“Ҳаётга қайтдим......

Самарқандлик Феруз Аҳроров кутилмаганда гепатит Б га чалинди, бу эса жигар циррозини келтириб чиқарди...

“Агар атрофимда меҳрибон одамлар — мен учун ҳамма нарсага тайёр яқинларим ва малакали шифокорларимиз бўлмаганда бу дардни енгиб ўтолмасдим” — дейди у.

📹Ушбу видеолавҳада ана шу беморнинг тақдири ҳақида ҳикоя қилинади.

🍃 Telegram

Соғлигинг бойлигинг. Аммо уни қайтариш осон эмас

Бойлик топилади. Пул келади-кетади. Лавозим ўзгаради. Аммо соғлиқ қўлдан кетса, уни тиклаш учун баъзан йиллар ҳам камлик қилади.

Ўзинг учун яшашни эртагага қолдирма! Ҳар куни танангга эътибор бер: Эрталаб ўрнингдан тур ва ҳаракатни бошла. Камида 30 дақиқа пиёда юр. Ортиқча туз, шакар ва ёғли таомларни камайтир. Уйқунгни тартибга сол. Вақтида тиббий кўрикдан ўт.

Спорт залга бориш, баҳона излаш ҳам шарт эмас. Муҳими — бугундан бошлаш!

Эсингда бўлсин: касаллик бойлигингга қарамайди, лекин соғлиғингга бўлган муносабатинг кўп нарсани ҳал қилади.

📌 Бу постни соғлиғини эртага қолдираётган яқинларингизга ҳам юборинг.

🍃 Telegram

Зебо Анвар қизи “Шуҳрат” медали билан тақдирланди

Ўзбекистон Республикаси Президентининг “Тиббиёт ходимлари куни муносабати билан соҳа ходимларидан бир гуруҳини мукофотлаш тўғрисида”ги Фармонига мувофиқ, Сирдарё тумани кўп тармоқли марказий поликлиникаси ИТ-оператори Закирова Зебо Анвар қизи “Шуҳрат” медали билан тақдирланди.

Мазкур юксак мукофот унинг соғлиқни сақлаш тизимини ривожлантириш, тиббий хизматлар сифатини ошириш ҳамда аҳоли саломатлигини мустаҳкамлаш борасидаги кўп йиллик самарали меҳнати ва соҳа ривожига қўшган муносиб ҳиссасининг эътирофидир.

🍃 Telegram

🤧 Гриппми ёки шамоллаш? Алданиб қолманг!

Иситма, йўтал, томоқ оғриғи... Оддий шамоллаш деб ўйлаётганингиз грипп бўлиши мумкин!

Хуш, грипп ва шамоллашнинг асосий фарқ нимада дейсизми?

Грипп — тўсатдан бошланади. Юқори иситма, кучли ҳолсизлик, бош ва мушаклар оғриғи кузатилади. Шамоллаш эса аста-секин бошланади. Бурун оқиши, аксириш ва томоқ оғриғи кўпроқ учрайди. Иситма одатда енгил бўлади ёки умуман кузатилмайди.

Иккаласида ҳам асоратлар бўлиши мумкин. Нафас қисиши ёки аҳвол оғирлашиши кузатилса, шифокорга мурожаат қилинг!

📌 Бу постни соғлиғини эртага қолдираётган яқинларингизга ҳам юборинг.


🍃 Telegram

Prezident Shavkat Mirziyoyev:

”O‘zligimizdan kuch olib, bugungi hayotimizni teran anglab, milliy kinomizning yangi sahifasini birgalikda yarata olamiz“.

—
Президент Шавкат Мирзиёев:

«Черпая силы в нашей идентичности и глубоко осмысливая сегодняшнюю жизнь, мы вместе сможем открыть новую страницу национального кинематографа».

Prezident.uz|Facebook|Instagram|YouTube|X

Bugun Prezident Shavkat Mirziyoyev Ko‘ksaroy qarorgohida sog‘liqni saqlash va farmatsevtika sohasi xodimlari bilan uchrashuv o‘tkazadi hamda Olimpiya shaharchasiga tashrif buyurib, Prezident Olimpiadasining ochilish marosimida ishtirok etadi.
—
Сегодня Президент Шавкат Мирзиёев проведет встречу с работниками сферы здравоохранения и фармацевтики, а также посетит Олимпийский городок, где примет участие в церемонии открытия Президентской Олимпиады.

Facebook|Instagram|X

Prezident Shavkat Mirziyoyevning tibbiyot va farmatsevtika sohasi xodimlari bilan uchrashuvi boshlandi. Davlatimiz rahbari ularni yaqinlashib kelayotgan kasb bayrami bilan tabriklab, mehnati uchun minnatdorlik bildirdi.

– Oilasining baxtini ko‘rish, halol mehnat qilib, orzulariga yetish, umrini mazmunli o‘tkazish uchun odamga, avvalo, sog‘liq kerak. Shu bois, inson salomatligini asrashni islohotlarimizning eng muhim yo‘nalishlaridan biri etib belgilaganmiz,

– dedi Prezidentimiz.

So‘nggi o‘n yilda mamlakatimizda 10 million aholiga xizmat ko‘rsatadigan yangi poliklinika va shifoxonalar ishga tushdi, 58 ming shifo o‘rni yaratildi. Zamonaviy shifoxonalar ko‘payib, xususiy sektorga keng imkoniyat berilgani tufayli tibbiy xizmatlar hajmi uch karra oshdi.

Ilgari chet elda amalga oshirilgan tug‘ma yurak nuqsonlari, a’zolar transplantatsiyasi, robot jarrohligi va bosh miyadagi murakkab jarrohlik amaliyotlari kabi yuzdan ziyod xizmatlar bugun mamlakatimizda bajarilmoqda.

