الناس في السوشال ميديا مجانين، مهما تصرفت بشكل طبيعي و عفوي صدقني بتلاقي مجموعة تطالبك انك تتصنع، والعكس صحيح، مستحيل توصل لرضا تام من ناحيتهم، لانهم هما بكبرهم مش راضيين على انفسهم عشان هيك بحولوا اللي حواليهم لنفس مرضهم، نصيحتي الوحيدة: تعلم رفاهية الطز.

مهما كنت تحب اللي قدامك حط ببالك ان الحياة متغيرة بشكل ما تتوقعه أنت بكبرك، الحياة تجر الأشخاص، تنسف المبادئ، تغير المعادن، تلون الأمور، الصالح اليوم ممكن يتغير والسيء اليوم ممكن يتغير ايضًا، عليك إنك تتوقع كل شيء من الجميع، وتدعي إنك ما تعيش هذا التغير الصادم، آمين..

العشم هوا اول خطواتك لتدمير نفسك، اللهم اني بلغت🙏🏼

ممكن تكون كل انزعاجاتي من أسباب تافهة بالحياة، بس بالنّهاية هي بتزعجني رغم تفاهتها.
وممكن تكون حساباتي كلها خطأ، وبعقد الأمور أكثر من اللازم ، وبعمل مبالغة لكل أمر ..
مهمتك لما تكون جنبي تتفهم هالأمور .. وتتقيد.. وما تستخف أبدًا.
ممكن مشاكلي مش قد نهاية العالم اللي واجهتوها كلكم .. بس هي بتضل عندي مشاكلي وصعبة علي.
وإذا حاسس حالك إلك قدرة تغير فيا ؛ حاول يكون الأسلوب بأعمق أنواع اللّطافة ؛ لأني حدا واعي.

- لا تستخف بأمر ببالغ فيه أنا -

فش حاجة تعوض الحنية لما ما تيجي في وقتها، فش حاجة تقيلة اكتر من إنك تلاقي رد فعل قاسي من إنسان قريب منك، في وقت كنت مستني فيه طبطبة.. مهما كنت قوي، مهما كنت بتستحمل، مهما كنت متماسك نفسيًا، بيجي عليك وقت بتستنى الحنية عليك حتى لو بكلمة طيبة.. الموقف بيبان تافه، واللي قدامك بيستغرب رد فعلك، بس والله كله ممكن يتنسى إلا القسوة على إنسان في وقت ضعفه.

‏صباح الخير، أما بعد: "مامن شيءٍ بوسعه أن يحجب الشّمس عن روحك، فالضوء نافذ والنّور وارد، والصُبح دائمًا قريب".

الدنيا مش مستاهلة أي حرب نفسيّة ، سواءً جواك أو مع حد تاني ، كل شي في لحظة يمكن ينقلب ، صحتك بتخونك ، وحبايبك يروحوا منك ، ما في اشي مضمون لدقيقة قدام ، في ثواني الأحوال بتتبدل ..

الدنيا مش مستاهلة صراعات ، اللحظات اللي بتمر عليك وأنت سليم ومعافى وحبايبك حواليك بعمر كامل من التوتر والقلق والتفكير ..

ربنا يجعلنا خفاف على بعض ، ويريّح بالنا ، علشان راحة البال ما بتنشرى بفلوس الدنيا ❤️..

‏اللهُم أنزل الشفاء على الأجساد المُتعبه ورد لها عافيتها يارب .

أُختي وإن خانَ الزمانُ عضيدتي وحبيبتي في الحِل والترحال💕

الكريم سيتوقف عن الكرم اذا شعر او حس بانه من الناس من يستغل كرمه لتحقيق منافع مالية امرا لا كرما توقفوا عن الاستغلال

أيضًا مقدار السعي و المحاولة لا يعني نتيجة حتمية ، نوح دعا قومه ٩٠٠ سنة ولم يؤمنوا بالرغم من كل أساليب الدعوة و الصبر .. في أمور مقدرة علينا و الانسان لازم يرضى بالقدر خيره و شره ..

أكبر غلطة بعملها في حياتي إن لسة بستني الناس تعاملني زي ما بعاملهم.

عمرها ما كانت مشاعرنا الحلوة غلط إحنا اللي غلطنا بالاشخاص .

‏يا رب كلكم تجربوا مشاعر هذا البيت ، متل ما جربته :

‏"هجم السرور عليّ حتى أنه
‏من فرط ماقد سرّني أبكاني"❤️❤️❤️

‏بين ليلة وضحاها، أمطر الله على قلبي بفيضٍ من الرضى والسلام والقناعة، ليس بالنسيان أنما بذكرى دون الم أو شعور، ليس بالبديل أنما كان عِوض الله لي بنفسي، ولا أعلم حتى الآن بأي حسنة كافئني الله بهذا التخطّي؟ الحمدلله

ما يتأخر الفرج ، إلا لعظيم العطايا . ❤️

تنهيدة الفرح من شيء استصعب حُدوثه وبفضل الله حدث💛.

اللهمَّ إنني أستودعكَ أيامي القادمة ، فاكتبْ لي فيها كُلَّ الخير واصرف عني شرهم وشرَّ نفسي 💛

ضروري جداً بين الفترة والتانية يصير موقف يخليك ترجع تعيد حساباتك من أول وجديد، يرجعك شهر شهرين ويمكن سنة بالتفكير لورا، بتوصل لكثير نتائج مهمة، يمكن تكتشف أنو أغلب لحظات تأنيب الضمير الي كنت تمر فيها أحياناً مكانش إلها أي داعي ! ببساطة لإنو ( كل ساقي سيسقى بما سقى)، كثير مرات بنهدر جهد ووقت وطاقة واحنا بنترجم بسلوكياتنا هل تصرفنا صح او غلط ! وبننسى الظروف الي كانت محيطة فينا والي انسب طريقة للتعامل معها كانت نفس ما تصرفنا تماماً !
اليوم تعلمت درس جديد، قد يطلق عليه مفهوم الأنانية، أو التهرب من تأنيب الضمير، أو إدعاء الصلاح مثلاً

بس كتشفت إنو أغلب المواقف الي شعرت بتأنيب ضمير تجاه اشخاص معينين، وراح مني وقت كبير وأنا بقيم بسلوكي تجاههم وبتخيل سيناريوهات أفضل وألطف للتعامل مهم ! كان هدر وتضييع للوقت وسخاء عاطفي ما اله اي لزوم، او حتى تعاطف إجتماعي مبالغ فيه !

قررت اكون حقيقة اكثر، أتصرف تماماً زي ما الموقف بستدعي، ما اكتم اي مشاعر، ولا أعيش أي حالة تأنيب ضمير ع اي لحضة مرقت !

بنفس الوقت رح أضاعف مقدار جهدي وعطائي وأضرب الناتج ب 2 , تجاه كل شخص يوم من الأيام حاول يقدملي أي أشي، فكر فيه اكثر ما بفكر بحالي، أهتم بمناسباتي وأفراحي واتراحي ووقف معي ودعمي وسألني وطمني

...

هي معادلة رياضية بحته، ونتيجتها معقدة لإنك رح تخسر عشرة وتكسب واحد !