Моңғолия сапарынан жарияланбаған екі видео қалған еді. Соның бірін бүгін шығарып отырмын 😊 Монтажын аман-есен аяқтасам, екіншісін де көріп қаларсыздар 😊 Мына видеода Уланбаторды аралағанымыз, Шыңғысханның атақты ескерткішін көргеніміз туралы https://www.youtube.com/watch?v=m1TbGviCoK0

​​​​#мен_оқыған_кітаптар айдары:

📚 МҰХТАР ӘУЕЗОВ. "АБАЙ ЖОЛЫ"

"Абай жолын" 6-сыныптың қысында оқыдым. Онда да ауылда, маздап жанып жатқан пеш түбінде отыратын апама дауыстап оқып беретінмін. Кітаптың соңына келгенде Абайдың өмірден өтетін тұсы бар ғой, сонда апамның "Абай деген дана екен ғой" деп "ах" ұрғаны есте қалыпты. Сосын апам екеуміз Абайдың Әйгерімнен баласы бар ма, жоқ па, соны талқылағанбыз. Апам: "Анау бір тұсында Әйгерім бесік тербетіп отырды дейді ғой. Соған қарағанда" балалары болса керек" дейді. Мен де үнсіз мақұлдаймын. Өйткені біз кітаптағы Әйгерім образын қатты ұнатып, одан Абайдың баласы болғанын шын ниетімізбен тіледік. Құнанбайды ұнатыңқырамай қалғанымыз да жасырын емес. Кейін білдік қой, мұның бәрі көркем дүние екен. Ал нағыз Абай, Құнанбай бейнесі кітаптағыдан да биікте екен.

🌺НЕГІЗГІ ОЙЫ
Әуезовтің негізгі мақсаты осы кітап арқылы Абайды халқымен қауыштыру болғаны анық. Кітап жарық көру үшін көрмеген қиындығы қалмаған жазушының басты мақсаты орындалды. Абай туралы бұдан кейін де қанша жазылды. Бірақ "Абай жолына" жететіні жоқ. Бұдан кейін де қанша биографиялық романдар жазылды, бірақ "Абай жолынан" асқаны жоқ. Абайды танығысы келген адамға бұл шығармадан аттап кетуге болмайды.

🌺 БЕРЕТІН БАҒАМ:
10/10 Рас, тілі қиын, рас, оқу оңай емес. Бірақ өзін, яғни қазақты танығысы келетін адам осы кітапты әйтеуір бір оқу керек деп ойлаймын. "Абай жолын" оқудың қажеті шамалы" дейтіндер оқымай-ақ қойсын. Ал маған бұл кітап керек.

🌺 КІТАПТЫ ҚАЙДАН АЛУҒА БОЛАДЫ?
Кітаптың электронды нұсқасы әдеттегідей төменде 👇

Кітапты қайталап оқып шығуды көптен ойлап жүрмін. Бір сәтін түсіру керек, бұйырса. Ал сіз "Абай жолының" бетін алғаш қашан аштыңыз? Толық оқып шыға алдыңыз ба?

#marfu_reads
#marfu_bookblogger
#марфуғадан_кітап📚
#кітап #книги #bookblogger
#МұхтарӘуезов
#Абайжолы

Шымкенттік достарымды қалаларының мегаполиске айналуымен, түркістандықтарды облыс орталығы болуымен құттықтаймын.

Біраз уақыт бұрын Қожа Ахмет Ясауи туралы жазуды ойлап, Түркістанға арнайы ат басын бұрған едім. Мақаланың жазылу сәті дәл бүгін түскен екен. Ізденіс барысында өзім де көп нәрсе біліп қалдым. Қожа Ахмет Ясауи кесенесінің бірнеше рет қирай жаздауы, Тайқазанның Эрмитажда жарты ғасырдан астам уақыт тұрып, әрең қайтарылуы, тағы бір жәдігерлердің Луврда тұрғаны мен үшін біршама жаңалық болды.

