#Ayni_paytda
#БошқармаҒбошлиғи_ҳудудларда
🔄XUSUSIY TA’LIM MUASSASALARI FAOLIYATI O‘RGANILMOQDA

🔆Hududlarda nodavlat ta’lim muassasalari faoliyatini o‘rganish jarayonlari doirasida boshqarma boshlig‘i Hamza Elliyev G‘ijduvon tumanidagi “MATH ACADEMY” xususiy maktabida ham bo‘lib, mazkur ta’lim muassasasining ish jarayoni bilan yaqindan tanishdi.

📍Maktabda tashkil etilgan zamonaviy o‘quv muhiti, matematika faniga ixtisoslashtirilgan o‘qitish tizimi, o‘quvchilarning mantiqiy fikrlashi va analitik salohiyatini rivojlantirishga qaratilgan dars metodikalari atroflicha ko‘rib chiqildi. Boshqarma boshlig‘i bir nechta dars mashg‘ulotlarida bevosita ishtirok etib, darslarning tashkil etilishi, o‘quvchilarning faolligi va o‘zlashtirish jarayonlarini kuzatdi.

🔵“MATH ACADEMY” pedagoglarining sifat tarkibi, ularning metodik tayyorgarligi, zamonaviy matematik yondashuvlarni ta’lim jarayoniga tatbiq etish borasidagi ishlar alohida o‘rganildi.

🔗Shuningdek, o‘quvchilarning fanlar kesimidagi erishayotgan natijalari, ularning mintaqaviy va respublika miqyosidagi olimpiada hamda tanlovlardagi ishtiroki, bilim ko‘rsatkichlarini yanada oshirish bo‘yicha olib borilayotgan tizimli ishlar ham tahlil qilindi.

⚡️Tashrif doirasida maktab pedagoglari bilan ochiq muloqot o‘tkazilib, ta’lim jarayonini yanada takomillashtirish, o‘quvchilar salohiyatini to‘liq ro‘yobga chiqarish, fanlarni o‘qitish sifatini oshirish borasida fikr almashildi va bu borada amaliy tavsiyalar berildi.

✅Buxoro viloyati maktabgacha va maktab ta’limi boshqarmasi kanallariga a’zo bo‘ling👇
Telegram | Facebook