Республика ўрта тиббиёт ва фармацевтика ходимлари малакасини ошириш ва уларни ихтисослаштириш маркази®
11.8K subscribers
1.35K photos
230 videos
37 files
745 links
Hujjat qabul qilish bo`yicha Tel ☎️ 902154731

1 ойлик ўқиш 1.129.468 сўм
1,5 ойлик ўқиш 1.678.452 сўм
2 ойлик ўқиш 2.227.436 сўм
3 ойлик ўқиш 3.325.404 сўм
4 ойлик ўқиш 4.423.372 сўм
Download Telegram
Бир марталик шприцлардан  фойдаланиш учун
«тери ичига» «мушак орасига»,«тери остига», .«венага» қулланиладиган игналар узунлиги, кесими ва тешик шакли билан фаркданади.
Игналар қатъий кўрсатма бўйича қўлланилади. Масалан, «мушак орасига» инъекция қилиш учун узунлиги 60 мм, кесими 0,8—1 мм га эга булган игна,
«венага» узунлиги 40 мм, кесими 0,8 мм,
«тери остига» узунлиги 20 мм, кесими 0,4—0,6 мм,
«тери ичига» узунлиги 15 мм, кесими 0,4 мм
булган игналардан фойдаланилади.

👉@markazham
каналига аъзо бўлинг!
👍10❤1
Гепатит [юн. hepar; hepatos – жигар] – жигар яллиғланиши билан кечадиган касалликлар гуруҳи. Инфекцион (вирусли гепатит A, В, С, Е, D) ёки ноинфекцион (масалан, овқатдан заҳарланиш) ҳамда бирламчи ва иккиламчи инфекцион гепатит бўлади. Бу касаллик бруцеллёз, безгак, захм ва бошқа(лар) инфекцион касалликлар, шунингдек, сурункали меъда-ичак касалликларида кузатилади. Маргимуш, заҳарли замбуруғлар, кампирчопон (гелиотроп), саноатда, қишлоқ хўжалиги ва рўзғорда ишлатиладиган заҳарлар (дихлофос, хлорофос, кабофос, алкоголли заҳарланиш ҳам гепатитга сабаб бўлиши мумкин. Алкоголизмда касаллик оғир ўтиб, жигар ириб кетиши (некроз) мумкин. Касаллик ўткир ва сурункали бўлади. Ўткир гепатитда кўз оқи ва бадан сарғаяди, жигар катталашади, жигар соҳасида оғирлик ва оғриқ пайдо бўлади, беморнинг кўнгли айниб, кусади, иштаҳаси йўқолади, оғзи тахир бўлади. Баъзан ҳомиладорлик токсикозларида ҳам ўткир гепатит рўй беради. Ўткир гепатит ўз вақтида даволанмаса, бемор парҳез қилмаса, жигарнинг махсус (паренхиматоз) тўқимаси бириктирувчи тўқима билан алмашинади (қ. Жигар циррози). Ўткир касаллик баъзан 2-3 ойга чўзилиб, сурункали гепатитга айланади. Касалликнинг бошланиш даврида беморнинг аҳволи деярли ўзгармайди, ҳатто ишлайверади, касаллик эса зўрая боради. Беморнинг кўз оқи ва бадани сарғайганда, ҳарорати меъёрий бўлса ҳам, ўринга ётқизиб, шифокор чақириш керак. Гепатит заҳарланиш оқибати бўлса, беморни дарҳол касалхонага жойлаштириш лозим. Гепатит бўлган бемор ётиши, жигар соҳасини иссиқ тутиши керак. Бемор овқатида осон ҳазм бўладиган карбонсув, оқсил ва витаминлар етарли, ёғ кам бўлиши зарур. Кўпроқ ҳўл мева, сабзавот шарбати, қанд-шакар, мураббо, асал, оқ нон, шунингдек, енгил ҳазм бўладиган овқатлар: ширгуруч, шовла, сут, қатиқ, пишлоқ ва творог буюрилади (сутли овқатлар ва, айниқса, творогда жигар ҳужайраларини емирилишдан сақпайдиган моддалар бор). Жигар фаолияти касалликдан кейин жуда секин аёлига келади. Сурункали Г. нинг олдини олиш учун бемор узоқ вақт (баъзан бир-икки йилгача) сабр-тоқат билан оилавий шифокор назоратида даволаниши, маълум тартиб (овқатланиш ва дам олишга риоя қилиши керак.