Және осыдан 100 жылдан астам уақыт бұрын Түркістанға Алаш қайраткері Міржақып Дулатов келіп, кесенені толық аралай алмай: “Қожа Ахмет Ясауидің бірнеше бөлмелері бұзылып, құлағалы тұр деп қауіп айтып, үкімет осы күні жауып қойыпты. Абылай хан жатқан бөлме, ақ сарай деген бөлме, зияратхана һәм мешіттің құдығы – бәрі де жабулы. Енді біраз жылдарда бес-алты жүз жыл өмір сүрген Қожа Ахмет Ясауи мешітінің орнында үйіліп бір оба томпайып қалуы ғажап емес» деп көкірегі қарс айырылғаны есіме түсіп, Алаш арысы елестете де алмаған кесененің бүгінгі жай-күйі үшін Аллаға шүкіршілік айттым. Барлығы төмендегі мақалада. Оқи отырыңыздар!


http://islam.kz/kk/articles/islam-jane-tulga/qoja-ahmet-yasaui-kesenesi-qalai-qiratyla-jazdady-2354/#gsc.tab=0

Рамазан зымырап өтіп жатыр. Көзді ашып-жұмғанша Қадір түні жасырылған соңғы он күндігіне де жеттік. Қадір түнін қалай өткізу, ол түні не істеуге болатынына қатысты видео түсірген едім. Қабыл алыңыздар 😊 Видео сілтемеде:

https://www.youtube.com/watch?v=rmDHqGulxek

​#мен_оқыған_кітаптар айдары:

📚 АБДУЛЛА КУЛЬКИБАЕВ. АЛҒАШҚЫ МҰСЫЛМАН ХАЗІРЕТ ХАДИША [р.а.]

Хадиша анамыз - мүмін әйелдердің ішіндегі мен ұқсағым келетін, қатты құрмет тұтатын тұлғам. Оның өмір жолын оқимын да, тек сүйсінемін. Және кей мақалаларыма осы Хадиша анамыздың есімін псевдоним ретінде қолданып жүргеніме біраз жыл болды 😊

🌺НЕГІЗГІ ОЙЫ
Бұл шағын ғана кітапшада Хадиша анамыздың ғибратқа толы ғұмыры баяндалады. Жоғарыда бұл ғажап тұлғаны қатты жақсы көретінімді айтып кеттім ғой. Енді неліктен екендігіне тоқталайын. Шыны керек, “махаббаттың символы кім?” десе, бүкіл әлем бірауыздан Шекспирдің кейіпкерлері Ромео мен Джульеттаны айтады. Ал қазақ Қозысы мен Баяны, Төлегені мен Жібегі, Еңлігі мен Кебегінің қиссасын баяндайды. Бірақ аңызға сенсек, олар – қосыла алмаған ғашықтар. Қосылған күнде олардың бір шаңырақ астында бақытты өмір сүрер, сүрместерін бір Алла ғана білер еді. Ал бір-бірін ұнатып үйленіп, бір-біріне ерекше сүйіспеншілік көрсеткен, бірі өмірден өтсе де екіншісі есінен, жүрегінен еш шығармаған, бір-бірімен өмірлерінде ренжісіп көрмеген Мұхаммед (с.а.у.) пен Хадишаның оқиғасын халық біле ме екен?! Әй, білмейді-ау! Білген болса, Ромео мен Джульеттаны ысырып қойып, “нағыз махаббат Мұхаммед (с.а.у.) пен Хадишаныкіндей болсашы” деп жырға қосар еді...
Бұл - талай жігіттің арманына айналған парасатты Хадиша туралы кітап. Бұл - мінезі жібектей, өзі дана, сұлу Хадиша туралы кітап. Бұл - күйеуіне ешқашан сөз қайтармаған, сәл де болса ауырлық түсірмеген, ешқашан реніш білдірмеген Хадиша туралы кітап. Бұл - нәзік иығымен талай ауыртпалықты көтеріп, Жәннаттан үй сыйға алған Хадиша туралы кітап. Бұл Пайғамбардың ерекше махаббатына бөленіп, дүниеден өтсе де еш естен шықпаған Хадиша туралы кітап.


