Matematika fakultetida Mustaqillik darslari o‘tkazildi

🟢O‘zbekiston Respublikasi davlat mustaqilligining 35 yilligi munosabati bilan Matematika fakultetida talaba-yoshlarning Vatanga muhabbat, milliy g‘urur va yurtimiz tarixiga hurmat tuyg‘ularini yanada mustahkamlash maqsadida “Mustaqillik darslari” o‘tkazildi.

📌Darslar davomida talabalarga O‘zbekiston Respublikasining davlat mustaqilligiga erishish tarixi, mustaqillikning xalqimiz hayotidagi beqiyos ahamiyati hamda erishayotgan yutuqlari haqida batafsil ma’lumotlar berildi.

📌Tadbir jarayonida Matematika fakultetining ko‘p yillik tarixida munosib iz qoldirgan, ta’lim va ilm-fan rivojiga ulkan hissa qo‘shgan atoqli olimlar va professor-o‘qituvchilarning faoliyatiga ham alohida e’tibor qaratildi.

📌Ayniqsa, ushbu olimlarning ilmiy izlanishlari, shogirdlar tayyorlash borasidagi ko‘p yillik mehnati va o‘zbek matematika maktabining shakllanishidagi xizmatlari yoshlar uchun ibrat maktabi ekani ta’kidlandi. Bugungi kunda ham fakultetda shakllangan ilmiy an’analar davom ettirilib, zamonaviy matematika yo‘nalishlarida ilmiy tadqiqotlar olib borilayotgani qayd etildi.

✔️“Mustaqillik darslari” talaba-yoshlarning tarixiy xotirasini mustahkamlash, ularda Vatanga sadoqat, milliy g‘urur va kelajakka ishonch tuyg‘ularini shakllantirish bilan bir qatorda, Matematika fakultetida faoliyat yuritgan buyuk olimlarning ilmiy merosini yosh avlodga yetkazishda muhim ahamiyat kasb etdi.

Matematika fakulteti talabalari ishtirokida “Mustaqillik darsi” o‘tkazildi
 
Bugun, 9-sentyabr kuni O‘zbekiston Respublikasi Mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida O'zbekiston Respublikasi Fanlar akademiyasi V.I. Romanovskiy nomidagi Matematika institutida “Mustaqillik darsi” tashkil etildi.
 
Tadbirda O‘zbekiston Fanlar akademiyasi Prezidenti, O‘zbekiston Qahramoni, akademik Shavkat Ayupov ishtirok etdi. Unda O‘zbekiston Milliy universiteti Matematika fakulteti jamoasi, professor-o‘qituvchilari hamda talabalari qatnashdi.
 

“Mustaqillik darsi” davomida mamlakatimiz mustaqilligining mazmun-mohiyati, uning tarixiy ahamiyati, yurtimizda amalga oshirilayotgan bunyodkorlik ishlari va taraqqiyot bosqichlari haqida fikr yuritildi. Akademik Sh.A. Ayupov yoshlar bilan suhbat davomida talabalik davridan unumli foydalanish, ilm olish, ilmiy izlanish olib borish hamda bo‘sh vaqtni mazmunli tashkil etish bo‘yicha o‘zining qimmatli tavsiya va fikrlarini bildirdi.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin