Ардақты ананы қадірлеймін. Ары бар азаматты ардақтаймын. Талабы бар жасты құрметтеймін. Маңғазсыған ағаны ұнатпаймын. Көзге мақтап көлгірситін ініні жек көремін. Шын дос сыртыңнан мақтайды. Сайқал ғана бетіңе қарап қылмыңдайды. Әйелдің сайқалы бірді ғана арбайды, әдебиет сайқалының мыңға зияны тиеді.

© Бауыржан МОМЫШҰЛЫ
“АҚИҚАТ ПЕН АҢЫЗ” кітабынан

“Шай ішейік” подкасты. Марфуға Шапиян мен Назерке Ермекқызының әңгімесі. Орамал шешу, психология тренды, дінді өмірде қолдану, денсаулық туралы.

ФАРИЗА: ОРАМАЛЫМДЫ ҚОРҒАУ ҮШІН АДВОКАТҚА БАРДЫМ // Орамал //Марфуға Шапиян
https://youtu.be/WU-7zX6nZZg

Ризығыңызды жақындатқыңыз келсе, мына амалды жасаңыз // Ризық // Иман//Марфуға ШАПИЯН
https://youtu.be/WvUKflF1LWk

Назеркенің орамал тағу оқиғасын көріңіздер 🤗

https://youtu.be/qWZsjV_z6_w

Соңғы жылдары онша кітап оқымай кеттім. Айына бір кітап оқысам, ол да роскошь боп кетіп еді. Бірақ қазір кітапқа құмарлығым қайта артып, кітапқа аш қасқырдай кірісіп жүрмін. Тіпті рецензия жазып үлгермей жатырмын. Аллаға шүкір! Ұзағынан болсын! 🤲😊

Соңғы оқыған кітаптарымның бірі. Көп нәрсе күтіп қойған сияқтымын. Ұнады дей алмаймын. Терең зерттеулер болар деп ойлағам. Сөйтсем, дат халқы балауыз жағады, достарымен бас қосады, бірге тамақ пісіреді, велик көп тебеді, содан бақытты дегендей бірдеңе. Оқуға кеңес бермеймін ❌

Бірақ ең ұнамаған кітаптың өзінен бірдеңе аласың ғой. Алған инсайтымды иснтада сторизге бөлісіп жатырмын.

Ал сіз “Хүггені” оқыдыңыз ба?

Мына кітапты оқып көрмекпін. Оқығандарыңыз бар ма? Қандай кітап?

Меломанға кітап қарауға келгем. Мына кітаптың фильмін көргенмен өзін оқымағам. Көріп қатты алғым келсін. Мұқабасы да әдемі екен. Қысқасы, алмадым. Кейінге қалсын ☺️

Сіздер кітабын оқығансыздар ма? Фильмінен күштірек пе?

Инстаграмымды өшірдім. Жұрттың пайдалы, пайдасыз сторизін көп көріп, соған көп уақыт арнайтын болғанымды байқадым. Содан 10 шақты күн демалайын деп шештім. Есесіне осында жазып отырғым келеді ☺️ Бүгін тауға барып, демалып қайттым 😇 Тау күздің әдемі суреттеріне боялып, сұлу боп кетіпті 😍

Инстаграм болмағанның бір пайдасы, өзіңнің арман-мақсаттарың еске түсе бастайды екен 😀 Айналысқым келетін істерді есіме түсіріп, соларды қолға алсам деген дүние пайда боп жатыр. Алла күш-қуат берсін, енді 🤲

Күнделікті жасайтын әрекеттеріңді өзгертпей, өмірің де өзгермейді. Жетістігіңнің кілті - күнде жасайтын әдеттеріңде.

Джон Максвелл

ТӘУЕЛСІЗДІК КҮНІНДЕ ЕЛІМІЗ ҮШІН ЖАСАЛҒАН ДҰҒА

Я, Алла тағалам! Тәуелсіздігімізді баянды ет, басшыларымызды әділ ет! Олардың тек қана ел игілігі үшін қызмет етуін нәсіп ет!

Халқымызға амандық, жерімізге тыныштық бер! Жұртымыздың ризық-несібесін арттырып, бай-бақуатты елдердің қатарына қос! Қазағымыздың әр шаңырағын бақыт пен татулыққа, ырыс пен берекеге толтыр!

Жаратқан Ием! Еліміздің ертеңі үшін тәуелсіздік жолында құрбан болған ата-бабаларымыздың рухын пейіштің төрінде шалқыт! Ұлтының оянуы жолында жанын қиған, бір уыс топырақ бұйырмай, әр жерде атылып, өртеліп кете барған Алаш зиялыларына шәһиттік дәреже бер!

Я, Раббым! Қазақтың кең байтақ даласын, ұлан ғайыр жерін ұрпағымыздың игілігіне қалдыр! Оның қызығы, астындағы байлығы тек халыққа бұйырсын!

Уа, Жасаған! Елімізді жайлаған жемқорлықтан ада етші! Әділдік үстем құрған ізгі қоғамға жеткізші! Халық ішінде озбырдан жәбір көргенге Өзің арашашы болшы!

Алла тағалам! Қазағымның әр баласының көкірегіне білім-ғылымға деген махаббат құйшы! Рухани әлемімен қатар техниканың тілін жетік меңгерген, саналы ұрпақ нәсіп етші!

Тәңірім! Төмен түскен тіліміздің мәртебесін көтерші. Қазақ қазақ боп тұрғанда тек ана тілімізде сөйлеп, ана тілімізде білім алуды бұйыртшы!

Қаңтардың алғашқы кітабы Кристин Ханнаның “Бұлбұл” романы боп жатыр. Ұзағынан сүйіндірсін енді😊 Мына кітапты оқығансыз ба? Пікіріңіз қандай?