqidagi nizomga muvofiq belgilangan
vazifalar bajarilishini ta'minlaydi.

Asos: Xalq ta’limi vazirining 2022-yil 24-iyun kungi 205-sonli buyrug‘i.

💰Moliyachi bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️KUNDALIK COMDA MAKTAB RAHBARLARINING VAZIFALARI ANIQ BELGILAB BERILGAN

Xalq ta’limi vazirining 2О22-уil 24-iyun 205-son buyrug‘iga ko‘ra maktab rаhbаryatining vazifalari quyidagicha etib belgilandi.

👉DIREKTORning vazifalari:

O'zbekiston Respublikasining "Shaxsiy ma'lumotlar to'g'risida" 2019-уil 2-iyuldagi O'RQ-547-son Qonuni talablariga rioya etish;

elektron jurnalni o'z vaqtida yuritish;

elektron jurnalga kiritilgan ma'lumotlarga o'zgartirish kiritilishining oldini olish;

elektron jurnalni yuritishda, fan o'qituvchilari tomonidan yo'l qo'yilgan, inson omiliga bog'liq xatolarga o'zgartirish kiritish maqsadida tuman (shahar) xalq ta'limi bo'limiga rasmiy xat bilan murojaat qilish;

maktab psixologi lavozimidagi xodimni Platformadagi sinflarga a'zo bo'lganini vа "Psixolog" guruhlarini tuzib, o'quvchilar hamda ota-ona (о'quvchining qonuniy vakili) bilan doimiy muloqotda bо'lishini muvofiqlashtirish;

O'zbekiston Respublikasi Xalq ta'limi vazirining 2021-yil 6-sentabrdagi 284-sonli buyrug'i bilan tasdiqlangan "Umumiy о'rtа ta'lim muassasalari faoliyatida avtomatlashtirilgan axborot tizimi bilan ishlash va arxivlash tartibi haqida nizom" talablariga muvofiq hujjatlarni arxivlashtirishni umumta'lim muassasasining o'zida tashkillashtirishni amalga oshiradi.

👉O‘IBDO‘ning vazifalari:

elektron jurnal yagona tizimida muassasaning tizimdagi bosh administrator faoliyatini olib borish;

fan o'qituvchilari tomonidan baholash mezoniga doir o'quvchilarni baholash jarayoni faqat dars o'tilgan sananing o'zida olib borilishini nazorat qilish;

o'qituvchilar tomonidan hаr bir o'zgartirilgan baholarning sababi vа omillarini aniqlagan holda tegishli hujjatlar to'plamini yig'ib muassasa rahbariga taqdim etish;

elektron jurnalni o'z vaqtida vа to'g'ri yuritilishi bo'yicha o'tkazilgan tekshiruvlarda aniqlangan kamchiliklar yuzasidan izoh уozib qoldirish;

fan o'qituvchilari tomonidan dars rejasiga asosan tegishli mavzu yuzasidan "Darsni ishlab chiqish rejasi"ni tizimga yuklatilganligini nazorat qilishni amalga oshiradi.

👉MMIBDO‘ning vazifalari:

fan o'qituvchilari tomonidan olib borilayotgan o'quvchilar davomatini monitoring qilib, kun davomida statistik mа'lumоt to'plab, maktab direktoriga taqdim etilishi;

maktab hayotiga doir tadbirlarni "yangiliklar sahifasi" vа "tadbirlar" bо'limida yoritib borilishi;

5 ta muhim tashabbus doirasida umumta'lim muassasalarida tashkil etilgan to'garaklar, seksiyalar vа klublarda o'quvchilarning qamrovini tahlil qilish bilan birgalikda kiritilayotgan ma'lumotlarni monitoring qilib, choraklik hisobot olib borilishini ta'minlaydi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️MAKTABDA OʻQUVCHI TELEFON ISHLATSA NIMA QILISH KERAK?

Amaldagi tartiga ko’ra o’quvchi dars jarayonida yoki maktab hududida mobil telefondan foydalanish qoidalariga rioya etilishini barcha pedagoglar, jumladan sinf rahbarlari shaxsan nazorat qiladi.

