Сирдарё ва Туркия тиббиёт муассасалари ўртасида ҳамкорлик меморандуми имзоланди

Сирдарё вилоятида она ва бола саломатлигини мустаҳкамлаш йўлида халқаро даражадаги муҳим қадам ташланди. Республика ихтисослаштирилган оналик ва болалик саломатлиги илмий-амалий тиббиёт марказининг Сирдарё филиали, Туркиянинг йирик Medical Park клиникалар гуруҳи ҳамда “Ўзбегим” ассоциацияси ўртасида уч томонлама ҳамкорлик меморандуми имзоланди. Мазкур келишув замонавий тиббий хизматларни жорий этиш, юқори технологияли даволаш усулларини қўллаш ҳамда маҳаллий мутахассислар салоҳиятини оширишга қаратилган.

Меморандум доирасида суяк илиги ва орган трансплантацияси, онкология, юрак-қон томир жарроҳлиги, нейрохирургия, ортопедия, акушерлик ва гинекология каби йўналишларда ўзаро ҳамкорликни кенгайтириш, мураккаб клиник ҳолатлар бўйича видео алоқа тарзида маслаҳатлашувни, ва шунингдек, бепул “иккинчи фикр” хизматини йўлга қўйиш кўзда тутилган. Ҳужжат, шу билан бирга, шифокорлар ва ўрта тиббиёт ходимлари учун Туркия ва Ўзбекистонда қўшма ўқув дастурларини ташкил этишни назарда тутади.

Ҳамкорликни амалда мустаҳкамлаш мақсадида Республика ихтисослаштирилган она ва бола саломатлиги илмий-амалий тиббиёт маркази Сирдарё филиали раҳбари, акушер-гинеколог Шаҳло Хожаева Туркия Республикасига ташриф буюрди. У “Medical Park Antalya” клиникасида бўлиб, тиббиёт соҳасидаги илғор технологиялар, замонавий ташхис ва даволаш усуллари ҳамда юқори малакали жамоа фаолияти билан яқиндан танишди.

— Уч томонлама тузилган ушбу ҳамкорлик меморандуми Сирдарё вилояти тиббиёти учун катта имкониятлар очади. Medical Park каби халқаро нуфузга эга клиникалар тармоғи билан ҳамкорлик қилиш орқали шифокорларимизнинг билим ва тажрибаси бойийди, энг муҳими, она ва болаларга кўрсатилаётган тиббий ёрдам сифати янада ошади. Туркияга ташриф давомида акушерлик, неонатология ва реаниматология соҳаларида қўлланаётган инновацион усуллар билан танишиб, уларни Сирдарё вилоятда жорий этиш имкониятларини атрофлича ўргандик, — дейди Шаҳло Хожаева.

Келгусида Сирдарё вилояти шифокорлари, жумладан акушер-гинекологлар, неонатологлар, реаниматологлар ва ҳамширалар учун Туркия клиникаларида малака ошириш курслари ва амалий стажировкалар ташкил этилади. Аёллар саломатлигини скрининг қилиш, онкологик касалликларни эрта аниқлаш ҳамда замонавий операция жараёнлари бўйича амалий кўникмаларни ўзлаштириш режалаштирилган.

Мазкур ҳамкорлик меморандуми юридик шартнома ҳисобланмаса-да, у томонларнинг ўзаро ишонч ва ҳамжиҳатлик асосида ҳаракат қилишга бўлган қатъий ниятларини ифодалайди. Айни пайтда, ушбу ҳамкорлик Сирдарё вилоятида тиббий хизматлар сифатини халқаро стандартлар даражасига олиб чиқишга хизмат қилади.

Ғулом Примов, ЎзА мухбири

https://t.me/OnaBola_Sirdaryo

Сирдарёлик шифокор Туркияда мураккаб онкогинекологик жарроҳлик амалиётида иштирок этди

Туркияда бўлиб турган Республика ихтисослаштирилган оналик ва болалик саломатлиги илмий-амалий тиббиёт марказининг Сирдарё филиали директори, акушер-гинеколог Шаҳло Ҳожиева Туркиянинг йирик Medical Park клиникалар гуруҳи ҳамда “Ўзбегим” ассоциацияси ўртасида уч томонлама ҳамкорлик меморандумини имзолади. Ушбу ҳамкорлик доирасида у Medical Park клиникаларида ўтказилаётган илғор жарроҳлик амалиётларида иштирок этмоқда.