👉@markazham
каналига аъзо бўлинг!
👍11
Shok indeksi

Shok indeksi qanday topiladi.  Bemorni ahvolini baholashimiz uchun  shok indeksi xam kerak bo'ladi uni topish uchun bizga Arterial qon bosimini sistolik ko'rsatkichi va pulslar soni kerak bo'ladi. 

Masalan:
A/B (sistolik) =120
Pulslar soni=60 ta

Shok indeksini topish formulasi:

Puls soni
A/B (sistolik)

60/120=0,5 . 0,5 bu ko'rsatkich norma degani
SHokda bu ko'rsatkich 1 dan baland bo'ladi .

Ko'rsatkich kattalashgani sari bemor shokka qarab ketayotkanidan dalolat beradi

👉@markazham каналига аъзо бўлинг!
👍5
Вирусли гепатит – ўткир юқумли касаллик; жигар ҳужайраларининг зарарланиши, умумий интоксикация белгилари, тери ва шиллиқ қаватларнинг сарғайиши, пешобнинг тўқ сариқ ёки «пиво»га ўхшаш, нажаснинг оқимтир тусга (гилвата рангига) кириши, жигар, баъзан талоқнинг ҳам катталашиши билан ифодаланади. Вирусли гепатит деганда бир-бирига ўхшаш олти хил гепатит тушунилади, булар A, В, С, D, E, G вируслари қўзғатадиган касалликладир. Улар юқишига қараб оғиз орқали (A, Е) ва парентерал йўл билан юқадиган (В, С, D, G) хилларга ажратилади. А ва Е вирусли гептитларда вируслар беморнинг ахлати орқали ташқарига чиқади. Шу боис ахлат, сув, озиовқат маҳсулотлари, бемор фойдаланган буюм ва нарсалардан ифлосланиш жуда хавфли ҳисобланади. Парентерал йўл билан юқадиган вирусли гепатитлар шприц, игна ва бошқа(лар) тиббий асбоблани етарли зарарсизлантирмаслик оқибатида, шунингдек, қон ва қон препаратлари куйиш ҳамда турли тиббий муолажалар (гинекологик, стоматологик ва бошқа(лар)) вақтида юқиши мумкин. Вирусли гепатитлар даврий кечиши билан характерланади, унинг яширин, бошланғич, авж олган, орқага қайтиш ва соғайиш даврлари ажратилади. Касалликнинг яширин даври унинг турига қараб ҳар хил: А ва Е вирусли гепатитларда 7 кундан 60 кунгача, парентерал йўл билан юқадиган хиларида 2 ҳафтадан б ойгача, баъзан 1 йилгача давом этиши мумкин. Вирусли гепатитлар енгил, ўрта ва оғир, шунингдек, асоратсиз ва асоратли, ўткир, сурункали ҳамда вақт-вақти билан қайталаниб турадиган шаклларда кечади; баъзан аралаш хиллари ҳам кузатилади. Ҳомиладор аёллар ва болаларда касаллик оғирроқ кечади. Вирусли гепатит ланинг шакли-шамойили турлича: гриппга ўхшаш, диспептик, астеновегетатив, артралгик аломатлар, аралаш синдромлар билан ҳамда лтент (клиник белгисиз). Касаллик гриппга ўхшаб бошланганда бемор тўсатдан қалтирайди, эти увишади, боши оғрийди, ҳарорати кўтарилади, аъзойи бадани қақшайди, йўталади ва ҳ. к. Диспептик аломатлар билан бошланганида бемор кўнгли айниб қусади, меъда соҳасида бироз оғриқ бўлади, баъзан ичи кетади; унинг мдори қуриб, иштаҳаси пасаяди, ўнг қовурғаси остида оғриқ пайдо бўлади. Астеновегегатив аломатлар билан бошланганда беморнинг боши айланади, оғрийди, кўп терлайди, ўта инжиқ, йиғлоқи бўлиб қолади. Вирусли гепатит ларнинг бошланғич даври қандай синдром билан кечишидан қатьи назар, шу касалликка хос 3 белги кузатилади: 1) сийдикнинг пиво рангида бўлиши; 2) ахлат рангининг оқариши; 3) кўпчилик (деярли 90 %) ҳолларда жигарнинг катталашиши.
Касалликнинг «сариқлик даври» ҳам ўзига хос тарзда кечади. Кўз оқи сарғайиши билан вирусли гепатитнинг авж олган даври бошланади; А шаклида бемор сарғайиши билан унинг аҳволи анча енгиллашиб тузалинкирайди. Парентерал йўл билан юқадиган вирусли гепатит ларда, оғиз орқали юқадганларига нисбатан сариқлик даври узоқроқ чўзилади, бемор тезда тузалавермайди, дармни қурийди, кўнгли айнийди, баъзи ҳолларда бадани қичийди (холестатик хили). Вирусли гепатит ларнинг хилига қараб унинг клиник аломатлари турлича намоён бўлиши мумкин: сариқсиз ўтадиган шаклида пигмент алмашинуви бузилмаганлиги сабабли бемор сарғаймади, сийдиги ва аҳлатининг ранги ўзгармайди, қонда билирубин миқдори меъёрида бўлади. Билинар-билинмас белгилар билан ўтадиган шакли да беморнинг кўзи қисқа муддат сал сарғаяди, билирубин миқдори ҳам тезда ўз аёлига келади. Субклиник шаклида клиник белгилар деярли кузатилмайди, уни фақат лаб. текширувларидан билиш мумкин. Вирусли гепатитнинг вирус ташиб юрувчилик шакли анча мураккаб, у яширин ҳолда кечиб, бора-бора сурункали тус олади. Касалликнинг сурункали хили анча оғир асоратларга (ўткир жигар энцефалопатияси, геморрагик, шиш-ацитик синдром ва бошқа(лар)) сабаб бўлиши мумкин.
Вирусли гепатит ташхиси (диагнози), асосан, бемордан олинган маълумотлар, касалликка хос аломатлар, қон таҳлили ва бошқа(лар) асосида қўйилади. Вирусли гепатитнинг бошланғич даври диспептик, катарал ва сохта ревматоид синдромларда кузатиладиган белгиларга ўхшаб кетганлиги боис, уни ана шу касалликлардан фарқлай билиш лозим.

