#BUGUN TUG‘ILGAN KUN

Bugun matematik olim, akademik, Oʻzbekiston Fanlar akademiyasi prezidenti Ayupov Shavkat Abdullayevich tavallud topgan.

Sh.Ayupov 1974-yil Toshkent davlat universitetining matematika fakultetini tugatgan. 1977-yilda nomzodlik, 1983-yilda doktorlik dissertatsiyasini muvafaqqiyatli himoya qilgan.
Turli yillarda Toshkent davlat universitetida oʻqituvchi, Oʻzbekiston Fanlar akademiyasi Matematika institutida katta ilmiy xodim, Algebra va analiz boʻlimi mudiri, direktor oʻrinbosari, direktor, Oʻzbekiston Respublikasi Oliy Attestatsiya Komissiyasi raisi kabi lavozimlarida faoliyat yuritgan.

Olimning asosiy ilmiy ishlari funksional analiz va uning zamonaviy tarmoqlaridan biri hisoblangan operatorlar algebralari nazariyasiga oid.

Akademik Sh.Ayupov Yordan algebralari sohasida ham nazariy, ham tatbiqiy yoʻnalishda yirik ilmiy tadqiqotlarni amalga oshirdi. Gilbert fazosidagi oʻz-oʻziga qoʻshma operatorlar Yordan algebrasi tuzilishi va qurilishi boʻyicha muhim natijalar oldi.
2003-yilda Jahon Fanlar akademiyasi akademigi, 2008-2013-yillarda Italiyaning Triyest shahridagi Abdussalom nomidagi Nazariy fizika xalqaro markazining (ICTP) dotsent aʼzosi bo‘lgan. 2020-yildan Oʻzbekiston Respublikasi Oliy Majlisi Senati aʼzosi.
Sh. Ayupov 1996-yil “Shuhrat” medali, 2003-yil “Mehnat shuhrati” ordeni, 2011-yil Oʻzbekiston Respublikasida xizmat koʻrsatgan fan arbobi, 2017-yil Fan va texnika sohasidagi 1-darajali Davlat mukofoti sohibi, 2021-yilda “Oʻzbekiston Qahramoni” unvoni bilan mukofotlangan.

Akademik Shavkat Abdullayevichni bugungi tavallud ayyomi bilan O‘zbekiston Respublikasi Fanlar akademiyasi jamoasi nomidan chin dildan qutlaymiz. Ularga uzoq umr, mustahkam sog‘lik, matematika fani, o‘zbek ilm-fani, Fanlar akademiyasi rivojida sobitqadamlik, kuch-g‘ayrat tilaymiz.

Bizni kuzatib boring👇
😎Telegram |🌐Websayt
😎Facebook |😎YouTube|😎Instagram

Milliy statistika qo‘mitasi stipendiyasi tanlovi e’lon qilindi

Milliy statistika qo‘mitasi iqtidorli talabalarni aniqlash, ularni rag‘batlantirish hamda istiqbolli kadrlar zaxirasini shakllantirish maqsadida Milliy statistika qo‘mitasi stipendiyasi tanlovini e’lon qildi.

🫂 Kimlar ishtirok etishi mumkin?

O‘zbekiston hududidagi oliy ta’lim tashkilotlarida kunduzgi ta’lim shaklida, bakalavriatning 4-bosqichi va magistraturada tahsil olayotgan, quyidagi yo‘nalishlarda tahsil olayotgan talabalar:
➡️statistika
➡️iqtisodiyot
➡️moliya
➡️axborot texnologiyalari
➡️ma’lumotlar ilmi va tahlili (Data Science & Analytics)

📊 Tanlov 3 bosqichda o‘tkaziladi:

↪️1-bosqich – hujjatlarni taqdim etish va ko‘rib chiqish (saralash bosqichi);
↪️2-bosqich – nazariy bilimlarni baholash testlari (statistika, iqtisodiyot, matematika, analitik fikrlash, IQ);
↪️3-bosqich – tanlov komissiyasi a’zolari bilan suhbat.

📄 Hujjatlarni topshirish tartibi

Nomzodlar hujjatlarni faqat PDF formatda 2026-yil 25-sentyabr kuni soat 18:00 ga qadar kadr@stat.uz elektron pochta manziliga yuborishlari lozim.

📃 Taqdim etiladigan hujjatlar:

➡️Ma’lumotnoma (CV, bog‘lanish uchun aloqa ma’lumotlari bilan);
➡️Akademik reyting ko‘rsatkichlari (akademik ma’lumotnoma);
➡️Xorijiy tillarni bilish bo‘yicha hujjatlar;
➡️Ilmiy-tadqiqot ishlari bo‘yicha hujjatlar (mavjud bo‘lsa);
➡️Erishilgan yutuqlar va ijtimoiy faollik bo‘yicha ma’lumotlar hamda tasdiqlovchi hujjatlar (mavjud bo‘lsa).

🏆 Tanlov natijalariga ko‘ra 10 nafargacha g‘olib aniqlanadi. Gʻoliblarga 2026/2027-o‘quv yilining oktyabr–may oylari davomida BHMning 3 barobari miqdorida stipendiya to‘lab beriladi.

Qo‘shimcha ma’lumot uchun:
☎️ +99871-203-8000 (ichki raqam: 1464)

🗣Eslatma: Tanlovning to‘liq shartlari, bosqichlari va baholash mezonlari Milliy statistika qo‘mitasi stipendiyasi nizomida batafsil keltirilgan.

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin