Maktabimiz bitiruvchilaridan tabrik salomi!

📢 YANGI OSHXONA — YANGI QADAM!

Math Academy xususiy maktabida 600 o‘ringa mo‘ljallangan zamonaviy oshxona maktabning o’z mablagʻlari hisobidan foydalanishga topshirilish arafasida! 🍽️

💰 960 million so‘m qiymatdagi loyiha doirasida oshxona binosi qurilib, zamonaviy jihozlar, oshxona anjomlari bilan ta’minlandi.

👩‍🍳 Faoliyatni 8 nafar malakali oshxona xodimlari olib boradi.

Hozircha oshxonada o‘quvchilar uchun sinov tariqasida ovqatlanish jarayoni yo‘lga qo‘yildi.
📅 Rasmiy ochilish kuni yaqin orada e’lon qilinadi.

✨ Yangi oshxona – bu nafaqat qulaylik, balki farzandlarimiz uchun sog‘lom va sifatli ovqatlanish garovidir!

📢 SALIMOV AKADEMIYASI — MATH ACADEMY XUSUSIY MAKTABIDAN YANA BIR QUVONCHLI YANGILIK! 🎉

Hurmatli ota-onalar va aziz o‘quvchilar!
Ko‘pchilik kutgan qulay 100 o‘rinli yotoqxona qisqa kunlarda foydalanishga topshiriladi. 🏫🛏️

Hozirda yotoqxonamizda ta’mirlash va to‘liq jihozlash ishlari yakunlanish bosqichida bo‘lib, issiqlik tizimi o‘rnatish va pardozlash ishlari olib borilmoqda.

📍 Yotoqxona va maktab orasidagi masofa atigi 100 metr bo’lib, u 7/24 video kuzatuv tizimi va navbatchi ustozlar nazoratida bo‘ladi.
🍽️ O‘quvchilarning ovqatlanishi va dars mashg‘ulotlari maktabning o‘zida tashkil etiladi.

✨ Yangi yotoqxona — bu qulaylik, xavfsizlik va farzandlarimiz uchun yanada samarali ta’lim muhiti demakdir!

Bugun Math Academy xususiy maktabida qizlar tarbiyasi va ularning hayotga tayyorgarligiga bag‘ishlangan suhbat tashkil etildi. Tadbirni maktab direktori mentor M.T. Raxmatov hamda qizlar bilan ishlash bo‘yicha mutaxassis, f.f.doktori Raxmatova Feruza ustoz –boshchiligida o‘tkazildi.

Suhbat davomida qizlarning ma’naviy-axloqiy kamoloti, oilaviy hayotga, jamiyat va oliy o’quv yurti tanlashga tayyorgarligi, shuningdek, sog‘lom turmush tarzi, kiyinish madaniyati va o‘ziga ishonchni shakllantirish masalalari muhokama qilindi.

Bu uchrashuv – yosh avlodni barkamol, faol va mas’uliyatli inson sifatida voyaga yetkazish sari muhim qadamlardan biridir.

📘 “Yigitlik – mas’uliyat va g‘urur timsoli” mavzusida tarbiyaviy dars bo‘lib o‘tdi

Bugun MATH ACADEMY xususiy maktabida o‘g‘il bolalar uchun tarbiyaviy dars tashkil etildi. Darsni maktab direktori, mentor M.T. Rahmatov olib bordi.

🎓 Tadbir davomida yigitlarning oiladagi o‘rni, mas’uliyat, odob-axloq va mustaqil fikrlashning ahamiyati haqida fikr yuritildi.

💬 Dars davomida o‘quvchilarga ota namunasi, erkak kishining burchi, javobgarlik va to‘g‘ri qaror qabul qilish qobiliyati haqida hayotiy misollar orqali tushuntirishlar berildi.


✨ Bu kabi tarbiyaviy darslar oʻquvchilarning nafaqat bilim, balki hayotiy ko‘nikmalar va axloqiy fazilatlar jihatidan ham barkamol bo‘lib voyaga yetishida muhim ahamiyat kasb etishini ta’kidladi.

📢 VAKANSIYA!

Math Academy xususiy maktabi o‘z jamoasiga kotiba, hujjatlar bo‘yicha menejer va kutubxonachi lavozimlari uchun qiz-ayollarni ishga taklif etadi.

🎯 Talablar:
• Yoshi 19–25 yosh oralig‘ida bo‘lishi;
• Kompyuter va zamonaviy texnologiyalarni yaxshi bilish;
• Xushmuomala, mas’uliyatli va chaqqon bo‘lish;
• Hujjatlar bilan ishlashda tartib va aniqlikka e’tiborli bo‘lish.

🕗 Ish vaqti: 08:00 dan 17:00 gacha
🍱 Tushlik kompaniya hisobidan ta’minlanadi.

📍 Ish joyi: Math Academy xususiy maktabi
📞 Aloqa uchun:
+998 90-637-15-16

💼 O‘zini rivojlantirishga intiluvchi, jamoada ishlashni xush ko‘radigan va zamonaviy muhitda faoliyat yuritishni istagan nomzodlarni jamoamizga taklif etamiz!

⚠️ Energetik ichimliklar — yoshlikni so‘ndiruvchi “tetiklik”

Hurmatli ota-onalar!
So‘nggi paytlarda o‘quvchilar orasida energetik ichimliklarni iste’mol qilish holatlari kuzatilmoqda. Ayrim bolalar bu ichimliklarni “tetiklik manbai” deb bilishadi, ammo aslida bu mahsulot voyaga yetmagan organizm uchun juda xavfli. Shu sababli ularning ustiga 18+ belgisi qo‘yiladi.