Prezidentimiz bu natijalarda tibbiyot xodimlarining bilim va mahorati hal qiluvchi o‘rin tutayotganini qayd etdi.

Facebook|Instagram|X

Tibbiyotni raqamlashtirish bo‘yicha ishlar xususiy klinikalar va dorixonalarni ham qamrab olmoqda.

– Yaqinda bu tizimni sun’iy intellekt imkoniyatlari bilan yanada boyitib, shifokor va hamshiralarning haqiqiy ko‘makchisiga aylantiramiz,

– dedi davlatimiz rahbari.

Farmatsevtika tovarlarining 70 foizini ichki imkoniyatlar hisobidan qoplash maqsad qilingan. Shu bois, so‘nggi yillarda 1 milliard dollarlik 330 ta yangi quvvat ishga tushirildi.

“Toshkent biofarm siti” klasteri, Andijon, Namangan, Jizzax va Toshkent viloyatida farmatsevtika erkin iqtisodiy zonalari tashkil etildi. Ularda 1 milliard 200 million dollarlik loyihalar amalga oshirilmoqda.

Facebook|Instagram|X

Prezidentimiz tibbiyot va farmatsevtika sohasidagi o‘zgarishlarda 800 mingdan ziyod xodimning munosib hissasi borligini ta’kidladi.

Yaqinda soha fidoyilarining bir guruhini davlat mukofotlari bilan taqdirlash haqida farmon imzolandi. Ular orasida tibbiyot xodimlari bilan birga tadbirkorlar va xorijlik hamkorlar ham bor.

Uchrashuvda mamlakatimiz yetakchisi davlat mukofotlarini o‘z egalariga tantanali ravishda topshirdi.

Inson salomatligini asrash, ilg‘or ilmiy ishlanmalar va davolash usullarini joriy etishda barchaga o‘rnak bo‘layotgan tibbiyot xodimlari uchun alohida davlat mukofotini ta’sis etish tashabbusi ham ilgari surildi. U buyuk bobomiz Ibn Sino nomi bilan ataladi.

Facebook|Instagram|X

– Doim aytaman, birlamchi bo‘g‘in qancha yaxshi ishlasa, xalqimiz shuncha sog‘lom bo‘ladi,

– dedi Prezidentimiz.

Shu maqsadda 28 ta tumanda birlamchi tibbiy yordam sifatini oshirish bo‘yicha yangi tizim sinovdan o‘tkazildi. Ushbu tumanlarda 7 million aholi oilaviy shifokorlarga nomma-nom biriktirildi, ikki tomonning vazifa va majburiyatlari o‘zaro bitimda belgilandi.

Yangi laboratoriyalar ishga tushirilib, shifokor va hamshiralar o‘qitildi, “bemor marshruti” ishlab chiqildi. Bu poliklinikalarga aholi ishonchini oshirdi. Kafolatlangan paket doirasida ambulator bemorlarga 69 turdagi dori vositasi bepul berilmoqda.

Birlamchi bo‘g‘inda samara bergan ushbu model kelasi yildan yana 100 ta tumanda yo‘lga qo‘yiladi.

Facebook|Instagram|X

Prezidentimiz oshqozon, yo‘g‘on ichak, prostata bezi va o‘pka saratonini erta aniqlash ishlari Samarqanddan boshlanib, 2028-yildan barcha hududlarda joriy etilishini ma’lum qildi. Bunga yiliga 700 milliard so‘m ajratiladi.

Qandli diabet, sil, yurak-qon tomir kasalliklari, ayollardagi o‘smalar hamda bolalardagi onkogematologik xastaliklarni erta aniqlash dasturlari ham davom ettiriladi.

Andijon, Farg‘ona, Namangan, Samarqand va Toshkent shahrida infarkt va insultni erta aniqlash hamda davolash dasturi natijasida ushbu kasalliklardan erta o‘lim besh oyda 15 foizga kamaydi. Kasallik boshlanishidagi “oltin soat”da 855 nafar inson erta o‘lim va nogironlik asoratlaridan saqlab qolindi. Kelasi yil dasturga 280 milliard so‘m ajratilib, barcha tuman va shaharlar qamrab olinadi.

Aholi uchun kafolatlangan paket ham kengaytiriladi. Kelasi yil bepul dori vositalari turi 73 taga, tibbiy tekshiruvlar turi 36 taga yetkaziladi.

Facebook|Instagram|X

Davlatimiz rahbari sohada ta’lim, qurilish va sanitariya-gigiyena, bemorlar xavfsizligi hamda xodimlar madaniyatini qamrab oladigan “Yangi O‘zbekiston tibbiyot standartlari” joriy etilishini ma’lum qildi.

– Har qanday inson poliklinikaga kirganda, avvalo, ozodalikni, tartibni, madaniyatni ko‘rishi kerak,

– dedi Prezidentimiz.

Shu bois, birlamchi bo‘g‘in tibbiyot xodimlari bosqichma-bosqich maxsus kiyim-bosh bilan bepul ta’minlanadi.

Joriy yil ilk bor tuman bo‘g‘inidagi eng yaxshi shifokor va hamshira nominatsiyalari bo‘yicha viloyat tanlovlari o‘tkazilmoqda. G‘oliblar 30 million so‘mdan mukofotlanadi.

Kelasi yil rag‘bat yanada kuchaytiriladi: viloyat bosqichida g‘olib bo‘lgan 14 nafar shifokor elektromobil bilan taqdirlanadi. Sog‘lom turmush tarzini targ‘ib qiladigan eng yaxshi o‘nta loyiha muallifiga 200 million so‘mdan grant beriladi.

Facebook|Instagram|X