الزواج هيبقى بالتنسيق وحسب المجموع 🙂

حد له تجربة مع دكتور سمعيات كويس ؟

العلاقات لا تدوم بالكمال..بل بالرحمة ❤️

اللهم ♥️😍

كتير من الشباب بيعدي عليه وقت بيحس فيه إنه مخنوق، الهموم تقيلة لدرجة إنه مش قادر يتنفس، وبيبدأ عقله يصورله إن إنهاء حياته هو المهرب الوحيد.

بس الحقيقة ده أصعب قرار ممكن تاخده، لأنك ببساطة بتقفل باب الرحمة اللي كان ممكن يتفتح في اللحظة اللي بعدها مباشرة. ربنا لما قال: {إِنَّ اللَّهَ كَانَ بِكُمْ رَحِيمًا}، كان بيفكرك إن رحمته أوسع من أي وجع حاسس بيه، وإنك غالي عنده أوي لدرجة إنه بيحذرك من خسارة دنياك وآخرتك في لحظة ضيق.

الوجع مبيخلصش بإننا ننهي حياتنا، الوجع بيبدأ يزول لما بنسلمه لصاحب الأمر وبنبدأ نتكلم ونفضفض.

اطمّن "سيجعل الله بعد عسرٍ يُسرًا".. ده وعد، ووعد الله حق.

دكتور حازم شومان.

طمن قلبك ❤️

"النساء يا سيدي تغويهن كلمة، وتتلألأ أعينهن بزهرة، وتتراقص أفئدتهن بضمة، فإياك وأن تتقن معهن الشِّدَّة."

❤️

اكسب أهل بيتك وحافظ عليهم ❤️

‏والله لا شيء يعادل الإطمئنان
الذي تناله بعد أن تخلع من قلبك
التعلّق بالأسباب الدنيوية،
وتوقن حق اليقين أن الأمر كله بيد العزيز الحكيم،
وأنه إذا شاء شيئًا وقدّره
فما الخلق إلا وسائل تجري من خلالهم إرادته.
🤍

"وقُرّ عيني بمُرادي وإن عزَّ عليّ مطلبي فهو عليك هيّنٌ يا ربّ.."

ابشر ❤️

ده أنت "أحمد" جدا 😂

#ابن_امه 😢

الطلاق مش دايمًا هو الحل الأول، أحيانًا بيكون هروب من مشكلة محتاجة مواجهة.
قبل ما تاخد القرار، اسأل نفسك: هل استنفدت كل طرق الإصلاح؟ هل المشكلة في الشخص، ولا في طريقة التعامل؟
البيوت بتتبني على الصبر والمودة، ومش كل عاصفة معناها إن البيت لازم يتهد.

قال الله تعالى:
{وَعَاشِرُوهُنَّ بِالْمَعْرُوفِ ۚ فَإِن كَرِهْتُمُوهُنَّ فَعَسَىٰ أَن تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا}

فكّر كويس... فالإصلاح له لذّة لا يعرفها إلا الصابرون.❤️

د/حازم شومان.

قيل لِزياد بن أبي سفيان: مَن أنعم الناس عيشةً يا أمير؟
فقالَ: رجلٌ مسلِم، لهُ زوجة مسلمة، لهما كفاف من العيش، وقد رضيَت به وَرضيَ بها. ❤️

إحنا نلغي المعازيم 🙂

عن أم المؤمنين عائشة رضي الله عنها ،
أن النبي ﷺ كان يقول :

" اكشِفِ البأسَ ، ربَّ النَّاسِ ، لا يكشفُ الكربَ غيرُكَ "

رأيكم في القرار..
مؤيد 👍
معارض ❤️

ازاي تبسط مراتك؟
ابتسم وأنت بتفتح باب البيت.. حسسها انك مبسوط انك شوفتها.
قل لها : وحشتيني.. ايه الشياكة دي.
إديها مصروف تجيب بيه اللي نفسها فيه وخصوصاً لو مش بتشتغل.
أول ما تصحى من النوم طبطب عليها زي الأب ما بيطبطب على بنته وطبطب عليها بعد ما تخلص شغل البيت.. ساعتها بتبقى مهدودة فعلاً.
اشكر فيها قدام مامتك وفي نظافتها.
ما تقارنهاش بحد علشان هي ما تقارنكش بحد.
مش لازم تحكي عن زميلتك في الشغل الباشمهندسة والدكتورة..
خرجها مرة كل أسبوع بلاش تحبسها في البيت.
أشكر في أهلها هتنبسط أوي واظهر حبك ليها قدام أهلها عشان تتباهى قدامهم بعلاقتك بيها وبحفاظك على كرامتها.
لما تتعب وتسخن ارقيها وادعيلها واعملها ينسون واظهر شوية موده ورحمة من اللي ربنا قال عليهم.

هي كانت فرحانة بيك لما اختارتك واتجوزتك فمتخيبش ظنها وحطها في عينك واتقِ الله فيها عشان ربنا يكرمك..❤️

احسنوا الاختيار 😔

"لما ربنا ذكر الزواج في القرآن كان مرتبط بـ ٣ حاجات:
"السكن، المودة، الرحمة"

احتياجك لشخص تسكن إليه وتكون علاقتك بيه مختلفة عن علاقة الأم والأب والأخوات هو احتياج نفسي فطري.

آدم وهو في الجنة اللي فيها مالا عين رأت ولا أذن سمعت، استوحش، فربنا خلق له حواء من ضلعه لتؤنسه.

في ظل انتشار الناس اللي بتصدرلك صورة سلبية عن الجواز، هتفضل الغاية الأولى والأهم هي إنك تلاقي السكن مع شخص يكون أقربلك من روحك،

إحساس السكن محدش تاني يقدر يقدمهولك غير شريك حياتك." ❤️