​Ерекше қуанып отырмын 😊 Өйткені көптен қолға алып, бітіре алмай жүрген екінші саммариымды біттім. Осыған дейін Хэл Элродтың “Магия утра” кітабының саммариін жылы қабылдап, ерекше қызығушылықпен оқыған едіңіздер. Оны әлі күнге дейін сұрайтындар көп. Өздеріңіз де білесіздер, қазіргі ақпарат көп заманда толық кітапты оқығаннан саммариін оқыған әлдеқайда тиімді әрі қайталап оқып, еске түсіріп отыруға да қолайлы. Бұл кітап та көңілдеріңізден шығар деген үміттемін.

Ресейдің белгілі коуч-тренері, психолог, көптеген бестселлер кітаптардың авторы Лариса Ренардың дәл осы “Күйеуіңді миллионер қыл” кітабына қызығушылығым бір құрбымның рецензиясынан кейін туды. Ол құрбым өз тәжірибесінде осы кітаптағы жаттығуларды қолдану арқылы отбасындағы финанстық жағдайын ретке келтіріп жатқанын, оң өзгерістердің көп екенін айтты. Бұл жағдай мені бей-жай қалдырмады. Күйеуінің жақсы табыс тапқанын қаламайтын әйел бар ма?! Тек соған апаратын жолды білмей жүр емеспіз бе? Ал бұл кітап сол бағыттағы шамшырақ іспетті.

Кітапты өзім ғана оқып қоймай, сіздерге де пайдасы тисін деп ойланбай таңдадым. Әрине, кітаптағы ақпаратпен келісетін тұстар өте көп. Жаңадан білген дүнием де аз емес. Сонымен қатар, менің діни ұстанымым мен көзқарасыма қарама-қайшы тұстары да жоқ емес. Бірақ кітап авторы мен емес, Лариса Ренар әрі мен тек мазмұндаушы болғаннан кейін кітапқа өз қөзқарасымды таңбағаным жөн шығар деген оймен сол қалпында беруге тырыстым. Кітапта 500-ге жуық бет бар. Мен соның ең қажет тұсын алып, 40 бетке сыйғыздым.

Бұл тұрмыстағы әйелдерге де, тұрмысқа шыққалы жүрген қыздарға да өте пайдалы кітап. Тіпті әйелдерінің әрекетіне қарап отырмай, түрлі жаттығуларды меңгеріп алуға ерлердің өзі де оқитын кітап. Ал, қабыл алыңыздар! Игіліктеріңізге жаратыңыздар! Бай-бақуатты болыңыздар!

Кітапты marfu.kz сайтына төлем жасап, алуларыңызға болады. Каспи голд арқылы алғыларыңыз келсе, жекеге жазыңыздар 😉

Түркия видеолары аяқталуға жақын. Мынау Анталиядан. Бұл бір әдемі жер екен 😊 https://www.youtube.com/watch?v=hH1FFLcZHZQ&t=1s

Өздеріңіз жиі сұраған сұраққа жауап: https://www.youtube.com/watch?v=nJIk3y-zTV0

Бір бай кісіден сұрапты:
- Байлыққа қалай қол жеткіздіңіз? - деп,
- Алла Тағаламен жарысып қол жеткіздім - депті ол.
- Астапралла. Алламен қалай жарысасыз? - десе, Бай:
- Ол маған ризық береді, мен оны мұқтаж жанға беріп тастаймын. Осылайша, берген сайын, мен де беріп отырамын. Ол берген сайын, мен де беремін... Бірақ, бəрібір Алла ұтып кетеді, - деген екен...