👉https://t.me/markazham каналига аъзо бўлинг!
👍3
Нейробруцеллёз нима?

Бруцеллёз сабабли нерв системасида кузатиладиган барча патологик ўзгаришлар йиғиндиси нейробруцеллёз деб аталади.. Бунда нафақат барча бўғимлар, балки нерв толалари ҳам зарарланади.

Бруцеллёз касаллигида тана ҳарорати 37–38°С бўлиб юради ва уни пасайтириш бирмунча қийинчиликлар туғдиради. Демак, барча бўғимлардаги оғриқлар сурункали тарзда давом этса ва тана ҳарорати бир неча ойлар пасаймай турса, бруцеллёз касаллигига гумон қилиш керак. Бунинг учун қонда махсус текширувлар ўтказилади ва бу анализни республикамизнинг барча туманларида амалга оширса бўлади.

Бруцеллёзда суяк-тоғай тўқимаси, яъни умуртқа поғонаси ва бўғимлар, нерв толалари ва чигаллари сурункали тарзда яллиғланади. Бунинг натижасида йиллар мобайнида остеохондроз (умуртқа поғонаси касаллиги), артроз (бўғимлар касаллиги), радикулит (орқа мия нерв чигаллари яллиғланиши), бош мия ва орқа мия пардалари яллиғланиши кузатилади.