Oʻqituvchi tomonidan ogohlantirilishiga qaramay dars jarayonida telefondan foydalanish holatlari davom etganda fan o‘qituvchisi, sinf rahbari, direktor o‘rinbosari, psixolog (inspektor-psixolog) ishtirokida oʻquvchining telefoni (smartfon, planshet va boshqa qurilmalar) olib qoʻyiladi va holat yuzasidan maktab direktori hamda oʻquvchining ota-onasi yoki boshqa qonuniy vakillari ogohlantiriladi. Maktabning “Oila-mahalla-ta’lim muassasasi” hamkorligi Jamoat kengashi va kuzatuv kengashi a’zolari ishtirokida holat muhokama etilib, tegishli tushuntirishlar olib borilganidan soʻng mobil aloqa vositalari oʻquvchining ota-onasi yoki boshqa qonuniy vakillariga qaytarib beriladi.

Shunday holat oʻquv yili davomida bir o‘quvchi tomonidan ikki va undan ortiq marotaba takrorlanganda oʻquvchining ota-onasi yoki boshqa qonuniy vakillari Oʻzbekiston Respublikasining Maʼmuriy javobgarlik toʻgʻrisidagi kodeksining tegishli moddasi asosida maʼmuriy javobgarlikka tortiladi, oʻquvchi ichki ishlar organlarining profilaktik roʻyxatiga olinadi.

Asos: Maktabgacha va maktab ta’limi vazirining 2026-yil 19-yanvardagi 18-son buyrug‘i

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️️DUNYO DAVLATLARI O‘QITUVCHILAR KUNINI QAYSI SANADA NISHONLASHADI?

1 Afg'oniston  5 oktabr
2 Albaniya, 7 mart
3 Jazoir 28 fevral
4 Argentina 11 sentabr
5 Armaniston 5 oktabr
6 Avstraliya oktabr  oxirgi juma kuni
7 Ozarbayjon 5 oktabr
8 Bahrayn 5 oktabr
9 Bangladesh 5 oktabr
10 Belarussiya oktyabrning birinchi yakshanbasi
11 Belgiya 5 oktabr
12 Butan 2 may
13 Boliviya 6 iyun
14 Braziliya 15 oktabr
15 Bruney 23 sentabr
16 Bolgariya 5 oktabr
17 Kamerun 5 oktabr
18 Kanada 5 oktabr
19 Chili 16 oktabr
20 Xitoy 10 sentabr
21 Kolumbiya, 15 may
22 Kosta -Rika 22 dekabr
23 Xorvatiya 5 oktabr
24 Kuba 22 dekabr
25 Chexiya 28 mart
26 Dominikan Respublikasi 30 iyun
27 Ekvador 13 aprel
28 Misr 28 fevral
29 Salvador 22 iyun
30 Estoniya 5 oktabr
31 Gruziya 5 oktabr
32 Germaniya 5 oktabr
33 Gretsiya 30 yanvar
34 Gvatemala 25 iyun
35 Gonduras 17 sentabr
36 Gonkong 10 sentabr
37 Vengriya, iyun oyining birinchi yakshanbasi
38 Hindiston Ashadhaning to'lin oy kuni (iyun - iyul) va 5 sentyabr
39 Indoneziya 25 noyabr
40 Eron 2 may
41 Iroq, 1 mart
42 Isroil ibroniy taqvimida fuqarolik yilning uchinchi oyi va cherkov yilining to'qqizinchi oyida
43 Yamayka 6 may
44 Iordaniya 28 fevral
45 Qozog'iston oktabr oyining birinchi yakshanbasi
46 Kosovo 7 mart
47 Kuvayt 5 oktabr
48 Laos 7 oktabr
49 Latviya oktabrning birinchi yakshanbasi
50 Livan 9 mart
51 Liviya 28 fevral
52 Litva 5 oktabr
53 Malayziya 16 may
54 Maldiv orollari 5 oktabr
55 Mavrikiy 5 oktabr
56 Meksika 15 may
57 Moldova 5 oktabr
58 Mo'g'uliston 5 oktabr
59 Marokash 28 fevral
60 Myanma 5 oktabr
61 Nepal Ashadhaning to'lin oy kuni (iyun -iyul)
62 Niderlandiya 5 oktabr
63 Yangi Zelandiya 29 oktabr
64 Nigeriya 5 oktabr
65 Shimoliy Makedoniya 5 oktabr
66 Ummon 24 fevral
67 Falastin  14 -dekabr
68 Panama 1 dekabr
69 Pokiston 5 oktabr
70 Papua Yangi Gvineya 5 oktyabr
71 Paragvay 30 aprel
72 Peru 6 iyul
73 Filippin 5 oktabr
74 Polsha 14 oktabr
75 Portugaliya 5 oktabr
76 Puerto -Riko 20 may
77 Qatar 5 oktabr
78 Ruminiya 5 oktabr
79 Rossiya 5 oktabr
80 Saudiya Arabistoni 5 oktabr
81 Serbiya 5 oktabr
82 Singapur sentabrning birinchi juma kuni
83 Slovakiya 28 mart
84 Somali 21 noyabr
85 Janubiy Koreya 15 may
86 Janubiy Sudan 1 dekabr
87 Ispaniya 27 noyabr
88 Shri -Lanka 6 oktabr
89 Suriya mart oyining uchinchi payshanbasi
90 Tayvan 28 sentabr
91 Tailand 16 yanvar
92 Tunis 28 fevral
93 Turkiya 24 noyabr
94 Ukraina oktabr  oyining birinchi yakshanbasi
95 Birlashgan Arab Amirliklari 5 oktabr
96 Buyuk Britaniya 5 oktabr
97 Qo'shma Shtatlar milliy o'qituvchilar kuni seshanba kuni may oyining birinchi to'liq haftasida bo'lib o'tadigan o'qituvchilarni qadrlash haftaligida nishonlanadi.
98 Urugvay 22 sentabr
99 O‘zbekiston 1-oktabr
100 Venesuela 15 yanvar
101 Vyetnam 20 noyabr
102 Yaman 28 fevral