Бүгін апамнан айрылып қалғанымызға үш күн болды 😔 Жасы 90-ға келсе де, қимайды екенсің. Етегіне оралып өскен ем. Ес білгелі көрген-білгенім, танығаным апам еді.
⠀
Мен мейірім дегеннің қандай болатынын апама қарап ұқтым. Махаббат дегеннің қандай болатынын апам арқылы сезінген ем.
⠀
Жаның жәннатта болсын, апа! Бізді мейірімге бөлегеніңіздей Алла сізді мейіріміне бөлесін!
⠀
Youtube-тегі каналыма апамды түсіріп алғаным қандай жақсы болған?! Енді естелік боп қалды.
⠀
https://www.youtube.com/playlist?list=PLV1S_zPetzNLsNWdIr4imN-wcnlYwkwQr

Қажылыққа бару қанша тұрады? Оның ішінде үлкен қажылық пен кіші қажылықтың бағасы қандай? Бұл сұрақтарға жауап алу үшін төмендегі сілтеме арқылы видеоны көріңіз.

https://www.youtube.com/watch?v=0PXxwUlTB7s

⠀⠀

Былтыр жасаған Рамазан жоспары еді. Биыл да пайдаларыңызға жарап қалар. Оразаларыңыз қабыл болсын!

Ұстаған оразаларыңыз қабыл болсын! Рамазан айы құтты болсын!

Бұл өзі көзді ашып-жұмғанша жалт етіп өте шығатын ай ғой. Бүгін басталғанына қуанып жатсақ, ертең "тез-ақ өте шықты ма?" деп, лайықты өткізе алмағанымызға ішіміз күйгендей боп жүреміз. Сондықтан алғашқы күннен жақсылап жоспар жасап, ниетімізді тағы бір жаңартып, тас түйін дайындалып алмасақ болмайды.

Жалпы жылда Рамазанға үлкен жоспармен кіретінмін. Әлгі жоспардың ішінде не жоқ, Құдай-ау, бәрі бар. Дұға, Құран, хадис, Алланың көркем есімдерін жаттау, намаздың небір түрін оқу, Құран хатым ету, садақа беру, ауызашар жасау, жақсылық жасау, айта берсең көп енді. Алғашында шабыттанып бәрін орындап жүргеніңмен, соңында болдырған аттай мәреге жетпей, ортасында көбі үзіліп жатады. Сондықтан осы қателігімді ескеріп, бұл Рамазанда өзіме көп алмауға бел будым)) Одан да нақты бірер мақсат қояйын, сосын соны орындайын әрі Рамазан біткеннен кейін де жалғастырайын. Сіздерге де солай нақты үш мақсат қойып, соны жүйелі, шаршап қалмай орындауға кеңес беремін.

Ал менің мақсаттарым мынадай:

1. Құраннан күніне 1 пара оқу. Сонда 30 күнде толық хатым етемін, Алла қаласа.
2. Шүкірлік күнделігін жүргізу. Мұны да бір істеп, бір істемейтін едім ғой. Енді үзбей жүргізіп, оразадан соң да әдетке айналдырғым келеді.
3. Күніне 100 бет діни кітап оқу, ондағы алған жаңа ақпараттарыммен бөлісу.
4. Күйеуіме ауызашарға дәмді тамақ әзірлеп беру.
5. Ютуб каналға күнде "Ауызашар күнделігі" деген влогтар мен пайдалы лайфхактар түсіру.

Қалған сауапты істерді Алла қаласа, осылардан бөлек шамам келіп жатса орындай жатамын. Ал мыналардың орындалуы міндетті. Сіздер де қосылыңыздар. Осы жазбаның астына өз мақсаттарыңыз туралы жазыңыздар. Бір-бірімізге күнде есеп берелік. Сонда нәтижелі боп қалар, бұйыртса.

Хэштег #марфуғамен_рамазан

Оразаны биыл нешінші жыл ұстап жатырсыз? Алғаш ұстап жүрген болсаңыз, бұл видео сіз үшін 😊

https://youtu.be/CIiCvvBZP7k

Балалар ораза туралы не ойлайды? Қызық па? Онда жаңа видеомды көріңіз. Сілтемесі төменде:

https://www.youtube.com/watch?v=jjNMlokMAPg&t=1s

Оразаның денсаулыққа пайдасы жөнінде көп естіген боларсыз?! Ал нақты қандай ауруларды емдейтінін менің каналымдағы жаңа видеодан көріңіз!

Сілтемесі төменде:
https://youtu.be/lXdkyHo2OBU