نَــجمًا نَيّرًا
14.1K subscribers
6.47K photos
266 videos
764 files
136 links
مصممة، أقتفي من نجم الحُسين نوره، وأطمح أن أكون فرّاشة بجناحٍ أخضر.. وأصنع بأثري للوجودِ حكاية.
@maryam_2Obot
Download Telegram
ادعموا فلسطين ولو بكلمة، اليوم يوم الفرح للمسلمين. 💛
"نِجيك.. إن شاء الله بقوّة عليّ نِجيك
قُربَت و يَرونها بَعيدة.
بأمّان والمُقدّم صاحِب الزّمان"
بسرعة بسرعة 💚🫢
إذا ما تعرفون شي عن قصة فلسطين، لا تحچون شي حتّى لا تكونون مع الظالم، اقروا، ابحثوا اعرفوا من هي فلسطين وشنو عانت وشنو دورنا بدعمهم كمسلمين.
يومٌ كأنّهُ العِيد 🩵
"إن العالم كله مدعوّ للوقوف في وجه هذا التوحش الفظيع ومنع تمادي قوات الاحتلال عن تنفيذ مخططاته لإلحاق مزيد من الأذى بالشعب الفلسطيني المظلوم".

_سماحة المرجع الأعلىٰ السيستاني (دامَ ظلّه).
"ويجري هذا بمرأى ومسمع العالم كله ولا رادع ولا مانع، بل هناك من يساند هذه الأعمال الإجرامية ويبرّرها بذريعة الدفاع عن النفس!"

_ سماحة المرجع الأعلىٰ السيستاني (دامَ ظلّه).
شو صايرة بالعكس، الّي ميريد يسمع أغاني بالخط؛ يكلوله خلي سماعات وأسمع قصائدك، و الأغاني تشتغل بعلو صوتها.. ليش مو المفروض الي يعصي الله يستحي ويخجل وأقلها يسوي العمل بدون ما أحد يشوفه ولا يكون سبب عصيان الناس؟ لو ما ظل خوف وخجل من ربّ العالمين وصار تفاخر بالمعصية!، مصيبة والله..
"في فَلسَفَة الأصابع: الإصبَع الّذي يضغط الزِرّ لحذف الأغاني؛ تتباهىٰ بِه الأربعة الباقيَة مِثلَ مُجاهِد"

- هالة الجبوريّ.
هي الأغاني ليش حرام عود؟
آني بصراحة ما مقتنعة إنها حرام!

سؤال حلو، بس اسمحيلي آني هم أسألچ كم سؤال:
- إذا سمعتِ صوت الأذان ليش متبقين مشغلة الأغاني وتطفّيها؟
- زين بما أنّه أغلب الأغاني عن الحبّ والغرام وأشباهها، هل بعد سماعها تحسّين العفّة زادت عندچ وإنّچ قادرة تغضّين بصرچ وتتحكّمين بغرائزچ؟
- عمرچ شفتِ أحد صالح قريب لله حافظ للقرآن وعامل بأحكامه ولگيتيه يسمع أغاني؟
- زين عمرچ بعد ما سمعتِ أغنية حسّيتِ إنّچ تحبّين ربّ العالمين حيل وحسّيتِ نفسچ تقرّبتِ لأهل البيت ولو بمقدار ذرّة؟
- برأيچ يوم القيامة الوقت اللي چنتِ تسمعين بي أغاني رح يكون بكفّة الحسنات لو بكفّة السيّئات؟
- هم شفتِ سامع أغاني يحافظ علىٰ صلاته وبالذات صلاة الفجر بدون ميگطع لو ورا الأذان بساعة ساعتين يلا يصلّي؟

بغضّ النظر عن الأدلّة النقليّة اللي وردت بتحريمها "ويحشر صاحب الغناء من قبره أعمىٰ وأخرس وأبكم، ويحشر الزاني مثل ذلك، ويحشر صاحب المزمار مثل ذلك، وصاحب الدفّ مثل ذلك"، "من استمع إلىٰ اللّهو (الغناء) يذاب في أذنه الآنك (الرصاص المذاب) يوم القيامة".

تدرين من تسمعين أغنية، هالأغنية هاي تشتغل علىٰ شنو بيچ تحديدًا؟ هالأغنية تشتغل علىٰ روحچ تحديدًا.. زين وين المشكلة؟

المشكلة إنّهُ الروح هاي هيَ نفسها المنطقة اللي يعمل بيها القرآن، يعني لو تأثّرت روحچ بالأغنية صعب بعد تتأثّر بالقرآن وكلام آل محمّد.. خلّي أضربلچ مثال بسيط: تخيلي إنّهُ آني گلتلچ عازمتچ العصر علىٰ كباب شوي وصاج بكلّ أنواعه وبيتزا ومقبّلات وعصائر طبيعيّة وسمك شوي وكلّ اللي تشتهي روحچ رح تلگيه عالسفرة، لكن للأسف إنتِ جعتِ وما گدرتِ تصبرين فقبل متجين للعزيمة بـ٣ ساعات أكلتِ بالبيت لفّة خبزة وخيارة وشربتِ عصير وأكلتِ حلويّات حتّىٰ تسدّين جوعتچ.. رح تجين وتگعدين عالسفرة بس مراح يعجبچ لا الكباب ولا الصاج ولا البيتزا ولا رح تشتهين أي شي ورح تبقين زاهدة بالأكل؛ مو علمود العصير أحسن من الكباب والصاج والسمك اللي آني عازمتچ عليهن، لا لأن المعدة انملت وشبعت فمهما قدّمتلچ خلاص ما رح تشتهين.. ورح تگليلي (والله بنفسي آكل بس شبعانة) اللي هيَ نفسها (والله بنفسي أصلّي بس مدا أگدر، ودّي أفتح القرآن بس أحسّ شي يمنعني).

لو غذّيتِ روحچ بالغناء أكيد متشتهي القرآن والصلاة ولا رح تتأثر بيهن.

لو تصبرين علىٰ القرآن وتفتحي مرارًا وتكرارًا لحدّ ما ربّ العالمين يفتح قلبچ وبصيرتچ وتتذوّقين حلاوته، لوتبقين علىٰ هذا وضعچ يا حبيبتي، لا بيچ حيل تقرين قرآن ولا إلچ خلگ تصلّين.

وبكيفچ بعد...