📌 MARHAMAT TUMANIDA O‘QUVCHILAR KENGASHI SAYLOVINING TUMAN BOSQICHI O‘TKAZILDI

🏆 Marhamat tumani “Kelajak” markazi tomonidan O‘quvchilar kengashi saylovining tuman bosqichi ko‘tarinki ruhda, yuqori saviyada tashkil etildi.

Tadbirni markaz direktori J.Rustamov kirish so‘zi bilan ochib berib, o‘quvchilar kengashining yoshlar hayotidagi o‘rni, o‘quvchilarning tashabbuslarini qo‘llab-quvvatlash hamda ularning yetakchilik salohiyatini yuzaga chiqarish muhimligini ta’kidladi.

🗳 Saylov jarayonida ishtirok etgan nomzodlar o‘zlarining maqsad va rejalari, ilgari surayotgan tashabbuslari hamda kelgusidagi faoliyat yo‘nalishlari haqida fikr bildirdilar. Ular o‘z bilim va salohiyatlarini namoyon etib, tengdoshlari ishonchini qozonish yo‘lida o‘z takliflarini taqdim etdilar.

🤝 Tadbir davomida o‘quvchilarning o‘zini o‘zi boshqarish tizimini rivojlantirish, yoshlar tashabbuslarini ro‘yobga chiqarish hamda ta’lim muassasalarida faol va mas’uliyatli o‘quvchilar yetakchiligini kuchaytirish masalalariga alohida e’tibor qaratildi.

🌟 Mazkur saylov yoshlarning ijtimoiy faolligini oshirish, ularda mustaqil fikrlash, jamoa bilan ishlash, mas’uliyatni his etish va yetakchilik ko‘nikmalarini shakllantirishga xizmat qiladigan muhim jarayon bo‘ldi.

Zero, bugungi faol va tashabbuskor yoshlar — ertangi kunning yetakchilaridir!

Marhamat tumani hokimligi
Matbuot xizmati

🌾 MARHAMAT TUMANIDA QISHLOQ XO‘JALIGI MASALALARI MUHOKAMA QILINDI

Marhamat tumani hokimi I.Umrzaqov, tuman prokurori U.Azimov hamda tuman IIB boshlig‘i R.Jalolidinov ishtirokida qishloq xo‘jaligi sohasi mas’ullari va fermer xo‘jaliklari rahbarlari bilan yig‘ilish o‘tkazildi.

Yig‘ilishda qishloq xo‘jaligi sohasida belgilangan vazifalarni o‘z vaqtida va sifatli bajarish, mavjud imkoniyatlardan samarali foydalanish masalalariga alohida e’tibor qaratildi.

Xususan, paxta yig‘im-terimi mavsumini yakunlash, g‘alla ekish ishlarini jadallashtirish va belgilangan muddatlarda yakunlash yuzasidan tegishli topshiriqlar berildi. Fermer xo‘jaliklari rahbarlariga dala ishlarini sifatli tashkil etish, agrotexnik tadbirlarga qat’iy rioya qilish hamda ekin maydonlaridan samarali foydalanish vazifalari yuklatildi.

Shuningdek, PQ-322-sonli qaror ijrosi doirasida fermer xo‘jaliklariga qarashli dala chetlarida molxonalar tashkil etish, qoramol boqishni ko‘paytirish, chorvachilik yo‘nalishini rivojlantirish hamda qo‘shimcha daromad manbalarini yaratish masalalari muhokama qilindi.

Yig‘ilish yakunida belgilangan vazifalar ijrosini ta’minlash, mas’ul tashkilotlar va fermer xo‘jaliklari rahbarlari o‘rtasida hamkorlikni kuchaytirish hamda ishlarni tizimli tashkil etish yuzasidan aniq vazifalar belgilab olindi.

Marhamat tumani hokimligi
Matbuot xizmati

📚 “JADIDLAR IZIDAN” — MARHAMAT TUMANI BOSQICHI BO‘LIB O‘TMOQDA!

