"الحياة لمن يجرؤ" 🦋

أصدق شي قريته وللأسف طبقته بشكل متأخر بس صارت نقلة كبيرة بحياتي بعد تطبيق هاي الجملة...

المقولة للحياة عامة لكن بالجامعة خصوصًا؛ فعلًا الحياة لمن يجرؤ
علىٰ المناقشة،المشاركة، السؤال
مو تگعد آخر مدرّج ومحد داري عنك!

والطبيعي جدًا تكون ترجف وخايف، والبنات خصوصًا الوجه يصير أحمر والحرارة ترتفع...
طبيعي جدًا وصدگي مو بس إنت
كلنا هيج
بس البطلة إللي تختار تكون جريئة
وتحچي وهي ترتجف
وشوي شوي راح تتعود 

وكوني واثقة إنه كمية الأفكار إللي تعيقچ عن هيچ خطوة كلها أوهام
ترا محد راح يحچي علىٰ صوتج ولا شكلج ولا راح يضحكون عليچ!


راح تكتشفين نفسج وقدرتج وكمية المعلومات إللي عندج والأهم راح تتركين طابع حلو عند التدريسين بتفوقچ وحرصچ.

وهذا الكلام لكلّ الطلبة والطالبات مو فقط الجامعة، خلوها ببالكم: الأستاذ ما راح ينسى إللي يشارك ويسأل؛ فحتّى لو أخفقت بورقة الامتحان فمشاركتك اليومية راح تنقذك.🌸

و مثل ما قال الإمام علي بن أبي طالب "عليه السلام": "إذا هِبتَ أمرًا؛ فَقَع فيه، فإنَّ شِدَّة توقيِّه أعظمُ مِمّا تخافُ مِنه"..💜

هذا الحل الوحيد
لأن ما يروح هذا التوتر والخوف بدون التجربة


شاركوا حتّىٰ لو ترتجفون من الخوف والخجل والرهاب
اليوم هيج، وبعد كم يوم تشاركون بطلاقة وبدون خوف وهذا كله لأن صرتوا جريئين وعفتوا التردد.. كلّ شي عظيم تخافوه، كسره يبدي بخطوة صغيرة.

من بعد الدّعاء لصاحب العصر
نسألكم خالص الدعاء لي ولأهلي ولكلّ من يعنيلي. 🩷