⸻

🧠 Nega 18 yoshgacha tavsiya etilmaydi?

Energetik ichimliklar tarkibida kofein, taurin, guarana va ginseng kabi kuchli stimulyator moddalar mavjud.
Bir dona bankadagi kofein miqdori 3–4 finjon qahvaga teng bo‘lishi mumkin.
Bu esa o‘smir organizmida yurak urishini tezlashtiradi, qon bosimini oshiradi, asab tizimini izdan chiqaradi va uyqusizlikni keltirib chiqaradi.

Natijada:
• bola tez asabiylashadi, diqqatini jamlay olmaydi;
• tez charchaydi va o‘qishga qiziqishi kamayadi;
• yurak va asab tizimiga jiddiy zarar yetadi.

⸻

🔁 Energetik ichimliklar qaramlik chaqiradi

Bu ichimliklar miyani sun’iy tetiklik hissi bilan aldaydi. Bir marta ichgan bola o‘zini tetik his qiladi, keyin bu holatni yana his qilishni xohlaydi. Shu tarzda psixologik va fiziologik qaramlik shakllanadi.

Kofeingacha o‘rganib qolgan miya keyinchalik:
• ichmasa bosh og‘rishi, kayfiyat tushishi;
• ichsa esa qisqa vaqtlik tetiklik va keyin kuchli charchoq holatiga olib keladi.

Bu holat vaqt o‘tishi bilan boshqa zararli odatlarga — sigaret, spirtli ichimlik yoki dori vositalariga moyillikni kuchaytirishi mumkin.

⸻

❤️ Farzandlarimiz sog‘lig‘i — bizning eng katta mas’uliyatimiz

Bolalar energiyani sun’iy ichimliklardan emas, uyqu, to‘g‘ri ovqatlanish, sport va ijobiy muhitdan olishlari kerak.
Iltimos, farzandingiz iste’mol qilayotgan ichimliklarga e’tiborli bo‘ling. Agar u doimiy tarzda energiya ichimliklarini ichishni boshlagan bo‘lsa, bu qaramlikning boshlanishidir.

⸻

🩵 Xulosa

Energetik ichimliklar:
• o‘smir organizmiga mutlaqo mos emas;
• yurak va asab tizimiga zarar yetkazadi;
• qaramlikni shakllantiradi.

Farzandlarimizni bunday zararli ichimliklardan asraylik. Har bir ota-ona farzandining sog‘lom hayotini himoya qilishda qat’iy pozitsiyada bo‘lishi zarur.

Hurmat bilan,
Mirolim To‘xtayevich
“Math Academy” xususiy maktabi direktori

🎓 Tarbiyali avlod – boshladik!

Farzand, tarbiya va ustozlik haqida yurakdan so‘zlaymiz.
Har bir post — bir saboq, bir fikr, bir ilhom. 🌱

🇺🇿 “Mirolim Raxmatov | Tarbiyali avlod” sahifasiga qo‘shiling —
ertangi kunni tarbiyali avlod bilan birga quraylik!

👉 https://t.me/tarbiyaliavlod

EHSONNING MUKOFOTI EHSONDIR


SALIMOV akademiyasi
MATH ACADEMY xususiy maktabining Soktari xududida joylashgan Texnika -iqtisodiyot yo'nalishidagi fakultetida ehson dasturxoni yozildi.
Ilm-talab yoshlarimizga ehson dasturxonini yozgan tarbiyachimizga maktab jamoasi nomidan tashakkur bildiramiz. Ehsoningiz qabul bo'lsin, shogirdlarimizga ilm o'rganishni oson qilsin.

Farzandni tarbiya qilish – eng murakkab ilm

Bugun ota-onalar ko‘p narsani biladi:
• internet qanday ishlashini,
• zamonaviy telefonni qanday sozlashni,
• hatto sun’iy intellektdan qanday foydalanishni ham.

Ammo bir ilmga juda qiynalishadi.
Uni o‘rgatadigan na maktab bor, na biror darslik bor.
Bu — tarbiya.

Farzandni tarbiya qilish — bu “gapni eshitsin” yoki “darsini qilsin” degan oddiy maqsad emas.
Bu — insonni shakllantirish san’ati.
Tarbiya — bolaning yuragiga chizilgan chiziqdir.
U chiziq bir marta egri tushsa, keyin uni to‘g‘rilash oson emas.

⸻

Bugungi bolalar bizdan bilimliroq, lekin kamroq eshitadi.
Ko‘proq biladi, ammo kamroq his qiladi.
Chunki biz ularga ma’lumot beramiz, ammo ruh bermaymiz.

⸻

Farzandni tarbiyalash uchun kuch emas, vaqt emas — diqqat kerak.
Bolaning har bir so‘zi, har bir nigohi, har bir jimligi — bu signal.
Uni ko‘rgan, eshitgan va his qilgan ota-ona — eng bilimli tarbiyachi.

⸻

“Tarbiyali avlod” — bu shunchaki blog emas.
Bu — kelajak haqida jiddiy suhbat.
Bu yerda biz bolani qanday nazorat qilishni emas, balki qanday tushunishni o‘rganamiz.

Izohlarda fikringizni yozib qoldiring — bafurja keyingi postda suhbatni davom ettiramiz.

@tarbiyaliavlod