#9_may_Xotira_va_qadrlash_kuni

🟢Mirzo Ulug‘bek nomidagi O‘zbekiston Milliy universiteti Matematika fakultetida 9-may — Xotira va qadrlash kuni munosabati bilan ma’naviy-ma’rifiy tadbir tashkil etildi.

📌Mazkur tadbirning asosiy maqsadi xalqimizning tinchligi va bugungi osoyishta hayoti yo‘lida fidokorona xizmat qilgan insonlar xotirasini yod etish, faxriy ustozlarga hurmat va ehtirom ko‘rsatish hamda yosh avlod qalbida vatanparvarlik, milliy qadriyatlarga sadoqat tuyg‘ularini yanada mustahkamlashdan iborat bo‘ldi.

☄️Tadbir davomida faol talaba-yoshlar tomonidan 9-may sanasiga bag‘ishlangan she’rlar, monologlar hamda sahna ko‘rinishlari ijro etildi. Badiiy chiqishlarda tinchlikning qadri, inson xotirasiga hurmat va ustozlarga ehtirom kabi ezgu g‘oyalar o‘z ifodasini topdi.

⚡️Shuningdek, fakultetda samarali faoliyat olib borgan, bugungi kunda oramizda bo‘lmagan ustozlar xotirasiga bag‘ishlangan videorolik namoyish etildi. Videorolikda ustozlarning ilm-fan rivojiga qo‘shgan hissasi, talaba-yoshlar tarbiyasidagi o‘rni hamda ularning ibratli hayot yo‘li aks ettirildi.

📌Tadbir davomida fakultet dekani so‘zga chiqib, fakultet ravnaqiga munosib hissa qo‘shgan ustozlarning samarali mehnat faoliyati, ilmiy va pedagogik merosi haqida to‘xtalib o‘tdi hamda ularning xotirasini chuqur hurmat bilan yod etdi. Shuningdek, yoshlarni ustozlar yaratib ketgan boy ilmiy maktab va an’analarni davom ettirishga chaqirdi.

✔️Mazkur ma’naviy-ma’rifiy tadbir ishtirokchilarda katta taassurot qoldirib, xotira va qadrlash tushunchalarining mazmun-mohiyatini yanada teran anglashga xizmat qildi.