🏆 Yoshlar jadidlar merosini o‘rganish yo‘lida

🇺🇿 Marhamat tumanida yosh avlodning ma’naviy-intellektual salohiyatini yuksaltirish, kitobxonlik madaniyatini keng targ‘ib etish, shuningdek, jadid bobolarimizning boy ilmiy, adabiy va ma’rifiy merosini chuqur o‘rganishga qaratilgan “Jadidlar izidan” ko‘rik-tanlovining tuman bosqichi bo‘lib o‘tmoqda.

📖 Mazkur tanlov yoshlar qalbida milliy tariximizga hurmat, ajdodlarimizning bebaho merosiga ehtirom tuyg‘ularini shakllantirish, ularni ilm-fan, ma’rifat va kitobxonlikka keng jalb etishda muhim ahamiyat kasb etadi. Tanlov orqali ishtirokchilarning bilim va dunyoqarashi, mustaqil fikrlash qobiliyati, izlanishga bo‘lgan intilishi hamda o‘z fikrini erkin va ravon ifoda etish ko‘nikmalarini namoyon etishlari uchun imkoniyat yaratilmoqda.

📚 Jadid bobolarimiz — millatni uyg‘otishga, xalqni ilm-ma’rifat sari boshlashga intilgan buyuk ma’rifatparvarlardir. Ular o‘z davrining murakkab sharoitlariga qaramay, xalqning savodxonligini oshirish, zamonaviy ta’limni rivojlantirish, yoshlarni bilimli va dunyoqarashi keng insonlar etib tarbiyalash yo‘lida fidokorona faoliyat olib borganlar. Mahmudxo‘ja Behbudiy, Abdulla Avloniy, Abdurauf Fitrat, Munavvarqori Abdurashidxonov kabi ulug‘ ajdodlarimizning hayoti va ijodi bugungi avlod uchun ham ibrat maktabidir.

✨ Jadidlar ilgari surgan ma’rifat, taraqqiyot, milliy o‘zlikni anglash va yuksak ma’naviyat g‘oyalari bugun ham o‘z dolzarbligini yo‘qotmagan. Ularning asarlarini o‘qish, hayot yo‘lini o‘rganish va ezgu g‘oyalarini anglash yoshlarning Vatanga muhabbat, milliy qadriyatlarga sadoqat hamda kelajak oldidagi mas’uliyat tuyg‘ularini yanada mustahkamlaydi.

🏅 “Jadidlar izidan” ko‘rik-tanlovi yoshlarni mutolaa qilishga, tarixiy manbalarni o‘rganishga, ajdodlar merosidan saboq olishga va o‘z bilimlarini muntazam boyitib borishga undaydi. Bunday ma’rifiy tashabbuslar yosh avlodning intellektual salohiyatini ro‘yobga chiqarish, iqtidorli yoshlarni qo‘llab-quvvatlash hamda kitobsevar avlodni voyaga yetkazishda alohida o‘rin tutadi.

🌿 Ajdodlar merosini o‘rganish — kelajakni anglash, ma’rifatga intilish esa taraqqiyot sari dadil qadamdir!

Marhamat tumani hokimligi
Matbuot xizmati

🇺🇿 JUMA — “MILLIYLIK KUNI”

📚Marhamat tumanidagi umumta’lim maktablarida juma — “Milliylik kuni” munosabati bilan o‘quvchilar milliy liboslarda dars mashg‘ulotlarida ishtirok etmoqdalar.

✨ Milliy liboslarimiz — xalqimizning boy tarixi, betakror madaniyati va yuksak ma’naviyatining yorqin ifodasidir. Bunday ezgu tashabbuslar yosh avlod qalbida milliy qadriyatlarga hurmat, milliy o‘zlikni anglash va milliy an’analarga sadoqat tuyg‘ularini mustahkamlashga xizmat qiladi.

🌿 Milliy qadriyatlarimiz — faxrimiz, milliy liboslarimiz — ko‘rkimiz!

Marhamat tumani hokimligi
Matbuot xizmati