🇺🇿 MARHAMAT TUMANIDA “PAYSHANBA — YOSHLAR KUNI” DOIRASIDA UCHRASHUV O‘TKAZILDI

Bugun, payshanba — Yoshlar kuni munosabati bilan Marhamat tumanida yoshlarning muammolarini o‘rganish, ularning taklif va tashabbuslarini qo‘llab-quvvatlash, bandligini ta’minlash hamda intellektual salohiyatini oshirishga qaratilgan uchrashuvlar va davra suhbatlari tashkil etilmoqda.

Xususan, Marhamat tumani hokimi Ilyosbek Umrzaqov tuman hokimligida yoshlar bilan uchrashib, ularning taklif va tashabbuslarini tingladi. Muloqot davomida yoshlarni qiynayotgan masalalar, ularning ta’lim olishi, kasb-hunar egallashi, bandligini ta’minlash, tadbirkorlik faoliyatini yo‘lga qo‘yishi hamda bo‘sh vaqtini mazmunli tashkil etish bilan bog‘liq takliflar muhokama qilindi.

Tuman hokimi yoshlarning tashabbuslarini qo‘llab-quvvatlash, ularning bilim va salohiyatini ro‘yobga chiqarish, yangi g‘oyalarini amaliyotga tatbiq etish uchun zarur shart-sharoitlar yaratish muhimligini ta’kidladi.

Uchrashuv davomida bildirilgan takliflar va ko‘tarilgan masalalar yuzasidan tegishli mas’ullarga vazifalar belgilash, har bir murojaatni o‘rganib, amaliy yechim topish masalalariga alohida e’tibor qaratildi.

Yoshlar — kelajagimiz bunyodkorlari! Ularning har bir tashabbusini qo‘llab-quvvatlash, intilishlariga ko‘maklashish va salohiyatini ro‘yobga chiqarish Marhamat tumanida amalga oshirilayotgan ishlarning muhim yo‘nalishlaridan biridir.

Marhamat tumani hokimligi
Matbuot xizmati.

Marhamat tumanida ''Payshanba yoshlar kuni'' munosabati bilan mahalla yoshlari o‘rtasida sport musobaqalari davom etmoqda.

Marhamat tumani Markaziy o'yingohda mahalla yoshlari o‘rtasida sportning yengil atletika turi bo'yicha yoshlar kuni munosabati bilan musobaqa o‘tkazildi.

✔️ Bellashuvlarda yoshlar o‘zaro kuch sinashib, sport mahorati va chaqqonliklarini namoyon etmoqda.

✅ Mazkur musobaqalar yoshlar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish hamda iqtidorli yoshlarni aniqlashga xizmat qiladi.

Marhamat tumani hokimligi
Matbuot xizmati.

🇺🇿 MARHAMAT TUMANIDA “YOSHLAR KUNI” DOIRASIDA PROFILAKTIK TADBIRLAR O‘TKAZILDI

Marhamat tumani IIB boshlig‘i, podpolkovnik R.Z. Jalolidinov tomonidan “Yoshlar kuni” tadbirlari doirasida yoshlar bilan uchrashuv tashkil etildi.

Jumladan, Marhamat tumani Shomat MFY hududida joylashgan 19-sonli umumta’lim maktabi binosida bandligi ta’minlanmagan, tadbirkorlik faoliyatini boshlash istagida bo‘lgan uyushmagan yoshlar hamda otaliqqa olingan yoshlar ishtirokida uchrashuv va profilaktik tadbirlar o‘tkazildi.

Uchrashuv davomida yoshlar o‘rtasida huquqbuzarliklarning oldini olish, jinoyatchilikka qarshi kurashish, ularni kasb-hunarga yo‘naltirish, bandligini ta’minlash hamda tadbirkorlik faoliyatiga qiziqishini qo‘llab-quvvatlash masalalariga alohida e’tibor qaratildi.

Shuningdek, yoshlar bilan ochiq muloqot davomida ularning muammolari, taklif va tashabbuslari o‘rganilib, mavjud muammolarni bartaraf etish yuzasidan tegishli choralarni ko‘rish masalalari muhokama qilindi.

Bunday uchrashuvlar yoshlarning hayotda o‘z o‘rnini topishi, ularning bandligini ta’minlash, qonunbuzilishlarning barvaqt oldini olish hamda yoshlar bilan manzilli ishlash samaradorligini oshirishga xizmat qiladi.

Marhamat tumani hokimligi
Matbuot xizmati.