#Соғлом_овқатланиш

Чипс ва fast-food хотирани пасайтиради

Олимлар олиб борган тадқиқотга кўра, атиги тўрт кун давомида тезкор таомлар (чипс, fast-food) истеъмоли мия фаолиятига салбий таъсир кўрсатиши мумкин.

Ортиқча ёғ туфайли глюкоза етишмовчилиги пайдо бўлиб, нейронлар орасидаги алоқалар заифлашади. Бу эса қисқа муддатли хотира ва фикрлаш қобилиятини пасайтиради.

Муттахассислар айниқса болалар ва ўсмирларда fast-foodни чеклаш, мева-сабзавот ва тўлиқ дон маҳсулотларини кўпроқ истеъмол қилишни тавсия этмоқда.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

#Жавоб_бор

Санитар ходимларнинг маошига тиббий суғурта таъсир қиладими?

❗️ Жавоб: Йўқ, тиббий суғурта тўғридан-тўғри маошни белгиламайди. Давлат тиббий суғуртаси жамғармаси маблағларни шифохона ёки поликлиникага умумий тарзда ажратади.

📆 Президентимизнинг 2024 йил 5 сентябрдаги ПҚ–311-сон қарорига кўра, муассаса раҳбари ажратилган маблағлар доирасида:

▫️ходимлар сонини иш ҳажмига қараб белгилайди,
▫️бўлинмалар ихтисослашуви ва даво ўринлари сонини ўзгартириши мумкин,
▫️тасдиқланган штат меъёрлари эса тавсиявий тусга эга.

📌 Шу билан бирга, 2025 йил 1 июлдан тиббиёт ва фармацевтика ходимлари учун алоҳида тўлов тартиби ва шартлари жорий этилади.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

Тиббиёт муассасасига ишга киритиб қўйиш эвазига пора олганлар ушланди

Олтиариқ тумани Марказий поликлиникаси ходимаси фуқарони Тиббиёт бирлашмасига ишга жойлаштириб қўйишни ваъда бериб, эвазига 1,5 минг доллар олган вақтида ушланган.

Нукус шаҳрида Ихтисослаштирилган эндокринология илмий-амалий тиббиёт маркази ходимаси фуқарони тиббиёт муассасаларининг бирига ишга жойлаштириб қўйиши эвазига 15 млн сўмни олган вақтида қўлга олинган.

Мазкур ҳолатлар юзасидан жиноят иши қўзғатилиб, тергов ҳаракатлари ўтказилмоқда.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

26 сентябрь: Муҳим ва долзарб хабарларнинг қисқача тафсилоти (видео)

Ўзбекистон Миллий ахборот агентлиги – ЎзАда эълон қилинган муҳим ва долзарб хабарларнинг қисқача тафсилоти ҳақида лавҳа.


🎥 https://youtu.be/n8kr64PVJf0


⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

#Кун_ҳикмати

"Нодонлар сафида саодатмандлар, донолар орасида бахтсизлар бўлмайди."

✍️Цицерон

📲Telegram |facebook|Facebook

🧬 Ирсий касалликларни эрта босқичда аниқлаш учун нима қилиш керак?

Ҳозир тиббиётда энг муҳим йўналишлардан бири – ирсий касалликларни барвақт аниқлаш. Чунки кўпгина туғма хасталиклар илк босқичда топилса, оғир оқибатларнинг олдини олиш мумкин.

— Ирсий касалликларнинг кўпчилиги оилавий тарих орқали аниқланади. Шу боис фарзанд кўришни режалаштираётган ҳар бир оила тиббий-генетик маслаҳатдан ўтиши муҳим, — дейди генетик шифокор Отабек Султонов.

Унга кўра, қон таҳлиллари, генетик тестлар ва УЗИ орқали эҳтимолий хавфлар башорат қилинади.

“Генетик скрининг болаларда касаллик белгиларини илк босқичда аниқлаб, самарали даволаш имконини беради. Айниқса, фенилкетонурия, гемофилия, талассемия каби хасталикларда эрта ташхис ҳал қилувчи аҳамиятга эга”, — дейди мутахассис.

Республика ихтисослаштирилган акушерлик ва гинекология маркази Сирдарё филиалида ҳам замонавий генетик лаборатория фаолият кўрсатмоқда. Унда таҳлиллар билан бирга маслаҳат хизматлари ҳам йўлга қўйилган.