Бундай ҳолатларда беморни даволаш комплекс тарзда олиб борилади. Беморни албатта невропатолог, ревматолог ва инфекционист кўрикдан ўтказиши керак. Агар қонда яллиғланиш реакциялари бўлмаса, турли сиҳатгоҳларда (Фарғонадаги Чимён, Каттақўрғондаги Ибн Сино) даволаниш мумкин. Сиҳатгоҳга боришдан олдин врач кўриги ва лаборатор текширувлардан ўтинг.

https://t.me/markazham
👍6
Патронаж – болалар маслаҳатхонаси, поликлиникалари, аёллар маслаҳатхоналари, сил диспансери ва бошқа(лар) диспансерлар томонидан ёш болалар, ҳмиладорлар ва айрим беморларга уй шароитида тиббий ёрдам кўрсатиш тизими. Болалар маслаҳатхонаси ва поликлиникаларида шифокорга у хизмат қиладиган участка бириктирлади; шифокорга бир ёки иккита патронаж ҳамшира ёрдам беради, улар ўз участкасидаги болаларга уйда ёрдам кўрсатади. Патронаж ҳамшира боланинг соғлигини, бола парваришини, оиланинг моддий-маиший турмушини аниқлайди. Патронаж ҳамшира ва (акушер) врач уйда оналар билан суҳбат ўтказади, бола эмизиш, парвариш қилиш, чиниқтириш қоидаларини ўргатади; рахит, сил, меъда-ичак касалликларининг олдини олиш, чечак, дифтерия, кўкйўтал, полиомиелит, силга қарши эмлашнинг аҳамиятини тушунтиради. Бола касал бўлиб қолса, қандай парвариш қилишни онага ўргатади. Она туғруқхонадан чиққанидан кейин 3 кун орасида патронаж ҳамшира ёки врач уйга бориб, чақалоқни синчиклаб текширади ва вақг-вақти билан боланинг ҳолидан хабар олиб туради.
Аёллар маслаҳатхонаси врач ва ҳамшралари хотинларга ҳомиладорлик ва туққандан кейинги даврда П. ёрдами беради. Патронаж уйда даволанадиган беозор сурункали руҳий беморларга ёрдам беришнинг бир тури ҳамдир. Бошқа диспансерлар (онкологик, сил ва бошқалар) да П. беморларнинг мунтазам қатнаб даволаниши ва шифокор белгилаган тартибни бажаришини назорат қилади

👉@markazham каналига аъзо бўлинг!
👍4
ЎзР СанҚваМ № 0365-19.pdf
714.6 KB
ТИББИЙ АНЖОМ-АСБОБЛАР ВА БУЮМЛАРНИ СТЕРИЛИЗАЦИЯ ҚИЛИШ МАРКАЗЛАРИНИ ЛОЙИҲАЛАШТИРИШ, ҚУРИШ ВА ЭКСПЛУАТАЦИЯ ҚИЛИШ САНИТАРИЯ ҚОИДАЛАРИ ВА МЕЪЁРЛАРИ
( СанПин 0365-19 )

Ҳужжат тури:  СанҚваМ 
Ҳужжат рақами:  0365 -19 
Қабул қилиниш санаси:  14.05.2019

👉@markazham каналига аъзо бўлинг!
👍3
Virusli gepatit turlari uchun quyidagi testlar o’tkaziladi:

1. Gepatit A uchun:

Anti-HAV IgM: Ushbu antikorlar mavjudligi bemorda o’tkir Gepatit A infektsiyasini tasdiqlaydi.

Anti-HAV IgG: Ushbu antikorlar esa avval gepatit A bilan kasallangan yoki emlanganlik holatini ko'rsatadi.

2. Gepatit B uchun:

HBsAg (Hepatit B sirt antigeni): Hozirgi gepatit B infektsiyasini aniqlash uchun ishlatiladi.

Anti-HBc IgM va IgG: IgM turi o’tkir infektsiya holatini ko’rsatadi, IgG esa surunkali yoki o'tgan infektsiyani bildiradi.

HBeAg va Anti-HBe: Infektsiyaning faollik darajasini o’lchash uchun ishlatiladi.

HBV DNK: Virusli yukni aniqlash va kasallik darajasini baholashga yordam beradi.