🌺 БЕРЕТІН БАҒАМ:
7/10 Хадиша анамызға арналып том том кітаптар жазылуы керек деп ойлаймын. Мына кітап анамыз туралы жалпы ақпарат қана береді.


P.s. Қырықтан кейін дүниеге алты бала әкеліп, оларды тәбиелеп, арасында таудағы күйеуіне тамақ тасыған Хадиша! Саған Алла разы болсын! Егер әлемдегі әйелдер сенің даналығың, сенің жүрегіңдегі махаббат туралы білер болса өздеріне өзіңді үлгі етіп алар еді ғой! Алла тағаладан саған аз да болса ұқсауды бар жан тәніммен тілеймін! Әмин!
Ал сіздердің үлгі тұтатын тұлғаларыңыз кім?

#marfu_reads
#marfu_bookblogger
#марфуғадан_кітап:books:
#кітап #книги #bookblogger
#ХазіретХадиша
#АбдуллаКулькибаев

​Рамазанның соңғы күні... Аллаға лайық құлшылық жасай алдық па? Жеткілікті дұға ете алдық па? Келесі оразаға аман жетер ме екенбіз? Бәрі бір Аллаға аян. Алла тағала оразамызды, құлшылықтарымызды қабыл еткей! Келесі Рамазанға аман жеткізгей!
⠀
Ал ертеңгі айт мерекесімен баршаңызды құттықтаймын! 😊 Алла сіздерді жақсылыққа кенелтсін! Пайғамбарымызбен көрші болуды нәсіп етсін! 🤗
⠀
Ораза айтта әр мұсылман істеуі абзал деп танылған амалдарға тоқталайын:
⠀
🌸Айтты үлкен мереке етіп тойлау;
🌸Ораза айт күні әдемі киіну;
🌸Айт намазына жуынып, xош иіс себініп, үйден дәм татып шығу (сәресі ішпейміз, аузымыздың ашық екенін білдіріп, айт намазына дәм татып қана шығамыз);
🌸Айт намазынан бұрын пітір садақасын беру;
🌸Айт намазына барар жолжа іштей тәкбір тәшриқ (Аллаһу әкбар, Аллаһу әкбар. Лә иләһә иллә Аллаһ уа Аллаһу әкбар. Аллаһу әкбару уа ли Лләһил xамд) айту;
🌸Айт намазына қатысу;
🌸Айналамызға жылы шырай таныту, мерекемен құттықтау;
🌸Айттау;
🌸Жақсылық жасау (ата-ана, туған-туыстың қалын білу);
⠀
Мереке тағы да құтты болсын! ☺️
⠀
#иманым_жиғаным💐
#рамазанғажапайсың💕
#marfu_muslima

