Ўзбекистон пара спортчилари ёшлар Пара Осиё ўйинларида тарихий натижа қайд этди

Дубай шаҳрида бўлиб ўтган V ёшлар Пара Осиё ўйинлари Ўзбекистон пара спортчилари учун унутилмас ғалаба билан якунланди. Ёш спортчиларимиз мусобақалар давомида юксак маҳорат ва мустаҳкам иродани намоён этиб, умумжамоа ҳисобида 1-ўринни қўлга киритдилар.

Мусобақада қатнашган ўзбекистонлик пара спортчилар жами 197 та медални қўлга киритишга муваффақ бўлди. Улар орасида 99 та олтин, 57 та кумуш ва 41 та бронза медаллар бор. Бу натижа нафақат юқори спорт тайёргарлиги, балки мамлакатимизда пара спортни ривожлантиришга қаратилган тизимли ислоҳотлар самарасини ҳам яққол намоён этди.

Ёшлар Пара Осиё ўйинларида қўлга киритилган ушбу улкан муваффақият Ўзбекистон пара спортчиларининг халқаро майдондаги нуфузи тобора ошиб бораётганидан далолат беради. Энг муҳими, бу ғалаба имконияти чекланган ёшлар учун улкан руҳий рағбат ва илҳом манбаига айланди.

🏅 Ғалаба — сабот, меҳнат ва ишонч самараси!

https://t.me/SIRDARY_NEVS_uz