📲Telegram |facebook|Faceboo

🪖 Ўзбекистон ҳарбийлари Жанубий Кореяда ўтган халқаро мусобақада учинчи бор тенгсиз бўлди

Бу сафар мусобақада 16 та жамоа ва қарийб 500 нафар ҳарбий хизматчи иштирок этди. Улар орасида Корея Республикаси, АҚШ, Янги Зеландия, Камбоджа ҳамда НАТОнинг қўшма жамоалари ҳам бор эди.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

#Ана_халос

Ҳиндистонда бемор қорнидан 50 дан ортиқ бегона жисм топилди

Ҳиндистоннинг Уттар-Прадеш штатидан 40 ёшли эркак шифокорларни ҳайратга солди. Унинг қорнидан 29 та металл қошиқ, 19 та тиш чўткаси ва 2 та ручка олиб ташланди.

Маълумотларга кўра, бемор аввал наркоманияга қарши марказда даволанган, у ерда ёмон муомала сабаб қўлига тушган нарсаларни юта бошлаган. Қорин оғриғи кучайгач, шифохонага олиб борилган ва жарроҳлар операция орқали ўнлаб бегона жисмларни чиқаришга муваффақ бўлишган.

Айни вақтда бемор саломатлиги яхши, у шифокорлар назоратида дея хабар берди “THE TIMES OF INDIA” нашри.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

“Мисс Қирғизистон – 2025” ғолиби аниқланди

Бишкекда ўтказилган миллий гўзаллик танлови ғолиби маълум бўлди. Бу йилги “Мисс Қирғизистон – 2025” тожини Аяна Расул қизи қўлга киритди. У ғалаба билан бирга 200 минг сомлик сертификатга ҳам эга бўлди.

Аяна ўз чиқишида: “Аёлларимиз ўзларига ишониши керак. Меҳнат ва қатъият доим ғалабага олиб келади”, дея таъкидлади.

Маълумот учун, ғолиба Аяна машҳур қўшиқчи Айгерим Расул қизининг синглиси ва Қирғизистон халқ артисти Расул Маматқуловнинг қизи.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

Тошкент вилоятида 2 мингга яқин бола овқатдан заҳарланди

Тошкент вилоятининг бир неча туманида овқатдан заҳарланиш ҳолатлари қайд этилди. Санэпидқўмита маълумотига кўра, 1900 нафардан ортиқ бола шифохоналарга мурожаат қилган.

Шулардан 930 нафардан кўпроғи касаллик аломатлари аниқланмагани учун уйига жавоб берилган. 941 нафар беморнинг аҳволи енгил, 22 нафар боланинг ҳолати ўрта даражада экани айтилмоқда.

Маълум бўлишича, Пискент, Бўка, Бекобод, Оққўрғон ва Қуйи Чирчиқ туманларидаги боғчаларга хизмат кўрсатган учта аутсорсер бир хил кефирни — Оққўрғонда ишлаб чиқарилган Shark Milk Product компанияси маҳсулотини тақдим этган. Ҳозирда мазкур маҳсулотдан 540 та намуна олиниб, лаборатория таҳлиллари ўтказилмоқда.

25 сентябрь куни дастлабки ҳолатлар ҳақида хабар берилиб, заҳарланишга айнан сифатсиз кефир сабаб бўлгани айтилиб келинмоқда.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

Мутахассисдан муҳим тавсия

Куз — шамоллаш ва мавсумий вирусли касалликлар тез тарқаладиган давр. Санитария-эпидемиологик осойишталик ва жамоат саломатлиги қўмитаси раҳбарининг биринчи ўринбосари Нурмат Атабековнинг айтишича, ҳозирча мамлакатимизда ўткир респиратор инфекциялар билан касалланиш эпидемик бўсағадан 36,5 фоизга паст. Бу эса вазият барқарорлигидан далолат беради.

Унинг таъкидлашича, бундай касалликлар ҳаво-томчи йўли орқали юқади ва кўпинча аксириш, бурун оқиши, тана ҳарорати кўтарилиши, йўтал ва томоқ оғриғи билан намоён бўлади.