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️SENTABRDAN RAHBAR VA XODIMLARINING OYLIGI QUYIDAGICHA

🔹Maktab dirеktori:
• 6 mln 635 ming 294 so'm (400 o'quvchigacha);
•7 mln 85 ming 987 so'm (401-880 o'quvchigacha);
• 7 mln 513 ming 562 so'm (881-1600 o'quvchigacha);
• 7 mln 947 ming 665 so'm (1600dan ortiq);

🔹Dirеktor o'rinbosarlari: (MMIBDO', O'TIBDO')   
• 5 mln 940 ming 349 so'm (400 o'quvchigacha);
• 6 mln 359 ming 84 so'm (401-880 o'quvchigacha);
• 6 mln 790 ming 738 so'm  (881 -1600 o'quvchigacha);
• 7 mln 200 ming 498 so'm (1600dan ortiq);

🔹Psixologlar:
• Oliy ma'lumotli psixolog – 3 mln 591 ming 900 so'm;
• Ikkinchi toifali psixolog – 3 mln 846 ming 491 so'm;
• Birinchi toifali psixolog – 4 mln 107 ming 571 so'm;
• Oliy toifali psixolog – 4 mln 357 ming 584 so'm;

🔹Kadrlar bo'yicha mеnеjеr:
1 mln 881 ming 458 so'm

🔹Kutubxona mudiri:
• O'rta maxsus ma'lumotli – 2 mln 513 ming 908 so'm;
• Oliy ma'lumotli – 2 mln 742 ming 883 so'm

⚠️Pedagoglar oyligini sentabr holatiga 7% oshgan holda hisoblab ko'rish uchun Moliyachi botga o'ting.

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️"ODDIY MUALLIM-DA, ODDIY MUALLIM"

✍️Muhammad Yusuf

Bayramingiz muborak bo‘lsin, aziz ustozlar!

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️️Prezident tabrigida ta’limga oid eng muhim yangiliklar

Prezident tomonidan ta’lim sohasi va pedagoglarni qo‘llab-quvvatlashga qaratilgan qator muhim yangiliklar e’lon qilindi.

