Hammasi yaxshiligida harakat qilmasang hammasi yomon tus olganda harakat qilishga majbur bo‘lasan.

© Goratsiy

@status_ibratli🕊

Agar siz bugun xatoga yo‘l qo‘ygan bo‘lsangiz tashvishlanmang. Alloh sizga xatoni to‘g‘rilashingiz uchun yangi kun beradi.

@status_ibratli🕊

​​"DAXSHATLI" JINOYAT

Mahallamiz shahardan uncha uzoq bo‘lmagan joyda joylashgan. Odamlar dehqonchilik va chorvachilik bilan shug‘ullanishadi. Uyda dimiqib ketib bir aylanib kelish uchun ko‘chaga chiqdim.
Yo‘lda keta turib, yo‘l bo‘yidagi kichkina oddiy loysuvoq qilingan, hali to‘liq bitmagan hovli yonida baqir-chaqir bo‘layotganini ko‘rib qoldim. Yo‘l usti bo‘lgani uchun jim o‘tib ketolmadim. O‘n chog‘li odam yig‘ilgan, uy egalari eru-xotin boshini qo‘yi solib turar, xotini yig‘lar edi.
Biri olti yoshlarda, yana ikkita to‘rt va ikki yoshli bolalar qo‘rqib, onalarini quchoqlab yig‘lab turishardi. Bir yoqda esa mahallada "shantaj" laqabi bilan tanilgan fermer xotin ularni dunyodagi bor iflos so‘zlar bilan qarg‘ardi. Mahalla raisi va mahalla noziri ularni kuzatib turardi. Borib bir yoshi ulug‘roq odamdan nima bo‘lganini so‘raganimda, mahallamizga yaqinda ko‘chib kelgan, xotini qaysidir bog‘chada farrosh, eri esa qaysidir tashkilotda qorovul bo‘lib ishlaydigan bu oila anavi shantajning aytishi bo‘yicha "mudhish" jinoyatga qo‘l uribdi.
Nima qilgan bilasizmi???
Shantajning dalasidan 12 dona jo‘hori o‘g‘irlabdi... Bu yangi oilaning chala bitgan kichkina hovlida hali darahtlar ko‘chat holida, ekin ekishga esa deyarli joy yo‘q edi. Karantin bo‘lganligi uchun ish joyidan oylik ham olmay qo‘yishgan ekan.
Ma’lum bo‘lishicha eri 12 chog‘li jo‘horini rostdan so‘roqsiz olgan, xotini esa ularni qaynatib bozorga sotib kelib, puliga non va mayda-chuyda olmoqchi bo‘libdi. Etim jimirlab ketdi. Xuddi katta jinoyatchini ushlagandek gerdaygan nozir xotini so‘roq qilardi.
-Qanchadan sotding?!
Ayol esa yig‘lamsirab javob berdi: 2000 dan.
Nafratlanib ketdim. Bir chekkada ularni fosh qilgan mahallani oldi quloq xotinlari, ularga bepisand kulib qarab turardi. Shantajning ovozi hech o‘chay demasdi.
-Bolang o‘lsin sen xaromilarni!!!
Bolangni go‘shtini yenglar!!!
Ohiri bo‘lmadi. Endi gapiraman deb og‘iz juftlagandim oldimdagi yoshi ulug‘ odam ham chidab turolmadi.
-Qancha jo‘horing yo‘q, hammasini men beraman senga bas qil!!!
Shantajning fig‘oni falakka chiqdi.
Hammang shularni sherigi, hammangni qamataman!!!
Yosh bolalardan biri esa: dadamni milisiya obketmasin deb yig‘lardi. Shu gapdan keyin shantajning ovozi o‘chdi. Jahl bilan mashinasiga o‘tirib ketib qoldi. Nozir, rais va chaqmachaqar navbatdagi "jinoyatni" ochish uchun boshqa tomonga ketishdi.
Men turgan joyimda qotib qoldim.
U o‘g‘ri...
U millionlab dollarni chet elga obketmadi, oltinlarni o‘marmadi, xalqni pullarini talamadi, shunchaki bolalarining och qolishiga chidab turolmadi. Dunyodagi eng "dahshatli o‘g‘ri".
12 ta jo‘hori o‘g‘irladi bolalari uchun...
Shaxboz Abduraimov saxifasidan olindi.

@status_ibratli🕊

Hayot shu darajada qisqaki, inson undan shodlik onlarini o‘zi o‘g‘irlashi lozim bo‘ladi. Agar yaxshi o‘g‘ri bo‘lmasang, hayot sendan qochib ketadi.

