#ЯНГИЛИКЛАР_ВАҚТИ

🗣 ЎЗБЕКИСТОН ШАХМАТЧИЛАРИ — ИККИ КАРРА ЖАҲОН ЧЕМПИОНИ!

...Ўзбекистон терма жамоаси Бутунжаҳон шахмат олимпиадасида юксак маҳорат, матонат ва ирода намунасини кўрсатиб, мусобақа ғолибига айланди ва иккинчи бор Жаҳон чемпиони деган шарафли номни қўлга киритди...
➡️ Батафсил

🗣 АКАДЕМИЯ РЕКТОРИ «ОЛИЙ ТАЪЛИМ АЪЛОЧИСИ» КЎКРАК НИШОНИ БИЛАН ТАҚДИРЛАНДИ

...Ўзбекистон халқаро ислом академияси ректори миллий таълим тизимини ривожлантириш, юқори малакали кадрлар тайёрлаш ва диний-маърифий соҳадаги фидокорона меҳнатлари учун «Олий таълим аълочиси» кўкрак нишони билан муносиб тақдирланди...
➡️ Батафсил

🗣 ДИНИЙ ИДОРАДА ИНДОНЕЗИЯ УЛАМОЛАРИ ДЕЛЕГАЦИЯСИ БИЛАН УЧРАШУВ ЎТКАЗИЛДИ

...Ўзбекистон мусулмонлари идорасида Индонезия уламолари кенгаши вакиллари билан самимий мулоқот бўлиб ўтди. Унда икки қардош мамлакат ўртасидаги диний-маърифий алоқаларни мустаҳкамлаш, фатво соҳасида тажриба алмашиш ҳамда таълим йўналишидаги ҳамкорликни янада кенгайтириш масалалари муҳокама қилинди...
➡️ Батафсил

🗣 ИСЛОМ ЦИВИЛИЗАЦИЯСИ МАРКАЗИДА ИМОМ-ХАТИБЛАР УЧУН ЎҚУВ-СЕМИНАР ТАШКИЛ ЭТИЛДИ

...Ўзбекистондаги Ислом цивилизацияси марказида имом-хатибларнинг касбий билим ва кўникмаларини ошириш, аждодларимизнинг бой маънавий меросини кенг ўрганиш ҳамда жамиятда соғлом диний-маърифий муҳитни таъминлашга қаратилган махсус ўқув-семинари ўтказилди...
➡️ Батафсил

🗣 ҲУДУДЛАРДА ОТИНОЙИЛАР ЎРТАСИДА «ЗАКОВАТ» БАҲСЛАРИ ЎТКАЗИЛДИ

...Отинойиларнинг интеллектуал салоҳиятини юксалтириш, диний ва дунёвий билимларини мустаҳкамлаш мақсадида ҳудудларда «Заковат» интеллектуал беллашувлари бўлиб ўтди. Баҳсларда фаол иштирок этган ғолиб жамоалар ташкилотчилар томонидан рағбатлантирилди...
➡️ Батафсил

🗣 ЎЗБЕКИСТОН МАЛАЙЗИЯДАГИ «MIHAS» ХАЛҚАРО ҲАЛОЛ МАҲСУЛОТЛАР КЎРГАЗМАСИДА ИШТИРОК ЭТДИ

...Куала-Лумпур шаҳрида ташкил этилган нуфузли «MIHAS» халқаро ҳалол маҳсулотлар кўргазмасида юртимиз вакиллари иштирок этди. Тадбирда миллий маҳсулотлар тарғиб қилиниб, халқаро ҳамкорлар билан ҳалол стандартлари ва зиёрат туризми бўйича янги ҳамкорлик алоқалари йўлга қўйилди...
➡️ Батафсил

#yangiliklar #dayjest

📝Баҳриддин Хушбоқов

✅ Ўзбекистон мусулмонлари идораси
Матбуот хизмати

📱ISHONCHLI VA RASMIY MANBA📲 OBUNA BO'LING

▶️ YouTube | 📷Instagram | 🔵 Facebook

#xabar #muftiy #qabul
🌙 МУФТИЙ ҲАЗРАТ ТУРЛИ ҲУДУДЛАРДАН КЕЛГАН ЮРТДОШЛАРИМИЗНИ ҚАБУЛ ҚИЛДИЛАР
 
🌙 Инсон дардига шерик бўлиш, оғирини енгиллатиб, кўнглига шодлик улашиш — ислом динининг энг гўзал қадриятларидан биридир. Пайғамбаримиз соллаллоҳу алайҳи ва саллам: «Ким биродарининг ҳожатини раво қилса, Аллоҳ унинг ҳожатини раво қилади. Ким бир мусулмоннинг ташвишини аритса, Аллоҳ унинг Қиёмат кунидаги ташвишларидан бирини аритади», дея марҳамат қилганлар.

✅Ана шу эзгу таълимотга мувофиқ, бугун, 30 сентябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари навбатдаги фуқаролар қабулини ўтказдилар. Унда Тошкент шаҳри, Сурхондарё, Андижон, Фарғона, Наманган, Бухоро, Самарқанд вилоятлари ҳамда Қорақалпоғистондан келган 70 га яқин юртдошларимизнинг арз, таклиф ва мурожаатлари тингланди.

⏺Қабулда фуқароларнинг ҳар бир масаласига алоҳида эътибор қаратилди: ижтимоий кўмак ва даволаниш учун моддий ёрдам сўраб келган эҳтиёжмандларга тегишли тартибда ёрдам чоралари белгиланди, ҳудудлардаги масжидлар ҳолати ва диний хизмат билан боғлиқ масалалар назоратга олинди, таълим олиш, оилавий муроса ҳамда шаръий ҳукмлар бўйича келган юртдошларимизга зарур йўл-йўриқ ва тавсиялар берилди. Шунингдек, қабулга шукроналик изҳор этиб, дуо олиш ниятида келган нуроний отахон-онахонларнинг эзгу тилаклари қабул қилинди.

💬 Ўз муаммоларига амалий ечим ва кўнглига таскин топган юртдошларимиз диний соҳа мутасаддиларидан мамнун бўлиб, юзида табассум ва қалбида дуолар билан қайтдилар.

📍 Эслатиб ўтамиз, халқ билан яқиндан мулоқот қилиш ва уларнинг мурожаатларига ечим топиш жараёнлари юртимиздаги барча жоме масжидларда ҳар чоршанба куни имом-домлалар томонидан мунтазам олиб борилмоқда.

✅ Ўзбекистон мусулмонлари идораси Матбуот хизмати

MUSLIM.UZ GA 📲 OBUNA BO'LING ✅ VA ULASHING🗣

▶️ YouTube | 📷Instagram | 🔵 Facebook