🔹 Milliy sertifikatga ega pedagoglarga 50 foiz ustama to‘lanadi

🔹 Har bir tuman va shahardagi lider o‘qituvchilarga 30 mln so‘mdan mukofot beriladi

🔹 Kamida 15 yillik stajga ega pedagoglarning farzandlariga OTM kontrakti uchun foizsiz kredit ajratiladi

🔹 Xorijiy va milliy sertifikat olgan pedagoglarning imtihon xarajatlari 100 foiz qoplab beriladi

🔹 Olimpiada g‘oliblarini tayyorlagan pedagoglarga to‘g‘ridan-to‘g‘ri oliy malaka toifasi beriladi

🔹 Boshlang‘ich sinflar o‘rtasida ham fan olimpiadalari yo‘lga qo‘yiladi, ustozlarga 100 mln so‘mgacha mukofot beriladi

🔹 Pedagoglar uchun bir oylik majburiy malaka oshirish kurslari bekor qilinadi

🔹 Yana 1 ming nafar o‘qituvchi xorijda stajirovka o‘taydi

🔹 Bog‘cha tarbiyachilari uchun oliy ta’lim muddati 4 yildan 3 yilga qisqartiriladi

🔹 2–3 yoshli farzandini oilaviy bog‘chaga bergan ishlaydigan onalarning badal puli budjetdan qoplanadi

🔹 Ilg‘or maktab boshqa maktabni yuqori toifaga olib chiqsa, pedagogik jamoaga 30 foiz ustama beriladi

🔹 Bo‘sh davlat binolari xususiy maktab ochish uchun 10 yilga bepul ijaraga beriladi

©Ta'lim nazorati

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️BARCHA FANLARDAN DAVLAT TA'LIM STANDARTLARI

Ushbu DTS talablari har bir o'qituvchida bo'lishi va uni o'qib chiqqan bo'lishi shart. Ushbu DTS talablari Xalq ta'limi vazirining 2021-yil 17-dekabrdagi 406-sonli buyrug'i bilan tasdiqlangan.

Kerakli fanni ustiga (ko‘k yozuv) bosing.

📚Ona tili va adabiyot;
📚Rus tili;
📚Matematika;
📚Informatika;
📚Fizika, astranomiya;
📚Biologiya;
📚Kimyo;
📚Geografiya, tabiatshunoslik;
📚IBA;
📚Tarix, huquq;
📚Musiqa;
📚Texnalogiya;
📚Tasviriy san'at, chizmachilik;
📚CHQBT;
📚Jismoniy tarbiya;

O‘qituvchilar o‘z fani bo‘yicha DTS talablarini o‘qib olishlari shart. Hamkasblaringizga ham tashlab bering.

💰Oylik bot

O‘qituvchilar uchun barcha hujjatlar shu kanalda!✅️
👇👇👇👇👇👇👇
https://t.me/uqituvchiga_hujjat

⚡️Pedagog kadrlar attestatsiyada ishtirok etish uchun murojaat yuborgan pedagoglar diqqatiga!

Xabaringiz bor, 2026-yilning avgust-dekabr oylarida o‘tkaziladigan pedagog kadrlar attestatsiyasi uchun murojaat yuborish 1-avgustdan 1-oktabrga qadar davom etdi.

➖ Navbatdan tashqari (o‘z ixtiyori bilan) attestatsiyada ishtirok etish uchun ariza yuborgan pedagoglar tomonidan to‘lov qilishga ulgurmay qolish holatlari bo'lgan va bu bo‘yicha Maktabgacha va maktab ta'limi vazirligiga murojaat qilishgan.

❕Pedagoglarni har tomonlama qo‘llab-quvvatlash hamda ularga qo‘shimcha qulaylik yaratish maqsadida navbatdan tashqari attestatsiyasida ishtirok etish uchun to‘lovni amalga oshirish muddati joriy yilning 5-oktabr soat 23:59 ga qadar uzaytirilganligini ma’lum qilamiz.

©Maktabgacha va maktab ta'limi vazirligi

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️DARSGA HALAQIT BERIB, DARSNI BUZADIGAN O‘QUVCHILARGA QANDAY CHORA KO‘RISH MUMKIN?

Assalomu alaykum. O‘quvchi darsda xulqi yomon. Dars jarayonini buzadi. Boshqa o‘quvchi va o‘qituvchi bilan janjallashadi. Shu xodisaga qanday qonun doirasida chora ko‘rish mumkin

YURIST JAVOBI:

O'quvchiga nisbatan biror ta'sir chorasi qo'llanilmaydi, aksincha bunday vaziyatda uning ota-onasiga nisbatan ma'muriy javobgarlik chorasi qo'llaniladi.

