قوانين خليها علىٰ بالچ، حتّى تحافظين علىٰ صحتچ وراحتچ:

•لا تعبين عقلچ بمقاطع حزينة من الريلز، ولا تدورين مقاطع تشبه وضعچ وأصلاً حاولي تتجاهليها.

• لا تسمعين أغاني ولا حتّى موسيقىٰ حزينة
ولو القصيدة تسمعيها لأن تذكرچ بوضعچ وحزنج فـ هم لا تسمعيها.

• بعد الساعة ١١ أو ١٢ لا تثقين بأفكارچ لأن إنتِ مو إنتِ بهالوقت، فنامي أو سوي شي يلهيج.


• لا توگفين هواي يم المشاكل ولا تشيلين بگلبچ، علمي روحچ تسامحين علمودچ وحتىٰ تنامين مرتاحة واكو إللي ياخذ حقچ لا تخافين.

• لا تكتمين، لا تكتمين
فتحي كاميرا أو ڤويز سولفي إلىٰ أن تفرغين كلّ شي بداخلچ.

داري روحچ. 💕

"من يومها ما خليت شي ونسيت مكانه"

هيچ يگول أحد العلماء بمضمون كلامه وهو يوصينا نكول:

بِسْم الله الرَّحمن الرَّحيم ☁️

إذا ردنا نخلي شي بمكان معين وحتىٰ ما ننساه.

من يوم ما قريت توصيته صرت اگول "بِسْمِ اللهِ الرَّحْمنِ الرَّحِیمِ" واللهم صلّ علىٰ محمّد وآل محمّد"
كلّ ما ردت ابدي اقرا صفحة  من ملزمة بنيّة الحفظ وعدم النسيان والحمد لله صارت عندي عادة.

وشفت أثرها وبركتها، مثلاً مرة بامتحان " الشعر العبّاسي" واكو سؤال نعدد عوامل ازدهار الشعر..
كتبت ونسيت وحدة حاولت اتذكرها وراجعتهن بعقلي أكثر من مرة بس ما تذكرت،
للحظة تذكرت آني بهاي الصفحة كلت" بِسْمِ اللهِ الرَّحْمنِ الرَّحِیمِ" گلت بلكي إن شاء الله شوي واتذكرها..
ودقائق وتذكرتها الحمد لله.
ومو بس هاي بهواي مواقف وآني امتحن ساعدني هالذِكر.

من نطيح بشدّة شنسوي؟ شنگول؟

أبو الحسنين أمير المؤمنين معلّمنا وموصينا.♥️

روي عن الإمام عليّ عليه السّلام: قُلْ عندَ كلِّ شِدّةٍ: «لا حَولَ ولا قُوّةَ إلّا باللَّهِ العليِّ العظيمِ» تُكْفَها.

تعالوا نسولف شوية عن هذا الذِكر حتّى نگوله من گلب ولسان.

• الإمام لمن يگول "عندَ كلّ شدّة" يعني سواء كانت ضيق بالرزق، تعب نفسي، همّ، خوف، مرض، أو حتّى مشاكل ثانية ما نعرف حلها وتعبتنا..

• "لا حول ولا قوّة إلّا بالله العليِّ العظيمِ"
هنا أكو اعتراف بالعجز التام، وإنه إحنا ما عدنا قدرة نغيّر الأمور وحدنا، ولا عدنا قوة نتحملها إلا بالله العليِّ العظيمِ ورعايته وعطفه.

يعني باختصار لمن تردد هذا الذِكر، كأنما تگول: يا ربّ خلصت طاقتي وما بقت عندي حيلة، بس ادري أنتَ القوي والقادر علىٰ كلّ شي فتوّكلت عليك وكلّي ثقة"

وهنا يبدي الفرق: هذا الذِكر راح يدفع عنك الإحساس بالعجز واليأس ويذّكرك أنتَ مو وحدك، والله وياك.


•" تُكْفَها" يعني شنو؟
يعني هذا الذكر إما راح يدفع الشدّة نهائيًا أو راح يخفف أثرها علينا أو ينطينا الصبر نتحملها ونشوف الحل بوضوح.

شلون يعني؟
بعد ما تكرر الذكر وتسلّم أمرك لله
يجيك الحل فجأة
أو تهدأ نفسك وتحس براحة
أو تجيك فكرة ما كانت ببالك
أو يجي شخص يساعدك بدون ما تطلب.


_ وتذكروا ترا الراحة الحقيقية مو بس بدفع الشدّة ونهايتها، وإنما بالرضا والطمأنينة والتوكل علىٰ الله.

