Avvalo barcha talabalarni yangi o`quv yilini boshlab olgani bilan tabriklayman.

Matematika yo`nalishi 4-kursida (va yuqori bosqichlarda) tahsil olayotgan talabalar diqqatiga:

Avval aytganimdek NUS matematika fakuteti (math va applied math) PHD dasturiga har yili 2-3 ta (talabalar juda kuchli bo`lsa 3-4 ta) o`zbek talabalari mening tavsiyam bilan qabul qilinishini NUS matematika fakulteti bilan kelishib olganimni xabar bergandim. Birinchi yil uchun allaqachon o`zbek talabalari o`z o`qishlarini NUSda boshlashdi.



Keyingi yil uchun hozirdan tayyorgarlik va saralashlarni boshlash lozim. Hozirda O`ZMUdagi ehtimoliy nomzodlarni bilan doimiy aloqadaman. Lekin O`zbekiston bo`ylab barcha kuchli yoshlarga imkoniyat va birdek yo`l-yo`riq berish tarafdoriman. Boshqa universitetlardagi talabalar bilan to`g`ridan to`g`ri aloqam yo`qligi va har bir talaba bilan birma-bir savol-javob qila olish imkoniyatim yo`qligi sababli quyidagicha ko`rinishda aloqa o`rnatmoqchiman:


Qiziqqan talaba o`z fakultetidagi kuchli mutaxassisga bog`lanadi. Ushbu mutaxassis barcha qiziquvchilarni yig`ib ism-familiyalar va telegram raqamlari haqidagi ma'lumotlarni mening elektron pochta manzilimga yuboradi. Mutaxisislarga aloqaga chiqolmaydiganlar shogirlarim orqali bog`lansa ham bo`ladi.

BUXDU va URDUdagi ko`pchilik matematiklar mening qadrdonlarim. Ularga bu ma'lumotni yetkazib qo`yaman. Umid qilamanki sizlar uchun ularga bog`lanish qiyin bo`lmaydi.

Men bilan hali aloqada O`zMU talabalari to`g`ridan-to`gri o`zimga aloqa chiqishi mumkin.

Qo`shimcha ma'lumotlar:

✅Saralab olinganlarning matematikasi kuchli bo`lishi zarur;
✅Ingliz tilisi yaxshi darajada bo`lishi va keyinchalik IElTS olishi lozim;
⛔️olimpiadalardagi yutuqlar ahamiyatsiz;
⛔️stipendiat bo`lgan bo`lmaganligi ahamiyatsiz;
⛔️maqolachalar yozgan-yozmaganligi ahamiyatsiz;


Faqat va faqat juda kuchli matematika va ingliz tili yetarli!

NUSda phd o`qishning afzalliklari:


♾NUS universitetlar reytingida dunyoda 8-o`rinda turadi;
♾Eng kuchli olimlar bilan ishlash imkoniyati;
♾Yuqori stipendiya;
♾NUS phd diplomi O`zbekistonda to`g`ridan-to`g`ri fan doktori(DSc) diplomiga nostrifikatsiya qilinadi;
♾NUS phd diplomi bilan O`zbekistinga qaytgan 30 yoshga to`lmagan yosh mutaxassis maoshiga bazaviy hisoblash miqdori 75 barobari qo`shimcha maosh qilib to`lanadi;
♾Bizning jamoamiz azosiga aylanasiz.


@karimraximov