📌Dehqon bozorida narx-navo, mahsulotlar yetarliligi va xavfsizlik holati o‘rganildi.

🤝 Xalq deputatlari Marhamat tumani Kengashi kotibiyati mudiri I.Aliqulov, tuman Kengashi deputati Z.Roziqov hamda Adliya vazirligi huzuridagi "Madad" NNT Marhamat tumani huquqiy maslahat byurosi bosh mutaxassisi O.Botirov hamkorligida tuman dehqon bozorida o‘rganish ishlari olib borildi.

🥦 O‘rganish davomida aholi kundalik iste’moli uchun eng zarur bo‘lgan oziq-ovqat mahsulotlarining bozordagi mavjudligi, yetarliligi va narx-navo holatiga alohida e’tibor qaratildi. Mahsulotlarning xaridorlarga taklif etilayotgan narxlari bilan bir qatorda, aholining zarur mahsulotlarni erkin xarid qilishi uchun yaratilgan sharoitlar ham ko‘zdan kechirildi.

🗣 Shuningdek, bozorga tashrif buyurgan xaridorlar bilan suhbatlar o‘tkazilib, ularning narx-navo, mahsulotlar sifati va sotuvchilarning muomalasi yuzasidan fikr-mulohazalari tinglandi. Xaridorlarga xizmat ko‘rsatish jarayoni, sotuvchilarning xushmuomalaligi, odob-axloq qoidalariga rioya etishi hamda aholiga qulay savdo muhitini yaratish masalalariga e’tibor qaratildi.

📹 Bundan tashqari, bozor hududida jamoat tartibi va xavfsizligini ta’minlash holati, kuzatuv kameralarining mavjudligi va ulardan foydalanish masalalari ham o‘rganildi. Ushbu choralar bozorda xavfsiz muhitni ta’minlash, huquqbuzarliklarning oldini olish hamda xaridorlar va sotuvchilar uchun qulay sharoit yaratishda muhim ahamiyatga ega.

⚖️ Mazkur o‘rganishdan ko‘zlangan asosiy maqsad aholining iste’mol tovarlariga bo‘lgan ehtiyojini o‘rganish, bozordagi narxlar barqarorligi va mahsulotlar yetarliligini kuzatib borish, shuningdek, fuqarolarning huquq va manfaatlarini himoya qilishga qaratilgan.

Marhamat tumani hokimligi
Matbuot xizmati

Samarqandda O‘zbekiston Respublikasi Birinchi xonimi Ziroat Mirziyoyeva tashabbusi bilan tashkil etilgan “Bolalar farovonligiga investitsiya: kelajak avlodlarning barqaror va adolatli taraqqiyoti sari yo‘l” butunjahon sammiti o‘z ishini boshladi.

Anjumanda turli mamlakatlarning birinchi xonimlari, BMT, UNICEF, Jahon banki, JSST va boshqa xalqaro tuzilmalarning yuqori martabali vakillari ishtirok etmoqda.

Sammitning ochilish marosimida Prezident Shavkat Mirziyoyevning anjuman ishtirokchilariga tabrigini o‘qib eshittirdim.

Davlatimiz rahbari murojaatida bolalar farovonligi, avvalo, ularning bugungi hayoti bilan bog‘liq ekani ta’kidlangan. Har bir bola hozirning o‘zida mehr, xavfsizlik, sifatli ta’lim va zarur tibbiy yordamga haqli. Shu bois, bolalikka sarmoya davlat siyosatida izchil va barqaror o‘rin egallashi zarur.

O‘zbekistonda bu borada olib borilayotgan islohotlar natijasida maktabgacha ta’lim qamrovi 27,7 foizdan 78 foizga oshdi, so‘nggi besh yilda bolalar kambag‘alligi qariyb to‘rt baravar qisqardi.

Inklyuziv maktablar soni ham sezilarli ko‘paydi. Prezidentimiz bu ishlarning haqiqiy natijasi har bir oila hayotida sezilishi kerakligiga e’tibor qaratdi.

Bola hayotining ilk davridan uzluksiz ko‘makni kuchaytirish, ona salomatligi, to‘g‘ri ovqatlanish, erta rivojlanish va maktabgacha ta’limni o‘zaro bog‘lash muhimligi ta’kidlandi.

Bolalarning og‘ir kasalliklarini, jumladan, onkologik xastaliklarni erta aniqlash va davolashda xalqaro hamkorlikni kengaytirish zarurligi qayd etildi.

Davlatimiz rahbari Birinchi xonimlarning bolalar onkologiyasi bo‘yicha xalqaro hamkorlik tashabbusini qo‘llab-quvvatladi.

Bolalar uchun xavfsiz ta’lim va raqamli muhit yaratish, ularni zo‘ravonlik va ekspluatatsiyadan himoya qilish ham murojaatning muhim yo‘nalishlaridan bo‘ldi.

Prezidentimiz bolalarning o‘zlariga daxldor xizmatlar haqidagi fikrini eshitishga chaqirib, hamkorlikni davom ettirish uchun Samarqand platformasini amaliy muloqot mexanizmi sifatida shakllantirishni taklif etdi.

Bizning sahifalarimiz:

🕊Telegram   📱Instagram
📱Facebook  🌐Web