O‘zbekiston Milliy universitetda “Karyera kuni” mehnat yarmarkasi tantanali ochilish marosimi bo‘lib o‘tdi

🇺🇿 Mirzo Ulug‘bek nomidagi O‘zbekiston Milliy universitetida “Karyera kuni” mehnat yarmarkasining ochilish marosimi o‘tkazildi. Tadbirda Oliy ta’lim, fan va innovatsiyalar vazirligi departament rahbari Abdusamad Mamanazarov, universitet rahbariyati, soha prorektorlari, O‘zFA Romanovskiy nomidagi Matematika instituti direktori o‘rinbosari O‘tkir Roziqov hamda “Trastbank” vakillari ishtirok etdilar.

📰 So‘zga chiqqan mehmonlar bugungi kunda mehnat bozorida akademik bilim bilan birga amaliy ko‘nikma va raqamli texnologiyalarni egallagan mutaxassislarga talab yuqori ekanini ta’kidladilar. Xususan, vazirlik va soha vakillari universitet bitiruvchilari uchun yaratilayotgan imkoniyatlar, davlat va xususiy sektor o‘rtasidagi hamkorlik aloqalari yoshlarning kasbiy kelajagida muhim poydevor bo‘lib xizmat qilishini e’tirof etdilar.

Tadbir dasturidan o‘rin olgan iqtidorli yoshlar va xorijiy talabalar ishtirokidagi badiiy-musiqiy chiqishlar yig‘ilganlarga manzur bo‘ldi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

Matematika fakultetida “Karyera kuni” mehnat yarmarkasi tashkil etildi

🟢Joriy yilning 15-may kuni Mirzo Ulug‘bek nomidagi O‘zbekiston Milliy universiteti Matematika fakultetida bitiruvchi talabalarning bandligini ta’minlashga qaratilgan “Karyera kuni” mehnat yarmarkasi tashkil etildi.

✔️Tadbirda O‘zR FA tarmoq institutlari, “Asakabank” AJ, sanoat va servis robotlari ishlab chiqaruvchi Unitree & Pudu kompaniyasining O‘zbekistondagi rasmiy vakillari hamda umumta’lim maktablar kabi 10 dan ortiq davlat va xususiy sektor vakillari ishtirok etib, talabalarga mavjud bo‘sh ish o‘rinlari, stajirovka imkoniyatlari hamda kasbiy faoliyatni boshlash shartlari haqida ma’lumotlar taqdim etildi.