Қаңтар айын қорытындыласам:

Өткенде бір блогердің қаңтарды қорытындылаа, жоспарларының орындалғанын айтып жатқанын көріп өз блокнотымды ашқам ғой. Сөйтсем, мен қасқа, жылдық жоспар жасаппын да, қаңтарға мүлдем жоспар жасамаппын 😅Шынын айтсам, жасамағаныма қуанып қалдым 🙈 Сіңлім “Бәрібір жасамайтыныңды білгенсің ғой, сосын жасамағансың” дейді.

Қаңтардың басында Ұлытауда болдық. Жолда ауырыңқырап келдік те, үйге жете бәріміз қатты суықтап ауырып қалдық. Солай қаңтардың жартысынан көбі өте шығыпты. Ех! Уақыт қандай жүйрік, иә?!

Одан бөлек инстаграмымды жүргізуді қолға алдым. Алла күш-қуат берсін деп отырмын енді. Әзірге беталыс жаман емес. Енді ақпан сәтті болғай 🤲

6-ақпан күні құрбым Назеркемен саяхатқа аттандық. АРКТИКАҒА ❤️ Мақсатымыз - Солтүстік поляр шұғыласы мен Солтүстік мұзды мұхитын көру, бұғы жегілген шанаға отыру, кит көру. Солай жердің бір жеріне кеп қалдық. Әзірге бұғы ғана орындалды. Қалғандары ауа райына байланысты боп тұр. Бүгін бұйырып кетсе 🤲

Жаңа ғана Солтүстік поляр шұғыласын көзіммен көріп келдім, достар. Бұл бір ғажап сезім екен 🥹

“Марфуға, армандасаң, осындай дүниелерді арманда. Қалғаны бекер” дедім ғой, шұғыланы көргенде көзім жасқа толып 🥹Көрсеткен Аллаға шүкір! 🤲

Адам қаншалықты ессіз болу керек екен, қақаған қыста мұзды суға түсу үшін 😃 Бірақ осындай арманшыл, жарқын, өмірге құштар Марфуғаның сіздерге ұнайтынын білем. Өзіме де сол Марфуға көбірек ұнайды 😇

Ерекше жақсы көретін қалам Питерге кеп қалдық. Питердің мәдени вайбы қатты ұнайды 😍 Аңсап, сағынвп жеттім ғой, бұл жолы.

Питер Достоевскийдың тұманды, сұр, суық Санкт Петербургі боп тұр, тура.

Жан дүниемде көптеген өзгерістер боп жатқанын сезем. Өйткені жүрегіме нұр құйылғандай, ішкі әлемім махаббатқа, мейірімге толып, сыртқа лықсып шыққысы келетіндей сезім кеудемді кернейді.

Жақын күндері мұның бәрі сыртқа шығып, айналама шуақ боп тарайтынына сенем. Алла соған жеткізсін! Осы күйде, осы сезімде ұзақ, тіпті мәңгі болуды нәсіп етсін, Алла 🤲

Қайырлы күн, қымбатты кітапқұмар оқырмандарым 🤗

Біріңіз білсеңіздер, біріңіз білмессіздер, мен 1 жылдан бері онлайн кітап клубын жүргізіп келемін.

Ол жақта 1 жылда оқыған әлемдік бестселлер 12 кітапты аудио форматта төмендегідей талдап шықтым.

Соның ішіндегі ер мен әйел қарым-қатынасына қатысты ең үздік деген кітаптың үзіндісін сіздермен бөліскім кеп тұр.

Егер клубқа қосылғыңыз келсе алдымен төмендегі аудионы тыңдап, сізге бұндай формат келе ма, жоқ па анықтай аласыз 👇

Гәри Чепмән “Махаббаттың бес тілі” кітабынан үзінді

Махаббаттың екінші тілі - уақытты мазмұнды өткізу.

Көңіл бөлу, әдемі әңгіме.

Мазмұнды іспен айналысу.

Джеймс Клир “Атом әдеттер” кітабынан үзінді

Әдеттер болмысты қалыптастырады немесе бұзады.

Мінез-құлықты өзгертудің үш деңгейі.

Жаман әдеттен қалай арыламыз?

Өзің туралы ойды өзгерту.