Maktabgacha va maktab ta'limi vazirining 2026-yil 19-yanvardagi 18-sonli buyrugʻi 4-ilovada tasdiqlangan Umumiy o'rta ta'lim muassasasining takomillashtirilgan namunaviy odob-axloq qoidalari 14-bandiga asosan o'quvchi dars mashg'ulotlarida:

🔹tеgishli darslik va zarur o'quv qurollari bilan ishtirok etish;

🔹darslarda o'quv jarayoni bilan bog'liq bo'lmagan boshqa ishlarga chalg'imaslik;

🔹o'qituvchiga murojaat qilmoqchi yoki savoliga javob bеrmoqchi bo'lganda qo'lini ko'tarib ruxsat so'rash;

🔹sanitariya-gigiеna va tеxnika xavfsizlik qoidalariga to'liq amal qilishi shart.

Mana shu qoidaga binoan o'quvchi yuqoridagilarni bajarishi talab etiladi.

Agar u mazkur majburiyatlarni bajarishdan bo'yin tovlasa, unda ota-onaga nisbatan ta'sir chorasi ko'rilishi mumkin.

Bunday holatda ota-onaga Ma'muriy javobgarlik to'g'risidagi kodеks 47-modddasi ikkinchi qismi bilan javobgarlik chorasi qo'llaniladi. Ya'ni Xuddi shunday huquqbuzarliklar ma'muriy jazo chorasi qo'llanilganidan kеyin bir yil davomida takror sodir etilgan bo'lsa: bazaviy hisoblash miqdorining bеsh baravaridan o'n baravarigacha miqdorda jarima solishga sabab bo'ladi.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Oʼquvchi daftar tutmagani uchun uning ota-onasini MJK ning 47-moddasiga asosan ma’muriy javobgarlikka tortish mumkin.

Аssalomu aleykum. Men maktabda  informatika fanidan dars beraman. Darsda oʼquvchilar umuman daftar tutmasa yoki daftarim qolib ketibdi deb har hil baxonalar topib umuman daftar tutmasa, oʼqituvchi ayibdormi bunday holatda oʼqituvchiga qonunan jazo bormi oʼqituvchi nima qilishi kerak bunday vaziyatda oʼquvchilar fandan daftar tutmasa  oʼqituvchi qonunan ayibdor hisoblanadimi?

YURIST JАVOBI:

Oʼquvchi daftar tutmagani uchun oʼqituvchini emas, ota-onani javobgarlikka tortish kerak.

Birinchidan, Taʼlim toʼgʼrisidagi qonun 51-moddasida voyaga yetmagan taʼlim oluvchilarning ota-onasi va boshqa qonuniy vakillarining bir qator majburiyatlari qayd etilgan boʼlib, unga koʼra yuqoridagi shaxslar:

➖ oʼz bolalarini insonparvarlik, vatanparvarlik, mehnatsevarlik, maʼnaviy, milliy va umuminsoniy qadriyatlarni hurmat qilish ruhida tarbiyalashi;

➖ oʼz bolalarining intellektual, maʼnaviy va jismoniy rivojlanishi uchun shart-sharoitlar yaratishi;

➖ taʼlim-tarbiya jarayoni ishtirokchilarining shaʼni va qadr-qimmatini hurmat qilishi shart.

Аynan mana shu majburiyatlar oʼquvchining qonuniy vakillarining oʼquvchining huquqqa hilof harakatlari uchun javobgarlikni oʼz zimmasiga olishini anglatadi.

Ikkinchidan, 2026-yil 19-yanvardagi 18-sonli buyrugʼiga asosan tasdiqlangan oʼqituvchilarning lavozim majburiyatlarida oʼqituvchining oʼquvchilarga daftar tuttirish majburiyati qayd etilmagan.

Bunday holatda ota-onaga Maʼmuriy javobgarlik toʼgʼrisidagi kodeks 47-modddasi ikkinchi qismi bilan javobgarlik chorasi qoʼllaniladi.

Yaʼni Xuddi shunday huquqbuzarliklar maʼmuriy jazo chorasi qoʼllanilganidan keyin bir yil davomida takror sodir etilgan boʼlsa:
➖ bazaviy hisoblash miqdorining 5 baravaridan 10 baravarigacha miqdorda jarima solishga sabab boʼladi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️YANGI BAHOLASH HAQIDA QISQA TUSHINTRISH. BSB, CHSB

Yangi baholash tartibining asosiy jihatini soda qilib tushintirishga xarakat qilamiz.