​​​#кітаптан_қазына айдары: Бұл әйелді бақытты болуға үндейтін кітап. Атауы да сәтті қойылған секілді. Өзім Каид аль-Кандаридің "Не грусти" деген кітабына ұқсаттым. Тілі жеңіл. Бақытты болғыңыз келсе деп мынандай кеңестер ұсынған екен:
⠀
🍀 Иманды болыңыз. Жүрек тыныштығына жетудің ең негізгі жолы - иман.
🍀 Өміріңізді ұлы мақсаттарға негіздеу арқылы жарқын болашаққа нық қадам басыңыз. Ол үшін бүгінгі күніңіз пайдалы істерге толы болсын.
🍀 Кітаппен дос болыңыз. Ол сізге тек қана пайда келтіреді.
🍀 Өзіңізге ұнайтын спорт түрін өміріңіздің бір бөлшегі етіп алыңыз. Өміріңізде бос уақыт болмасын.
🍀 Өміріңіз бірқалыпты болмасын. Демалыс күндерін, бос уақыттарды тиімді пайдалана біліңіз.
🍀 Ұқыптылыққа, тазалыққа қатты мән беріңіз.
🍀 Қандай да бар қателікке бой алдырсаңыз, Алланың өте кешірімді әрі мейірімді екенін ұмытпаңыз.
🍀 Адамдарға жақсылық жасаңыз. Басқаға шынайы ықыласпен жақсылық жасау адамның өмірге деген құлшынысын арттырып, Алла алдында мол сауапқа кенелтеді.
🍀 Ешкімді ренжітпеуге және өзіңіз де ешкімге ренжімеуге тырысыңыз.
🍀 Қол бар нығметтің қадірін біліп, Аллаға шүкір етуді үйреніңіз.
🍀 Жаман ойға берілуден аулақ болыңыз.
🍀 Күнә атаулыдан барышня сақтаныңыз.
🍀 Басқалар сізді түсінгенін қаласаңыз, сіз де оларды түсінуге тырысыңыз.
🍀 Тіліңізге сақ болыңыз. Адам баласының он қателігінің тоғызы тілден екенін ұмытпаңыз.

Жоғарыдағы кеңестердің қайсысын күнделікті өмірде орындап жүрсіз? :] Пікірге жазыңыз. Бұл сіздің толық бақытқа қанша қалғаныныңыздың айғағы болмақ.

#marfu_reads
#marfu_bookblogger
#марфуғадан_кітап📚
#кітап #книги #bookblogger
#Еңбақыттыәйел
#ДаниярСүлейменов

Соңғы күндері өзіме мүлде көңілім толып жүрген жоқ 😔 Жалқау боп кеткен сияқтымын. Сосын өз-өзімді дамытуға арналған кітаптар оқи бастағам. Жаңа ғана Эрик Бертран Ларссеннің "На пределе. Неделя без жалости к себе" деген кітабын бітірдім. Қысқасы, өз-өзімді қолға алмасам болмайтынын түсіндім. Бірақ күнделікке жазылып, бірақ жүзеге аспай қалған жоспарлар қаншама?! Өзіме беріліп, орындалмай қалған уеделер қаншама?! Сол себепті де телеграм каналымды күнделік есебінде қолданып, сіздердің алдарыңызда есеп беріп отырсам деп ойлап отырмын 😊 Мүмкін, жауапкершілікті сезініп, орындайтын шығармын)) Бастысы, әбден әдетке айналғанша, 21 күн, мүмкін одан да көп...
⠀
Сонымен, ертеңнен бастап күнде атқаруым тиіс тізім мынау:
⠀
✅ Сағат 4.30-да ояну:
✅ Он бет Құран түпнұсқа әрі аудармасын оқу (сонда екі ай сайын xатым жасауға болады);
✅ 100 рет истиғфар айту (Алладан кешірім сұрау);
✅ 100 рет Пайғамбарымызға (с.а.у.) салауат айту;
✅ Спортқа кем дегенде жарты сағат арнау (жүгіру, велосипед, секіру, жүру, жаттығу);
✅ Кемінде 3 бет жазу жазу (мақала, сұxбат, ақпарат...);
✅ Ютубке видео салу (Каналыма көбірек көңіл бөлгім кеп жүр. Тұрақты видео салып дамытпасам болмайды);
✅ 100 бет кітап оқу (Оқитын кітаптар жиналып қалды әрі биылғы мақсатыма да жетуге тырысу керек);
✅ Ағылшын тілінен жаңа 10 сөз жаттау.
⠀
Шамам келе ме, келмей ме білмеймін. Бірақ байқап көргім келеді 😊 Есеп беріп отыруым сіздерге қызық бола ма?

