Бадантарбия ва етарлича уйқу мия фаолиятини фаоллаштиради

Мутахассислар берган маълумотларга кўра, мияда қон айланишининг бузилиши, стресс, камҳаракатлилик ва ёш билан боғлиқ ўзгаришлар хотирани сусайишига сабаб бўлиши мумкин.

Бу ҳолатлар нерв ҳужайраларига кислород ҳамда озиқ моддалар етиб боришини чеклайди, натижада эслаб қолиш ва диққат фаолияти сусаяди.

Хотира бузилиши турли шаклларда намоён бўлади: дисмнезия (эслаб қолиш қийинлашиши), амнезия (айрим маълумотларни унутиш), деменция ва Алсгеймер касаллиги энг кенг тарқалганлари саналади.

Олимлар хотирани сақлаб қолиш учун жисмоний фаоллик, соғлом овқатланиш ва мияни доимий машқ қилдириб туришни тавсия этади. Уларга кўра, бадантарбия ва етарлича уйқу мия фаолиятини фаоллаштириб, эслаб қолиш қобилиятини яхшилайди.

📍 NEWS.uz

АҚШда дунёдаги энг қиммат олтин унитаз аукционга қўйилди

Унитаз 2019-йилда Англиянинг Бленҳейм саройидан ўғирланган. 18-ноябр куни Ню-Ёркда бўлиб ўтадиган аукционда унинг бошланғич нархи – уни тайёрлашда ишлатилган 101,2 кг олтин қиймати, ҳозирги ҳисобда тахминан 10 млн доллар бўлади.

📍 NEWS.uz

ID-картани расмийлаштириш хизмати йўлга қўйилди

"...Сирдарё вилоятининг Гулистон шаҳаридаги шаҳар Давлат хизматлари марказида фуқаролар учун яна бир қулайлик яратилди — бу ерда шахсни тасдиқловчи ID-картани расмийлаштириш хизмати йўлга қўйилди.

Эндиликда фуқаролар ID-карта олиш учун паспорт бўлимига бориб вақт сарфламайди. Улар шаҳар Давлат хизматлари марказига мурожаат қилиб, барча жараёнларни бир жойда, тез ва қулай тарзда амалга ошириш имкониятига эга бўлдилар..."

Батафсил: https://uza.uz/uz/posts/id-kartani-rasmiylashtirish-xizmati-yolga-qoyildi_777984

📍 NEWS.uz

Сирдарё делегацияси Фужианнинг етакчи саноат корхоналарида бўлди

"...Ташриф доирасида делегация аъзолари Хитойнинг Фужиан музофотида қатор йирик компаниялар — Fujian Minyijia New Building Material, Pan Pan Food, Sichuan Kindafu Door, Zhejiang Kelu Nukler, Fujian Road and Bridge Construction ҳамда Fujian Zhanda корпорациялари раҳбарлари билан учрашувлар ўтказди.

Учрашувларда Сирдарё вилояти учун муҳим бўлган тармоқлар — қурилиш саноати, йўл ва инфратузилма қурилиши, қишлоқ хўжалиги маҳсулотларини чуқур қайта ишлаш, энергетика ҳамда инвестициявий ҳамкорлик масалалари муҳокама қилинди..."

Батафсил: https://uza.uz/uz/posts/sirdaryo-delegaciyasi-fuzhianning-etakchi-sanoat-korxonalarida-boldi_778017

📍 NEWS.uz

Электр таъминоти тизими шай ҳолга келтирилди

"...Хусусан, туманда 55,5 километр узунликдаги электр узатиш тармоқлари ва 30 та трансформатор пункти мукаммал таъмирланди. Шунингдек, 101,8 километр узунликдаги тармоқ ҳамда 61 та трансформатор пункти жорий таъмирдан чиқарилди..."

Батафсил: https://uza.uz/uz/posts/elektr-taminoti-tizimi-shay-holga-keltirildi_777986

📍 NEWS.uz

Энди баъзи қонунларни илк бор бузган ҳайдовчилар фақат огоҳлантириш билан чекланади

Маъмурий огоҳлантириш транспорт воситасини бошқариш вақтида телефондан, монитордан, дисплейдан фойдаланиш, тўхтатиш, тўхташ ёки тўхтаб туриш қоидаларини бузиш, мажбурий суғурта билан боғлиқ қоидабузарлик ҳамда 138-модданинг 1 ва 2-қисмларида назарда тутилган ҳуқуқбузарликни содир этган шахсларга нисбатанни татбиқ этилади.

Бундай ҳолатда ҳайдовчида биттадан кўп қоидабузарлик аломати мавжуд бўлмаслиги керак.

📍 NEWS.uz

#Кун_ҳикмати

"Оддий фикрла, оддий қабул қил ва оддий яша. Чунки ҳақиқат ҳам жуда оддийдир."

✍️ Жалолиддин Румий

📲Telegram |facebook|Facebook

Стресс — руҳий ҳолатми ёки физиологик?

Жаҳон соғлиқни сақлаш ташкилоти маълумотларига кўра, стресс — инсоният ҳаётига таҳдид солувчи беш асосий хавфли омилдан бири. Асабийлик, ортиқча зўриқиш ёки ноаниқлик ҳисси инсон организмида “ҳимоя занжири”ни ишга туширади.

Адреналин ва кортизол гормонлари ажралиб чиқади, юрак тез уради, қон босими кўтарилади.

