Assalom Estate кўчмас мулк агентлиги раҳбари VOTUM подкастига берган суҳбатида Chorsu MANAR ноёб лойиҳаси мисолида тўғри ном танлаш ва ўзига хос архитектуранинг муҳимлиги ҳақида сўз юритди.

Бугун Ғазалкентда бўлиб ўтган Sea Breeze лойиҳасининг жамоатчилик билан очиқ мулоқоти ушбу формат тарихидаги энг холис ва муваффақиятли тадбир сифатида эътироф этилишга улгурди. Ўнлаб фаоллар, экспертлар, журналистлар, блогерлар ва маҳаллий аҳоли вакиллари уч соатдан ортиқ вақт давомида нафақат Sea Breeze раҳбарига, балки вилоят, вазирлик ва идоралар раҳбариятига юздан ортиқ савол ва таклифлар билан юзланишди. Ноқулай об-ҳаво шароитига қарамай, залда жами 200 дан ортиқ киши иштирок этди.

“Sea Breeze” – минтақани ривожлантиришга қаратилган узоқ муддатли лойиҳа. У минглаб янги иш ўринларини яратиб, иқтисодиёт ва туризм ривожига туртки беради, шунингдек, Чорвоқда илгари мавжуд бўлмаган замонавий муҳандислик инфратузилмасини шакллантиришни кўзда тутади. Биз бошиданоқ очиқлик тамойилига амал қиламиз ва аҳоли, оммавий ахборот воситалари ҳамда экспертлар билан барча масалаларни муҳокама қилишга тайёрмиз. Энг муҳими, лойиҳани амалга ошириш жараёни устидан Экология вазирлиги томонидан доимий назорат олиб борилишини бошиданоқ ўзимиз талаб қилганмиз”,

— деб таъкидлади Sea Breeze Uzbekistan бош директори Сардор Ҳамидов.

Муҳокамалар жараёнида Чорвоққа туташ аҳоли пунктларида яшовчи фуқароларнинг миннатдорчилик билан айтган сўзлари алоҳида ҳаяжон уйғотди. Жумладан, ушбу ҳудудларга сўнгги ойларда илк бор магистрал сув ва газ таъминоти кириб бормоқда. Айрим иштирокчилар ўзлари ва фарзандлари учун эндиликда пойтахт ёки хорижга кетиш зарурати қолмасдан, ўз яшаш ҳудудларида муносиб иш билан таъминланишига умид билдиришди.

VOTUM Development журналининг учинчи сони нашрдан чиқди

📌 Соннинг махсус меҳмони Эмин Агаларов катта интервьюсида девелопмент фалсафаси, Чорвоқнинг келажаги, Sea Breeze экологияси ва ишонч қиймати ҳақида сўзлаб беради.

📌 MANAR Development раҳбари Даврон Файзиматов таҳририят билан суҳбатда Чорсу ва ETÉRA мисолида бозор трансформацияси ҳамда тижорат кўчмас мулкининг янги форматлари ҳақида фикр юритади.

📌 Гиннеснинг рекордлар китобига киритилган Ислом цивилизацияси марказидан эксклюзив фоторепортаж.

MANAR Development Ўзбекистон қурувчилар уюшмаси томонидан ташкил этилган Build Connect 2026 форумида иштирок этди. Тадбирда компания номидан тижорат директори Ботир Абдураҳмонов ва лойиҳалар директори Юсуф Юнусов “Девелопер қаерда пул йўқотади: ер участкасидан стратегиягача” мавзусида маъруза қилди.

“Бугун лойиҳа муваффақияти нафақат қурилиш сифати, балки девелопернинг бозорни қай даражада тўғри тушуниши, хатарларни бошқара олиши ва объектнинг бутун ҳаётий циклини назорат қила билиши билан ҳам белгиланади”,

– дея таъкидлади MANAR Development бош директори Даврон Файзиматов.

Маърузачилар девелопментдаги молиявий йўқотишларнинг асосий сабабларини таҳлил қилиб бердилар. Ҳар бир босқич самарадорлигини оширишда тизимли ёндашув муҳим аҳамият касб этишига алоҳида эътибор қаратилди.