© Abdurahmon Munif

@status_ibratli🕊

Ko'ngil ham o'rindiqqa o'xshaydi. Shunday bo'sh o'rinlar bo'ladiki uni haqiqiy egasidan boshqa hech kim to'ldirolmaydi!

@status_ibratli🕊

Alloh uchun “Alloh” desaydim...

Alloh uchun do‘stlashgan ikki cho‘pon bo‘lgan ekan. Bir kuni ikkovlon so‘zlashib o‘tirib, biri dardini aytib qolibdi:

— Do‘stim, men oshiq bo‘ldim...

— Alloh xayrli qilsin! Nega mahzunsan? Kimga oshiq bo‘lding?

— Podshohning qiziga. Unga yetishish mening buyuk orzuim.

— Shunaqami? Nima qilsak ekan? Ha, topdim. Bir paytlar men safarda orif zot bilan birga bo‘lgan edim. O‘sha zotdan so‘raymiz.

Ikki do‘st o‘sha orif zotning oldiga borib, vaziyatni tushuntirishibdi.

— Buning yo‘li oson, — debdi orif zot. — Falon yerdagi g‘orga borasan, qirq kun tinmay “Alloh, Alloh, Alloh” deysan.

Yigit rozi bo‘lib, orif aytgan ishni boshlabdi. O‘n kun o‘tibdi, o‘n besh kun o‘tibdi. Yigit garchi tili “Alloh” desa-da, xayolida podshohning qizini tasavvur qilib zikrni davom ettiraveribdi. 25 kunlardan keyin butun shahar bu darveshning holidan ogoh bo‘lib, so‘zlay boshlabdi: “Ko‘rdingizmi, bir darvesh g‘orda tunu kun Allohni zikr etyapti. Qandayin go‘zal!”

Yigit odamlarga e’tibor bermas, holdan toyib qolgan bo‘lsa ham, podshohning qizi visolida, tinmay zikr etar va qirqinchi kunni astoydil kutar edi.

Bu gap-so‘zlar podshohning saroyiga ham borgach, vazirlar:

— Podshohim, bilasiz, valiylar kelgan joylarga Allohning barakasi nozil bo‘ladi, odamlarda muhabbat paydo bo‘ladi. Qanday qilib u zotni shahrimizda olib qolsak ekan? — deyishibdi.

— Saroyim oldiga bir saroy qursak, qabul etarmikan?

— Yo‘q, orif zotlar mol-dunyoga qarashmaydi.

— Vazirlikni bersam-chi?

— Uni ham qabul etmaydi.

— Unda nimani maslahat bersasizlar?

— Karimangizni unga nikohlab bering.

— Agar valiy zot qabul qilsalar, bu menga ham sharaf.

Qirqinchi kun yetib kelibdi. Shu kunda podshoh va uning a’yonlari, yigitning do‘sti darveshning huzuriga borishibdi. Yigit tasbeh bilan hamon zikr qilardi. Yigit zikrni to‘xtatishi bilan podshoh salom berib, so‘rabdi:

— Hazrat, sizning bu yurtda bo‘lishingiz bizga sharaf. Buyuring, sizga bir saroy qurdiraman.

— Keragi yo‘q.

— Unda keling, yurtni birga boshqaraylik.

— Yo‘q.

— So‘nggi umidim shuki, mening bir qizim bor. Garchi sizga loyiq bo‘lmasa-da, uni nikohingizga olsangiz.

— Yo‘q.

Shunda cho‘ponning do‘sti yugurib, uning oldiga kelibdi-da, so‘rabdi:

— Qirq kunki, zahmat chekib shu podshohning qizi uchun zikr etding-ku. Endi nega undan voz kechyapsan?

Do‘sti tabassum qildi-da, shunday javob berdi:

— Men qirq kun podshohning qizi uchun “Alloh” deganimga huzurimda podshohu vazirlar tiz cho‘kyapti. Agar Alloh uchun  “Alloh” desaydim, nelar bo‘lmasdi...

@status_ibratli🕊

Orzu qilgan hamma narsamizga ega bo‘lish qo‘limizdan kelmaydi. Ammo ega bo‘lgan hamma narsamizdan huzurlanishga qodirmiz.

© Ayman Yog‘iy

@status_ibratli🕊

Haqiqiy do‘stlarsiz hattoki millionerlar ham qashshoq!

@status_ibratli🕊

Men o‘tmasimdan oldin o‘tmang! Yoki loaqal onam ekaniningizni unutar darajada qarib-qartayay.

© Rimo Ali

@status_ibratli🕊

Xotinining farishtasifat bo‘lishini orzu qilgan erkak, unga jannat yaratib berishi kerak. Chunki farishtalar jahannamda yashashmaydi.