Мутахассислар стрессни табиий ҳимоя механизм деб ҳисоблайди, аммо уни назоратсиз қолдириш саломатликка зиён етказиши мумкин. Шунинг учун ҳар куни етарлича ухлаш, соғлом овқатланиш, жисмоний фаоллик ва нафас машқларини одатга айлантириш тавсия этилади.

Қисқаси, стрессни йўқотиш эмас, уни бошқариш — соғлом ҳаётнинг калитидир.

📍 NEWS.uz

🟣 Афғонистонда 7 балли зилзила қайд этилди — тебранишлар Сирдарёда ҳам сезилди

Бугун, 3 ноябрь куни тунги соат 01:29 да Афғонистон ҳудудида магнитудаси 6,9 балл (эпицентрда 7 балл) бўлган зилзила содир бўлди. Бу ҳақда Ўзбекистон Сейсмопрогностик мониторинг маркази хабар берди.

Зилзила эпицентри Тошкентдан тахминан 557 километр узоқликда жойлашган бўлиб, унинг тебранишлари Ўзбекистоннинг қатор ҳудудларида, жумладан Сирдарё вилоятида ҳам 3 балл атрофида сезилди.

Ҳозирча зилзила оқибатида жабрланиш ёки зарарлар тўғрисида маълумот келиб тушмаган. Мутасадди идоралар вазиятни кузатишда давом этмоқда.

📍 NEWS.uz

#Оҳангаронда_жанжал: боғча мудираси ишдан бўшатилди

Тармоқларда тарқалган Оҳангарон тумани Мактабгача ва мактаб таълими бўлими бошлиғи ҳамда 35-сонли боғча мудираси ўртасидаги жанжал видеоси бўйича расмий хулоса маълум қилинди.

Тошкент вилояти Мактабгача ва мактаб таълими бошқармаси ишчи гуруҳи текшируви натижасида аниқланишича, воқеа жорий йил июль ойида содир бўлган. Текширув давомида боғча мудираси Х.А. иш фаолиятида бир қатор қонунбузилишларга йўл қўйгани маълум бўлди. Камчиликлар юзасидан берилган огоҳлантиришларга у тегишли муносабат билдирмаган ва вазият жанжалга айланган.

Натижада, боғча мудираси билан тузилган меҳнат шартномаси бекор қилинди.

📍 NEWS.uz

Плоггинг акцияси ўтказилди

"...Сирдарё вилоятида соғлом турмуш тарзи ва экологик маданиятни тарғиб этиш мақсадида навбатдаги экоташаббус — плоггинг акцияси бўлиб ўтди.

Тадбир “Тозалик ойлиги” доирасида вилоят Экология, атроф муҳитни муҳофаза қилиш ва иқлим ўзгариши бошқармаси ташаббуси билан Гулистон шаҳрининг “Янги ҳаёт” маҳалласида ташкил этилди..."

Батафсил:https://uza.uz/uz/posts/sirdaryoda-plogging-akciyasi-otkazildi_778512

📍 NEWS.uz

Саримсоқпиёз етиштириш йўлга қўйилди

"...Сирдарё вилоятининг Оқолтин туманида қишлоқ хўжалигида замонавий агротехнологиялар амалиётга жорий этилмоқда. Туманнинг Собиржон Сиддиқов хўжалиги ҳудудида жойлашган Қишлоқ хўжалиги вазирлигига қарашли Оқолтин нав синаш участкасининг 30 гектар ер майдонида хитой технологияси асосида саримсоқпиёз етиштириш йўлга қўйилди..."

Батафсил: https://uza.uz/uz/posts/sarimsoqpiyoz-etishtirish-yolga-qoyildi_778474

📍 NEWS.uz

Браконерлар қўлга тушди

"....Сирдарё туманида электр қармоқ ёрдамида ноқонуний балиқ овлаган фуқаролар яна қўлга тушди. Улар 7 турдаги жами 38 дона балиқни қонунга хилоф равишда овлагани аниқланди.

Рейд тадбири Экология вазирлиги инспекторлари, Сирдарё сув ҳавзаси назорати бўлими, Миллий гвардия, Ички ишлар бошқармаси ҳамда Тошкент вилояти Чиноз тумани ИИБ ходимлари ҳамкорлигида ўтказилди..."

Батафсил: https://uza.uz/uz/posts/brakonerlar-qolga-tushdi_778519

📍 NEWS.uz

Республика ўқув-амалий семинари ўтказилди

Янгиер шаҳрида замонавий таълим концепцияси йўналишида яна бир муҳим қадам қўйилди. Бу гал мактабгача таълим тизимида илғор хорижий тажрибаларни жорий этиш, болаларда илмий фикр ва ижодкорлик салоҳиятини ривожлантиришга қаратилган Республика ўқув-амалий семинари ташкил этилди.

Тадбир “СТЕАМ — орзуларни ҳақиқатга айлантиради” ҳамда “Кичик ёшда — катта орзулар” шиорлари остида ўтди.

Семинар Янгиер шаҳар ҳокими Отабек Носиров ташаббуси билан Мактабгача ва мактаб таълими вазирлиги ҳамда Сингапурнинг “Marshall Cavendish Education” таълим ташкилоти ҳамкорлигида ўтказилди.

Батафсил: https://uza.uz/uz/posts/respublika-oquv-amaliy-seminari-otkazildi_778505

📍 NEWS.uz