ودي أكلمك كل شوي واسكر
‏ابغى اتطمن مثل لو انك وزاني

‏من أمس واليوم والليله وانا أفكر
‏تكفى تحرّص على روحك علشاني

يابوي لمني بنتك أدنى شيء يبكيها
‏الحزن بصدر بنتك من يداويه ؟

‏يابوي بنتك شالت هم وثقل خطاويها
‏يابوي صدري أمتلى حزن وين أوديه؟

‏يابوي شف بنتك اللي حيييل تغليها
‏لو كسرها الحزن والهم لك ماتطريه

‏يابوي انا اجبر خواطر وانا اداريها
‏وشفيهم كسرو خاطري وكلن ناسيه؟

يا ضايق الصدر بالله وسع الخاطر
‏دنياك يازين ما تستاهل الضيقه

‏الله على ما يفرج كربتك قادر
‏والله له الحكم في دبرة مخاليقه

اضحك واسولف وانا فيك مشغول ،
ياماخذ فكري عن الناس وينك ؟

والله مافيهـم من لونك
‏لازين أوصاف ولا مذهب

‏أنت أغلى والباقي دونك
‏وأنت أحلى منهم وأنت أعذب

‏أنت اللي يحبك مايخونك
‏وأنت اللي يخونك ماينحب

توك تدري اني مجنونك
‏اجل من اول وش تحسب ؟

ماقلتلك عمر سيف العشق مايقتلك
ماتشوفني حي قدامك وانا اموت فيك
اشتقت لك قبل اجيك
وجيت واشتقت لك
البارحة طول ليلي بين هاذي وذيك
مليت جمر انتظارك
واستحيت اسالك
واحسبني ما بعد جيت وفكرت اجيك
أثرك بقلبي من البارح وأنا استعجلك
وأثري نسيتك من الفرحة وقمت أحتريك

يشهد الله إني أحبك ..
‏لين ضاقت ضلوعي وصوتي
‏وصاحت عيوني من الوجع
‏والحب يوجع .. والطمع قاتل
‏أبيك العمر كله هالقليل الراحل
‏ويشهد الله إني أحبك

الصدفة اللي جابتك يوم مرّيت
‏تسوى مواعيد العُمر والتلاقيّ❤️❤️❤️❤️

ماعندي الا قلب واحد ومسروق
‏والسارق اللي سارقه جايزٍ لي

‏عساه مايعثر ولا يصدفه عوق
‏وعساه مع طول العمر صافي لي💙💙💙

داويت جرحه يوم صكته الأقدار
‏و رد العطا في جرح ماله مداوي

أبتدينا وأنـتهينا يا لعوب
لا تحاول تـقنع بحلو الكلام
الله أكبر صرت أنا كلي عيوب
عقب قولك معجب أنكرت الغرام

أكتويت بحبك ولازم أتوب
لأجل عينك كم تحملت الملام
كل ذكرى لك تمحيها الهبوب
حتى لو سلمت لاترد السلام

مدري أواسي حلمي اللي تمناك
‏ولا أواسي قلبي اللي خيبت ظنه ..

اللي يبيك يجيك لو دونك قيود
‏يكسر على شانك خشوم الصعايب

‏واللي يبي فرقاك لو دربك ورود
‏ما جاك لو أنك من أدنى القرايب

لا تسترق النظر ، ما عادت هذهِ ديارك ..

قمراي وانا الليل ولا لي سما الا سماك
‏صدقني اني لو سهرت الليل وعيوني حمر

‏اسهر عشانك وعلى شان اسهرك واسهر معاك
و اواعدك و اقول انا مواعد مع القمرا قمر

«كنت أقول إني لو تضيق الوسيعة ما أضيق
‏وأكتشفت إن البني آدم ضعيف ولو قوى

‏كل ما سِقت القدم يمْ السعة ضاق الطريق
‏وكل ما حطيت رجلِيني على درب ألتوى

‏والله إني كنت أدفّ طويق وأطيِّح طويق
‏لين صرت أطيح لو يلفَح طرف ثوبي هواء»

والله إن ماعاد لي ف العمر غايّه
‏غير عفو الله و ضحكة والديني .

" ودي أطيل النظر فيك يالوجه الضحوك
‏ ما بعد وجهك وجيه يسلّي . . شوفها "
‏— حشان بن مصلح

ولو أتوب من الذنوب اللّي جنت الايام ضدّي
‏ما قدرت أتوب عن ذنبٍ يعنّ القلب صوبه

‏كيف أتوبك يا أجمل ذنوبي وأوقف عند حدّي
‏وأنت ذنبٍ لا غفره الله ولا لي عنه توبه ..

اللي يحبّك بالكلام حبّه على قد الكلام
‏واللي يحبّك بالفعل حقق لعينه ما فعل".