Хусусан, халқаро нуфузга эга клиникалар тармоғида профессор, онкогинеколог Меҳмет Каража раҳбарлигида ўтказилган тухумдон рак ўсмаси билан боғлиқ мураккаб жарроҳлик амалиётида Шаҳло Ҳожиева бевосита қатнашди.

Мазкур амалиётнинг ўта мураккаблиги шундаки, у юқори хавфли тоифага мансуб бўлиб, ўсмани максимал даражада тўлиқ олиб ташлаш билан бир вақтнинг ўзида бемор аёлнинг ҳаётий муҳим аъзолари ва репродуктив функциясини сақлаб қолишни талаб этарди. Жарроҳлик жараёнида замонавий онкогинекологик ёндашувлар, юқори аниқликдаги технологиялар ҳамда индивидуал клиник тактикалар қўлланилди.

— Бундай мураккаб онкогинекологик операцияларда ҳар бир қарор жуда нозик мувозанатга асосланади. Асосий мақсад — онкологик хавфни бартараф этиш билан бирга аёлнинг ҳаёти сифати ва репродуктив саломатлигини асраб қолишдир. Medical Park клиникаларида айнан шу тамойил асосида иш юритилиши мен учун катта тажриба бўлди, — дейди Шаҳло Ҳожиева.

Унинг таъкидлашича, мазкур амалиёт давомида қўлланилган диагностик ва жарроҳлик ёндашувлари Сирдарё вилоятида онкогинекологик беморларга кўрсатиладиган тиббий ёрдам сифатини оширишда муҳим аҳамият касб этади.

Жарроҳлик жараёни Шаҳло Ҳожиевага илғор халқаро тажрибани бевосита амалиётда ўзлаштириш, мураккаб онкогинекологик ҳолатларда ташхис қўйиш ва даволаш алгоритмлари билан яқиндан танишиш имконини берди. Бу эса келгусида Сирдарё вилоятида онкогинекологик беморларга кўрсатиладиган тиббий хизмат сифатини янада юқори босқичга олиб чиқишга хизмат қилади.

https://t.me/OnaBola_Sirdaryo

Қишлоқ хўжалиги ходимлари куни муносабати билан соҳа ривожига муносиб ҳисса қўшган юртдошларимиздан бир гуруҳини мукофотлаш тўғрисида

Ўзбекистон Республикаси Президентининг Фармони

Батафсил: https://uza.uz/posts/792942

https://t.me/SIRDARY_NEVS_uz

Бугун ҳаётбахш куй ва сўз — мадҳиямиз яралган кун

Ассалому алайкум азиз юртдошлар! Яна бир мунаввар тонгни қарши олганингиз муборак бўлсин.

Бугун 10 декабрь — Ўзбекистон Республикасининг Давлат мадҳияси қабул қилинган кун.

Ўзбекистон Республикаси Давлат мадҳиясининг матни ва мусиқаси Ўзбекистон Республикасининг 1992 йил 10 декабрдаги 768-ХII-сонли “Ўзбекистон Республикасининг Давлат мадҳияси тўғрисида”ги Қонуни билан тасдиқланган.

Ушбу Қонуннинг 2-моддасида “Ўзбекистон Республикасининг Давлат мадҳиясига зўр эҳтиром билан қараш Ўзбекистон Республикаси ҳар бир фуқаросининг ватанпарварлик бурчидир”, деб белгилаб қўйилган.

Она ватанимиз мадҳияси ҳамиша ғуруримиз, шонимиз рамзи бўлиб, дилларда ва тилларда баралла жаранг сочсин.

https://t.me/SIRDARY_NEVS_uz

#Кун_ҳикмати


"Тушунмайдиганлар учун сўзларингизни, қалби йўқлар учун ҳис-туйғуларингизни увол қилманг"


📲Telegram |facebook|Facebook

216 ёш – америкалик кекса эр-хотин Гиннеснинг ақл бовар қилмас рекордини ўрнатди

Америкалик эр-хотин Лайл ва Элеонор Гиттенс ақл бовар қилмайдиган жаҳон рекордини ўрнатди: улар дунёдаги энг узоқ умр кўрган жуфтликка айланди.

https://t.me/SIRDARY_NEVS_uz