© Ayman Yog‘iy

@status_ibratli🕊

«Afrikaga dori-darmon yuborishga qaror qilib, ancha-muncha dori to‘plagandik, lekin bir muammo yuraklarimizni pora-pora qildi, dorilar yo‘riqnomasidagi bir yozuv bizni yig‘latdi...
Afrikaliklar uchun zarur bo‘lgan hamma dorilarning yo‘riqnomasiga «To‘q qoringa ichilsin», deb yozilgandi...»

P/s: Shukr qilaylik...

© Charlz Bukovski
Amerika yozuvchisi va jurnalist.

@status_ibratli🕊

Shayton sizni adashgan o'tmishingiz bilan qo'rqitsa, siz uni taqvoli kelajagingiz bilan qo'rqiting!

@status_ibratli🕊

SOXIL BO‘YIDAGI ONA

Ikki yigit soxil bo‘yida o‘tirib kechki taom tanovul qilayotgan edilar. Yonlariga kelib ovqat qoldiqlarini terib yeb yurgan bir kampirga ko‘zlari tushdi. Qari kampirdan:
— Qorningiz ochmi? — deya so‘rashdi. Kampir:
— Ertalabdan beri shu yerdaman, biron narsa yemadim. Meni bu yerga o‘g‘lim olib keldi. Birozdan so‘ng kelib olib ketishini aytdi, — dedi.
Kampirga ovqat yeguliklar berdilar. Tun cho‘kkach narsalarini yig‘ishtirib ketishga tayyorgarlik ko‘rdilar. Vaqt allamahal bo‘lib qolgan, kampirni bir o‘zini tashlab ketish ham yaxshi emas. Yigitlardan biri:
— Sizda o‘g‘lingizni raqami bormi telefon qilsak. Kampir:
— Ha, raqami yozilgan varoq bergan edi.
Qog‘ozda: "Kim bu kampirni topib olsa uni qariyalar uyiga olib borsin" —deb yozilgan edi. Yigitlar bundan daxshatga tushdilar. Kampirni o‘zlari bilan ketishini so‘rab bir soatcha yalinib yolvordilar. Lekin kampir o‘g‘li olib ketishga va’da qilganini va hozir kelib qolishini aytib ularning taklifiga ko‘nmadi. Farzandidan havotir ola boshladi. Ikki o‘rtoq o‘g‘li kelib olib ketishini behuda kutib o‘tirgan kampirni qoldirib uyga qaytdi. Lekin ulardan biri uxlay olmadi. Kampirning qismati nima bo‘larkin degan hayolda edi. Shartta o‘rnidan turdi, kiyindi va mashinasiga minib sohilga keldi.
Sohilda tez yordam mashinasi va zobitlar bor edi. Odamlar to‘planib turar edilar. Bechora kampirning jasadiga ko‘zi tushdi. O‘limining sababini so‘ragan edi:
— “Qon bosimini keskin ko‘tarilishi" — degan javobni oldi.
Bu kampir farzandini o‘ylab havotirlanganini, unga biron narsa bo‘ldimikin deya qattiq qo‘rquvidan o‘lib qolganini tushinib yetdi.

Subhanalloh.! Shunday qalblar borki o‘z ota—onasidan kechadigan, toshdan qattiq.
Va yana shunday mehribon qalblar borki, boshqalarning ota—onasi uchun ham g‘amxo‘r.
Allohim.! Qalblarimizni musaffo qil va rizoyinga uyg‘un bo‘lgan amal va ibodatlar tomon yo‘naltir...!

@status_ibratli🕊

Gap sen dunyoga kelganingda hamma xursand qarshi olishida emas, balki bu dunyodan ketganingda qayg‘uga botishidadir.

@status_ibratli🕊

Ba’zida maqsadlaringiz erishib bo‘lmasdek tuyuladi. Ammo bu voz kechish uchun sabab bo‘laolmaydi. Mag‘lubiyat faqatgina yangidan harakat qilishni xohlamaydiganlarni kutib turadi.

@status_ibratli🕊

So‘z dori kabidir. Agar uni kamaytirsang, naf beradi. Agar ko‘paytirsang, boshingni og‘ritadi.

© Amr ibn Os roziyallohu anhu.

@status_ibratli🕊

Agar mashaqqatlarga sabr qilganimiz uchun beriladigan ajrning qanchalik ulkanligini bilganimizda edi hech qachon o‘sha mashaqqatlardan qutulishni orzu qilmagan bo‘lar edik.

• • •

Daraxtning kamolga yetgani mevasi bilan bo‘lganidek, baxt - saodatning mukammal bo‘lishi yaxshi xulqlar bilan namoyon bo‘ladi.

@status_ibratli🕊