🚀 Хитойда осмонда парвоз қилувчи улкан шамол турбинаси синовдан ўтди

Хитойнинг Шинжон минтақасида дунёдаги энг йирик ҳаво шамол турбинаси — “S1500” муваффақиятли синовдан ўтказилди. Гелий ёрдамида ҳавода ушлаб туриладиган мазкур қурилма 1 мегаватт электр энергияси ишлаб чиқаришга эришди.

60 метр узунликдаги ва 40 метр баландликдаги турбина ҳалқасимон қанот ҳамда 12 та генератордан иборат бўлиб, улар шамол оқимини электр энергиясига айлантиради.

Муттахассислар фикрича, осмон турбинаси чўллар, ороллар ва қазилма конлари каби қийин етиладиган ҳудудларда қайта тикланадиган энергияни ишлаб чиқариш учун янги имкониятлар очади.

🔋 Бу технология Хитойнинг “яшил энергия” соҳасидаги етакчилигини янада мустаҳкамлаши кутилмоқда.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

💵 Сўм кучаяпти: Доллар сўмга нисбатан нега арзонлашяпти?

Сўнгги кунларда миллий валюта бозорида кутилмаган ҳолат кузатилди: доллар арзонлашиб, сўм кучайди. Марказий банк маълумотларига кўра, доллар 12 200 сўмдан ҳам пастлади. Йил бошидан буён миллий валюта 5,7 фоизга мустаҳкамланди.

Бу жараёнга, аввало, дунё бозоридаги ўзгаришлар таъсир қилди. АҚШ валютаси глобал миқёсда қадрсизланмоқда. Шу билан бирга, Ўзбекистоннинг иқтисодий кўрсаткичлари ҳам ижобий бўлмоқда: йилнинг дастлабки 7 ойида 18 тоннадан ортиқ соф олтин сотилиб, захиралар 8,9 миллиард долларга ошди.

Ташқи савдода ҳам ўсиш қайд этилмоқда: экспорт ҳажми 22,9 миллиард долларга етди, бу ўтган йилга нисбатан 31 фоизга кўп. Олтин экспорти қарийб 70 фоизга ўсди. Шу билан ташқи савдо тақчиллиги 5,4 миллиард долларгача қисқарди.

Мамлакатга пул ўтказмалари ҳажми ҳам 8,2 миллиард долларга етди. Бу эса сўмга талабни янада оширди.

Сўмнинг мустаҳкамланиши иқтисодиёт учун икки хил таъсир кўрсатиши мумкин: импорт арзонлашади, инфляция пасаяди, бироқ экспорт рақобатдошлиги сусайиши мумкин.

Шундай бўлса-да, ҳозирги ҳолат ислоҳотлар ва ташқи омилларнинг ижобий натижаси сифатида баҳоланмоқда. Савол эса очиқ қолмоқда: сўмнинг бу кучайиши барқарор жараёнми ёки вақтинчалик ҳолатми?

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

💰 Тошкентда фаровон яшаш: қанча маблағ керак?

Numbeo маълумотларига кўра, Тошкентда 4 кишилик оила бир ой фаровон яшаш учун, ижара тўламасдан, 23 млн сўм сарфлаши керак бўлади. Бир киши учун бу кўрсаткич қарийб 6,5 млн сўм.

Ресторан нархлари: арзон овқат – 60 минг сўм, ўртача ресторанда 2 киши учун – 450 минг сўм, Fast Food – 50 минг сўм.

Ўртача озиқ-овқат нархлари эса: 1 л сут – 14 минг сўм, 1 кг гуруч – 21,5 минг, 12 дона тухум – 19,5 минг, 1 кг мол гўшти – 119 минг.

Маиший хизматлар ва коммуникациялар учун 85 кв.м квартирада ойлик тўлов 300 мингдан 1,275 млн сўмгача, мобил алоқа – 46 минг, интернет – 139 минг сўмни ташкил қилади. Хусусий боғчалар 2,5–6,1 млн сўм, халқаро даражадаги мактабда 1 болани ўқитиш йиллик 123 млн сўмдан ортиқ.

Хуллас харажатларнинг асосий қисми дўконлар ва ижарага кетади. Агар ойда 23 млн сўмдан кўпроқ топсангиз, Тошкентда фаровон яшашингиз мумкин.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

🧠 Сирдарёда “Заковат” мусобақаси якунланди!

Ўқитувчилар ўртасидаги ақл-заковат беллашуви Сирдарёда ўз ниҳоясига етди. Якуний натижаларга кўра,

🥇 Гулистон тиббиёт ва ИТ техникуми
🥈 Ал-Хоразмий ИМ
🥉 Рустам Босимов НТМ

Энди улар республиканинг энг зукко ўқитувчилари билан рақобатлашади. Ақл ва билим баҳсидаги кураш янада қизиқарли бўлиши кутилмоқда!