Yangi baholash ikki asosiy guruhga bo’linadi.

❗️Formativ baholash hamda Summativ baholash

Formativ baholash – oʻqituvchi va oʻquvchilar oʻrtasidagi uzluksiz fikr almashish jarayonidir. Ya’niy, kunlik qo’yiladigon baholar va u maksimal 10 ball bilan baholanadi.

Summativ baholash – oʻqishning maʼlum bir davrida (oʻquv dasturining boʻlim va boblari, choraklik, oʻquv yili oxirida) oʻquvchining davlat taʼlim standarti va oʻquv dasturlarida belgilangan kompetensiyalarni egallaganlik darajasini rasmiy baholash jarayoni boʻlib, test, yozma ish, ogʻzaki suhbat, loyiha ishi, taqdimot ishlari, amaliy mashgʻulot, laboratoriya ishi, ijodiy ishlar va shu kabi boshqa shakllar yordamida amalga oshiriladi. Ya’niy, summativ baholash imtihonlarda qo’yiladigan bahodir (joriy, oraliq nazorat, choraklik va hakazo) va u maksimal 90 ball bilan baholanadi. Summativ baholashning o'zi ham  ikki guruhga bo’linadi.

BSB – bob boʻyicha summativ baholash maksimall 50 ball, CHSB – chorak boʻyicha summativ baholash maksimall 40 ball

Demak, formativ baholash (10 ball), sumativ baholash (90 ball, (BSB 50 ball, CHSB 40 ball)) jami 100 ball.

Ushbu baholar chorak davomida yig’iladi va 100 ballik tizimda ballanib choraklik 2-3-4-5 baholarga konvertatsiyalanadi.

86-100 ball 5 baho
66-85 ball 4 baho
30-65 ball 3 baho
0-29 ball 2 baho

Asos: MMTV ning 2024-yil 7-avgustdagi 250-sonli buyrug‘i

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️MAKTAB RAHBARIYATI OʼQITUVCHINI TEKSHIRISHGA KIRGANDA, OʼQITUVCHI ULARNI SINFDAN CHIQARIB YUBORISHI MUMKINMI??

Аssalom aleykum! Maktab rahbariyati yoki tahlil guruhi oʼqituvchining darsini tahlil qilishga kirganda, oʼqituvchi ularni sinfdan chiqarib yuborishi mumkinmi?

YURIST JАVOBI:

Taʼlim toʼgʼrisidagi qonunda maktab rahbariyatining bunday harakatlariga cheklov oʼrnatilmagan.

Ikkinchidan, Maktabgacha va maktab taʼlimi vazirining 2026-yil 19-yanvardagi 18-sonli buyrugʼiga asosan direktorning oʼquvchilarning bilimlari sifatini davlat taʼlim standartlariga mos kelishini, tarbiyaviy ishlar samaradorligini taʼminlash va nazorat qilish, oʼquvchilarning fanlarni oʼzlashtirishini yaxshilash va ularga sifatli taʼlim berish maqsadida maktabni uzluksiz rivojlantirish choralarini koʼrish lavozim majburiyati belgilangan.

Oʼquv ishlari boʼyicha direktor oʼrinbosarining maktabda taʼlim standartlari talablari bajarilishini nazorat qilish, oʼqituvchilarning ilgʼor tajribalarini oʼrganish va umumlashtirishni, zamonaviy pedagogik texnologiyalarni joriy qilishni tashkil etish majburiyati belgilgan.

Maʼnaviy-maʼnaviy ishlar boʼyicha direktor oʼrinbosarining lavozim majburiyatlari qatorida taʼlim muassasasida maʼnaviy-axloqiy tarbiyaviy ishlarni tashkil qilish, pedagog xodimlarni tanlash va joy-joyiga qoʼyishda ishtirok etish, yuqori malakali oʼqituvchilarning ilgʼor pedagogik tajribasini oʼrganish, umumlashtirish va ularni ommalashtirish kabilar mavjud.

