O'zbekiston Milliy universitetida “Karyera kuni” mehnat yarmarkasi tashkil etildi

🇺🇿 Mirzo Ulug‘bek nomidagi O‘zbekiston Milliy universitetida “Karyera kuni” mehnat yarmarkasi o‘tkazilib, uning asosiy maqsadi — Prezident tomonidan berilgan topshiriqlar asosida yoshlar, ayniqsa bitiruvchilarni ish bilan ta’minlashni kuchaytirishdan iborat bo‘ldi.

⏺Tadbirda 200 ga yaqin tashkilot ishtirok etib, 10 mingdan ortiq ish o‘rni taklif qilindi. Unda 20 mingga yaqin yoshlar qatnashib, bu yarmarkaning katta imkoniyatlar maydoniga aylanganini ko‘rsatdi.
So‘nggi yillarda bandlik ko‘rsatkichlari yaxshilanib, 2024/2025-o‘quv yilida bitiruvchilarning 96% dan ortig‘i ishga joylashgani qayd etildi.

⏺Yarmarka doirasida zamonaviy raqamli yechimlardan ham samarali foydalanilmoqda. Jumladan, osonish.uz platformasi orqali respublika bo‘yicha 40 mingdan ortiq bo‘sh ish o‘rinlari haqida ma’lumot olish imkoniyati yaratilgan.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

#Muzeylarga_sayohat

🟢O‘zbekiston Respublikasi Prezidentining PQ-139 qarori (2026-yil 16-aprel) bilan tasdiqlangan chora-tadbirlar dasturining 1-ilovasi 9-bandiga muvofiq, Vatan himoyasi yo‘lida halok bo‘lgan ajdodlar, harbiy xizmatchilar hamda huquqni muhofaza qiluvchi organlar xodimlari nomlarini abadiylashtirish va ularning jasoratini keng targ‘ib etish maqsadida qator ma’naviy-ma’rifiy tadbirlar belgilangan.

📌Mazkur vazifalar ijrosini ta’minlash doirasida O‘zbekiston Milliy universiteti Matematika fakulteti talaba-yoshlari uchun G‘alaba bog‘i yodgorlik majmuasiga ekskursiya tashkil etildi. Tashrif davomida talabalar ushbu majmuada yaratilgan tarixiy muhit bilan yaqindan tanishib, Vatan ravnaqi va tinchligi yo‘lida jon fido qilgan ajdodlarimiz xotirasini yod etdilar. Bog‘ hududida joylashgan yodgorliklar, ramziy kompozitsiyalar hamda tarixiy lavhalar talabalarda chuqur taassurot uyg‘otdi.

📌Shuningdek, talabalar Shon-sharaf muzeyini ham katta qiziqish bilan tomosha qilishdi. Muzey ekspozitsiyalari orqali Ikkinchi jahon urushi yillaridagi mardlik, jasorat va fidoyilik namunalari, shuningdek, xalqimizning urush davridagi matonati va birdamligi haqida batafsil ma’lumotlarga ega bo‘lishdi.

✔️Ushbu ekskursiya talaba-yoshlarda tarixiy xotirani asrab-avaylash, ajdodlar jasoratiga chuqur hurmat ruhini shakllantirish hamda ularni vatanparvarlik ruhida tarbiyalashda muhim ahamiyat kasb etdi. Bunday ma’naviy-ma’rifiy tadbirlar yosh avlod ongida milliy g‘urur va iftixor tuyg‘ularini yanada mustahkamlashga xizmat qiladi.