#Dissertatsiya_himoyasi #magistrant

Magistrlik dissertatsiyalari himoyalari o‘tkazilmoqda

🇺🇿 O‘zbekiston Milliy universitetida magistratura mutaxassisliklari bo‘yicha 2025/2026-o‘quv yili bitiruvchi talabalarining magistrlik dissertatsiyalari himoyalari bo‘lib o‘tmoqda.

🎓 Dissertatsiya ishlari mavzulari sohaning dolzarb va zamonaviy muammolariga bag‘ishlangan bo‘lib, bitiruvchilar ushbu ilmiy ishlarini o‘zbek, rus va ingliz tillarida himoya qilishmoqda.

🎓 Magistrantlar fakultetlar yetakchi professor-o‘qituvchilari, O‘zR FA institutlari olimlari va soha mutaxassislaridan iborat yakuniy davlat attestatsiya hay’ati tomonidan baholab borilmoqda.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin

“Jaholatga qarshi – ma’rifat bilan kurash!” loyihasi doirasida maktab o‘quvchilari bilan uchrashuv o‘tkazildi

🟢O‘zbekiston Milliy universitetiga biriktirilgan Toshkent shahri Olmazor tumanidagi 249-sonli umumiy o‘rta ta’lim maktabida “Jaholatga qarshi – ma’rifat bilan kurash!” hamda “Ma’rifat ulashib” loyihalari doirasida o‘quvchi-yoshlar bilan ma’naviy-ma’rifiy uchrashuv tashkil etildi.

📌Tadbirda universitetning katta profilaktika inspektori, podpolkovnik Abdulhaqov Alisher Abdurasulovich, Matematika fakulteti dekan muovini Musajon Mamatqulov, Algebra va funksional analiz kafedrasi mudiri Rustamjon G‘aybullayev, Pedagogik ta’lim kafedrasi dotsenti Ulug'bek Sodikov, maktab rahbariyati hamda o'quvchi yoshlar ishtirok etdilar.

☄️Uchrashuv davomida yoshlar tarbiyasida ma’rifatning o‘rni, ularni turli yot g‘oyalar, ekstremizm va radikalizm tahdidlaridan asrash, huquqiy madaniyatni yuksaltirish hamda ma’naviy qadriyatlarga hurmat ruhida tarbiyalash masalalari muhokama qilindi.

☄️So‘zga chiqqanlar tomonidan o‘quvchilarga bilim olish, kitob mutolaasi bilan muntazam shug‘ullanish, bo‘sh vaqtni mazmunli tashkil etish va kelajak kasbini ongli ravishda tanlash bo‘yicha tavsiyalar berildi. Shuningdek, yoshlarni Vatanga muhabbat, milliy qadriyatlarga sadoqat va fuqarolik mas’uliyati ruhida tarbiyalashning ahamiyati alohida ta’kidlandi.

✔️Tadbir yakunida o‘quvchilar tomonidan berilgan savollarga mutaxassislar tomonidan batafsil javoblar berildi hamda bunday uchrashuvlarning yoshlar ma’naviy kamolotidagi o‘rni muhim ekanligi qayd etildi.