Ҳимоя чораси сифатида “жамоат жойларида масофа сақлаш ва ниқоб тақиш, мева-сабзавот, кўкатлар истеъмол қилиш орқали иммунитетни мустаҳкамлаш, кўпроқ суюқлик ичиш ва фаслга мос кийиниш зарур”,-дея тавсия берди у.

Муҳими, ЎРВИни антибиотиклар билан даволаш мумкин эмас. Шифокор кўрсатмасисиз дори қабул қилиш ортиқча муаммоларга олиб келиши мумкин.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

Сенат Транспорт вазирлигига сўров йўллади

Олий Мажлис Сенати Тошкент йўлларида ортиб бораётган тирбандликлар муаммосини ҳал этиш мақсадида Транспорт вазирлигига расмий сўров йўллади.

Мурожаатда таъкидланишича, ўқув йили бошланиши билан пойтахтдаги тирбандликлар даражаси энг юқори — 10 баллга етган. Бу ҳолатга ҳар куни шаҳарга ташриф буюрадиган қарийб 1 миллион киши, шу жумладан, Тошкент вилоятидан келаётган 275 минг йўловчи ҳам сабаб бўлмоқда.

Сенат транспорт инфратузилмасини такомиллаштириш, жамоат транспортини оптималлаштириш ва йўл кесишмалардаги муаммоларни бартараф этиш бўйича амалий ечимлар тақдим этилишини талаб қилмоқда.

Вазирлик тез орада бу масала юзасидан ҳисобот бериши кутилмоқда.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

#Биласизми?

Роналду 946-голини урди

40 ёшли Криштиану Роналду Саудия чемпионатидаги навбатдаги ўйинда Карим Бензема жамоаси — "Ал-Иттиҳод" дарвозасини ишғол қилиб, фаолиятидаги 946-голини урди. У голни Садио Маненинг аниқ узатмасидан кейин киритди.

Роналду ҳисобида клублар миқёсида — 805 гол, Португалия терма жамоасида — 141 гол.

Шу тариқа у жаҳон футболи тарихида энг самарали ҳужумчилардан бири сифатида рекордларини янгилашда давом этмоқда.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

Олимлар 117 ёшли аёлнинг узоқ умр сирини очди

Испаниялик Мария Браняс — дунёдаги энг кекса инсонлардан бири — 117 ёшгача яшаши билан олимларни қизиқтирган. Унинг қон, сўлак ва бошқа намуналарини таҳлил қилган тадқиқотчилар узоқ умр кўриш сабабларидан бири жуда «ёш геном» эканини аниқлашди.

🔬 Натижаларга кўра, унинг ҳужайралари биологик жиҳатдан анча ёш, юрак-қон томир тизими соғлом, яллиғланиш даражаси паст, ичак микробиомаси ва иммун тизими ёшларникига хос кўрсаткичларга эга. эди.

Шунингдек, унинг узоқ умрига Ўртаер денгизи диетаси, жисмоний ва ижтимоий фаоллиги ҳамда экологик омиллар ҳам ёрдам берганини айтишмоқда.

Ҳар ҳолда, олимлар таъкидлашича, бундай ҳолат ноёб бўлиб, умумий хулоса чиқариш учун кенг кўламли тадқиқотлар зарур.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

🚀 Хитойда осмонда парвоз қилувчи улкан шамол турбинаси синовдан ўтди

Хитойнинг Шинжон минтақасида дунёдаги энг йирик ҳаво шамол турбинаси — “S1500” муваффақиятли синовдан ўтказилди. Гелий ёрдамида ҳавода ушлаб туриладиган мазкур қурилма 1 мегаватт электр энергияси ишлаб чиқаришга эришди.

60 метр узунликдаги ва 40 метр баландликдаги турбина ҳалқасимон қанот ҳамда 12 та генератордан иборат бўлиб, улар шамол оқимини электр энергиясига айлантиради.

Муттахассислар фикрича, осмон турбинаси чўллар, ороллар ва қазилма конлари каби қийин етиладиган ҳудудларда қайта тикланадиган энергияни ишлаб чиқариш учун янги имкониятлар очади.

🔋 Бу технология Хитойнинг “яшил энергия” соҳасидаги етакчилигини янада мустаҳкамлаши кутилмоқда.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

💵 Сўм кучаяпти: Доллар сўмга нисбатан нега арзонлашяпти?