وصفة جاهزة واجتكم من أمير المؤمنين شتردون بعد؟

گلوبنا مرهفة وما نتحمل والدنيا ما مقصرة وهي هاي طبيعتها محد تلگي مرتاح والكل يتلوى بطريقته..
بس إحنا كـ بنات لازم نتعلم القوة النفسيّة
لازم نتعلم شلون مو كل شي يهزنا وياخذ من طاقتنا..
وأحس ما راح نوصل لهاي المرحلة إلا إذا طلگنا الدنيا وصار كلّ همنا ربّ العالمين ورضاه وطاعته وكلّ شي خارج عن هالموضوع فهو فاني ومؤقت وما يستاهل..

فإي بعدنا بعزّ شبابنا
ورانا عمر يريد صحة ونفس مرتاحة
عينوا روحكم وساعدوها
لخاطر أطفالكم ولخاطركم
لا تخلوهم يتعلعلون بسبب صحتكم وإهمالكم بسبب هاي الأيام
ولأنكم ما اهتميتوا بنفسكم
خليكم الأمهات العظيمات بالمستقبل، إللي استغلن شبابهن بالعلم والمعرفة والصحة..
كون وحدتكم ابنها يعادل عشر زلم بتربيته وصحته وثقافته وقوته..♥️

✦ الآن أستقبل طلبات تصاميم أغلفة الدفاتر المدرسيّة، أو الفواصل، أو غيرها، حسب رغباتكم المميّزة والمحفّزة، لتبدؤوا عامكم الدراسي بحماسٍ وثقة.

يمكنكم إضافة أسمائكم، أسماء المواد، عبارات ملهمة، أو صور أطفالكم الخاصّة أحوّلها كارتونية بشكل لطيف، أو أيّ صورة محبّبة لقلوبكم!

✦ بالتعاون مع مطبعة معراج، ستحصلون على طباعة بجودة عالية مع خصم خاصّ.

✦ عدد الطلبات محدود، فسارِعوا بإرسال طلباتكم.

✦ التصميم يُنجَز بحبٍّ كبير وبقيمة ماديّة رمزيّة تقديرًا لتعبي.

@mariam_3bot

مهم 📌❤️‍🩹

جمعتك لدينك لو للدنيا؟!


من بعد ما راح تقرا حديث الإمام الصّادق لازم نوگف شويّة وتقرر: جمعتك المن تخليها؟ للدين لو للدنيا؟ وتخطط من هسة وتكون مستعد تطبق من يوم الجمعة..

روي عن الإمام الصّادق عليه السّلام: «أُفٍّ على‌ مُسلِمٍ لَم يُنفق مِن أسبوعِه يَومَ الجُمعةِ فِي تَعلُّم دِينه وَلَم يَتَفَرَّغ فيه لذلك»

حديث يشبه الصفعة!
هذا الحديث يصفعنا بالحقيقة المُرّة ويذكرنا شكد مقصرين من ناحية التفقه بالدين وخصوصًا يوم الجمعة..

وقلة معرفتنا بعلوم دينا، ترا تودينا بداهية وإحنا ما ندري ولا حاسين حتّى وتصير كل تحركاتنا بشكل عشوائي لأن بكل بساطة ما نعرف شي ولا كلفنا نفسنا نتعلم..

وهذهِ أبيات شعر تنسب للإمام عليّ
توضح شلون الواحد ينصاب بدينه إذا ما عنده معرفة:

أبُنَيَّ إن من الرجالِ بهيمةً
في صورةِ الرجلِ السميعِ المبصرِ
فَطِنٌ بكل رزيةٍ في مـالِه
وإذا أُصيبَ بدِيـنِه لم يَشـعُرِ

يعني الواحد صاير ذكي وفطن ويعرف كل شي بأمور الدنيا إلا أمور دينه! بحيث إذا ينصاب ما يحس إلا وهو هالك.

عسى أن يحمل لك هذا الشهر جبرًا يليق بقلبك، عسى أن تجد ما أحببت كما تمنيت، بل وفوق ما تمنيت، وأن تأتيك المسرّات من حيث لا تحتسب، وتُجاب دعواتك حتى تُدهش من كرم الله وقدرته.
عسى أن تُفتح لك أبواب السماء والخيرات جميعها في طريقك، وأن يطمئن قلبك فلا تخشى شيئًا، وأن يفاجئك القدر بما يرضاه الله لك، وبما يُرضيك.🩵