👍 - қызық

👎 - қызық емес

ЕСЕП. 1-КҮН

Бүгін жоспарды ұстану өте қиын болды. Орындалғанынан орындалмағаны көп. Режимді әбден бұзып алыппын. Бірақ барынша тырыстым. Тіпті инстаграмға пост жазуға уақытым болмады 😀 Ертең бұдан да жақсы нәтиже болады деген үміттемін ☺️
⠀
⠀
🚫 Сағат 4.30-да ояну (Рамазанда күнім мен түнім ауысып кеткен ғой. Бүгін еш тұра алмадым 😔 Қатты ұялып тұрмын бұл ісім үшін)

🚫 Он бет Құран түпнұсқа әрі аудармасын оқу (ерте тұрмаған соң оқылмады);

✅ 100 рет истиғфар айту (Алладан кешірім сұрау);

✅ 100 рет Пайғамбарымызға (с.а.у.) салауат айту;

🚫 Спортқа кем дегенде жарты сағат арнау. Бұл да таңертеңгі уақыт есебінде болған. Таңда тұрмаған соң орындалмады 😔

✅ Кемінде 3 бет жазу жазу. "Әдебиет порталына" ақынның ертеңгі туған күніне орай Кенен Әзірбаев туралы материал дайындадым. Islam.kz-ке футболист Мұxаммед Салаx туралы мақала бастадым. Ертең бітіру керек, ин ша Аллаһ.

🚫 Ютубке видео салу. Негізі видеом дайын болған. "Замандасың ұсынған үш кітап" айдары бойынша. Бірақ салуға уақытым болмады. Бұл - ақталу, білем. Енді қайталамауға тырысам.

🚫 100 бет кітап оқу. "Ақырет туралы 100 сұрақ" деген шағын кітапты бастағам. 50 беттей ғана оқыдым.

🚫 Ағылшын тілінен жаңа 10 сөз жаттау.
⠀
Бүгін жоспарымның орындалуына "құрбақаны немесе пілді бірінші жеу" әдісін қолдандым. Сол себепті жазатын дүниелерім, яғни ең маңыздылары орындалды 😊 Аллаға шүкір!

🙋🏻‍♀️ - Марфуға, жарайсың! Осы бетіңнен тайма!

🤷‍♀️ - Марфуға, ұят қой! Жоспарды дұрыстап орындамайсың ба?!

Кеше Мұхамед Салах туралы мақала жазып жатырмын деп ем ғой. Бүгін соны бітіріп, жариялап қойдым. Оқи отырыңыздар 😊 Мына футболисті қатты ұнатып қалдым. Сіздерге ше, ұнай ма? Ұнаса лайк, ұнамаса дизлайк басыңыздар. Ұнатапасаңыздар, мақаламды оқып көріңіздерші. Ғашық боп қаласыздар тура 😊 http://islam.kz/kk/articles/islam-jane-tulga/futboldagy-en-meiirimdi-adam-atangan-muhamed-salah-2374/#gsc.tab=0

Бүгін қазақтың Халық ақыны, әнші және композитор Кенен Әзірбаевтың дүниеге келген күні. Маған ұнайтын тұлғалардың бірі. Әндері де әдемі. Қызының есімін "Төрт кемпір бір шал" деп қойған оқиғасына, бір күліп алдым 😊 Қызық сұхбат болған сияқты. Кеше дайындадым деген материалым ғой. Мәәә, мен күніне үш беттен жаза берсем, сіздерге тыныштық бермейтін сияқтымын ғой, қайта қайта материал жариялап 😆 http://adebiportal.kz/kz/news/view/bakitzhan_azirbaev_halik_bazarnazardan_son_kenennin_balalari_bolmagan_dep_oilaidi__20121

Ainel - кітапты көп оқитын замандастарымның бірі. Әрі ойы озық, саяхаттағанды жақсы көреді, спортпен айналысады. Сөйлессең танымың кеңейіп қалады. Алматыда болғанымда Айнельден ютубтегі каналыма арнайы сұхбат алып, замандастарымызға ұсынатын кітаптары туралы сұраған едім. Күштілеп айтып берді ☺

