Payshanba — Yoshlar kuni doirasida “Oila ilmi maktabi”ning navbatdagi mashg‘uloti tashkil etildi.

Marhamat tumanida yoshlarning oilaviy hayotga puxta tayyorgarligini ta’minlash, oilaviy qadriyatlarni mustahkamlash hamda sog‘lom va farovon oilalarni shakllantirishga qaratilgan tadbirlar izchil davom ettirilmoqda.

“Payshanba — Yoshlar kuni” munosabati bilan Marhamat tumani hokimi o‘rinbosari, Oila va xotin-qizlar bo‘limi boshlig‘i X.Mamarizayeva boshchiligida tumandagi yosh nikohlanuvchi shaxslar uchun “Oila ilmi maktabi”ning navbatdagi mashg‘uloti tashkil etildi.

Mashg‘ulot davomida yoshlar bilan sog‘lom oilaviy muhitni yaratish, oilada o‘zaro hurmat, mehr-oqibat va hamjihatlikni mustahkamlash, er-xotin o‘rtasidagi munosabatlarni to‘g‘ri yo‘lga qo‘yish hamda oilaviy mas’uliyat masalalari yuzasidan atroflicha tushunchalar berildi.

Tuman tibbiyot birlashmasi shifokori A.Saidakbarov tomonidan sog‘lom oilani shakllantirishda yoshlarning tibbiy savodxonligini oshirish, nikohdan oldingi tibbiy ko‘rikning ahamiyati, sog‘lom avlodni voyaga yetkazish, bexatar onalik hamda oilani to‘g‘ri rejalashtirish bo‘yicha zarur tavsiya va maslahatlar berildi.
Tadbir davomida yoshlarning oila qurishga qay darajada tayyor ekanliklarini aniqlash, ularning fikr va qarashlarini o‘rganish maqsadida maxsus test sinovlari ham o‘tkazildi.
Mazmunli va samimiy ruhda tashkil etilgan uchrashuv yakunida yoshlar o‘zlarini qiziqtirgan savollarga mutaxassislardan batafsil javob oldilar.

Mustahkam oila — jamiyat barqarorligi va kelajak avlod farovonligining muhim poydevoridir.

Marhamat tumani hokimligi
Matbuot xizmati

“Yoshlar kuni” munosabati bilan Marhamat tumani prokurori U.Azimov tashabbusi bilan tumandagi 2- son texnikumda uyushmagan yoshlar ishtirokida ochiq muloqot va qabul tashkil etildi.

Mazkur uchrashuv yoshlar bilan bevosita muloqot o‘rnatish, ularning muammo va takliflarini tinglash, mavjud muammolarga amaliy yechimlar ishlab chiqish hamda yoshlarni har tomonlama qo‘llab-quvvatlashga qaratilgani bilan alohida ahamiyat kasb etdi.

Tadbir davomida yoshlar o‘rtasida huquqbuzarliklarning oldini olish, ularning huquqiy savodxonligini oshirish, huquqiy madaniyatni yuksaltirish, bandlikni ta’minlash, kasb-hunar egallash va tadbirkorlikka jalb etish masalalari atroflicha muhokama qilindi. Shuningdek, yoshlarni turli zararli illatlardan asrash, ularning bo‘sh vaqtini mazmunli tashkil etish, ijtimoiy faolligini oshirish borasida ham muhim fikr va takliflar ilgari surildi.

Prokuror o‘z nutqida yoshlarni qonunlarga hurmat ruhida tarbiyalash, ularning huquq va manfaatlarini himoya qilish, jamiyatda munosib o‘rin egallashlari uchun zarur shart-sharoitlar yaratish ustuvor vazifa ekanini ta’kidladi. Shu bilan birga, har bir yoshning ta’lim olish, kasb o‘rganish va o‘z salohiyatini ro‘yobga chiqarishi uchun mavjud imkoniyatlardan samarali foydalanishi zarurligi qayd etildi.
Uchrashuv yakunida yoshlarning murojaat va takliflari tinglanib, ularning ayrimlariga joyida huquqiy tushuntirishlar berildi, yechim talab etuvchi masalalar esa tegishli tartibda nazoratga olindi.

Marhamat tumani hokimligi
Matbuot xizmati

Marhamat tumanida “Besh tashabbus olimpiadasi” doirasida musobaqalar davom etmoqda.

Marhamat tumanida umumta'lim maktablari o‘quvchilari o‘rtasida “Besh tashabbus olimpiadasi” doirasida ''Voleybol” musobaqalarining tuman bosqichlari bo‘lib o‘tdi.

✅ Qiziqarli va murosasiz kechgan bahslarda jamoalar o‘zaro kuch sinashib, hamjihatlik, chaqqonlik va g‘alabaga intilishni namoyon etdilar. G'olib bo'lgan jamoalar tashkilotchilar tomonidan munosib taqdirlandilar.

✔️ Musobaqalar yoshlarni sportga keng jalb etish, sog‘lom raqobat muhitini shakllantirish hamda jamoaviy hamjihatlikni mustahkamlashga xizmat qildi.

Marhamat tumani hokimligi
Matbuot xizmati