خلونا نجيب ورقة وقلم ونكتب رسالتنا للإمام، اكتبوا كلّ مشاعركم وحوائجكم وشنو تحبّون تقدمون هديّة بهذهِ السنة واطلبوا المعونة والمساعدة من الإمام وتخيلوا كاعد كدامكم وابدوا بداية جديدة علىٰ حبّه، وبأقرب زيارة الكم خلوا الورقة بالضريح أو خلوها بنهر جاري وإن شاء الله نلتمس الجواب.💚

مولاي أيُّها الصَّاحب، أسأَلُك براءة ذمتي والعفو عمّا قدمتهُ يداي من جرمٍ آلم قلبَك، وأسألُك أن تتفضلّ عليّ وتضمني بدعواتِك الأحنّ. 💚

تخطيط سنوي مع ولادة صاحب الزمان 🦋

شتگولون لو نخلي خطّتنا السنويّة تبدي من ولادة صاحب الزّمان؟
يعني من ١٥ شعبان إلى ١٥ شعبان الجاي، مو من ١/١.
إذا دائمًا خططنا السنويّة تفشل، جرّبوا هالمرّة تخلوها مختلفة، وتربطوها بولادة صاحب الزمان، يقينًا راح يكون الدافع أقوى وبركة بكل خطوة.

شگد شعور حلو مجرّد نفكّر بهالخطوة. 🩵

خلّوا لأنفسكم ثلاث أهداف على الأقل، مثلًا:

•ما يمر يوم بدون ما تفتحين قرآن؛ حتى لو سطر واحد، المهم ما يعدّي يومچ بدون لمس الآيات والنظر للقرآن.

•يكون أكو موعد ثابت للتصدّق، ولو بربع.

• كل جمعة صلة رحم؛ هاي عبادة هواي منّا غافلين عن أهميتها.
قال الإمام الرضا (عليه السلام):
«مَن سَرَّهُ أن يُمدَّ له في عُمره ويُزادَ له في رزقه فَليَصِلْ رَحِمَهُ».
وقال الإمام الحسين (عليه السلام):
«صِلوا أرحامَكم ولو بكلمةٍ طيّبة».

گولوا: يا صاحب الزمان مدد،
وروحوا خلوا خطة مهام تبدي مع ولادة صاحب الزّمان، اكتبوا التاريخ واليوم واحتفظوا بالورقة، ونفتحها بـ ١٥ شعبان الجاي ونشوف شنو حقّقنا. 🩵

إذا بيها مجال تدعولي، من بعد الدّعاء لصاحب الزّمان. 💚

السّلام عليكم ومبارك المولد الشّريف

محتاجة مساعدتكم باستبيان بحث التخرّج مالتي..

•الاستبيان يستهدف الصيادلة المتخرجين والّي يشتغلون

•يتكلّم عن استخدام البخاخات الطبية، وما ياخذ أكثر من دقيقتين.

••ملاحظة مهمّة
Collaborator Code= 1
ميصير تحطون غير رقم أبدًا

https://forms.gle/hFujpBaFvBNf3kNF6

*شاكرة مساهمتكم العلميّة. 🩵

إذا ممكن تذكروني بدعواتكم.🤎

"حتّىٰ أخرجُ إلىٰ فضاء سِعة رحمتك، وفي وجهي لمعات برق القرب من آثار حمايتك"..✨

-دعاء القاموس.