Сўнгги кунларда миллий валюта бозорида кутилмаган ҳолат кузатилди: доллар арзонлашиб, сўм кучайди. Марказий банк маълумотларига кўра, доллар 12 200 сўмдан ҳам пастлади. Йил бошидан буён миллий валюта 5,7 фоизга мустаҳкамланди.

Бу жараёнга, аввало, дунё бозоридаги ўзгаришлар таъсир қилди. АҚШ валютаси глобал миқёсда қадрсизланмоқда. Шу билан бирга, Ўзбекистоннинг иқтисодий кўрсаткичлари ҳам ижобий бўлмоқда: йилнинг дастлабки 7 ойида 18 тоннадан ортиқ соф олтин сотилиб, захиралар 8,9 миллиард долларга ошди.

Ташқи савдода ҳам ўсиш қайд этилмоқда: экспорт ҳажми 22,9 миллиард долларга етди, бу ўтган йилга нисбатан 31 фоизга кўп. Олтин экспорти қарийб 70 фоизга ўсди. Шу билан ташқи савдо тақчиллиги 5,4 миллиард долларгача қисқарди.

Мамлакатга пул ўтказмалари ҳажми ҳам 8,2 миллиард долларга етди. Бу эса сўмга талабни янада оширди.

Сўмнинг мустаҳкамланиши иқтисодиёт учун икки хил таъсир кўрсатиши мумкин: импорт арзонлашади, инфляция пасаяди, бироқ экспорт рақобатдошлиги сусайиши мумкин.

Шундай бўлса-да, ҳозирги ҳолат ислоҳотлар ва ташқи омилларнинг ижобий натижаси сифатида баҳоланмоқда. Савол эса очиқ қолмоқда: сўмнинг бу кучайиши барқарор жараёнми ёки вақтинчалик ҳолатми?

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

💰 Тошкентда фаровон яшаш: қанча маблағ керак?

Numbeo маълумотларига кўра, Тошкентда 4 кишилик оила бир ой фаровон яшаш учун, ижара тўламасдан, 23 млн сўм сарфлаши керак бўлади. Бир киши учун бу кўрсаткич қарийб 6,5 млн сўм.

Ресторан нархлари: арзон овқат – 60 минг сўм, ўртача ресторанда 2 киши учун – 450 минг сўм, Fast Food – 50 минг сўм.

Ўртача озиқ-овқат нархлари эса: 1 л сут – 14 минг сўм, 1 кг гуруч – 21,5 минг, 12 дона тухум – 19,5 минг, 1 кг мол гўшти – 119 минг.

Маиший хизматлар ва коммуникациялар учун 85 кв.м квартирада ойлик тўлов 300 мингдан 1,275 млн сўмгача, мобил алоқа – 46 минг, интернет – 139 минг сўмни ташкил қилади. Хусусий боғчалар 2,5–6,1 млн сўм, халқаро даражадаги мактабда 1 болани ўқитиш йиллик 123 млн сўмдан ортиқ.

Хуллас харажатларнинг асосий қисми дўконлар ва ижарага кетади. Агар ойда 23 млн сўмдан кўпроқ топсангиз, Тошкентда фаровон яшашингиз мумкин.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

🧠 Сирдарёда “Заковат” мусобақаси якунланди!

Ўқитувчилар ўртасидаги ақл-заковат беллашуви Сирдарёда ўз ниҳоясига етди. Якуний натижаларга кўра,

🥇 Гулистон тиббиёт ва ИТ техникуми
🥈 Ал-Хоразмий ИМ
🥉 Рустам Босимов НТМ

Энди улар республиканинг энг зукко ўқитувчилари билан рақобатлашади. Ақл ва билим баҳсидаги кураш янада қизиқарли бўлиши кутилмоқда!

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

#Кун_ҳикмати

"Ёнингда бўлганимда қадримга етмасанг, қадримга етганингда ёнингда бўлмайман!"

✍Нажиб Фозил

📲Telegram |facebook|Facebook

🍈 Ўзбекистон илк бор Сингапурга қовун экспорт қилди

Янги бозорга кириш узоқ муддатли шартномалар тузиш ва Жануби-Шарқий Осиёдаги иштирокни кенгайтириш учун имкониятлар очади, деб хабар беради “Дунё” ахборот агентлиги.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz