#xabar #indoneziya
🗣Индонезиянинг Ҳаж ва умра ишлари вазири билан учрашув ўтказилди

💬 Бугун, 9 сентябрь куни Ўзбекистон мусулмонлари идорасида Индонезиянинг Ҳаж ва умра ишлари вазири Муҳаммад Ирфон Юсуф ҳамда мамлакатимиздаги элчиси Сити Руҳаини Жуҳаятин бошчилигидаги делегация билан учрашув бўлиб ўтди.

⏺Тадбирда Ўзбекистон мусулмонлари идораси раисининг биринчи ўринбосари Ҳомиджон домла Ишматбеков, Дин ишлари бўйича қўмита раисининг биринчи ўринбосари Давронбек Махсудов, Диний идора раиси ўринбосари, "Вақф" хайрия жамоат фонди раиси Зайниддин домла Эшонқулов ва соҳа мутахассислари иштирок этди.

✅Суҳбат аввалида икки давлат раҳбарларининг саъй-ҳаракатлари билан ҳамкорлик муносабатлари юқори даражага кўтарилгани таъкидланиб, меҳмонлар Самарқанддаги Имом Бухорий мажмуаси ёнида янги барпо этилган "Ҳадис" меҳмонхонаси очилиши билан қутланди. Шунингдек, делегацияга юртимиздаги диний-маърифий ислоҳотлар, Диний идора, Уламолар Кенгаши ва Фатво маркази фаолияти ҳақида сўзлаб берилди.

🌙 Мулоқот давомида XIV аср охири XV аср бошларида Индонезияда Ислом маърифати ёйилишига ҳисса қўшган Иброҳим Самарқандий ва бошқа уламолар мероси халқларимизни чамбарчас боғлаб туриши қайд этилди. Яқин ўтмишда Индонезиянинг биринчи Президенти Аҳмад Сукарнонинг Самарқанддаги Имом Бухорий қабрини зиёрат қилгани илиқ хотирланди.

📝Учрашувда Ҳаж ва Умра сафарларини юқори савияда ташкил этиш ҳамда бу борадаги илғор тажрибаларни алмашиш масалалари кўриб чиқилди. Шу билан бирга, Ислом молияси ва банк иши йўналишида мутахассислар тайёрлаш, юртимиздаги "Вақф" хайрия жамоат фонди ва Индонезия вақф ташкилотлари ўртасидаги алоқаларни мустаҳкамлаш масалалари муҳокама қилинди.

🤝 Якунда мазкур ташаббус ва таклифларни ҳаётга татбиқ этиш учун масъуллар белгиланди. Меҳмонларга эсдалик совғалари топширилди.

✅ Ўзбекистон мусулмонлари идораси
Матбуот хизмати

📱ISHONCHLI VA RASMIY MANBA📲 OBUNA BO'LING

▶️ YouTube | 📷Instagram | 🔵 Facebook

#xabar #imom #quron #ilm #tajvid
📖 ИМОМЛАР УЧУН ҚИРОАТ ДАРСЛАРИ ДАВОМ ЭТМОҚДА

🤲 Аллоҳга шукрки, Ўзбекистон мусулмонлари идораси томонидан диний соҳа ходимларининг касбий салоҳиятини ошириш, хусусан, Каломуллоҳни тажвид қоидалари асосида янада гўзал ва мукаммал қироат қилишларини таъминлаш борасидаги хайрли ишлар изчил амалга оширилмоқда.

🗣Муфтий Шайх Нуриддин Холиқназар ҳазратларининг ташаббуслари билан масжидларда хизмат қилаётган имом-хатиб ва имом ноибларининг қироат бўйича билим ва кўникмаларини бойитиш мақсадида навбатдаги амалий машғулотлар бошланди.

✅Ўзбекистон мусулмонлари идорасининг Масжидлар билан ишлаш ҳамда Қуръон ва тажвидни ўргатиш бўлимлари ҳамкорлигида ташкил этилган қироат дарслари жорий йил 9 сентябрь кунидан Жиззах, Қашқадарё, Фарғона ва Хоразм вилоятларида бошланди.

📝Ҳозирда тасдиқланган режа асосида ҳудудлардаги имом-хатиб ва имом ноиблари учун тажвид ҳамда қироат илми бўйича амалий машғулотлар қизғин давом этмоқда. Ўқувларда Абдуллоҳ қори Хайдаров (Жиззах вилояти), Абдусамад қори Мамасолиев (Қашқадарё вилояти), Абдулбосит қори Эшқобилов (Фарғона вилояти) ҳамда Исмоилхўжа қори Аҳроров (Хоразм вилояти) каби тажрибали устозлар қироат сабоқларини олиб бормоқда.

💬 Малака оширишга қаратилган ўқув машғулотлари юртимиз бўйлаб давом этмоқда.

✅ Ўзбекистон мусулмонлари идораси
Матбуот хизмати

📱ISHONCHLI VA RASMIY MANBA📲 OBUNA BO'LING

▶️ YouTube | 📷Instagram | 🔵 Facebook