Shuningdek, psixologning oʼquvchilar rivojlanishiga toʼsqinlik qilayotgan omillarni aniqlash va turli koʼrinishdagi psixologik yordam berish, turli yoʼnalish va maqsadlarda psixologik tashxis oʼtkazish, ruhiy, jismoniy va aqliy qobiliyat, moyillik, imkoniyat kabi sifatlarni aniqlash uchun testlar oʼtkazish kabi majburiyati belgilangan.

Shunday ekan, rahbariyat sinflarda tekshiruv oʼtkazishi mumkin.

Biroq bu jarayon taʼlim muassasasi pedagog xodimining kasbiy faoliyatiga taʼlim oluvchilar bilimini toʼgʼri va xolis baholashiga taʼsir koʼrsatish bilan ifodalangan tarzda qonunga xilof ravishda aralashish yoki taʼlim muassasasi pedagog xodimining xizmat vazifalarini bajarishiga toʼsqinlik qilishga olib kelsa, Maʼmuriy javobgarlik toʼgʼrisidagi kodeks 197-5-moddasiga muvofiq fuqarolarga bazaviy hisoblash miqdorining besh baravaridan yetti baravarigacha, mansabdor shaxslarga esa — yetti baravaridan oʼn baravarigacha miqdorda jarima solishga sabab boʼladi. Bunday holat kuzatilganda, tuman IIBga murojaat qilish kerak.

💰Oylik bot

🔰 Kanalimizga obuna bo‘ling!
👇👇👇👇👇👇👇
https://t.me/maktab_e

⚡️PREZIDENT FARMONI BILAN

Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi birlashtrildi.

Ta’lim va ilm-fan vazirligi sifatida qayta tashkil etildi.

Ushbu islohotning asosiy maqsadi mamlakatimizda ta’lim, tarbiya va ilm-fanning yaxlit tizimini zamon talablari asosida tashkil etish, ta’lim sifati va samaradorligini oshirish hamda inson kapitalini rivojlantirish bo‘yicha ishlarni yangi darajaga olib chiqishdan iborat.

Shuningdek, ta’limning barcha turlari o‘rtasidagi o‘zaro uzviylik va bardavomlikni ta’minlash, maktabgacha ta’limdan tortib oliy ta’limgacha barcha bosqichlarni hamda ilmiy faoliyatni qamrab olgan yagona samarali boshqaruv tizimini joriy qilish, uning jamoatchilik oldida hisobdorligini oshirish ko‘zda tutilgan.

Manba

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e

⚡️Ona tili va adabiyot, tarix va geografiya fanlaridan talablarni qo‘shimcha ro‘yxatga olish boshlandi

📱Ona tili va adabiyot, tarix va geografiya fanlaridan milliy sertifikat imtihonlari uchun onlayn ro‘yxatdan o‘tib, belgilangan muddatda to‘lovni amalga oshirmagan talabgorlarning arizalari bekor qilinib, ushbu o‘rinlar uchun qo‘shimcharo‘yxatga olish boshlandi.

🌎 Imtihonda ishtirok etish istagini bildirgan talabgorlar my.gov.uz sayti orqali onlayn ro‘yxatdan o‘tib, kun yakuniga qadar to‘lovni amalga oshirishi mumkin.

📝 Talabgorlar hududlar kesimidagi o‘tirish o‘rinlari sonidan kelib chiqqan holda quyidagi sanalar uchun ro‘yxatdan o‘tishi mumkin:

🔹 23-oktabr — geografiya(elektron shaklda);
🔹 24-25-26-oktabr — ona tili va adabiyot;
🔹 24-oktabr — qoraqalpoq tili va adabiyot;
🔹 25-oktabr — rus tili va adabiyot;
🔹 31-oktabr — tarix.

❗️Izoh: 27-oktabr kuni o‘tkazilishi rejalashtirilgan tarix fanidan milliy sertifikat imtihoni Agentlikdagi ish hajmidan kelib chiqqan holda 31-oktabr kuni o‘tkaziladi.

Ma’lumot uchun, ushbu fanlardan keyingi milliy sertifikat imtihonlari dekabr oyida o‘tkaziladi va talabgorlar 20-noyabrdan 4-dekabrga qadar ro‘yxatda o‘tishlari mumkin bo‘ladi.

💰Oylik bot

🔰Kanalimizga obuna bo‘ling!
👇👇👇👇👇👇👇
https://t.me/maktab_e