Сосын жастар кітап оқуды қиын нәрсе сияқты көреді ғой. "Оған уақытты қалай табасың?" деп қинала сұрап жатады. Осы Айнель секілді замандастарымыз арқылы кітап оқуды әдетке айналдырудың еш қиындығы жоқ екенін көрсеткім келіп бастағам осы жобаны ☺ Сондықтан кітап оқуды қалай әдетке айналдыруды білгіңіз келсе, Айнельдің әңгімесін тыңдаңыз 😉

Егер Айнель ұсынған кітаптардың электронды нұсқасын осында жіберуімді қаласаңыз, лайк басыңыз. Көбірек лайк жиналса, сіздерге қажет екенін ұғынып, жіберем ғой.


Сілтеме міне:
https://www.youtube.com/watch?v=YoAdetxSZOc

ЕСЕП. 2-КҮН

Бүгінгі күн кешегіге қарағанда тәуірлеу өтті, Аллаға шүкір ☺️
⠀
✅ Сағат 4.30-да ояну. Көзімді тырнап ашып ояндым, шүкір. Сосын намаз, Құран оқып болған соң жазуға отырғам ғой. Ұйқы азғыра бастады. "Кішкене, бір сағат ұйықтап алсайшы" деп. Сосын мен өз миымды алдай бастадым "Бір бетті бітір, ұйықтайсың. Он болсын, ұйықтап алссың деп. Сөйтіп өзіммен алысып отырғанда түс бопты. Түстен кейін қайлула, яғни сүннет бойынша ұйықтап алам деп ойлағам. Алайда жұмыстарым бітпей, ол да қап қойды. Қазір көзім ашылмай, әрең жазып отырмын. Құптанның уақытын күтіп 😊

✅ Он бет Құран түпнұсқа әрі аудармасын оқу. Оқыдым, ерте тұрғанның арқасы. Ибраһим пайғамбардың күшті дұғаларын оқыдым. Әсер еткен аятты жазып тұруым керек-ау.

✅ 100 рет истиғфар айту (Алладан кешірім сұрау);

✅ 100 рет Пайғамбарымызға (с.а.у.) салауат айту;

🚫 Спортқа кем дегенде жарты сағат арнау. Физически шамам да, уақытым да жетпеді 😔 Әйтеуір велосипедімнің кілтін тауып қойдым. Енді Астанадан дөңгелегін тексертетін жер тапсам. Сіздер білмейсіздер ме, сондай жер?

✅ Кемінде 3 бет жазу жазу. Бұл пунктке мақтана алам. Артығымен екі бет жазып, Islam.kz-ке футболист Мұxаммед Салаx туралы мақаламды жариялап қойдым. Уже оқыған шығарсыздар, иә?

✅ Ютубке видео салу. "Замандасың ұсынған үш кітап" айдары бойынша Айнель Әмірxаннан сұxбат алғам, соны жарияладвм. Көріп қойған шығарсыздар, осында бөлістім ғой 😊

✅ 100 бет кітап оқу. "Ақырет туралы 100 сұрақ" деген шағын кітапты кеше бастап ем ғой. Бүгін соны біттім. Ертең инстаға пост жазу керек ол кітап туралы. Бүгін инстаға тағы уақыт болмады.

🚫 Ағылшын тілінен жаңа 10 сөз жаттау. Ағылшын ең әлсіз тұсым 😬
⠀
Бүгін жоспарымның орындалуына "қызанақ" әдісін қолдандым. Соның арқасында телефонымды ұмытып кетіп, жазуымды бітіріп алдым😊 Аллаға шүкір!

🙋🏻‍♀️ - Марфуға, жарайсың! Осы бетіңнен тайма!

🤷‍♀️ - Марфуға, ұят қой! Жоспардың қалған екі пунктын қашан орындайсың?