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

#Кун_ҳикмати

"Ёнингда бўлганимда қадримга етмасанг, қадримга етганингда ёнингда бўлмайман!"

✍Нажиб Фозил

📲Telegram |facebook|Facebook

🍈 Ўзбекистон илк бор Сингапурга қовун экспорт қилди

Янги бозорга кириш узоқ муддатли шартномалар тузиш ва Жануби-Шарқий Осиёдаги иштирокни кенгайтириш учун имкониятлар очади, деб хабар беради “Дунё” ахборот агентлиги.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

Аввал озинг, кейин спорт билан шуғулланинг!

Айрим аёллар спорт машқларини бошлаганидан сўнг қон босими тушиб кетишини айтадилар. Бу табиий ҳол – юракка тушадиган босим ўзгариши билан боғлиқ. Шунинг учун юрак-қон томир касали бўлган кишиларга оғир машқлар тавсия этилмайди. Уларга очиқ ҳавода аста-секин сайр қилиш етарли.

Қон босими юқори пайтда спорт билан шуғулланманг. Аввал босимни пасайтириб, сўнг машқларни бошлаш тўғри йўл ҳисобланади.

Аёллар кўпинча ортиқча вазндан халос бўлиш учун фитнесга мурожаат қиладилар. Бироқ семизликнинг ўзи ҳам юракка ортиқча босим беради. Шунинг учун ўта тўла аёллар аввал парҳез ёрдамида маълум миқдор вазн ташлаб, кейин спортга киришса, соғломроқ натижага эришадилар.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

Сурхондарёда 15 ёшли қизни турмушга берганлар жазоланди

Ижтимоий ҳимоя агентлиги маълумотига кўра, Денов туманида 15 ёшли қизни турмушга берган, оила аъзоларига нисбатан маъмурий жарима қўлланди.

Маълумотларга кўра, маҳалла еттилиги ва ижтимоий ходимлар 2025 йил июль ойида оилани олдиндан огоҳлантирган. Шунга қарамай, 10 август куни никоҳ маросими ўтказилган.

Маҳаллий профилактика инспектори қонунчиликка мувофиқ айбдор шахсларни жаримага тортди. Ҳозирда қизнинг ҳуқуқлари ва таълим жараёни мутасаддилар назоратига олинган.

Оила кодексига асосан, қизлар учун турмушга чиқиш ёши 18 этиб белгиланган.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

Тўйиб ухламаслик 172 та касалликка олиб келиши мумкин

Олимлар уйқунинг бир хил вақтда бошланиши ва тугаши соғлиқ учун жуда муҳим эканини таъкидламоқда.

Пекин университети тадқиқотчилари Британия био-банкининг 88 минг нафар одам ҳақидаги маълумотларини таҳлил қилиб, уйқу тартибининг бузилиши камида 172 турдаги хасталикка боғлиқ эканини аниқлади. Улар орасида астма, жигар циррози ва ҳатто гангрена ҳам бор.

❗️ Масалан, соат 00:30 дан кейин ухлайдиган одамларда жигар циррози хавфи 257 фоизга ошиши аниқланган. Уйқу режасидаги катта ўзгаришлар эса 6,8 йиллик кузатув даврида гангрена эҳтимолини 261 фоизга кўпайтирган.

Шунингдек, кеч ётиш ва уйқу вақтидаги ўзгаришлар одамларнинг парҳез ва жисмоний фаолликка ҳам камроқ риоя қилишини келтириб чиқаради.

Мутахассислар соат 01:00 гача ухлашга улгуриш ва 7–8 соат тўлиқ дам олишни соғлом уйқунинг асосий шартлари сифатида тавсия этмоқда.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz

Машҳур қўғирчоқ Барби оғир дардга чалинди

Mattel компанияси биринчи турдаги қандли диабетга чалинган Барби қўғирчоғини намойиш қилди. Унинг белига инсулинни ўлчовчи бежирим аппарат жойланган.

Компания болаларга ҳамдардлик билдириш ва инклюзивликни ривожлантиришни мақсад қилган. Янги қўғирчоқ қандли диабет билан оғриган болаларнинг кайфиятини кўтаради.

Аввал ҳам бемор болажонларнинг кайфиятини кўтариш учун кўзи ожиз Барби, протезли Барби, сочсиз Барби, витилиголи Барби қўғирчоқлари ишлаб чиқарилган. Ушбу машҳур ўйинчоқ 60 ёшда.

⚡️ Янгиликлар тўлқинида қолиб кетманг!
✅ Сирдарё, Ўзбекистон ва дунё воқеалари бир саҳифада!
📲SIRDARYA  NEWS.uz