3. Gepatit C uchun:

Anti-HCV: Organizmda gepatit C virusiga qarshi antikorlarning mavjudligini aniqlash.

HCV RNK: Virus yukini o’lchash va infektsiyaning faolligini aniqlash uchun ishlatiladi.

4. Gepatit D uchun:

Anti-HDV: Gepatit D infektsiyasining mavjudligini tasdiqlash uchun ishlatiladi.

HDV RNK: Virus yukini aniqlash va infektsiyaning faolligini o’lchash uchun yordam beradi.

5. Gepatit E uchun:

Anti-HEV IgM va IgG: IgM turi o’tkir infektsiyani bildiradi, IgG esa avval o'tkazilgan infektsiyani tasdiqlaydi.

Ushbu testlar shifokor ko’rsatmasiga muvofiq belgilanadi, chunki gepatitlar turiga qarab test tanlanishi va shifokor yordami bilan natijalarga ko'ra davolash rejalashtiriladi.

@markazham
👍7
CАВОЛ ЖАВОБ

⁉️ 1 литр сувда 0.2 % ли хлорамин эритмасини тайёрлаш учун қанча хлорамин
қўшиш керак?

2 гр ✅

⁉️ Соғлом одамда 1 суткада қанча миқдорда сийдик ажралади?
1.5-2. 1 л✅

⁉️Кайси ёшдаги кишилар узоқ умр кўрувчиларга киради?
90 ёшдан ошганлар✅

⁉️Терминал ҳолат фазаларини кўрсатинг?
агонал олди ҳолати, агония, ўлим✅

⁉️Уремик комада қон таҳлилида нима кўзатилади?
азотемия✅

⁉️Тиббиёт ходимларининг хатоларини кўрсатинг?
фуқоролик, маъмурий, интизомий✅

⁉️Тиббий асбобларни стерилизасиядан олдин неча босқичда тозаланади?
3 босқичда✅

⁉️ Ётоқ яралар қайси соҳаларда кўпроқ пайдо бўлади?
думбада, болдирда✅

⁉️Беморларни катетерлашга бўлган кўрсатмалар?
сийдик тутилганда✅

⁉️Холесистит-бу…?
ўт пуфагининг яллиғланиши✅

⁉️Колит-бу…?
йуғон ичакнинг яллиғланиши✅

⁉️Ларингит-бу…?
ҳиқилдоқнинг яллиғланиши✅

⁉️ Пулснинг нормасини кўрсатинг?
60-80 марта✅

@markazham
👍15❤1
22- noyabirda tugatgan guruhlar diqqatiga sertifikatilar 10-dekabrda tayyor bo'ladi
👍15👏6🔥2🤔1
Лаборатория текширувлари учун бемордан биологпк материал олиш кўникмаси?

Барча ходимлар биологик хавфли бўлиши мумкин бўлган суюқликлар билан эҳтиёт чораларига амал қилиб ишлаши лозим. Улар қуйидагилар:

1. Қўлни ювиш, қўлқопдан фойдаланиш, ёпиқ оёқ кийимидан фойдаланиш, ўткир буюмларни утилизация қилиш ва дезинфекцияни амалга ошириш.

2. Хонага фақатгина рухсат этилган ходимлар кириши, ичкарида чекиш, овқатланиш ва ичимлик ичишни тақиқловчи умумий қоидаларга риоя қилиш.

3. Текширув учун олинган материалга нисбатан потенциал зарарланган материал каби муносабатда бўлиш. Ходимларни ва мулоқотда бўлиш эҳтимоли бўлган шахсларни хавфсизлигини таъминлаш учун барча хоналарда ўткир игналар ва шприцлар, олинган биологик суюқликларни утилизация қилиш имконияти яратилган бўлиши керак.

4. Биологик хавфли материал билан мулоқотда бўлган ходимлар учун зарарланишни олдини олиш бўйича чора тадбирлар таъминланиши лозим. Барча тест ўтказишда қатнашувчи ходимларга ўзларининг ОИВ инфекциясига мақомларини доимий назорат қилиб туриш сўралади.

👉@markazham каналига аъзо бўлинг!
👍6❤1