Bugun “Sayyid Muhyiddin maxdum” o‘rta maxsus islom ta’lim muassasasida yangi o‘quv yilining ilk kunida “Mustaqillik darslari” tashkil etildi.

Darslar davomida talabalarga Vatanimiz mustaqilligining tarixiy ahamiyati, istiqlol yillarida yurtimizda amalga oshirilgan ulkan bunyodkorlik ishlari, ayniqsa, diniy-ma’rifiy soha va ta’lim tizimida yaratilayotgan keng imkoniyatlar haqida atroflicha ma’lumot berildi.

Shuningdek, yoshlar qalbida Vatanga muhabbat, milliy qadriyatlarga hurmat, tinchlik va osoyishtalikni qadrlash, yurt ravnaqi uchun mas’uliyat bilan xizmat qilish tuyg‘ularini yanada mustahkamlashga alohida e’tibor qaratildi.

Zero, mustaqillik — bu nafaqat buyuk ne’mat, balki uni asrab-avaylash, ilm-ma’rifat bilan yurt taraqqiyotiga munosib hissa qo‘shishdek ulkan mas’uliyat hamdir.

📚 Ilk o‘quv kunining ana shunday mazmunli va ruhiy-ma’rifiy saboq bilan boshlanishi talaba-yoshlar uchun yangi o‘quv yiliga munosib ruh va yuksak maqsadlar baxsh etdi.

Yangi o‘quv yili barcha ustoz va talabalarimiz uchun ilm, ziyo, ulkan yutuq va muvaffaqiyatlarga boy bo‘lsin!

🏫 “Sayyid Muhyiddin maxdum” o‘rta maxsus islom ta’lim muassasasida 2026–2027 o‘quv yilining dars mashg‘ulotlari ko‘tarinki ruhda boshlandi.

🎓Yangi o‘quv yilining ilk kunidan boshlab ta’lim muassasasida dars jarayonlari belgilangan tartib asosida yo‘lga qo‘yilib, talabalar o‘zlarining ilm olishdagi faoliyatlarini davom ettirmoqdalar.

📖Ustoz-mudarrislar tomonidan fanlardan mashg‘ulotlar olib borilib, talabalar yangi o‘quv yilida bilim va ko‘nikmalarini yanada oshirishga kirishdilar.

🤲Barcha ustoz va talabalarimizga 2026–2027 o‘quv yilida ulkan zafarlar, manfaatli ilm va muvaffaqiyatlar tilaymiz!

🗣Шаҳрисабздаги "Оқ масжид" жомесининг янги биноси қурилиши бошланди

🗣Хушхабар: Хожа Бухорий таълим муассасаси мудири илмий даражага эга бўлди

🗣Диний таълим соҳасидаги халқаро ҳамкорлик кенгаймоқда

🗣Имом Бухорий мажмуаси яқинида беш юлдузли биринчи меҳмонхона очилди

🗣Бухородаги "Сайфиддин Бохарзий" масжидида янги таҳоратхона фойдаланишга топширилди

🗣Бош имом масжидлардаги бунёдкорлик жараёни билан танишди