Бұрын мен қыздар алдымен намаз оқиды, сосын орамалға келеді деп ойлайтынмын. Сөйтсем, бірінші орамал тағып алып, сосын намаз оқитын қыздар да болады екен! Сенбесеңіздер Айжанның оқиғасын көріңіздер! 😊
https://youtu.be/KYCJPxJxd7I

ЕСЕП. 3-КҮН

Негізі жоспармен жүру деген оңай емес екен. Кәдімгідей шаршап қалдым бүгін. Алайда орындалмаған пункттер көп 😔
⠀
✅ Сағат 4.30-да ояну. Оянуын ояндым ғой, бірақ 06.00де шыдамай қайта ұйықтап қалғаным болмады енді ☹️

✅ Он бет Құран түпнұсқа әрі аудармасын оқу. Таң намазынан соң оқыдым. Күнімді Құраннан бастауды әдетке айналдыруым керек.

✅ 100 рет истиғфар айту (Алладан кешірім сұрау);

✅ 100 рет Пайғамбарымызға (с.а.у.) салауат айту;

🚫 Спортқа кем дегенде жарты сағат арнау. Сөзім жоқ. Құраннан кейін далаға шығып кетуім керек еді.

🚫 Кешегі Салаx туралы мақаламның буы ма, бір бет жазбадым ғой, бір бет 😬

✅ Ютубке видео салу. "Мен қалай орамал тақтым?" айдарына Айжанмен сұxбатымды жарияладым.

🚫 100 бет кітап оқу. Сіздердің инстаграмда берген дауыстарыңызғс орай "Марсты" емес, "Ислам тариxы" деген кітапты бастағам. Бар-жоғы 30-ақ бет оқыдым(

🚫 Ағылшын тілінен жаңа 10 сөз жаттау. Бастадым бастысы, онға жетпедім-ау бірақ.

Смайликтерді басып, қолдау білдіріп қойыңыздаршы. Сол жақтан біліп жүрейін сіздерге қызық екенін 😊

🙋🏻‍♀️ - Марфуға, жарайсың! Жалғастыра бер!

🤷‍♀️ - Марфуға, сөзіңде тұра алмайды екенсің.

#онлайнкүнделік
#Марфуданесеп
3/100

Бүгін есеп болмайды. Жаңа ғана Марғұлан Сейсембайдың жоспарлау туралы 2 сағаттық лекциясын тыңдап біттім. Обшым жоспарды дұрыс құрмаған екенмін 😔 Алла қаласа, алдағы бірер күнде ол кісі үйреткен тәсілмен құрып, қайта жариялаймын. Осы бір лекцияға кезіккенім жақсы болды. Әйтпесе қате бағытқа кетіп бара жатыр екем 😊

Айтпақшы, достар! Сіздердің көпшілігіңіз Марғұлан Сейсембайдың сол жоспарлау туралы лекциясын сұраған едіңіздер. мінекей, пайдалы ілім болсын! https://www.youtube.com/watch?v=hOe7V1qcdrc&t=4481s

Жоспармен жүресіз бе?

▪️ 23% (212) Иә
🔸🔸

▫️ 76% (675) Жоқ
🔸🔸🔸🔸🔸🔸🔸🔸
👥 887 - всего голосов

Бүгін қазақ поэзиясының дүлдүлі, Алаш үкіметінің көрнекі қайраткері, ұлт мақтанышы Мағжан Жұмабаевтың туған күні. “Өзі – от, өзі – жалын” ақынның поэзиясы нәзік, сыршыл лирикаға ғана емес, үлкен рухқа да толы. Және “Алла”, “Тәңір”, “Жаратқан” деген сөздер өзгелеріндей емес, Мағжан ақында жиі кездеседі. Соған қарамастан, өзін “пайғамбарға” балап өлең жазған да осы – Мағжан. Ақын өзін расымен пайғамбар сезінді ме, жоқ әлде бұл әдеби көркемдеуден туған дүние ме? Міне, кезекті мақаламыздың зерттеуін осы төңіректе жүргізіп көрген едік. http://islam.kz/kk/articles/islam-jane-tulga/magjan-aqyn-ozin-nege-paigambar-atady-1467/#gsc.tab=0