يساعي بريدي
أخذ ظرفي واقصدها هايم
رسالة توّسل أكتبتها لمولاتي فاطم
أكتبت الها جملة، عليچ العلى الغبرة مرمي
أنا مالي غيرج، أقبليني مولاتي خادم
أنا المتعب، أنا الضايع، أنا الأذتني دنياي
برداء أيمينچ الطاهر
دخيلچ أمسحي عيناي
حميتي المرتضى بضلعچ
اجيتج، كولي بحماي...

"أريد اصرخ علىٰ الدنيا، يدنيا فاطمة ويّاي"

يا ربّ، أنت تدري شكد بادرت وحاولت وشلون تغاضيت عن هواي بس علمود لا يتأذى عبد من عبادك وحتّى لا انطي فرصة للشيطان، دائمًا حاولت أعامل الكل بحنيّة مثل ما علمونا أهل البيت وأسامح وبقلب راضي، وما تندمت ولا راح اتندم لأن كلّ شي كان في سبيلك.🩵

يا عليّ، الأيّام الّتي قاومتُ بها، كان الفضل يعود لاعتياد لساني علىٰ مناداتك. 🤍

"يا عليّ يا بويه" علىٰ هاي الحچاية استند دائمًا وأخذ قوتي.💚

خلوا گلوبگم چبيرة وسامحوا، وهي خلصانة ما تسوه توگفون يم حچاية وفعل ويدّخل الشيطان و يتأذى أحد الطرفين، فمن البداية هونوها.🌱